13:40 23.04.2020
Այսօր Աշոցքում փլուզում է տեղի ունեցել: Աշոցքի հրշեջ-փրկարարական ջոկատ ահազանգը ստացվել է առավոտյան ժամը 10:06-ին, դեպքի վայր է մեկնել օպերատիվ խումբը՝ փրկարարական ջոկատի հրամանատարի տեղակալի գլխավորությամբ:
«Ահազանգը ստացվել է համայնքի ղեկավարից: Դեպքի վայր հասնելուն պես պարզվեց, որ փլուզումը տեղի է ունեցել հրապարակում գտնվող երկհարկանի շենքի առաջին հարկում: Փլուզվել է դիմային պատի հատվածից 10 քմ հատված, իսկ երկրորդ հարկից էլ ևս 20 քմ հատված այս պահին կախված է ներքև ու առաջիկայում ենթակա է փլուզման: Շենքի մոտակայքով անցուդարձը խիստ վտանգավոր է, մենք տարածքը սահմանազատել ենք անվտանգության ժապավենով, բարեբախտաբար, տուժածներ չկան»,- SHANTNEWS.am-ի հետ զրույցում փոխանցեց Աշոցքի հրշեջ փրկարարական ջոկատի հրամանատարի տեղակալ Հովհաննես Կոբելյանը:
Ըստ փրկարարի՝ 1967 թվականին կառուցված երկհարկանի շենքի ընդհանուր մակերեսը 1500 քմ է, եղել է Աշոցքի դատարանի նախկին շենքը, գրեթե երկու տասնամյակ չի շահագործվում, դարձել է վթարային, բայց վթարայնության մասին հավաստող փաստաթուղթ չկա:
SHANTNEWS.am-ի հետ զրույցում Աշոցք խոշորացված համայնքի ղեկավար Կարեն Մանուկյանը ևս հավաստեց, որ շենքը վթարային է, փլուզման ենթակա, բայց ուսումնասիրություն կատարելու մասին հավաստող փաստաթղթեր չեն պահպանվել:
«Նման շինություններում 10 տարին մեկ պետք է ուսումնասիրություններ անցկացվեն, բայց համայնքապետարանում նման փաստաթուղթ չկա: Շենքը համայնքային ենթակայության է, բայց պայմանագրով ու անհատույց օգտագործման իրավունքով տարիներ առաջ տրամադրվել է Երկրապահ կամավորական միության Աշոցքի գրասենյակին: Նկատելով վտանգավորությունը` Երկրապահները նույնպես տարածքից դուրս են եկել: Հիմա պետք է այդ պայմանագրի լուծարման գործընթաց սկսվի, որպեսզի մենք իրավունք ունենանք շենքն ապամոնտաժելու»,- նշեց Աշոցք համայնքի ղեկավար Կարեն Մանուկյանը:
Ըստ համայնքի ղեկավարի՝ կառույցը վերակառուցելու և հետագա շահագործման համար նպատակահարմար չէ, գտնվում է համայնքի կենտրոնում և խիստ վտանգավոր է համայնքի բնակիչների համար:
«Շենքի մի կողմում գտնվում է դպրոցը, իսկ հետնամասում՝ զբոսայգին: Ճիշտ է հիմա դասեր չկան, և բնակիչներն էլ մեկուսացման մեջ են, և անցուդարձը շատ չէ, բայց արտակարգ դրությունից հետո բնակիչները կգան այգի զբոսնելու, երեխաներն ու ուսուցիչները դպրոց, և հնարավոր է փլուզման հետևանքով դժբախտ պատահարներ գրանցվեն: Հիմա քննարկում ենք շենքն ամբողջությամբ ապամոնտաժելու հարցը: ԵԿՄ-ի հետ ունեցած պայմանագրի հարցը կարգավորելուց հետո կփնտրենք այնպիսի ընկերության, որ զբաղվում է վթարային շինությունների քանդման աշխատանքներով, կդիմենք իրենց, եթե հետաքրքրեց կառույցը, ապա օրենքով սահմանված կարգով գործընթացը կմեկնարկի, մենք համայնքի միջոցներով նման ծախսեր կատարելու հնարավորություն չունենք»,- ասաց Կարեն Մանուկյանը:
23:00 08.07.2025
Սալիվանը բացահայտել է Բայդենի վարչակազմի հիմնական նպատակները Ուկրաինայի հակամարտության մեջԱՄՆ ազգային անվտանգության նախկին խորհրդական Ջեյք Սալիվանը հերքել է այն պնդումները, որ Ջո Բայդենի վարչակազմը կենտրոնացած է Ուկրաինայում հակամարտության սրման վերահսկման վրա, և ասել է, որ գլխավոր խնդիրը Կիևին զենք մատակարարելն է։ Նա այս մասին ասել է «Օբշչեստվեննի»-ին տված հարցազրույցում։ Սալիվանը «ամբողջովին մերժեց» այն պնդումները, որ Բայդենի նախագահության ընթացքում Վաշինգտոնի հիմնական ռազմավարությունը «էսկալացիայի կառավարումն» էր։ […] ...
22:50 08.07.2025
The Times of Israel. Նեթանյահուն և Թրամփը երկրորդ հանդիպումը կունենան երեկոյանԱՄՆ այցելած Իսրայելի վարչապետ Բենիամին Նեթանյահուն և ԱՄՆ նախագահ Դոնալդ Թրամփը օրվա ընթացքում ևս մեկ հանդիպում կանցկացնեն, հաղորդում է The Times of Israel-ը։ Նեթանյահուի գրասենյակի նրա աղբյուրի խոսքով՝ հանդիպումը նախատեսված է հուլիսի 8-ի երեկոյան։ Նեթանյահուն Վաշինգտոն է ժամանել հուլիսի 7-ին։ Այդ երեկոյան նա իր առաջին հանդիպումն է ունեցել Թրամփի հետ։ Ինչպես նշում է The Times […] ...
22:40 08.07.2025
«Գաֆեսճեան» քանդակների պուրակում նախատեսվում է բացօթյա համերգ՝ կիթառահարների մասնակցությամբԿենտրոն վարչական շրջանի ղեկավարի աշխատակազմի և Play2festival-ի գործակցությամբ հուլիսի 11-ին՝ ժամը 19:00-ին, «Գաֆեսճեան» քանդակների պուրակում («Կասկադ») նախատեսվում է բացօթյա համերգ՝ 8-22 տարեկան շուրջ 70 կիթառահարների մասնակցությամբ, այս մասին տեղեկացնում են Երևանի քաղաքապետարանից։ «Հայաստանում երրորդ տարին անցկացվող Երիտասարդական Կիթառի փառատոնի մասնակիցները՝ Երևանի տարբեր արվեստի դպրոցների սաներ են: Այս տարի երևանցի կիթառահարները հանդես կգան աշխարհահռչակ դասական կիթառահար, […] ...
22:33 08.07.2025
Մակրոնը Պաղեստինի ճանաչումը համարել է Մերձավոր Արևելքում խաղաղության հասնելու միակ ուղինՖրանսիայի նախագահ Էմանուել Մակրոնը կարծում է, որ Պաղեստինի պետության ճանաչումը Մերձավոր Արևելքում խաղաղության հասնելու միակ միջոցն է։ «Մենք համատեղ աշխատում ենք Պաղեստինի պետությունը ճանաչելու ուղղությամբ։ Այս քաղաքական լուծման ընդունումը խաղաղության միակ ճանապարհն է», – ասել է Մակրոնը բրիտանական խորհրդարանում ունեցած ելույթում։ Նրա խոսքով՝ անհրաժեշտ է նաև հրադադարի հասնել Գազայի հատվածում։ «Անվերջ պատերազմը՝ առանց ռազմավարական նպատակի, […] ...
22:26 08.07.2025
Ավտոմեքենան դուրս է եկել երթևեկելի հատվածից և բախվել կամրջի հենասյուներին․ կա երկու տուժածՀուլիսի 8-ին, ժամը 18:16-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Այգավան գյուղի կամրջի մոտակայքում տեղի է ունեցել ՃՏՊ․ կան տուժածներ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ «lexus» մակնիշի ավտոմեքենան դուրս է եկել ճանապարհի երթևեկելի հատվածից և բախվել կամրջի հենասյուներին։ […] ...
22:22 08.07.2025
Brent նավթի գինը գերազանցել է մեկ բարելի համար 70 դոլարըԼոնդոնի միջմայրցամաքային բորսայում (ICE) այս տարվա սեպտեմբերին Brent նավթի ֆյուչերսների գինը հունիսի 24-ից ի վեր առաջին անգամ գերազանցել է մեկ բարելի համար 70 դոլարը, հաղորդում է «ՌԻԱ Նովոստի»-ն։ Մոսկվայի ժամանակով 18:27-ի դրությամբ նավթի գինը արագացրել է իր աճը 0.56%-ով՝ հասնելով մեկ բարելի համար 69.97 դոլարի: Նշվում է նաև, որ WTI-ում նավթի ֆյուչերսների գինը այս տարվա […] ...
