18:10 24.02.2020
Գյումրիի թիվ 19 հիմնական դպրոցում այսօր դասադուլ ու գործադուլ են հայտարարել ուսուցիչներն ու ծնողները, ովքեր իրենց երեխաներին դպրոց չեն բերել։ Այսկերպ մանկավարժական ու ծնողական հանրույթը իր բողոքն է արտահայտում դատարանի որոշման դեմ, համաձայն որի` նախկին տնօրեն Նարինե Մեսրոպյանը վերականգնվելու է իր պաշտոնում։
Այսօր առավոտյան թիվ 19 դպրոցի աշակերտների փոխարեն ծնողներն էին դպրոց եկել: Ծնողական խորհրդի անդամներն ու մանկավարժները միասին որոշել են գործադուլ ու դասադուլ անել: Դատարանի որոշմամբ` նախկին տնօրեն Նարինե Մեսրոպյանը վերականգնվելու է իր պաշտոնում:
Ծնողներն ու մանկավարժները որոշել են` չեն ցանկանում աշխատել նախկին տնօրենի հետ:
«Կոլեկտիվը չի ընդունում նրան, խնդիրը դա է: Սա վաղուցվա խնդիր է: Բոլորով ենք այս ամենը որոշել: Ոչ մի ստիպողական բան չի եղել, հոժարակամ որոշել ենք ստորագրահավաք կազմակերպել»,- SHANTNEWS.am-ի հետ զրույցում ասել են թիվ 19 դպրոցի ծնողական խորհրդի անդամներն ու մանկավարժները:
Հիշեցնենք, որ 2019թ. մարտի 1-ին Նարինե Մեսրոպյանն ազատվել էր պաշտոնից՝ Շիրակի մարզի դատախազի միջնորդությամբ։
Նրա նկատմամբ քրեական գործ էր հարուցվել պաշտոնեական դիրքի չարաշահման և պաշտոնեական կեղծիքի հատկանիշներով։
Քրեական գործի ընթացքում դպրոցի տնօրենը պետությանը հասցված վնասը վերականգնել էր, ընդունել մեղքը։ Այդուհանդերձ, դատախազը մարզպետին միջնորդություն էր ներկայացրել նրան տնօրենի պաշտոնից ազատելու մասին։ Մարզպետի որոշումը Նարինե Մեսրոպյանը վիճարկել է դատարանում, և դատարանը մարզպետի որոշումը բեկանել է։
Սա նշանակում է, որ նախկին տնօրենը վերադառնալու է իր պաշտոնին` անկախ այն բանից, որ դպրոցում նոր տնօրենի ընտրություններ են եղել։ Ծնողներն ու մանկավարժները Շիրակի մարզպետին ներկայացրել են, որ չեն մտնի դպրոց, մինչև որոշումը չվերանայեն։
Տիգրան Պետրոսյանը ասել է, որ խնդրի լուծումը միայն իրավական ճանապարհով է հնարավոր:
«Կա դատարանի վճիռ, որը ես պարտավոր եմ կատարել, բայց դրանից իմ մոտեցումը և իմ վստահությունը կրթության այդ դերակատարի նկատմամբ չի փոխվել: Մենք աշխատելու ենք հանգուցալուծել այս իրավիճակն այն ճանապարհով, որով պիտի հանգուցալուծվի՝ իրավական ճանապարհով:
Իմ մտահոգությունները մնացել են ու հատկապես խորացել նոր քրեական գործով, որտեղ նույն դերակատարի նկատմամբ կան արդեն մի քանի այլ մեղադրանքներ, բացի այն մեղադրանքներից, որոնք ժամանակին ընդունել է»,- ասել է Շիրակի մարզպետ Տիգրան Պետրոսյանը:
Շիրակի մարզպետը հորդորել է վերսկսել դասերը, քանի դեռ չի ստացվել դատարանի որոշումը, և Նարինե Մեսրոպյանը դեռ տնօրենի պաշտոնում չի վերականգնվել։
23:59 21.07.2025
Ա.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր, որն ընդգրկում է 2 նորարարական ուղղությունԱ.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր՝ ՀՀ ԿԳՄՍ նախարարության Բարձրագույն կրթության և գիտության կոմիտեի լաբորատորիաների ամրապնդման դրամաշնորհի շրջանակում։ Այս մասին հայտնել են ԿԳՄՍ նախարարությունից: Ծրագրի բյուջեն կազմում է 176 միլիոն ՀՀ դրամ։ Հետազոտությունն ընդգրկում է երկու նորարարական ուղղություն: Առաջինի շրջանակում գիտնականներն ուսումնասիրում են մարգարտախեցու կառուցվածքը և այն կենսանմանակում՝ նոր սերնդի […] ...
23:55 21.07.2025
2025-ին 1700 շահառու ստացել է աջակցություն բնակապահովման ծրագրի շրջանակում․ վճարվել է շուրջ 1.4 մլրդ դրամ2025 թվականի ընթացքում արդեն իսկ 1700 շահառու ստացել է աջակցություն՝ Երեխա ունեցող ընտանիքների բնակարանային ապահովման պետական աջակցության ծրագրի շրջանակում․ ընդհանուր առմամբ վճարվել է շուրջ 1.4 մլրդ դրամ։ Այս մասին հայտնել են ՀՀ աշխատանքի և սոցիալական հարցերի նախարարությունից: Միջոցառման մեկնարկից մինչ օրս միջոցառման շահառուների թիվը՝ 13815 է, հատկացված բյուջեն՝ շուրջ 10 մլրդ դրամ։ Հիշեցնենք, որ Երեխա […] ...
23:52 21.07.2025
Դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանըՀուլիսի 21-ին Հայաստանի Հանրապետության արտակարգ և լիազոր դեսպան դոկտոր Արսեն Առաքելյանը Քուվեյում ՀՀ դեսպանությունում հյուրընկալել է Քուվեյթի Պետության զբոսաշրջիկների ասոցասիայի նախագահ Մոհամմադ ալ-Բրայիքին։ Այս մասին հայտնել են Քուվեյում ՀՀ դեսպանությունից: Հանդիպման ընթացքում դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանը՝ առանձնացնելով զբոսաշրջության ոլորտում ստեղծված համագործակցության լայն հնարավորությունները։ Ներկայացվել է ՀՀ կառավարության կողմից Ծոցի համագործակցության […] ...
23:49 21.07.2025
Նորք-Մարաշ վարչական շրջանը կունենա շների համար նախատեսված զբոսայգիՆորք-Մարաշ վարչական շրջանը ևս կունենա շների համար նախատեսված զբոսայգի, իսկ հարակից տարածքում ստեղծվում է նոր պուրակ: Աշխատանքներն ավարտական փուլում են: Այս մասին հայտնել են Երևանի քաղաքապետարանից: Մանրամասները՝ տեսանյութում: ...
23:44 21.07.2025
«Բարսելոնան» մեկ օրում մարզաշապիկների վաճառքի ռեկորդ է գրանցել«Բարսելոնան» 24 ժամում ակումբի հարձակվող Լամին Յամալի` «10» համարով 70 հազար մարզաշապիկ է վաճառել, հայտնում է COPE-ն։ Այդ ցուցանիշը ռեկորդային է «Բարսելոնայի» համար։ Կատալոնական ակումբը վաճառած մարզաշապիկներից վաստակել է գրեթե 10 միլիոն եվրո` գերազանցելով կոմերցիոն սպասելիքները։ Յամալի՝ «10» համարով մարզաշապիկները վաճառվում են աշխարհի 170 երկրներում։ 18-ամյա հարձակվողը հուլիսի 16-ին է ստացել «10» համարի խաղաշապիկը։ ...
23:39 21.07.2025
Մերց. ԱՄՆ-ն Գերմանիային և ԵՄ-ին խոստացել է Patriot համակարգեր՝ Ուկրաինային փոխանցված համակարգերի դիմացԳերմանիայի կանցլեր Ֆրիդրիխ Մերցը հայտարարել է, որ Միացյալ Նահանգները Գերմանիային և ԵՄ մյուս երկրներին խոստացել է Patriot հակաօդային պաշտպանության համակարգեր, եթե Եվրոպան իր համակարգերը փոխանցի Ուկրաինային։ Մանրամասները քննարկվում են։ «ԱՄՆ կառավարության կողմից կա ընդհանուր համաձայնություն Patriot համակարգերը մեզ՝ Գերմանիային և Եվրամիությանը փոխանցելու վերաբերյալ, և մենք, մեր հերթին, Ուկրաինային կմատակարարենք մեր ունեցած Patriot համակարգերը։ Այսինքն՝ մենք […] ...
