16:30 07.05.2020
Մայիսի 3-ին Վենեսուելայի հատուկ նշանակության ջոկատները կանխել էին Կոլումբիայի կողմից արագընթաց մոտորանավակներով զինյալների խմբի ներխուժումը երկիր: Նրանցից 8-ը սպանվել էր, 13-ը՝ ձերբակալվել:
Ձերբակալվածների շարքում կա ԱՄՆ-ի 2 քաղաքացի: Նրանցից մեկի՝ ԱՄՆ-ի ռազմածովային ուժերի նախկին զինվորական Լյուկ Դենմանի խոստովանությունը հեռարձակվել է Վենեսուելայի պետական հեռուստաընկերության եթերում: Դենմանն ասել է, որ աշխատել է ամերիկյան SilverCorp մասնավոր անվտանգության ընկերությունում և հրահանգներ է ստացել ընկերության ղեկավար Ջորդան Գուդրոյից:
«Ես ցուցումներ էի ստացել Ջորդան Գուդրոյից՝ վերահսկողության տակ առնել օդանավակայանը և ապահովել Մադուրոյի անվտանգ անցումը և օդանավերի ընդունումը: Ես վենեսուելացիներին օգնում էի իրենց երկրի հսկողությունն իրենց ձեռքը վերցնել: Մենք պետք է ինքնաթիռներ բերեինք, որոնցից մեկում պետք է նստեցնեինք Մադուրոյին և նրան տանեինք Միացյալ Նահանգներ»,- ասել է Լյուկ Դենմանը:
Վենեսուելայի նախագահ Նիկոլաս Մադուրոն հայտարարել է, որ ԱՄՆ-ից կպահանջի արտահանձնել Ջորդան Գուդրոյին, որի ընկերությունը գործում է Ֆլորիդայում: Գուդրոն խոստովանել է, որ օգնել է կազմակերպել Վենեսուելա ներխուժումը, սակայն գործը ձախողվել է:
Վենեսուելայի նախագահը պնդում է, որ դավադրությունը համաձայնեցված է եղել Վաշինգտոնի հետ, և նրանց նպատակն է եղել Վենեսուելայում իշխանափոխություն կատարել:
Reuters գործակալության փոխանցմամբ՝ ԱՄՆ-ի նախագահ Դոնալդ Թրամփը և պետքարտուղար Մայք Պոմպեոն հերքել են իրենց առնչությունը տեղի ունեցածին:
Կոլումբիայի իշխանությունները նույնպես հայտարարել են, որ որևէ առնչություն չունեն կազմակերպված գործողության հետ, սակայն Մադուրոն հակառակն է պնդում:
«Նրանց փոքրիկ խաղը բացահայտվեց: Կոլումբիայի իշխանությունները նախապես գիտեին այս մասին: Նրանք ամեն ինչ գիտեին: Դա ամոթալի է»,- փոխանցում է Reuters-ը Մադուրոյի խոսքերը:
Հիշեցնենք, որ Վաշինգտոնը տնտեսական և դիվանագիտական ճնշում է գործադրում Վենեսուելայի վրա՝ Նիկոլաս Մադուրոյին մեղադրելով 2018թ. ընտրությունների արդյունքները կեղծելու մեջ:
2019-ի հունվարից Վենեսուելայի խորհրդարանի խոսնակ, ընդդիմության ղեկավար Խուան Գուաիդոն իրեն հայտարարել է երկրի նախագահ: Գուաիդոյին այդ պաշտոնում ճանաչել են մի շարք երկրներ, այդ թվում՝ ԱՄՆ-ն, սակայն Մադուրոն հրաժարվում է հրաժարական տալ:
18:44 14.05.2025
«Արթիկ» քրեակատարողական հիմնարկում հայտնաբերվել են արգելված իրեր և կասկածելի զանգվածներՔրեակատարողական ծառայության կենտրոնական մարմնի օպերատիվ վարչության «Արթիկ» տարածքային բաժնի ծառայողները նույն հիմնարկի անվտանգության ապահովման բաժնի ծառայողների հետ համատեղ, իրացնելով նախապես ստացված օպերատիվ տեղեկությունները, հատուկ հսկողություն են սահմանել դատապարտյալներ Ա․Հ․-ի և Ա․Ս․-ի, ինչպես նաև նրանց մոտ կարճատև տեսակցության եկած երկու քաղաքացու նկատմամբ։ Տեսակցությունների ընթացքում ծառայողները նկատել են, որ դատապարտյալ Ա․Հ․-ն փորձում է մյուս դատապարտյալին փոխանցել կասկածելի […] ...
18:33 14.05.2025
Տեղի է ունեցել Կանանց հարցերով խորհրդին կից աշխատանքային խմբի հանդիպումըՀՀ գենդերային քաղաքականության իրականացման 2025-2028թթ․ ռազմավարության շրջանակում 2025 թ․ ընթացքում կատարման ենթակա միջոցառումները քննարկելու նպատակով այսօր տեղի է ունեցել Կանանց հարցերով խորհրդին կից աշխատանքային խմբի հանդիպումը, որին մասնակցել են շահագրգիռ գերատեսչությունների, կանանց հիմնահարցերի ոլորտում ակտիվ գործունեություն իրականացնող միջազգային և հասարակական կազմակերպությունների ներկայացուցիչներ։ Ընդգծելով Ռազմավարության մշակման և իրականացման գործընթացում փորձագիտական համայնքի, զարգացման գործընկերների ակտիվ մասնակցության դերը՝ […] ...
18:23 14.05.2025
Սուրեն Պապիկյանը ՄԱԿ-ի խաղաղապահության նախարարական հանդիպման շրջանակում հանդես է եկել ելույթովՄայիսի 14-ին ՀՀ պաշտպանության նախարար Սուրեն Պապիկյանը ՄԱԿ-ի խաղաղապահության նախարարական հանդիպման շրջանակում հանդես է եկել ելույթով: Ողջունելով հանդիպման մասնակիցներին՝ Սուրեն Պապիկյանն իր ելույթում նշել է միջազգային խաղաղապահ գործընթացներին Հայաստանի աջակցության մասին և ներկայացրել ՀՀ նոր հանձնառությունները՝ ՄԱԿ-ի խաղաղապահ առաքելություններում ներգրավվելու համար համապատասխան պատրաստությամբ անձնակազմի տրամադրում, խաղաղապահների պատրաստության միջազգային դասընթացների կազմակերպում Հայաստանում և ՄԱԿ-ի առաքելություններում կին […] ...
18:14 14.05.2025
Թրամփը չի բացառել իր մասնակցությունը Ստամբուլում կայանալիք ռուս-ուկրաինական բանակցություններինԱՄՆ նախագահ Դոնալդ Թրամփը չի բացառել Ռուսաստանի և Ուկրաինայի միջև մայիսի 15-ին Թուրքիայում նախատեսված բանակցություններին իր մասնակցությունը, սակայն չգիտի՝ արդյոք Ռուսաստանի նախագահ Վլադիմիր Պուտինը կմասնակցի՞, թե՞ ոչ։ Ինչպես «Արմենպրես»-ը տեղեկանում է Reuters-ից, այս մասին Կատար մեկնելիս նախագահական ինքնաթիռում լրագրողների հետ զրույցում նշել է Թրամփը։ «Նա (խմբ.՝ Պուտինը) կցանկանար, որ ես այնտեղ լինեմ, և դա հնարավոր […] ...
18:07 14.05.2025
Քաղաքաշինության կոմիտեի նախագահն այցելել է Եղվարդի բժշկական կենտրոնի շինհրապարակՔաղաքաշինության կոմիտեի նախագահ Եղիազար Վարդանյանն այցելել է Կոտայքի մարզում կոմիտեի համակարգմամբ կառուցվող Եղվարդի (Նաիրի) բժշկական կենտրոնի շինարարական հրապարակ։ Շրջայցին մասնակցող բժշկական կենտրոնի տնօրենի, Քաղաքաշինության կոմիտեի պատասխանատու ստորաբաժանումների մասնագետների, նախագծային, շինարարական և տեխնիկական հսկողություն իրականացնող կազմակերպությունների ներկայացուցիչների հետ նա դիտարկել է կատարված աշխատանքները՝ ընդգծելով որակի սահմանված նշաձողը պահպանելու կարևորությունը։ Ներկայում ընթանում են արտաքին պատերի երեսապատման, միջնորմների […] ...
