18:18 14.01.2020
Այսօր Շիրակի մարզի ընդհանուր իրավասության դատարանում նշանակված էր Գյումրիում 57-ամյա Ջուլիետա Ղուկասյանին ծեծելով մահվան հասցնելու գործի դատական նիստը:
Հիշեցնենք, որ 2018-ի դեկտեմբերի 2-ին Սլաբոտկա թաղամասում էր դեպքը տեղի ունեցել: Նրան ծեծելով մահվան հասցնելու մեջ մեղադրյալը ռուսական 102-րդ ռազմաբազայի զինծառայող Անդրեյ Ռազգիլդեևն է: Դատավարությունը, որպես այդպիսին, դեռ չի մեկնարկել:
Մինչ այս երեք դատական նիստ հետաձգվել է դատախազի բացակայության և դատավորի վատառողջ լինելու պատճառով: Այսօր նաև 4-րդ նիստը հետաձգվեց: Այս անգամ ամբաստանյալի ներկայությունը դատարանի դահլիճում ոստիկանությունը չէր կարողացել ապահովել: Այս մասին ոստիկանությունը գրություն էր ուղարկել դատարան, համաձայն որի` ուղեկցող ջոկի ծանրաբեռնվածության պատճառով հնարավոր չի եղել Ռազգիլդեևին դատարան բերել:
«Չորրորդ անգամն է` գալիս ենք դատարան: Երկու անգամ դատախազն էր բացակա, մեկ անգամ դատավորը: Հիմա էլի հետաձգվում է նիստը: Ընդամենը նյութերին են ծանոթացնում ու ասում, որ նիստը հետաձգվում է: Վստահ եմ, որ միշտ այսպես ձգձգումներ են լինելու ու ես այդպես էլ չեմ տեսնելու ռուս զինծառայողի դեմքը»,- SHANTNEWS.am-ի հետ զրույցում ասել է Ջուլիետա Ղուկասյանի դուստրը` Անահիտ Ղուկասյանը:
Հիշեցնենք, որ անցած տարի դատարանը քննել ու մերժել էր տուժողի իրավահաջորդի ներկայացուցիչների միջնորդությունը, որը վերաբերում էր ռուս զինծառայողի պահման վայրին: Փաստաբանները պահանջում էին ռազմաբազայի տարածքից Ռազգիլդեևին տեղափոխել Հայաստանի քրեակատարողական հիմնարկ: Այս միջնորդությունը մերժվել էր:
Ռուս զինծառայողը ռազմաբազայի տարածքում է խափանման միջոց կալանավորումը կրում, բայց դատական նիստերին պետք է նրա ներկայությունն ապահովվի Շիրակի մարզի ընդհանուր իրավասության դատարանում: Դատավոր Ադրինե Ղուկասյանը նշել է, որ ամբաստանյալի բացակայությամբ նիստը շարունակել հնարավոր չէ:
«Ամբաստանյալի չներկայանալու դեպքում նիստը հետաձգվում է: Քրեական դատավարության օրենսգրքի 310-րդ հոդվածի համաձայն` դատական նիստի կանչված անձանց որևէ մեկի չներկայանալու դեպքում, դատարանը գործի քննությունը հետաձգում է: Այս պարագայում պաշտպանը ևս ներկա չէ, թեև պատշաճ ծանուցվել է: Դատարանը որոշում է նիստը հետաձգել, նշանակել մեկ այլ հերթի: Դատավարության կողմերը պատշաճ կծանուցվեն դատական հաջորդ նիստի օրվա և ժամի մասին»,- հայտարարել է Շիրակի մարզի ընդհանուր իրավասության դատարանի դատավոր Ադրինե Ղուկասյանը:
Դատական հաջորդ նիստը կկայանա փետրվարի 4-ին:
13:29 07.05.2025
Չինաստանի ԱԳ նախարարությունը կոչ է անում Հնդկաստանին և Պակիստանին զսպվածություն ցուցաբերելՉինաստանը դեմ է ահաբեկչության բոլոր ձևերին և կոչ է անում Հնդկաստանին և Պակիստանին պահպանել խաղաղությունն ու կայունությունը։ Համապատասխան հայտարարությունն արել է Չինաստանի արտաքին գործերի նախարարության պաշտոնական ներկայացուցիչ Լին Ցզյանը ճեպազրույցի ժամանակ՝ մեկնաբանելով Հնդկաստանի և Պակիստանի միջև լարվածության սրումը։ «Չինաստանը դեմ է ահաբեկչության ցանկացած դրսևորման և կոչ է անում Հնդկաստանին և Պակիստանին առաջնորդվել առաջին հերթին խաղաղության […] ...
13:25 07.05.2025
Դոնալդ Թրամփի՝ Պարսից ծոցը Արաբական ծոց վերանվանելու ծրագրերը քաղաքական դրդապատճառներով են․ ԱրաղչիԱՄՆ նախագահ Դոնալդ Թրամփի՝ Պարսից ծոցը Արաբական ծոց վերանվանելու ծրագրերը քաղաքական դրդապատճառներով են և թշնամական քայլ Թեհրանի նկատմամբ, հայտարարել է Իրանի արտգործնախարար Աբբաս Արաղչին։ «Ասոշիեյթեդ Փրեսը», հղում անելով անանուն ամերիկացի պաշտոնյաների, ավելի վաղ հայտնել էր, որ Թրամփը մտադիր է հաջորդ շաբաթ Սաուդյան Արաբիա կատարելիք այցի ժամանակ հայտարարել, որ ԱՄՆ-ն Պարսից ծոցը կանվանի Արաբական ծոց։ «Այս […] ...
13:11 07.05.2025
«Միկրոորակավորումներ Եվրոպայից դուրս»․ քննարկում Erasmus+ ծրագրի շրջանակումErasmus+ ծրագրի շրջանակում իրականացվող «Միկրոորակավորումներ Եվրոպայից դուրս» (BEM) նախագծի գործընկեր երկրների 5-րդ աշխատաժողովն անցկացվել է Երևանում՝ Մասնագիտական կրթության և ուսուցման զարգացման ազգային կենտրոնի (ՄԿՈՒԶԱԿ) համակարգմամբ։ 2023 թվականից մեկնարկած նախագիծը նորարարական նախաձեռնություն է, որն իրականացվում է Erasmus+ ծրագրի շրջանակում՝ նպատակ ունենալով միկրոորակավորումների (միկրոհավատարմագրեր) միջոցով զարգացնել մասնագիտական կրթության և ուսուցման համակարգը Եվրոպական միության անդամ չհանդիսացող գործընկեր երկրներում: […] ...
13:06 07.05.2025
Հնդկաստանի մի քանի շրջաններում մարդկանց տարհանում ենՀնդկաստանի Ջամմու և Քաշմիր շրջանների որոշ տարածքներից մարդիկ տարհանվում են՝ Պակիստանի հետ սրվող հակամարտության պատճառով, հայտարարել է շրջանի փոխնահանգապետ Մանոջ Սինհան։ Նա նշել է, որ ուշադիր հետևում է իրավիճակին, և Ջամմուի և Քաշմիրի կառավարությունը պատրաստ է ցանկացած զարգացման: «Ես հանձնարարել եմ փոխկոմիսարներին խոցելի շրջաններից գյուղացիներին տեղափոխել ավելի անվտանգ վայրեր՝ նրանց տրամադրելով կացարան, սնունդ, բժշկական օգնություն […] ...
13:00 07.05.2025
Հնդկաստանի վարչապետի այցը Եվրոպա հետաձգվել էՀնդկաստանի վարչապետ Նարենդրա Մոդին հետաձգել է մայիսի կեսերին Նորվեգիա, Խորվաթիա և Նիդերլանդներ կատարելիք իր այցը, հաղորդում է ANI լրատվական գործակալությունը՝ հղում անելով իր աղբյուրներին։ «Վարչապետ Նարենդրա Մոդիի՝ Նորվեգիա, Խորվաթիա և Նիդերլանդներ այցը հետաձգվել է», – գործակալությանը հայտնել են աղբյուրները։ Ավելի վաղ հաղորդվել էր, որ նա պլանավորում է մասնակցել Հնդկաստանի և Հյուսիսային Եվրոպայի երրորդ գագաթնաժողովին Օսլոյում […] ...
12:48 07.05.2025
Հրազենով տղամարդը վնասազերծվել է․ Երևանի քրեական ոստիկանների բացահայտումըՄայիսի 6-ին Երևան քաղաքի վարչության քրեական ոստիկանները տեղեկություններ են ստացել, որ մայրաքաղաքում բնակվող 40-ամյա մի տղամարդ ապօրինի հրազեն ունի։ Նույն օրը՝ ժամը 10։25-ի սահմաններում, տղամարդը հայտնաբերվել է Երևանի Ռոստովյան փողոցում։ Ձերբակալման ընթացքում կիրառվել են ձեռնամարտի հնարքներ։ Տղամարդու ձեռքին եղած ատրճանակից հնչել է կրակոց, ինչի հետևանքով վնասվել է նրա դաստակը։ Դեպքի առթիվ կազմված փաստաթղթերը փոխանցվել են […] ...
