17:18 10.06.2020
Գյումրիի քաղաքապետարանը հավելյալ տարածք կհատկացնի Արթուր Ալեքսանյանի անվան նոր մարզադպրոցի կառուցման համար և ֆինանսական միջոցներ՝ համատիրություններին և սուբվենցիոն ճանապարհաշինական ծրագրերի իրականացման համար:
Գյումրիի ավագանին այսօր հաստատել է այս մասին որոշումների նախագծերը: Ինչպես միշտ, ավագանու օրակարգի մեծ մասը նվիրված է եղել տարբեր կազմակերպություններին ու սոցիալապես անապահով ընտանիքներին դրամական հատկացումներին:
Արձակուրդ գնալուց առաջ ավագանին անդրադարձել է նաև թափառող շների համար կացարան ունենալու հարցին: Քաղաքապետարանը տարածք կհատկացնի բարեգործական կազմակերպությունների միջոցներով ապաստարան կառուցելու համար:
Թափառող շները շատ են Գյումրիի բոլոր թաղամասերում ու վտանգ են ներկայացնում: Ավագանու անդամները հիշեցին վերջին դեպքը, երբ Գյումրիում շների հարձակման էր ենթարկվել երկուսուկես տարեկան փոքրիկը:
Տարեսկզբից 350 թափառող շուն է ստերջացվել: Եվս 255-ը կստերջացվի ծրագրի երկրորդ փուլով, բայց ստերջացումը չի ապահովագրում շների ագրեսիվ պահվածքից: Թափառող շների ապաստարան է պետք: Ավագանուն ներկայացվող որոշման նախագիծը այս նպատակով էր:
«Սրվել է թափառող կենդանիների հարցը: Դեպքեր եղան հարձակումների, ու չնայած, որ պայմանագիր կա կնքված համապատասխան կազմակերպության հետ վնասազերծման հարցերը կազմակերպելու համար, մենք գտնում ենք, որ դա դեռևս բավարար չէ: Առաջարկում ենք համայնքապատկան կիսակառույց տարածք, որը չի օգտագործվում, տրամադրենք այն կազմակերպություններին, որոնք պատրաստ կլինեն բարեգործական հիմունքներով զբաղվել այդ հարցով՝ կլինեն կենդանասերներ, թե բնապահպաններ:
Պատրաստվում ենք անվճար անհատույց օգտագործման իրավունքով տալ՝ դիմացը ստանալով այդ ծառայությունները մեր քաղաքի համար»,- ասել է Գյումրիի գլխավոր ճարտարապետ Հենրիկ Գասպարյանը:
Այսինքն՝ թափառող շների ապաստարան ունենալը բիզնես գաղափար է, որի համար քաղաքապետարանը պատրաստ է անհատույց տարածք տրամադրել թափառող շների քանակի կրճատման դիմաց:
Տարածքի տրամադրման մեկ այլ որոշման նախագիծ էլ մարզական համալիր ունենալու համար է: Խոսքը Արթուր Ալեքսանյանի անվան ըմբշամարտի նոր մարզադպրոցի շինարարության մասին է: Տարածք հատկացվել էր, պետբյուջեից 2 մլրդ դրամ է տրամադրվել, ծրագիրը նախագծային փուլում է:
Քաղաքապետարանը սուբվենցիա կտրամադրի Գյումրիի 18 համատիրությունների: Դրանց ընթացիկ աշխատանքներին գումարվել են մայիսի վերջին ուժեղ քամու հետևանքով վնասված տանիքների վերանորոգման աշխատանքները: 18 փողոցի հիմնանորոգման համար էլ քաղաքապետարանն էր սուբվենցիոն հայտ ներկայացրել: Ավագանու որոշմամբ՝ այդ ցանկից մեկ փողոց այսօր հանվեց՝ սուբվենցիոն հայտով Գյումրիում կհիմնանորոգվի 17 փողոց:
Գումարային հատկացումների ցանկում այսօր ավագանու հաստատմանը ներկայացվեց նաև «Գյումրիի օր» տոնակատարությունների համար նախատեսված ֆինանսավորման չափը: Գյումրիի օրը օգոստոսին է: Միջոցառումների համար հատկացված գումարը կծախսվի, եթե մինչ այդ համավարակը թույլ տա քաղաքի տոնը նշել:
Ավագանու այսօրվա օրակարգում ևս երկու հարց էր ընդգրկված, որոնք վերաբերում էին «Գյումրիի պատվավոր քաղաքացի» կոչում շնորհելուն։ Իսկ կոչումները հետմահու էին, որին արժանացան հայտնի շինարար Վարդգես Արծրունին և մեծանուն դերասան Մհեր Մկրտչյանը:
Գյումրիի ավագանին սրանով նստաշրջանն ավարտեց ու արձակուրդ գնաց: Կվերադառնան սեպտեմբերին:
12:05 18.07.2025
Բացահայտվել է Վահրամ Խորխոռունու սպանությունը
11:53 18.07.2025
Նուբարաշենի համայնքային ոստիկանները զենք-զինամթերք են հայտնաբերելԲնակչության շրջանում տարվող բացատրական աշխատանքի արդյունքում քաղաքացիները պարբերաբար ապօրինի պահվող զենք-զինամթերք են հանձնում ոստիկանություն: Հուլիսի 15-ին Ոստիկանության օպերատիվ կառավարման կենտրոն զանգահարած քաղաքացին հայտնել է, որ Նուբարաշենից Մուշականի ամառանոցներ տանող ճանապարհին զենք-զինամթերք է թողել։ Համայնքային ոստիկանության Նուբարաշենի բաժնից մեկնած օպերատիվ խումբը նշված վայրում հայտնաբերել է պոլիէթիլենային տոպրակ, որի մեջ կար ողորկափող որսորդական հրացան, թմբուկավոր ատրճանակ, երեք […] ...
11:46 18.07.2025
ԵՄ-ն հաստատեց Ռուսաստանի դեմ ամենախիստ պատժամիջոցների փաթեթներից մեկը․ ԿալլասԵՄ երկրները ուրբաթ օրը հաստատել են Ռուսաստանի դեմ պատժամիջոցների 18-րդ փաթեթը, հայտարարել է ԵՄ դիվանագիտության ղեկավար Կայա Կալլասը։ «ԵՄ-ն այսօր առավոտյան հաստատեց Ռուսաստանի դեմ ամենախիստ պատժամիջոցների փաթեթներից մեկը», – գրել է նա X սոցիալական ցանցում։ ...
11:38 18.07.2025
Սարուխան գյուղի բնակչի տնամերձ հողամասում հայտնաբերվել է կանեփի 326 բույսՔրեական ոստիկանության Գեղարքունիքի մարզային վարչության ծառայողներն օպերատիվ տեղեկություններ էին ստացվել, որ Սարուխան գյուղի 57-ամյա բնակչուհին տնամերձ հողամասում կանեփ է աճեցնում: Նախաձեռնվել է քրեական վարույթ, որի շրջանակում կատարված զննությամբ սարուխանցի կնոջ տնամերձ հողամասում հայտնաբերվել է կանեփի 326 բույս։ Հանգամանքները պարզվում են: ...
11:24 18.07.2025
Տապը վտանգավոր է սրտանոթային համակարգի հիվանդություններ և շաքարային դիաբետ ունեցողների համար․ ՀՀ ԱՆՏապը վտանգավոր է սրտանոթային համակարգի հիվանդություններ և շաքարային դիաբետ ունեցողների համար: Բարձր ջերմաստիճանը ծանրաբեռնում է սիրտը և անոթները, արագացնում ջրի կորուստը, բարձրացնում կամ իջեցնում է զարկերակային ճնշումը: Այս մասին հայտնում է ՀՀ առողջապահության նախարարությունը։ Սա հատկապես վտանգավոր է զարկերակային գերճնշման, սրտային անբավարարության և շաքարային դիաբետի դեպքում։ Եթե ունեք սրտանոթային համակարգի հիվանդություններ․ Օրական խմե՛ք 1,5–2 լիտր […] ...
11:14 18.07.2025
Գեղարքունիքի մարզի Մադինա համայնքի նախկին ղեկավարը մեղադրվում է հայտարարագիրը դիտավորությամբ չներկայացնելու մեջՀՀ հակակոռուպցիոն կոմիտեում նախաձեռնված քրեական վարույթով իրականացված նախաքննությամբ պարզվել է, որ ՀՀ Գեղարքունիքի մարզի Մադինա համայնքի նախկին ղեկավարը օրենքով սահմանված պատասխանատվության կիրառումից հետո դիտավորությամբ հայտարարագիր չի ներկայացրել: Մասնավորապես՝ նախաքննությամբ պարզվել է, որ 2024 թվականի ապրիլի 22-ին Մադինա համայնքի նախկին ղեկավարը գրավոր ծանուցվել է 2021 թվականի պաշտոնեական պարտականությունները դադարեցնելու օրվա դրությամբ առկա գույքի, եկամուտների, ծախսերի և շահերի հայտարարագիրը չներկայացնելու, ինչպես նաև դրանից հետո 30 օրվա ընթացքում համապատասխան հայտարարագիր ներկայացնելու պարտավորության, իսկ հակառակ դեպքում՝ 31-րդ օրը վարչական վարույթ իրականացնելու նպատակով հանձնաժողովին ներկայանալու վերաբերյալ: Հիշյալ անձը, սակայն, այդ ընթացքում չի ներկայացրել հայտարարագիրը և չի ներկայացել հանձնաժողովին: Դրանից հետո համայնքի նախկին ղեկավարի նկատմամբ կազմվել է վարչական իրավախախտման վերաբերյալ արձանագրություն, և 2024 թվականի օգոստոսի 5-ին տեղի ունեցած՝ վարչական իրավախախտման վերաբերյալ գործի քննության արդյունքում որոշում է կայացվել նրա նկատմամբ 200․000 ՀՀ դրամի չափով տուգանք նշանակելու մասին: Պատշաճ ծանուցվելով վարչական տուգանք կիրառված լինելու վերաբերյալ՝ համայնքի նախկին ղեկավարը 30-օրյա ժամկետում դարձյալ հայտարարագիր չի ներկայացրել իրավասու մարմնին՝ ՀՀ կոռուպցիայի կանխարգելման հանձնաժողովին, որի համար նրան մեղադրանք է ներկայացվել ՀՀ քրեական օրենսգրքի 444-րդ հոդվածի 1-ին մասով: Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են ՀՀ հակակոռուպցիոն դատարան: ...
