Շիրակի մարզի Հոռոմ գյուղում ոռոգման նոր ցանց է կառուցվում – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
04 05 2025
  • $
    389.41
  • RUBLE
    4.71
  • 441.28
WEATHER
+14.09 oC

Շիրակի մարզի Հոռոմ գյուղում ոռոգման նոր ցանց է կառուցվում

23:14 29.06.2020

Արթիկի տարածաշրջանի Հոռոմ գյուղում ոռոգման նոր համակարգ է անցկացվում: «Գյուղական տարածքների տնտեսական ծրագրերի իրականացման գրասենյակի» ֆինանսավորմամբ է ծրագիրը, իսկ գյուղապետարանը իր մասնաբաժինը համաֆինանսավորմամբ է ներդնում:

Ընդհանուր 89 մլն 476 հազար դրամ արժողության ծրագրով 3 կմ ոռոգման ցանց է անցկացվում: Սրանով Հոռոմում երկու խնդիր է լուծվում՝ նախ կրճատվում են ոռոգման ջրի կորուստները, և ոռոգումը հասանելի է դառնում գյուղի ծայրամասային հողակտորներին:

Գյուղացիները ժամանակավորապես` մինչև նոր ցանցի պատրաստ լինելը, ոռոգել չեն կարող: Համաճարակային դրությունն է խախտել աշխատանքների ժամանակացույցը: Շինարարը պլանավորել էր նոր ցանցի կառուցումը սկսել ու ավարտել մինչև ոռոգման սեզոնի ավարտը:

«Ընդհանուր ցանցը 9 ճյուղի ենք բաժանել: Մոտ 2 օրավ ընթացքում կավարտենք հերթական ճյուղը: Ընդհանուր առմամբ նախատեսում ենք երկու ամսում ավարտել աշխատանքները: Նախատեսել էինք փետրվար-մարտ ամիսներին գործը սկսել, բայց համաճարակի պատճառով հետաձգվեց»,-SHANTNEWS-ին ասել է «Մեդիսոն Էյբլ» ՍՊԸ աշխղեկ Արտակ  Մուրադյանը:

Գյուղացիներին բացատրել են, որ անհարմարությունները ժամանակավոր են: Ոռոգման նոր ցանցի կառուցման երկրորդ փուլն է Հոռոմում սկսվել: Անցած տարի 11 կմ ցանց է հիմնանորոգվել, ևս 3-ն այս տարի է կառուցվում: Առանց կորուստների ջրացանց ունենալու համար գյուղապետարանը 4մլն դրամից ավելի համաֆինանսավորում է կատարել: Ծրագրի պայմանները գյուղի համար ավելի ձեռնտու են, քան սուբվենցիոն ծրագրերը: Գյուղապետարանի համաֆինանսավորումն ընդամենը 5 տոկոս է կազմում: Հոռոմում թաղամաս առ թաղամաս հերթով ընդամենը մի քանի օրից ոռոգման ջուր կկարողանան ստանալ արդեն նոր ցանցով: Իսկ Վարդաքարի ջրամբարում բավարար քանակության ջուր կուտակվել է:

«Մի հատվածում արդեն աշխատանքները ավարտին են մոտեցել՝ 80 % կառուցված է: Առաջնահերթ այն տեղամասերում ենք կառուցում, որ ոռոգմանը չխանգարի: Ավելի հեռու տեղամասեր էլ ունենք, որտեղ ցորեն են ցանում և երբեք էլ չեն ջրում: Հույս ունենք` այդ տեղամասերում հաջորդ տարի նաև կարտոֆիլ կմշակվի: Թե կարտոֆիլը, թե ցորենն արդեն կոռոգենք: Սրանով գյուղի ոռոգման ցանցը կհիմնանորոգվի 70%-ով: Ցանցի մյուս հատվածն էլի վատ վիճակում է: Հուսով ենք՝ նորից ծրագրեր կունենանք ու նորից ծրագիրը կշարունակենք»,-SHANTNEWS-ին ասել է Հոռոմի գյուղապետ Աշոտ Պասկևիչյանը:

Հիմա գյուղացիներից ոռոգման ջրի հայտեր են ընդունում: Դրանք, ըստ պատասխանատուի, դեռ շատ չեն:

Շիրակի մարզում հուլիսին ու օգոստոսին են ավելի շատ ջուր պահանջում: Իսկ մինչ այդ Հոռոմի նոր ցանցը պատրաստ կլինի: Սա գյուղի և «Գյուղական տարածքների տնտեսական ծրագրերի իրականացման գրասենյակի» երկրորդ ու ոչ վերջին համագործակցության արդյունքն է: Համատեղ նաև երրորդ ծրագիրն են սկսելու: Նախատեսվում է Հոռոմում, կրկին գյուղապետարանի համաֆինանսավորմամբ, սառնարանային տնտեսություն հիմնել:

Բոլոր լուրերը

Կապակցված լուրեր

Տիգրան Սողոմոնյանը «Sardinia World Chess Festival 2025» շախմատի միջազգային մրցաշարի B խմբի հաղթող

00:00 04.05.2025

Տիգրան Սողոմոնյանը «Sardinia World Chess Festival 2025» շախմատի միջազգային մրցաշարի B խմբի հաղթող

Տիգրան Սողոմոնյանը դարձավ Իտալիայում անցկացված «Sardinia World Chess Festival 2025» շախմատի միջազգային մրցաշարի B խմբի հաղթող։ Այս մասին հայտնել են Հայաստանի շախմատի ֆեդերացիայից։ Տիգրանը 9 հնարավորից վաստակեց 7.5 միավոր և 188 կետով բարելավեց իր միջազգային վարկանիշը: ...

Գեղարքունիքի և Կոտայքի մարզերի մի շարք հասցեներում ջուր չի լինի

23:51 03.05.2025

Գեղարքունիքի և Կոտայքի մարզերի մի շարք հասցեներում ջուր չի լինի

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված՝ ս.թ. մայիսի 5-ին՝ ժամը 08:00-ից մինչև մայիսի 6-ը՝ ժամը 08:00-ն, կդադարեցվի՝ Գեղարքունիքի մարզի Սևանի քաղաքի, Գագարինավան, Վարսեր գյուղերի, ինչպես նաևԿոտայքի մարզի Ջրառատ գյուղի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...

Երևանում «КамАЗ»-ը բախվել է գազատար խողովակներին, ինչի հետևանքով սկսվել է գազի արտահոսք

23:45 03.05.2025

Երևանում «КамАЗ»-ը բախվել է գազատար խողովակներին, ինչի հետևանքով սկսվել է գազի արտահոսք

Մայիսի 3-ին, արտակարգ դեպք է տեղի ունեցել Երևանում։ Ժամը 16։50-ի սահմաններում Սուրեն Սաֆարյան և Շոպրոն փողոցների խաչմերուկում «КамАЗ» մակնիշի բեռնատարը բախվել է գազատար խողովակներին։ Ինչպես հայտնում է shamshyan.com-ը,  բախման հետևանքով տուժածներ չկան, սակայն գազախողովակները վնասվել են և սկսվել է գազի արտահոսք։ Դեպքի վայր են ժամանել ՀՀ ներքին գործերի նախարարության փրկարար ծառայության Երևանի հրշեջ -փրկարարական ջոկատից՝ […] ...

Telegram-ում ավելացվել է նոր գործառույթ

23:39 03.05.2025

Telegram-ում ավելացվել է նոր գործառույթ

Պավել Դուրովը հայտարարել է Telegram-ում նոր գործառույթի՝ խմբային զանգերի գործարկման մասին, որի կարող է միանալ մինչև 200 մասնակից։ Այս մասին նա գրել է իր Telegram ալիքում։ «Telegram-ի վերջին թարմացումը կներդնի ուլտրա անվտանգ խմբային զանգեր։ Դրանք պաշտպանված են ոչ միայն բաժանորդների կոդավորմամբ, այլև բլոկչեյնանման տեխնոլոգիայով՝ ապահովելու համար, որ ոչ ոք չկարողանա գաղտնի կերպով միանալ դրանց», – […] ...

Երևանում «Volkswagen ID.4»-ը բախվել է կայանված «BMW»-ին

23:26 03.05.2025

Երևանում «Volkswagen ID.4»-ը բախվել է կայանված «BMW»-ին

Մայիսի 3-ին, արտակարգ դեպք է տեղի ունեցել Երևանում: Ժամը 13:50-ի սահմաններում «Volkswagen ID.4» մակնիշի ավտոմեքենան, ըստ նախնական տեղեկությունների, տեխնիկական անսարքության պատճառով Պարույր Սևակի փողոցում բախվել է ճանապարհի թույլատրելի հատվածում կայանված «BMW» մակնիշի ավտոմեքենային, ապա անցել երթևեկելի 2 գոտիով, բախվել մեկ այլ կայանված ավտոմեքենայի, անցել բազալտե եզրաքարի վրայով, հայտնվել հետիոտնի համար նախատեսված մայթին և բախվել քարե […] ...

Finnair-ը Հելսինկիում գործադուլի պատճառով չեղարկել է գրեթե 100 չվերթ

23:09 03.05.2025

Finnair-ը Հելսինկիում գործադուլի պատճառով չեղարկել է գրեթե 100 չվերթ

Finnair -ը հայտարարել է մոտ 100 չվերթի չեղարկման մասին՝ Ֆինլանդիայի ավիացիոն միության կողմից մայիսի 5-ին նախատեսված գործադուլի պատճառով։ Այս մասին հաղորդում է kommersant.ru-ն։ Ընկերության ներկայացուցիչների խոսքով՝ սպասվում են թռիչքների ժամանակացույցի զգալի փոփոխություններ։ Հելսինկիում գործադուլը կտևի չորս ժամ և կընթանա հերթափոխով։ Finnair-ը հայտարարել է, որ 7500 ուղևորի տեղեկացրել է այլընտրանքային երթուղիների մասին։ Բացի այդ, գործադուլը կարող […] ...

BACK_TO_TOP