18:47 25.01.2020
Շիրակի մարզի բոլոր ջրամբարներում ջրի մեռյալ ծավալ է։ Այս մասին SHANTNEWS.am-ին հայտնել է Շիրակի մարզպետարանի գյուղատնտեսության և բնապահպանության վարչության պետ Մովսես Մանուկյանը։
Շիրակի մարզում շատ քիչ են տեղումները։ Ձյան ծածկույթ միայն Ամասիայի և Աշոցքի տարածաշրջաններում է, որն էլ նախորդ տարիների համեմատ քիչ է։ Տեղումների բացակայությունը մարզի ջրամբարներում ջրի կուտակումների լուրջ խնդիր է ստեղծել։ Երաշտը Շիրակի մարզում սկսվել է անցած տարվա ամռանը. ոռոգման ջուրը շատ գյուղերի չի բավականացրել։ Բոլոր ջրամբարները ձմեռացման գնացել են նվազագույն ծավալով, իսկ Արփիի ջրամբարում ջրթող է կատարվել, ինչը պայմանավորված է պատվարի վերանորոգման անհրաժեշտությամբ։
«Մեր բոլոր ջրամբարները մեռյալ ծավալի վրա են կանգնած։ Արփի լիճը լրիվ դատարկված է, որովհետև պատվարի վերանորոգման աշխատանքներ պետք է կատարվեն։ Արփին սնուցում է Շիրակի դաշտավայրային մասը, նաև դոտացիոն է Կառնուտի ջրամբարի համար։ Սառնաղբյուրի ջրամբարում ջուր չունենք, չունենք նաև Վարդաքարի ջրամբարում։ Մանթաշի ջրամբարում կան կուտակումներ, բայց այն ծավալի չեն, որ խնդիր չունենանք, եթե հաշվի առնենք, որ այս ջրամբարը նաև խմելու ջրի ծավալներ է ապահովում։ Այս պահի դրությամբ ջրամբարներում լուրջ խնդիրներ ունենք, եթե տեղումներ չլինեն»,- ասել է Մովսես Մանուկյանը։
Շիրակի մարզի գյուղացիական տնտեսությնները ոռոգման ջուր ստացել են աշնանը, կատարել են աշնանացան ցորենի ցանքերի ոռոգում։ Աշնանացանը, ըստ Մովսես Մանուկյանի, վտանգված է։ Պատճառը կրկին տեղումների բացակայությունն է։ Մարզի հացահատիկի բոլոր ցանքերում ձյան շերտ չկա, ինչը մեծացնում է բույսի ցրտահարվելու հավանականությունը։
«Աշնանացանի վտանգն այն է, որ մարզում ձյան բացակայություն է։ Աստված չանի, որ ջերմաստիճանը նվազի մինչև 20 աստիճան ցուրտ։ Ոչ ոք չի կարող երաշխավորել, որ այդ աշնանացանը կարող է բերք ապահովել»,- տեղեկացրել է Մովսես Մանուկյանը։
Շիրակի մարզպետարանի գյուղատնտեսության և բնապահպանության վարչության պետը նշել է, որ աշնանացանի բերքատվությունը պայմանավորված է նրանով, թե ինչքան տեղումներ կլինեն։ Իսկ ոռոգման ջրի կուտակման հույսը մնում են գարնանային անձրևները։ Ըստ նրա` եղել են տարիներ, երբ սակավ տեղումներով ձմռանը հաջորդել է տեղումնառատ գարունը, և հաջողվել է ջրամբարներում անհրաժեշտ քանակությամբ ջուր կուտակել։
23:59 21.07.2025
Ա.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր, որն ընդգրկում է 2 նորարարական ուղղությունԱ.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր՝ ՀՀ ԿԳՄՍ նախարարության Բարձրագույն կրթության և գիտության կոմիտեի լաբորատորիաների ամրապնդման դրամաշնորհի շրջանակում։ Այս մասին հայտնել են ԿԳՄՍ նախարարությունից: Ծրագրի բյուջեն կազմում է 176 միլիոն ՀՀ դրամ։ Հետազոտությունն ընդգրկում է երկու նորարարական ուղղություն: Առաջինի շրջանակում գիտնականներն ուսումնասիրում են մարգարտախեցու կառուցվածքը և այն կենսանմանակում՝ նոր սերնդի […] ...
23:55 21.07.2025
2025-ին 1700 շահառու ստացել է աջակցություն բնակապահովման ծրագրի շրջանակում․ վճարվել է շուրջ 1.4 մլրդ դրամ2025 թվականի ընթացքում արդեն իսկ 1700 շահառու ստացել է աջակցություն՝ Երեխա ունեցող ընտանիքների բնակարանային ապահովման պետական աջակցության ծրագրի շրջանակում․ ընդհանուր առմամբ վճարվել է շուրջ 1.4 մլրդ դրամ։ Այս մասին հայտնել են ՀՀ աշխատանքի և սոցիալական հարցերի նախարարությունից: Միջոցառման մեկնարկից մինչ օրս միջոցառման շահառուների թիվը՝ 13815 է, հատկացված բյուջեն՝ շուրջ 10 մլրդ դրամ։ Հիշեցնենք, որ Երեխա […] ...
23:52 21.07.2025
Դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանըՀուլիսի 21-ին Հայաստանի Հանրապետության արտակարգ և լիազոր դեսպան դոկտոր Արսեն Առաքելյանը Քուվեյում ՀՀ դեսպանությունում հյուրընկալել է Քուվեյթի Պետության զբոսաշրջիկների ասոցասիայի նախագահ Մոհամմադ ալ-Բրայիքին։ Այս մասին հայտնել են Քուվեյում ՀՀ դեսպանությունից: Հանդիպման ընթացքում դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանը՝ առանձնացնելով զբոսաշրջության ոլորտում ստեղծված համագործակցության լայն հնարավորությունները։ Ներկայացվել է ՀՀ կառավարության կողմից Ծոցի համագործակցության […] ...
23:49 21.07.2025
Նորք-Մարաշ վարչական շրջանը կունենա շների համար նախատեսված զբոսայգիՆորք-Մարաշ վարչական շրջանը ևս կունենա շների համար նախատեսված զբոսայգի, իսկ հարակից տարածքում ստեղծվում է նոր պուրակ: Աշխատանքներն ավարտական փուլում են: Այս մասին հայտնել են Երևանի քաղաքապետարանից: Մանրամասները՝ տեսանյութում: ...
23:44 21.07.2025
«Բարսելոնան» մեկ օրում մարզաշապիկների վաճառքի ռեկորդ է գրանցել«Բարսելոնան» 24 ժամում ակումբի հարձակվող Լամին Յամալի` «10» համարով 70 հազար մարզաշապիկ է վաճառել, հայտնում է COPE-ն։ Այդ ցուցանիշը ռեկորդային է «Բարսելոնայի» համար։ Կատալոնական ակումբը վաճառած մարզաշապիկներից վաստակել է գրեթե 10 միլիոն եվրո` գերազանցելով կոմերցիոն սպասելիքները։ Յամալի՝ «10» համարով մարզաշապիկները վաճառվում են աշխարհի 170 երկրներում։ 18-ամյա հարձակվողը հուլիսի 16-ին է ստացել «10» համարի խաղաշապիկը։ ...
23:39 21.07.2025
Մերց. ԱՄՆ-ն Գերմանիային և ԵՄ-ին խոստացել է Patriot համակարգեր՝ Ուկրաինային փոխանցված համակարգերի դիմացԳերմանիայի կանցլեր Ֆրիդրիխ Մերցը հայտարարել է, որ Միացյալ Նահանգները Գերմանիային և ԵՄ մյուս երկրներին խոստացել է Patriot հակաօդային պաշտպանության համակարգեր, եթե Եվրոպան իր համակարգերը փոխանցի Ուկրաինային։ Մանրամասները քննարկվում են։ «ԱՄՆ կառավարության կողմից կա ընդհանուր համաձայնություն Patriot համակարգերը մեզ՝ Գերմանիային և Եվրամիությանը փոխանցելու վերաբերյալ, և մենք, մեր հերթին, Ուկրաինային կմատակարարենք մեր ունեցած Patriot համակարգերը։ Այսինքն՝ մենք […] ...
