«Այսօր մեզ ասացին, որ 14-ին Թբիլիսի էքսկուրսիա ենք գնում, կլինի համերգ, որից հետո հանդիպում ղեկավարության հետ: Գիտեմ, որ որոշ դպրոցներում անգամ ցուցակ են ներկայացրել, թե ովքեր պետք է անպայման գնան»,- ասում է Ախալքալաքի դպրոցներից մեկի ուսուցիչը:
Ինչպես գրում է կայքը, բոլոր հարցվածները խնդրել են չհրապարակել իրենց անուններն ու աշխատավայրը՝ ղեկավարության հետ խնդիրներից խուսափելու համար։
«Ալիք մեդիային» Նինոծմինդայի շրջանի դպրոցներից հաստատել են դեկտեմբերի 14-ին Թբիլիսի ժամանելու փաստը՝ անուններ կամ հաստատություններ չհրապարակելու պայմանով:
Աղբյուրը պարզել է նաև, որ Ծալկայի շրջանում ևս «հանրահավաքի մասնակից են հավաքում»՝ պատճառաբանելով, թե դեկտեմբերի 14-ին գնալու են Ռուսթավի՝ միջոցառման:
Նշենք, որ դեկտեմբերի 14-ին իշխող «Վրացական երազանք» կուսակցությունը մասշտաբային ցույց է նախատեսում: Իսկ դեկտեմբերի 12-ին բողոքի հերթական ակցիան է պլանավորել ընդդիմությունը:
