23:56 23.01.2020
Ինչ խնդիրներ կան Շիրակի պետական համալսարանում և ներբուհական ինչ մթնոլորտում է կազմակերպվում ուսանողների կրթությունը։ Այս խնդիրներից են այսօր խոսել Ռեստարտ-Գյումրի ուսանողական-քաղաքացիական նախաձեռնության անդամները։
Անցկացրած սոցհարցումներով և ուսումնասիրություններով բուհում շարունակվում են ուսանողական խորհրդի անօրինականությունները, առկա է հովանավորչություն և կոռուպցիա, իսկ կրթությունը չի համապատասխանում որակին:
Ռեստարտ-Գյումրի ուսանողական քաղաքացիական նախաձեռնության անդամները միայն ՇՊՀ-ի ուսանողները չեն, մյուս բուհերի ուսանողությունից ևս ներկայացուցիչներ ունեն: Նախաձեռնության անդամները մոտ 20-ն են, բայց ասուլիս հրավիրել էին երկուսով:
Ռեստարտցիները ՇՊՀ-ում վեց ամիս դիտարկումներ են արել, հարցումներ կատարել: Ըստ արդյունքների՝ Գյումրիի մայր բուհում ռեկտորի փոփոխությունից մեկուկես տարվա ընթացքում ոչինչ չի փոխվել:
«Տվյալ ռեկտորատը չի բավարարում կրթական հաստատության գործունեության տարրական ցենզը, որը պետք է ունենար»,-նշում է Ռեստարտ-Գյումրի ուսանողական-քաղաքացիական նախաձեռնության անդամ Գևորգ Ղուկասյանը։
Բուհում արդյո՞ք կա կոռուպցիա, թե՞ ոչ, ուսանողության շրջանում անցկացված հարցման արդյունքներով են պարզել, որ ուսանողներն ամեն օր են այդ երևույթի հետ առնչվում, բայց այդ մասին ավելի մանրամասն խոսել պատրաստ կլինեն հետագայում:
Նախաձեռնության անդամների մի մասը, լինելով նույն բուհի ուսանող, բացասական են գնահատում բուհի ուսանողական խորհրդի գործունեությունը:
Ավելին, պնդում են, որ ՇՊՀ-ի ուսանողական խորհուրդն ապօրինի է։
«ՇՊՀ-ում չկա ուսանողական խորհուրդ, այսինքն՝ էն խումբը, որն իրեն անվանում է ուսանողական խորհուրդ, ինքը այդպիսին համարվել չի կարող, որովհետև էդ խումբը գործում է առանց իրավական ու կանոնադրական հիմքերի՝ իրականացնելով սխալ, խարդախ ու հակաիրավական գործողություն»,- նշում է նախաձեռնության անդամը։
Նախաձեռնության անդամների դիտարկումներով՝ ուսանողական խորհուրդն ակտիվ գործունեությամբ չի զբաղվում, մեկուկես տարվա ընթացքում որևէ համագումար կամ նիստ չեն անցկացրել, բայց բուհի բյուջեից նրանց հատկացվում է տարեկան երեք միլիոն դրամ։ Իսկ խորհուրդը, պարզել են, որ ընտրություններով չի ձևավորվել, բայց ներկայացուցիչներ են առաջադրել Հոգաբարձուների խորհրդի կազմում:
«ԿԳՍՄ նախարարությունը որոշում է կայացրել ,որ ՇՊՀ ուսանողական ներկայացուցիչների ընտրությունը չի ուղարկելու վարչապետի հաստատմանը, որովհետև տեղի է ունեցել ապօրինություն»,- փաստում է Գևորգ Ղուկասյանը։
Կրթության, գիտության, մշակույթի և սպորտի նախարարությունը, հիմք ընդունելով այս նամակը, գրություն է ուղարկել բուհ՝ ուսանողական խորհրդի նոր ընտրություններ անցկացնելու առաջարկությամբ:
«Նախարարությունը, մեր նամակը քննության առնելով և բուհի հոգաբարձուների խորհրդի հավաքական կարծիքը քննության առնելով, առաջարկություն է ուղարկել և՛ բուհին, և՛ ապօրինի ուսանողական խորհրդին, որ վերջինս լուծարվի և անցկացվեն նոր, ազատ, արդար, թափանցիկ ընտրություններ»,- նշում է Ռեստարտ-Գյումրի նախաձեռնության անդամը։
Նախաձեռնության անդամները նաև հարցումներ են կատարել բուհի 4 ֆակուլտետների ու Ռազմական ամբիոնի ուսանողների շրջանում՝ պարզելու այն խնդիրները, որոնք մտահոգում են ուսանողներին, և դրանք մնում են անլուծելի։
ՇՊՀ-ում, ըստ նախաձեռնության անդամների, շարունակում են անլուծելի մնալ ռեկտորի ընտրության, բուհի հավատարմագրման ու թափանցիկ գործելաոճ ապահովելու հարցերը։
15:08 14.05.2025
Թրամփը չի բացառել Ռուսաստանի և Իրանի դեմ նոր պատժամիջոցներըԱՄՆ նախագահ Դոնալդ Թրամփը հայտարարել է, որ «մշտապես քննարկում է» Ռուսաստանի և Իրանի դեմ պատժամիջոցները խստացնելու հնարավորությունը։ «Ես չեմ ուզում դրա մասին խոսել, բայց ես միշտ դիտարկում եմ երկրորդական պատժամիջոցների հնարավորությունը», – Սաուդյան Արաբիայից թռիչքից հետո նախագահական ինքնաթիռում լրագրողներին ասել է ամերիկացի առաջնորդը՝ պատասխանելով լրագրողի հարցին։ Ամերիկայի նախագահի խոսքով՝ «Իրանի դեմ երկրորդական պատժամիջոցները «երկիրը հասցրել […] ...
14:48 14.05.2025
Մարտունիում հացամթերքի արտադրամասի գործունեություն է կասեցվելՀՀ սննդամթերքի անվտանգության տեսչական մարմնի Գեղարքունիքի մարզային կենտրոնի տեսուչները վերահսկողական միջոցառումներ են իրականացրել «ՎԱԳԵ» ՍՊԸ-ին պատկանող հացամթերքի արտադրամասում (Գեղարքունիքի մարզ, ք․ Մարտունի), որտեղ պարզել են, որ այն գործում է սանիտարահիգիենիկ պայմանների խախտումներով։ Այս մասին տեղեկացնում է ՍԱՏՄ-ն։ Մասնավորապես՝ – արտադրական օբյեկտի պատերի, առաստաղների մակերևույթները պատրաստված չեն եղել անջրանցիկ, լվացվող, ախտահանվող նյութերից. – արտադրական օբյեկտը ապահովված […] ...
14:35 14.05.2025
Արարատ Միրզոյանը և Ալեն Բերսեն քննարկել են ՀՀ-ԵԽ փոխգործակցության հարցերըԼյուքսեմբուրգում կայացած քննարկումների ընթացքում ՀՀ ԱԳ նախարար Արարատ Միրզոյանը և ԵԽ գլխավոր քարտուղար Ալեն Բերսեն անդրադարձ են կատարել ՀՀ-ԵԽ փոխգործակցության հարցերի, այդ թվում՝ առաջիկա ծրագրերին։ Այս մասին հայտնում են ՀՀ ԱԳՆ-ից։ ...
14:33 14.05.2025
Ռուսաստանը պատրաստ է մայիսի 15-ին Ուկրաինայի հետ ուղիղ բանակցությունների․ ՈւշակովՌուսաստանը պատրաստ է մայիսի 15-ին Ստամբուլում վերսկսել Ուկրաինայի հետ ուղիղ բանակցությունները, ինչպես նշել էր Ռուսաստանի նախագահ Վլադիմիր Պուտինը, հայտարարել է ՌԴ նախագահի օգնական Յուրի Ուշակովը։ «Դուք գիտեք նախագահի մայիսի 11-ի հայտարարությունը, որ մենք պատրաստ ենք մայիսի 15-ին Ստամբուլում ուղիղ բանակցություններ սկսել։ Ավելի ճիշտ՝ նույնիսկ չսկսել, այլ վերսկսել այն բանակցությունները, որոնք ընդհատվել էին ուկրաինական կողմի կողմից […] ...
14:28 14.05.2025
ՊԵԿ պատվիրակությունը Բրյուսելում մասնակցել է մաքսային հարցերով ենթակոմիտեի հինգերորդ նիստինՊետական եկամուտների կոմիտեի պատվիրակությունը ՊԵԿ նախագահի տեղակալ Ռաֆայել Գևորգյանի գլխավորությամբ Բրյուսելում մասնակցել է Հայաստանի Հանրապետության և Եվրոպական Միության միջև կնքված Համապարփակ և ընդլայնված գործընկերության համաձայնագրի ներքո գործող մաքսային հարցերով ենթակոմիտեի հինգերորդ նիստին։ Նիստի ընթացքում ներկայացվել են մաքսային ոլորտին առնչվող օրենսդրական բարեփոխումները, ինչպես նաև մաքսային գործառնությունների թվայնացման ուղղությամբ երկու կողմերի ձեռքբերումները և առաջիկա քայլերը։ Քննարկվել է […] ...
