17:31 06.03.2020
Այսօր դարձյալ հետաձգվել է գյումրեցի Ջուլիետա Ղուկասյանին ծեծելով մահվան հասցնելու գործով դատական նիստը:
Ռուսական ռազմաբազայի հրամանատարությունը ամբաստանյալի՝ Անդրեյ Ռազգիլդեևի ներկայությունը դատարանում դարձյալ չէր ապահովել:
Հիշեցնենք, որ նախորդ դատական նիստին ռազմաբազայի հրամանատարությունը գրություն էր ուղարկել դատարանին, որով պահանջում են ամբաստանյալի և նրան ուղեկցողների անվտանգության ապահովման գրավոր երաշխիքներ: Բացի ամբաստանյալից, այսօրվա նիստին չէին ներկայացել նաև նրա փաստաբանն ու պետական մեղադրողը:
Իսկ տուժողի իրավահաջորդի ներկայացուցիչը նշել է, որ ռուսական ռազմաբազայի հրամանատարությունը խոչընդոտում է ՀՀ արդարադատության կայացմանը և միջնորդել է դատարանին գործողություններ ձեռնարկել խոչընդոտող հանգամանքները վերացնելու համար: Միջնորդության քննարկումը դատարանը հետաձգել է, քանի որ դատավարության մյուս կողմերը ներկա չէին:
Հիշեցնենք, որ նախորդ դատական նիստին դատարանը մերժել էր Ռազգիլդեևին բերման ենթարկելու մասին միջնորդությունն այն հիմնավորմամբ, որ ՀՀ Քրեական դատավարության օրենսգիրքը նման կարգ չի նախատեսում: Տուժողի իրավահաջորդի ներկայացուցիչ Հայկ Հակոբյանը նշել է, որ դատաքննությանը խոչընդոտելը պարունակում է հանցագործության տարրեր: Այս մասին հաղորդում են ներկայացրել գլխավոր դատախազին:
«Փաստացի, ռազմաբազայի հրամանատարությունը չի կատարում դատարանի օրինական պահանջը և չի ներկայացնում անձին ՀՀ դատական ատյան, որի հետևանքով էլ, ըստ էության, մենք չենք կարողանում գործը քննել: Ամբաստանյալը ընդհանրապես դեռ դատարան չի ներկայացվել: Ռազմաբազայի գործողությունները բացառապես ՀՀ Քրեական դատավարության օրենսգրքով նախատեսված հանցագործության հատկանիշներ են պարունակում:
Մեր կազմակերպությունը փետրվարին հանցագործության մասին հաղորդում է ներկայացրել գլխավոր դատախազություն: Դեռևս գլխավոր դատախազությունից որևէ պատասխան չենք ստացել, չգիտենք` քրեական գործ հարուցվե՞լ է, կամ հարուցումը մերժվե՞լ է, ի՞նչ որոշում է կայացվել: Ամեն դեպքում, ձեռնարկելու ենք բոլոր գործողությունները:
Միջնորդությունն էլ դրա վառ օրինակն է, որ տուժողի իրավահաջորդի ներկայացուցչները անում են ամեն ինչ, որ ՀՀ քաղաքացու նկատմամբ ծանր հանցագործություն թույլ տված անձի վերաբերյալ գործը քննվի ՀՀ դատական ատյանում:
Մեր պահանջը իրավաչափ է և բխում է ՀՀ Սահմանադրությունից, ինչպես նաև հայ-ռուսական միջազգային պայմանագրից»,- SHANTNEWS.am-ին ասել է տուժողի իրավահաջորդի ներկայացուցիչ Հայկ Հակոբյանը:
Ջուլիետա Ղուկասյանին ծեծելով մահվան հասցնելու գործի քննության հաջորդ դատական նիստը նշանակվել է մարտի 20-ին:
13:00 07.05.2025
Հնդկաստանի վարչապետի այցը Եվրոպա հետաձգվել է
12:48 07.05.2025
Հրազենով տղամարդը վնասազերծվել է․ Երևանի քրեական ոստիկանների բացահայտումըՄայիսի 6-ին Երևան քաղաքի վարչության քրեական ոստիկանները տեղեկություններ են ստացել, որ մայրաքաղաքում բնակվող 40-ամյա մի տղամարդ ապօրինի հրազեն ունի։ Նույն օրը՝ ժամը 10։25-ի սահմաններում, տղամարդը հայտնաբերվել է Երևանի Ռոստովյան փողոցում։ Ձերբակալման ընթացքում կիրառվել են ձեռնամարտի հնարքներ։ Տղամարդու ձեռքին եղած ատրճանակից հնչել է կրակոց, ինչի հետևանքով վնասվել է նրա դաստակը։ Դեպքի առթիվ կազմված փաստաթղթերը փոխանցվել են […] ...
12:42 07.05.2025
Օդի ջերմաստիճանն այսօրվանից աստիճանաբար կբարձրանաԵրևանում մայիսի 7-ի ցերեկը, 9-10-ին սպասվում է առանց տեղումների եղանակ։ Մայիսի 8-ի և 11-ի ցերեկը, 12-ին սպասվում է կարճատև անձրև և ամպրոպ, ամպրոպի ժամանակ նաև քամու ուժգնացում 15-18 մ/վ արագությամբ: Մարզերում մայիսի 7-ի ցերեկը, 9-ին սպասվում է առանց տեղումների եղանակ։ Մայիսի 8-իցերեկը, 12-ին շրջանների զգալի մասում, 10-11-ին կեսօրից հետո առանձին շրջաններում սպասվում է կարճատև […] ...
12:36 07.05.2025
Հետազոտությունները ցույց են տալիս, որ սոցիալական մեդիայից կախվածությունը վերջին շրջանում կտրուկ աճել էԺամանակակից տեխնոլոգիական զարգացման արդյունքում մարդիկ շատ ժամանակ են անցկացնում սոցիալական ցանցերում կամ օնլայն խաղերում: Հաճախ այս ամենն այնքան է խորանում, որ մարդկանց մոտ խաթարվում են իրական սոցիալական շփումներն ու ամենօրյա գործունեությունը: Այս մասին հրապարակում է արվել ՀՀ առողջապահության նախարարության ֆեյսբուքյան էջում։ Հետազոտությունները ցույց են տալիս, որ սոցիալական մեդիայից կախվածությունը վերջին շրջանում կտրուկ աճել է՝ հասնելով […] ...
12:28 07.05.2025
Ուրսուլա ֆոն դեր Լայենը կոչ է անում արագացնել Ուկրաինայի անդամակցությունը ԵՄ-ինԵվրոպական հանձնաժողովի նախագահ Ուրսուլա ֆոն դեր Լայենը հայտարարել է, որ ԵՄ-ն պետք է արագացնի Ուկրաինայի անդամակցության գործընթացը և Կիևի հետ սկսի էական բանակցություններ արդեն 2025 թվականին։ «Մենք պետք է արագացնենք Ուկրաինայի՝ մեր միությանը անդամակցելու ուղին։ Սա միայն Ուկրաինայի ձգտումը չէ։ Այն կարող է լինել անվտանգության ամենահուսալի երաշխիքը։ Մենք ջանասիրաբար աշխատում ենք Ուկրաինայի հետ՝ անդամակցության բանակցությունների […] ...
12:22 07.05.2025
Արվեստի ստեղծագործությունների առքուվաճառքի կանոնակարգման նպատակով օրենքի նախագիծ է մշակվելՀՀ կառավարությունը հանդես է եկել կարեւոր օրենսդրական նախաձեռնությոմբ, որը նոր էջ է բացում արվեստի ստեղծագործությունների առքուվաճառքի կանոնակարգման, ներգրավված բոլոր շահառուների շահերի պաշտպանության, արվեստի դաշտում շուկայական նոր հարաբերությունների ձեւավորման տեսանկյունից: Այս մասին ասել է ԿԳՄՍ նախարարի տեղակալ Ալֆրեդ Քոչարյանը՝ Ազգային ժողովի՝ մայիսի 7-ի հերթական նիստում առաջին ընթերցմամբ քննարկման ներկայացնելով «Մշակութային աճուրդների կազմակերպման մասին» օրենքի նախագիծը՝ կից […] ...
12:15 07.05.2025
Մարտական հերթապահություն իրականացնող զինծառայողի ամսական աշխատավարձը առնվազն 220 հազար դրամ է. փոխնախարարՀայաստանի պաշտպանության նախարարի տեղակալ Արման Սարգսյանը Ազգային ժողովի նիստում արձագանքեց «Հայաստան» խմբակցության պատգամավոր Գեղամ Մանուկյանի հայտարարությանը, որով վերջինս քննադատել էր զինծառայողներին վճարվող ցածր աշխատավարձերը՝ նշելով օրական 1700 դրամի չափը։ «Արմենպրես»-ի հաղորդմամբ՝ Արման Սարգսյանը հերքեց այս տվյալը։ «Օրական 1700 դրամ աշխատավարձ առհասարակ չունենք։Մարտական հերթապահություն իրականացնող պայմանագրային զինծառայողները ստանում են օրական առնվազն 4 հազար դրամ, իսկ դա […] ...
