05 05 2024

$

387.32
4.23
€

416.10

+13.09 ^oC

Գյուղատնտեսական աշխատանքներն օգնում են, որ կուտակումներ չլինեն. Արագածոտնի մարզպետը՝ SHANTNEWS-ին

ԿՈՐՈՆԱՎԻՐՈՒՍ

17:25 13.04.2020

ՀՀ Արագածոտնի մարզպետ Դավիթ Գևորգյանը SHANTNEWS.am-ին որոշ տեղեկություններ է հայտնել մարզում նոր կորոնավիրուսի հետևանքով առաջացած վիճակի մասին:

«Մինչ այս պահն Արագածոտնի մարզում ունեցել ենք թեստավորման 23 դրական պատասխան, 3 մարդ բուժվել է, 20-ը դեռ շարունակում է բուժվել: Բուժվում են և՛ Երևանում, և՛ մարզային բուժկենտրոններում»,- ասել է Գևորգյանը՝ հավելելով, որ մարզում նախապատրաստված է հիվանդանոց, որն անհրաժեշտության դեպքում կարող է ծավալվել որպես ինֆեկցիոն կենտրոն:

Ինչ վերաբերում է այն հանգամանքին, որ տնտեսական գործունեության որոշ տեսակների նկատմամբ գործող սահմանափակումները հանվել են, որքանո՞վ է դա ռիսկային վիրուսի տարածման տեսակետից, ասել է.

«Ունենք ձեռնարկություններ, որոնք արգելքները հանելուց հետո կսկսեն աշխատել: Ռիսկ չենք տեսնում, որովհետև պարետատունը կայացրել է այդ որոշումը, բոլոր ռիսկերը չափվում են, հետևանքները հաշվի առնելով են այդ որոշումները կայացվում»:

Անդրադառնալով հսկիչ կետերի աշխատանքին՝ Արագածոտնի մարզպետն ասել է, որ գոհ է դրանց աշխատանքից: Օրվա ընթացքում լինում է տարբեր կետերում՝ նախապես չտեղեկացնելով, բավարար չափով աշխատանք է տարվում։

«Բազմիցս ասել եմ, նորից եմ ցանկանում կրկնել՝ յուրաքանչյուր քաղաքացու գիտակցությունից, որոշումից ու վարքագծից է կախված ընդհանուր պայքարը, որը տանում ենք համաճարակի հետ կապված: Մենք առաջնորդվում ենք այն կանխավարկածով, որ ոչ մեկ չի ցանկանա խաբել, բայց իրականության մեջ չենք կարող նման բաներ բացառել: Եթե մարդը նշում է, օրինակ, որ գնում է այգի մշակելու, ոստիկանը ոչ մի լիազորություն չունի նրան թույլ չտալու, և նման դեպքեր չունեն: Մենք հույս ունենք, որ բոլոր այն մարդիկ, ովքեր գնում են այգի մշակելու, ծերերին խնամելու, անկեղծ են և ճիշտ են գրել իրենց թերթիկի մեջ»,- ասել է մարզպետը:

Ինչ վերաբերում է գյուղատնտեսական աշխատանքների ընթացքին, ապա դրանց մասով էլ, ըստ Գևորգյանի, վիրուսի տեսակետից խնդիրներ չկան: Կան խնդիրներ պարարտանյութի ներմուծման մասով, որոնք լուծման ընթացքի մեջ են:

«Վստահաբար կարող եմ ասել՝ գյուղատնտեսական աշխատանքներն օգնում են, որ կուտակումները չլինեն: Երբ չկային աշխատանքներ, գյուղերում, տարբեր համայնքներում հավաքվում էին, սկսում միասին զրուցել, քննարկել, բայց երբ ամեն մեկը զբաղվում է իր գործով, արդեն նման իրավիճակ չենք ունենում»,- հավելել է Արագածոտնի մարզպետը:

Բաժանորդագրվեք SHANTNEWS.am-ին Telegram-ում

Բոլոր լուրերը

00:02 05.05.2024
Բժիշկը նշել է վիտամինային հավելում, որը տարեցները կարող են ընդունել ամբողջ տարին

Կապակցված լուրեր

21:36 04.05.2024

Անակնկալ զինվորին՝ օրինակելի ու կարգապահ ծառայության համար

ՀՀ ՊՆ-ն ներկայացրել է տեսանյութ, որը պատմում է օրինակելի ու կարգապահ ծառայության համար զինվորին՝ հրետանավոր Հովհաննես Սաֆարյանի և նրան մատուցված անակնկալի մասին: Մանրամասները՝ տեսանյութում: ...

20:40 04.05.2024

Ադրբեջանի կողմից հայկական բնակավայրերի պատմության կեղծման հերթական դեպքը՝ Արցախում

«Հայկական լեռնաշխարհի մշակութային ժառանգության օմբուդսմեն» ֆեյսբուքյան էջը հայտնում է Արցախի հայկական բնակավայրերի պատմության կեղծման ու մշակութային ժառանգության ոչնչացման հերթական դեպքի մասին: «Այս գործելաոճը հանդիսանում Ադրբեջանի հակահայկական քաղաքականության բաղկացուցիչ մաս։ Ադրբեջանական կեղծարարների թիրախում այս անգամ հայտնվեց Ասկերանի շրջանի Շոշ գյուղի Ս․ Ստեփանոս եկեղեցին։ Եկեցին «Գուգլի» տեղորոշման քարտեզներում ներկայացվում է որպես մզկիթ։ Հարկ ենք համարում նշել, որ […] ...

20:14 04.05.2024

Հայ պատգամավորները Վաշինգտոնում ԱՄՆ ՄԶԳ կառավարչի փոխտեղակալի հետ քննարկել են Հայաստանի ժողովրդավարության զարգացման հեռանկարները

ՀՀ ԱԺ Հայաստան-ԱՄՆ բարեկամական խմբի անդամները մայիսի 3-ին Վաշինգտոնում հանդիպել են ԱՄՆ միջազգային զարգացման գործակալության կառավարչի փոխտեղակալ Ալեքսանդր Սոկոլովսկու հետ: Հայ պատգամավորները բարձր են գնահատել ԱՄՆ ՄԶԳ ներդրումը Հայաստանում ինստիտուցիոնալ բարեփոխումների եւ ժողովրդավարության ամրապնդման գործում: Երկուստեք արձանագրվել է, որ Հայաստանի ժողովրդավարության զարգացման եւ տնտեսական դիմակայունության ամրապնդումը լինելու է համատեղ աշխատանքների առանցքում: ...

18:47 04.05.2024

Հայկ Կոստանյանը հայտնել է՝ ով է Երևանում անձրևներից հետո առաջացած ջրակուտակումների պատասխանատուն

Երևանի քաղաքապետի մամուլի խոսնակ Հայկ Կոստանյանը ֆեյսուքյան էջում գրել է․ «Սիրելի՛ երևանցիներ, հարգելի՛ գործընկերներ Համաձայն ՀՀ կառավարության հետ կնքված պայմանագրի «Վեոլիա Ջուր» ընկերությունը հանձն է առել ՀՀ-ում ջրամատակարարման և ջրահեռացման բոլոր համակարգերի կառավարումը և սպասարկումը, հեղեղատարերի սպասարկումն ու շահագործումը, կեղտաջրերի մաքրման համակարգերի կառավարումը և մի շարք այլ պարտավորություններ։ Հետևապես՝ Երևան քաղաքում երեկ տեղացած հորդառատ անձրևներից […] ...

15:54 04.05.2024

Հնդկաստանը կատարելագործել է Հայաստան մատակարարված հրետանային համակարգերը

Հայաստանի կողմնից վերջերս ձեռք բերված հնդկական արտադրության 155 մմ/52 հրետանային համակարգերը (ATAGS) արդիականացվել են սպառազինություն արտադրող հնդկական «Bharat Forge»-ի կողմից՝ օգտագործման հարմարավետության համար: «Արմենպրես»-ի փոխանցմամբ՝ այս մասին հայտնում է «Indian Defense Research Wing»-ը` հղում անելով ընկերության տնօրեն Բաբա Կալյանիին: Հրետանային համալիրներում տեղադրվել են պարզեցված ինտերֆեյսով բալիստիկ համակարգիչներ, որոնք նվազեցնում են հրետանային հաշվարկների սխալվելու հավանականությունը: Բալիստիկ […] ...

15:09 04.05.2024

Գերիների, պատանդների և անհայտ կորած անձանց հարցերով զբաղվող միջգերատեսչական հանձնաժողովի քարտուղար, աշխատանքային խմբի ղեկավարի բացառիկ հարցազրույցը

Պատերազմական գործողությունների ընթացքում անհայտ կորած, պատանդառված և գերեվարված անձանց վերաբերող հարցերին անհրաժեշտ է անդրադառնալ նրբորեն: «Արմենպրես»-ի հետ զրույցում այս մասին նշել է «Գերիների, պատանդների և անհայտ կորած (գտնվելու վայրն անհայտ) անձանց հարցերով զբաղվող միջգերատեսչական հանձնաժողով»-ի քարտուղար, աշխատանքային խմբի ղեկավար Գայանե Գասպարյանը: Հարց – Ադրբեջանի «Գերիների, պատանդների և անհայտ կորածների պետական հանձնաժողով»-ի քարտուղար, աշխատանքային խմբի ղեկավար […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.