19:30 26.03.2020
Այս տարի Գյումրիում սուբվենցիոն միջոցներով նախատեսվում է իրականացնել 5 ծրագիր։ Փողոցաշինությունից, կոմունալ ծառայության ավտոպարկը նոր տեխնիկայով համալրելուց բացի, նախատեսվում է արդիականացնել նաև կենտրոնական հրապարակի շատրվանները։
Սուբվենցիոն ծրագրերը հանրային քննարկման դրվել են, բայց շատրվանների դեպքում կարծիքները ոչ միանշանակ էին: Ավագանու որոշ անդամներ առաջարկել են հրապարակի շատրվանը արդիականացնելու փոխարեն վերագործարկել քաղաքի չգործող շատրվանները։
Կենտրոնական հրապարակի շատրվանները կառուցվել են 1961 թվականին: Ջրային շիթեր արձակող երկաթե կոնստրուկցիաներն ու տարբեր տրամաչափի խողովակները տեղադրված են շուրջ 550 քմ տարածք զբաղեցնող ջրավազանում, որի խորությունը մոտ մեկուկես մետր է: Ներկա տեխնիկական վիճակով շատրվանների շահագործումն արդեն արդյունավետ չի համարվում:
«Հիմնական սնուցող խողովակների հետ կան խնդիրներ, որովհետև դրանք երբևէ չեն փոխվել, մետաղական խողովակները ժանգոտվել են, որոշ տեղերից կա ջրի կորուստ»,- շատրվանների ներկայիս վիճակն է նկարագրում Գյումրիի քաղաքապետի գլխավոր խորհրդական Կարապետ Մխչյանը։
Ջրի կորուստները նվազեցնելու համար անհրաժեշտ է հատակի բետոնապատում ու ամրացում: Քաղաքապետարանը դիմել է այս տարվա սուբվենցիոն ծրագրերի օգնությանը ոչ միայն ամբողջական վերանորոգման, այլև խողովակային կառուցվածքի ու արդիականացման համար։
Ներկայացված հինգ ծրագրերից մեկը կենտրոնական հրապարակի շատրվաններին է վերաբերում: Անհրաժեշտ գումարի հաշվարկներն արել են, ընդհանուր ֆինանսավորման 60 տոկոսը տեղական բյուջեի բաժինն է։
«Նախնական սուբվենցիոն հայտով 113 միլիոն դրամ է կազմում շատրվանների արդիականացման գումարը, ևս մոտ 25 թե 30 միլիոն դրամ նախատեսել ենք, որ բետոնային հիմքում որոշակի աշխատանքներ կատարվեն»,- ասում է Կարապետ Մխչյանը։
Սուբվենցիոն ծրագրերի հաստատման վերջնաժամկետը ապրիլի 27-ն է, մինչ այդ քաղաքապետարանի առաջարկով չինական ընկերություններից մեկն արդեն շատրվանների նախնական եռաչափ մոդելն է կազմել։
Սուբվենցիոն նախագիծը դրվել է նաև հանրային քննարկման, որի ընթացքում պարզ է դարձել, որ շատրվանների վիճակի մասնագիտական ուսումնասիրություն չի կատարվել:
«Էս ամենը եզրակացությամբ, փորձաքննությամբ անցած է, մասնագետի կողմից տրված է համապատասխան եզրակացությունը, պատասխանը հնչեց, որ վիզուալ է, չկա այդպիսի մասնագետի կողմից որևիցե եզրակացություն, և դրա համար ես գտնում եմ, որ այդքան էլ նպատակահարմար չէ 134 միլիոն դրամ ներդնել կենտրոնական հրապարակի շատրվանների վրա, որովհետև վերջին վերանորոգումը եղել էր 2013 թվականին»,- նշում է Գյումրիի ավագանու անդամ Ավետիս Առաքելյանը:
«Պետք է հասկանանք, որ Գյումրին միայն կենտրոնական հրապարակը չէ, Գյումրին միայն պատմական միջուկը չէ, Գյումրիում կան էլի հրապարակներ, կան տարածքներ, որոնք, ցավոք, տասնյակ տարիներ շարունակում են մնալ անմխիթար վիճակում։ Կարծում եմ, որ 130 միլիոն դրամից ավելի գումարը չափազանց մեծ գումար է, և կարելի է կարիքները ճիշտ գնահատել»,- իր տեսակետն է հայտնում Գյումրիի ավագանու անդամ Արմենուհի Վարդանյանը։
Ավագանու անդամների մի մասն առաջարկում է նախատեսվող 134 միլիոն դրամն ուղղել քաղաքի տարբեր թաղամասերում գտնվող՝ տասնյակ տարիներ չշահագործվող շատրվանների նորոգմանը։
Նկարում հայտնի «Լճեր» կոչվող շատրվաններն են, քաղաքի ամենաբանուկ հատվածում:
Շատրվանների՝ ժանգոտված ու կոռոզիայի ենթարկված խողովակները վաղուց ծառայում են այլ նպատակի՝ թաղամասի սեփական տների ու տնակների համար դրանք դարձել են հոսանքալարեր անցկացնելու հենասյուներ։
Տարիներ առաջ դրանցից մի քանիսը տրվել են անհատների՝ բարեկարգելու և վերագործարկելու համար: Վարձակալական ու այլ հիմունքներով տնօրինման գործառույթների հանդեպ հսկողություն այդպես էլ չի իրականացվել։
«Խնդիր չէ, կարող ենք ավագանու նիստ ներկայացնել նույն կերպ, ինչպես որ վարձակալության են հանձնել ավագանու նիստով, վերցնենք հետ, դարձնենք համայնքապատկան»,- ասում է Ավետիս Առաքելյանը։
Իսկ Ամենափրկիչ եկեղեցու պուրակում գտնվող շատրվանները նախատեսվում է արդիականացնել մեկ այլ վարկային ծրագրով: Ունեն կազմած նախագիծ ու նախահաշիվ, ըստ մոտավոր հաշվարկների, նախագիծը գնահատվել է 200 միլիոն դրամից ավելի:
Նախագծերն արժանացել են Համաշխարհային բանկի ուշադրությանը, որի ֆինանսավորման աղբյուրներով է նախատեսվում վերականգնել եկեղեցուն հարակից պուրակի շատրվանը ։
Բանկի ներկայացուցիչները եղել են Գյումրիում, մասնագիտական ուսումնասիրություններ կատարել: Այս և մյուս՝ կենտրոնական շատրվանների նորոգումների դեպքում պատասխանատուները համոզված են, որ այս տարի աշխատանքները կմեկնարկեն։
16:58 16.07.2025
Արմեն Գրիգորյանն ընդունել է Հայաստանում ՄԹ դեսպանին՝ դիվանագիտական առաքելության ավարտի կապակցությամբՀուլիսի 16-ին ՀՀ ԱԽ քարտուղար Արմեն Գրիգորյանն ընդունել է Հայաստանում Միացյալ Թագավորության արտակարգ և լիազոր դեսպան Ջոն Գալագերին՝ վերջինիս դիվանագիտական առաքելության ավարտի կապակցությամբ: Քարտուղար Գրիգորյանը շնորհակալություն է հայտնել դեսպանին պաշտոնավարման ընթացքում երկու բարեկամ երկրների միջև հարաբերությունների զարգացմանն ուղղված ջանքերի ու տարբեր ոլորտներում համագործակցության խորացման աշխատանքներում ունեցած ներդրման համար՝ մաղթելով նորանոր հաջողություններ: Դեսպան Գալագերը շնորհակալություն է […] ...
16:56 16.07.2025
Նախարար Ժաննա Անդրեասյանը հանդիպել է «Գիտուժ» նախաձեռնության անդամներինՀՀ կրթության, գիտության, մշակույթի և սպորտի նախարար Ժաննա Անդրեասյանը հանդիպել է «Գիտուժ» նախաձեռնության անդամներին։ Հանդիպման ընթացքում քննարկվել են «Բարձրագույն կրթության և գիտության մասին» նոր օրենքի նախագծի վերաբերյալ առաջարկություններն ու դիտարկումները: Հանդիպմանը մասնակցել է նաև Բարձրագույն կրթության և գիտության կոմիտեի նախագահ Սարգիս Հայոցյանը: ԿԳՄՍ նախարարը շնորհակալություն է հայտնել հետաքրքրության համար՝ ընդգծելով, որ համատեղ քննարկումներն ու մասնակցային գործընթացը կօգնեն հստակեցնել ԱԺ կողմից առաջին ընթերցմամբ ընդունված օրենքի ձևակերպումները՝ մինչև երկրորդ ընթերցում […] ...
16:43 16.07.2025
Սևանի համայնքային ոստիկանները կանեփի բույսեր ու թմրանյութ են հայտնաբերելՀամայնքային ոստիկանության Սևանի բաժնի ծառայողներն օպերատիվ տեղեկություն էին ստացել, որ Դդմաշեն գյուղի 60-ամյա բնակիչը տնամերձ հողամասում կանեփ է աճեցնում։ Հուլիսի 11-ին համայնքային ոստիկաններն այցելել են նշված հասցե, որտեղ տնամերձ հողամասի տեսանելի հատվածում հայտնաբերել են կանեփի 63 բույս։ 60-ամյա տանտերը խորդանոցից իրավապահներին է ներկայացրել մոտ 400 գրամ կանեփի չորացված զանգված և ծխամորճ։ Տղամարդը և կազմված փաստաթղթերը […] ...
16:31 16.07.2025
Օրբանը դեմ է ԵՄ բյուջեից Ուկրաինային 100 միլիարդ եվրո հատկացնելունՀունգարիան համաձայն չէ Եվրամիության 2028-2034 թվականների յոթամյա բյուջեի նախագծի հետ, որը նախատեսում է 100 միլիարդ եվրոյի հատկացում Ուկրաինային Ռուսաստանի հետ հակամարտության ընթացքում աջակցելու համար։ Այս մասին հայտարարել է Հունգարիայի վարչապետ Վիկտոր Օրբանը երկրի կառավարության նիստից առաջ, որտեղ կքննարկվի Բրյուսելից ստացված առաջարկը։ Օրբանի խոսքով՝ Եվրահանձնաժողովի բյուջետային նախաձեռնությունը «զարմացրել է բոլոր» ԵՄ անդամներին։ «Ուկրաինան դարձել է Բրյուսելի […] ...
16:20 16.07.2025
Հուլիսի 16-21-ը Հանրապետության առանձին շրջաններում սպասվում է կարճատև անձրև և ամպրոպԱրարատյան դաշտում և Սյունիքի հովիտներում առաջիկա 5 օրերին սպասվում է բարձր կարգի հրդեհավտանգ իրավիճակ։ Երևանում հուլիսի 16-21-ին երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ սպասվում է քամու ուժգնացում 15-18մ/վ արագությամբ։ Մարզերում հուլիսի 16-ին կեսօրից հետո, 17-21-ի գիշերը և կեսօրից առանձին շրջաններում սպասվում է կարճատև անձրև և ամպրոպ, հուլիսիս 16-17-ին […] ...
16:08 16.07.2025
25-ամյա երիտասարդը հետախուզվում էր ՌԴ իրավապահների կողմիցՀուլիսի 13-ին Արմավիրի մարզի պարեկները Տալվորիկ գյուղի վարչական տարածքում ստուգման նպատակով կանգնեցրել են «Մերսեդես» մակնիշի մի ավտոմեքենա։ Ստուգման ընթացքում պարզվել է, որ Մյասնիկյան գյուղի բնակիչ 25-ամյա վարորդը 2018 թվականի դեկտեմբերի 22-ից ՌԴ իրավապահների կողմից հետախուզվում է ծանր մարմնական վնասվածք պատճառելու մեղադրանքով: Նա տեղափոխվել է Համայնքային ոստիկանության Բաղրամյանի բաժին: Հայտնաբերման մասին հայտնվել է հետախուզումը նախաձեռնողին: ...
