12:26 28.11.2019
ՀՀ կառավարության նիստում այսօր քննարկվել է «Գյումրու մոր և մանկան ավստրիական հիվանդանոց» փակ բաժնետիրական ընկերության կանոնադրական կապիտալում հողամաս ներդնելու մասին հարցը: ՀՀ առողջապահության նախարար Լենա Նանուշյանը ներկայացրել է.
«Նախագիծը ենթադրում է Շիրակի մարզում ներկայում գործող «Մոր և մանկան Ավստրիական հիվանդանոց» ՓԲԸ ծննդատան շենքի կառուցման նպատակով տարածքի հատկացում: Հիվանդանոցի ղեկավարության և շվեցարահայ գործարար Վարդան Սրմաքեշի միջև ստորագրվել է փոխըմբռնման հուշագիր, որի համաձայն` Առողջապահության նախարարությունն աջակցելու է ծննդատան կառուցման համար տարածքի հատկացման գործում, իսկ ծննդատան նախագծման և կառուցման աշխատանքների ֆինանսավորումն իրականացվելու են Վարդան Սրմաքեշի հիմնադրամի միջոցներով: Առաջարկվում է հիվանդանոցին հարակից ՀՀ պատկանող քաղաք Գյումրի Գ․ Նժդեհի փողոց 3/6 հասցեում տեղակայված 0,21124 հա որևէ շինությամբ չծանրաբեռնված տարածքը ներդնել Ավստրիական հիվանանոցի կանոնադրական կապիւտալում»,- ներկայացրել է նա:
Նիստը վարող փոխվարչապետ Տիգրան Ավինյանը հետաքրքրվել է ժամկետների մասին: Նանուշյանը պատասխանել է, որ հաջորդ տարվա ընթացքում պատրաստ կլինի նախագիծն ու կսկսվեն շինարարական աշխատանքները:
«Սա շատ ողջունելի նախագիծ է, և կառավարությունը տարածքային համաչափ զարգացման ու որակյալ առողջապահական ծառայությունների մատուցման ուղղությամբ ջանքեր է ներդրում, ողջունելի է գործարարների ջանքերը»,- նկատել է Տիգրան Ավինյանը:
ԱԻ նախարար, Շիրակի նախկին մարզպետ Ֆելիքս Ցոլակյանը հետաքրքրվել է, թե քանի տեղանոց է լինելու ծննդատունը:
«Ես ներկա եմ եղել պրոցեսներին, խնդրեցինք, որքան հնարավոր է, մեծ վերցնել: Փոքր էին վերցրել մահճակալների քանակը, մենք խնդրեցինք, որ մեծը վերցնեն, որովհետև դա դառնում է միակ ծննդատունը, մյուսները փակվում են, պետք է ուշադրություն դարձնել դրան»,- առաջարկել է նա:
Առողջապահության փոխնախարարն արձագանքել է.
«Մենք չենք նախատեսում փակում մյուս ծննդատների, այլ բարելավում ենք Ավստրիական հիվանդանոցի շենքային պայմանները , ծննդատունը շարունակելու է գործել, բայց նոր պայմաններում»:
Որոշումն ընդունվել է:
Մանրամասները` տեսանյութում:
23:59 21.07.2025
Ա.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր, որն ընդգրկում է 2 նորարարական ուղղությունԱ.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր՝ ՀՀ ԿԳՄՍ նախարարության Բարձրագույն կրթության և գիտության կոմիտեի լաբորատորիաների ամրապնդման դրամաշնորհի շրջանակում։ Այս մասին հայտնել են ԿԳՄՍ նախարարությունից: Ծրագրի բյուջեն կազմում է 176 միլիոն ՀՀ դրամ։ Հետազոտությունն ընդգրկում է երկու նորարարական ուղղություն: Առաջինի շրջանակում գիտնականներն ուսումնասիրում են մարգարտախեցու կառուցվածքը և այն կենսանմանակում՝ նոր սերնդի […] ...
23:55 21.07.2025
2025-ին 1700 շահառու ստացել է աջակցություն բնակապահովման ծրագրի շրջանակում․ վճարվել է շուրջ 1.4 մլրդ դրամ2025 թվականի ընթացքում արդեն իսկ 1700 շահառու ստացել է աջակցություն՝ Երեխա ունեցող ընտանիքների բնակարանային ապահովման պետական աջակցության ծրագրի շրջանակում․ ընդհանուր առմամբ վճարվել է շուրջ 1.4 մլրդ դրամ։ Այս մասին հայտնել են ՀՀ աշխատանքի և սոցիալական հարցերի նախարարությունից: Միջոցառման մեկնարկից մինչ օրս միջոցառման շահառուների թիվը՝ 13815 է, հատկացված բյուջեն՝ շուրջ 10 մլրդ դրամ։ Հիշեցնենք, որ Երեխա […] ...
23:52 21.07.2025
Դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանըՀուլիսի 21-ին Հայաստանի Հանրապետության արտակարգ և լիազոր դեսպան դոկտոր Արսեն Առաքելյանը Քուվեյում ՀՀ դեսպանությունում հյուրընկալել է Քուվեյթի Պետության զբոսաշրջիկների ասոցասիայի նախագահ Մոհամմադ ալ-Բրայիքին։ Այս մասին հայտնել են Քուվեյում ՀՀ դեսպանությունից: Հանդիպման ընթացքում դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանը՝ առանձնացնելով զբոսաշրջության ոլորտում ստեղծված համագործակցության լայն հնարավորությունները։ Ներկայացվել է ՀՀ կառավարության կողմից Ծոցի համագործակցության […] ...
23:49 21.07.2025
Նորք-Մարաշ վարչական շրջանը կունենա շների համար նախատեսված զբոսայգիՆորք-Մարաշ վարչական շրջանը ևս կունենա շների համար նախատեսված զբոսայգի, իսկ հարակից տարածքում ստեղծվում է նոր պուրակ: Աշխատանքներն ավարտական փուլում են: Այս մասին հայտնել են Երևանի քաղաքապետարանից: Մանրամասները՝ տեսանյութում: ...
23:44 21.07.2025
«Բարսելոնան» մեկ օրում մարզաշապիկների վաճառքի ռեկորդ է գրանցել«Բարսելոնան» 24 ժամում ակումբի հարձակվող Լամին Յամալի` «10» համարով 70 հազար մարզաշապիկ է վաճառել, հայտնում է COPE-ն։ Այդ ցուցանիշը ռեկորդային է «Բարսելոնայի» համար։ Կատալոնական ակումբը վաճառած մարզաշապիկներից վաստակել է գրեթե 10 միլիոն եվրո` գերազանցելով կոմերցիոն սպասելիքները։ Յամալի՝ «10» համարով մարզաշապիկները վաճառվում են աշխարհի 170 երկրներում։ 18-ամյա հարձակվողը հուլիսի 16-ին է ստացել «10» համարի խաղաշապիկը։ ...
23:39 21.07.2025
Մերց. ԱՄՆ-ն Գերմանիային և ԵՄ-ին խոստացել է Patriot համակարգեր՝ Ուկրաինային փոխանցված համակարգերի դիմացԳերմանիայի կանցլեր Ֆրիդրիխ Մերցը հայտարարել է, որ Միացյալ Նահանգները Գերմանիային և ԵՄ մյուս երկրներին խոստացել է Patriot հակաօդային պաշտպանության համակարգեր, եթե Եվրոպան իր համակարգերը փոխանցի Ուկրաինային։ Մանրամասները քննարկվում են։ «ԱՄՆ կառավարության կողմից կա ընդհանուր համաձայնություն Patriot համակարգերը մեզ՝ Գերմանիային և Եվրամիությանը փոխանցելու վերաբերյալ, և մենք, մեր հերթին, Ուկրաինային կմատակարարենք մեր ունեցած Patriot համակարգերը։ Այսինքն՝ մենք […] ...
