17:47 21.05.2020
Երեկ երեկոյան փլուզում է տեղի ունեցել Գյումրիի Մանուշյան թաղամասում: Բնակելի տնակների հարևանությամբ հողաշերտ է փլուզվել, ինչի հետևանքով մոտ 4 մետր խորության խորշ է բացվել:
Պարզվել է, որ փլուզվածը Գյումրիի հայտնի Ֆանտանների պոմպակայանի մուտքն է: Այն տարիներ շարունակ ծածկված է եղել հողային շերտով: Փլուզման հետևանքով բացվել է մուտքը, որը տանում է դեպի ստորգետնյա պոմպակայան: Տարածքում աշխատել են Շիրակի մարզային փրկարարական վարչության և ոստիկանության աշխատակիցները:
Տեղազննության արդյունքում իրավապահները պոմպակայանում ոսկորներ են հայտնաբերել:
80-ականների սկզբին, երբ Գյումրիում կառուցվել են շատրվանները, թաղամասը ոչ պաշտոնապես ստացել է Ֆանտաններ անվանումը: 1988-ից հետո այն դարձավ քաղաքի ամենամեծ տնակային թաղամասերից մեկը: Հիմա այստեղ շատ քիչ տնակներ են մնացել: Հատուկենտ ժամանակավոր կացարանների ու քանդված տնակների արանքում կարմիր ժապավենն է երևում:
Պոմպակայանի գոյության մասին տարածքի բնակիչներից քչերն են իմացել: Այս հատվածում ևս ժամանակին տնակ է եղել տեղադրված, իսկ պոմպակայանի մուտքը փակված է եղել հողային շերտով:
«Այս տարածքում ամբողջությամբ տնակներ էին, իրար կողքի, խիտ տեղադրված: Շատերը տուն ստացան, գնացին: Պոմպակայանն էլ հարևանների բակի տարածքում էր: Ոչ բոլորը գիտեին պոմպակայանի մասին: Կոմունիստների ժամանակ կառուցվել է, փակել, գնացել են»,- SHANTNEWS.am-ի թղթակցի հետ զրույցում ասել են տարածքի տնակների բնակիչները:
Իրավապահների ուշադրությունը գրավել է նախկին պոմպակայանում հայտնաբերվածը։ Փլուզման հետևանքով բացված մուտքը տանում է դեպի ստորգետնյա տարածք, որտեղ ժամանակին պոմպերն ու խողովակներն են եղել տեղադրված: Հենց այդ տարածքում ոսկորներ են հայտնաբերվել:
«Ոստիկանության ծառայակիցների կողմից պոմպակայանի տարածքը դիտարկում կատարելու արդյունքում հայտնաբերվել են կենդանու պատկանող ոսկորներ, նախնական տվյալներով՝ կենդանու պատկանող ոսկորներ: Երկրորդ ահազանգը ստացվեց, որ մեր օգնությունն է պահանջվում: Երկրորդ ահազանգով նորից մեկնել ենք, ապահովել անվտանգությունը ոստիկանության օպերատիվ գործողությունների ժամանակ: Մնացածը ոստիկաններն են կատարել: Քարային, հողային շերտ է փլուզվածը»,- SHANTNEWS.am-ին ասել է Գյումրիի թիվ 48 ՀՓՋ հրամանատար Էդվարդ Սարոյանը:
Գյումրիի թիվ 48 հրշեջ-փրկարարական ջոկատի հրամանատարն է նշում, որ իրավապահների նախնական վարկածով՝ հայտնաբերված ոսկորները կենդանու են պատկանել: Այդուհանդերձ, երկրորդ անգամ ոստիկանները տարածք են կանչել փրկարարների՝ ոսկորները պոմպակայանից դուրս բերելու հարցում իրենց օգնելու համար:
Ոստիկանությունից էլ հայտնեցին, որ նշանակվել են փորձաքննություններ՝ պարզելու, թե ինչ ծագում ունեն ոսկորները: Իսկ պոմպակայանի մուտքը, ըստ փրկարարների, հետագա փլուզման վտանգ չի ներկայացնում:
Այն փակելու պարտականությունն արդեն քաղաքապետարանինն է:
23:59 21.07.2025
Ա.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր, որն ընդգրկում է 2 նորարարական ուղղությունԱ.Բ. Նալբանդյանի անվան ԳԱԱ քիմիական ֆիզիկայի ինստիտուտում իրականացվում է գիտական ծրագիր՝ ՀՀ ԿԳՄՍ նախարարության Բարձրագույն կրթության և գիտության կոմիտեի լաբորատորիաների ամրապնդման դրամաշնորհի շրջանակում։ Այս մասին հայտնել են ԿԳՄՍ նախարարությունից: Ծրագրի բյուջեն կազմում է 176 միլիոն ՀՀ դրամ։ Հետազոտությունն ընդգրկում է երկու նորարարական ուղղություն: Առաջինի շրջանակում գիտնականներն ուսումնասիրում են մարգարտախեցու կառուցվածքը և այն կենսանմանակում՝ նոր սերնդի […] ...
23:55 21.07.2025
2025-ին 1700 շահառու ստացել է աջակցություն բնակապահովման ծրագրի շրջանակում․ վճարվել է շուրջ 1.4 մլրդ դրամ2025 թվականի ընթացքում արդեն իսկ 1700 շահառու ստացել է աջակցություն՝ Երեխա ունեցող ընտանիքների բնակարանային ապահովման պետական աջակցության ծրագրի շրջանակում․ ընդհանուր առմամբ վճարվել է շուրջ 1.4 մլրդ դրամ։ Այս մասին հայտնել են ՀՀ աշխատանքի և սոցիալական հարցերի նախարարությունից: Միջոցառման մեկնարկից մինչ օրս միջոցառման շահառուների թիվը՝ 13815 է, հատկացված բյուջեն՝ շուրջ 10 մլրդ դրամ։ Հիշեցնենք, որ Երեխա […] ...
23:52 21.07.2025
Դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանըՀուլիսի 21-ին Հայաստանի Հանրապետության արտակարգ և լիազոր դեսպան դոկտոր Արսեն Առաքելյանը Քուվեյում ՀՀ դեսպանությունում հյուրընկալել է Քուվեյթի Պետության զբոսաշրջիկների ասոցասիայի նախագահ Մոհամմադ ալ-Բրայիքին։ Այս մասին հայտնել են Քուվեյում ՀՀ դեսպանությունից: Հանդիպման ընթացքում դեսպան Առաքելյանն անդրադարձել է Քուվեյթ-Երևան-Քուվեյթ ուղիղ չվերթի մեկնարկի նշանակությանը՝ առանձնացնելով զբոսաշրջության ոլորտում ստեղծված համագործակցության լայն հնարավորությունները։ Ներկայացվել է ՀՀ կառավարության կողմից Ծոցի համագործակցության […] ...
23:49 21.07.2025
Նորք-Մարաշ վարչական շրջանը կունենա շների համար նախատեսված զբոսայգիՆորք-Մարաշ վարչական շրջանը ևս կունենա շների համար նախատեսված զբոսայգի, իսկ հարակից տարածքում ստեղծվում է նոր պուրակ: Աշխատանքներն ավարտական փուլում են: Այս մասին հայտնել են Երևանի քաղաքապետարանից: Մանրամասները՝ տեսանյութում: ...
23:44 21.07.2025
«Բարսելոնան» մեկ օրում մարզաշապիկների վաճառքի ռեկորդ է գրանցել«Բարսելոնան» 24 ժամում ակումբի հարձակվող Լամին Յամալի` «10» համարով 70 հազար մարզաշապիկ է վաճառել, հայտնում է COPE-ն։ Այդ ցուցանիշը ռեկորդային է «Բարսելոնայի» համար։ Կատալոնական ակումբը վաճառած մարզաշապիկներից վաստակել է գրեթե 10 միլիոն եվրո` գերազանցելով կոմերցիոն սպասելիքները։ Յամալի՝ «10» համարով մարզաշապիկները վաճառվում են աշխարհի 170 երկրներում։ 18-ամյա հարձակվողը հուլիսի 16-ին է ստացել «10» համարի խաղաշապիկը։ ...
23:39 21.07.2025
Մերց. ԱՄՆ-ն Գերմանիային և ԵՄ-ին խոստացել է Patriot համակարգեր՝ Ուկրաինային փոխանցված համակարգերի դիմացԳերմանիայի կանցլեր Ֆրիդրիխ Մերցը հայտարարել է, որ Միացյալ Նահանգները Գերմանիային և ԵՄ մյուս երկրներին խոստացել է Patriot հակաօդային պաշտպանության համակարգեր, եթե Եվրոպան իր համակարգերը փոխանցի Ուկրաինային։ Մանրամասները քննարկվում են։ «ԱՄՆ կառավարության կողմից կա ընդհանուր համաձայնություն Patriot համակարգերը մեզ՝ Գերմանիային և Եվրամիությանը փոխանցելու վերաբերյալ, և մենք, մեր հերթին, Ուկրաինային կմատակարարենք մեր ունեցած Patriot համակարգերը։ Այսինքն՝ մենք […] ...
