19:55 01.07.2020
Համավարակի դեմ պայքարը խախտել է քաղաքաշինական մի շարք ծրագրերի ժամանակացույցը: Օրինակը Գյումրիում 4 վթարային շենքերի ամրացման և բնակիչներին բնակարանի գնման վկայագրերի տեսքով փոխհատուցում տալու ծրագիրն է:
Հիշեցնենք՝ մարզպետարանը, կառավարության հանձնարարականով, առաջարկներ էր ներկայացրել, թե ինչպես է հնարավոր լուծել վթարայինների հարցը: 1 շենքի ամրացման առաջարկ էր ներկայացվել, մյուս երեքի դեպքում մարզպետարանը ԲԳՎ-ներով փոխհատուցելու տարբերակն էր նպատակահարմար գտել: Քննարկումների արդյունքում երկու շենքերի՝ Իսահակյան 9-ի և Ղուկասյան 29-ի բնակիչները հրաժարվել են վկայագիր ստանալ ու շենքերի ամրացում պահանջել: Բնակիչների կարծիքները կրկին առաջարկի տեսքով կառավարություն են ներկայացրել ու արդեն 6 ամիս սպասում են պատասխանի:
Բնակարանի գնման վկայագիր կամ ամրացում: Այս հարցին էր մարզպետարանը պատասխանել անցած տարեվերջին: Այդ պատասխանից էր կախված, թե վթարայինների բնակիչներին փոխհատուցման ինչ տարբերակ է կառավարությունը ընտրելու: Անտառավան 26-ը Գյումրիի ամենախիստ վթարային, փլուզման ենթակա շենքերից է, որի բնակիչների համար միակ տարբերակը բնակարանի գնման վկայագրերի տրամադրումն է: Բնակիչների հետ քննարկել են, համաձայնության եկել:
Իսահակյան 9 շենքի բնակիչներին էլ էին առաջարկել ԲԳՎ ստանալ: Բնակիչները միավորվել են, դիմել են մարզպետարան, որ առաջարկը փոխեն: Իսահակյան 9-ը 3-րդ, մասնակի 4-րդ աստիճանի վթարային է: Բնակիչներն են նշում՝ շենքի վիճակն այնպիսին չէ, որ քանդման ենթակա լինի:
«Անտառավան 26 շենքի հետ կապված առաջարկություն է ներկայացվել կառավարություն ԲԳՎ-ների համար, քանի որ շենքի բնակիչները համաձայնություն տվել են վկայագրեր ստանալու համար: Ղուկասյան 29 և Իսահակյան 9 շենքների համար առաջարկել ենք ամրացման ծրագրեր: Քանի որ այս շենքերի բնակիչները չեն համաձայնել ԲԳՎ ստանալ և պահանջում են ամրացում: Այս պահին մենք չունենք համապատասխան իրավական ակտ՝ կառավարության որոշում: Եթե չլիներ պանդեմիայի վիճակը, արդեն կունենայինք կառավարությունից պատասխան: Համավարակի հետ կապված ՝ ժամկետները ձգձգվեցին»,-SHANTNEWS.am-ին ասել է Շիրակի մարզպետարանի ճարտարապետաշինարարական բաժնի գլխավոր մասնագետ Մկրտիչ Ասատրյանը:
Ըստ մասնագետի՝ Իսահակյան 9, ինչպես նաև Ղուկասյան 29-ը ենթակա են ամրացման: Ղուկասյան 29-ի բնակիչներն էլ սկզբում համաձայնել են ԲԳՎ ստանալ, հետո մտափոխվել են: Պատճառը վկայագրերի արժեքի հաշվարկն է եղել:
Վկայագրերի արժեքի հաշվարկը ևս դեռ հստակ չէ: Ամեն ինչ կախված է նրանից, թե կառավարությունն ինչ որոշում կընդունի: Մարզպետարանում էլ հստակ ժամկետներ չեն կարող նշել, սպասում են գործադիրի պատասխանին: Վթարային 4 շենքերից միայն մեկի համար է, որ այլընտրանքային տարբերակներ չկան: Խոսքը Տիգրան Մեծի 5-ի մասին է:
Շենքի մի հատվածը 2003-ին է ամրացվել, մյուս հատվածի համար էլ ամրացում է մարզպետարանն առաջարկել: Կառավարությունը հավանություն տվել է, բայց էլի մեկնարկի անորոշ ժամկետներով:
23:26 03.05.2025
Երևանում «Volkswagen ID.4»-ը բախվել է կայանված «BMW»-ին
00:00 04.05.2025
Տիգրան Սողոմոնյանը «Sardinia World Chess Festival 2025» շախմատի միջազգային մրցաշարի B խմբի հաղթողՏիգրան Սողոմոնյանը դարձավ Իտալիայում անցկացված «Sardinia World Chess Festival 2025» շախմատի միջազգային մրցաշարի B խմբի հաղթող։ Այս մասին հայտնել են Հայաստանի շախմատի ֆեդերացիայից։ Տիգրանը 9 հնարավորից վաստակեց 7.5 միավոր և 188 կետով բարելավեց իր միջազգային վարկանիշը: ...
23:51 03.05.2025
Գեղարքունիքի և Կոտայքի մարզերի մի շարք հասցեներում ջուր չի լինի«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված՝ ս.թ. մայիսի 5-ին՝ ժամը 08:00-ից մինչև մայիսի 6-ը՝ ժամը 08:00-ն, կդադարեցվի՝ Գեղարքունիքի մարզի Սևանի քաղաքի, Գագարինավան, Վարսեր գյուղերի, ինչպես նաևԿոտայքի մարզի Ջրառատ գյուղի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
23:45 03.05.2025
Երևանում «КамАЗ»-ը բախվել է գազատար խողովակներին, ինչի հետևանքով սկսվել է գազի արտահոսքՄայիսի 3-ին, արտակարգ դեպք է տեղի ունեցել Երևանում։ Ժամը 16։50-ի սահմաններում Սուրեն Սաֆարյան և Շոպրոն փողոցների խաչմերուկում «КамАЗ» մակնիշի բեռնատարը բախվել է գազատար խողովակներին։ Ինչպես հայտնում է shamshyan.com-ը, բախման հետևանքով տուժածներ չկան, սակայն գազախողովակները վնասվել են և սկսվել է գազի արտահոսք։ Դեպքի վայր են ժամանել ՀՀ ներքին գործերի նախարարության փրկարար ծառայության Երևանի հրշեջ -փրկարարական ջոկատից՝ […] ...
23:39 03.05.2025
Telegram-ում ավելացվել է նոր գործառույթՊավել Դուրովը հայտարարել է Telegram-ում նոր գործառույթի՝ խմբային զանգերի գործարկման մասին, որի կարող է միանալ մինչև 200 մասնակից։ Այս մասին նա գրել է իր Telegram ալիքում։ «Telegram-ի վերջին թարմացումը կներդնի ուլտրա անվտանգ խմբային զանգեր։ Դրանք պաշտպանված են ոչ միայն բաժանորդների կոդավորմամբ, այլև բլոկչեյնանման տեխնոլոգիայով՝ ապահովելու համար, որ ոչ ոք չկարողանա գաղտնի կերպով միանալ դրանց», – […] ...
23:26 03.05.2025
Երևանում «Volkswagen ID.4»-ը բախվել է կայանված «BMW»-ինՄայիսի 3-ին, արտակարգ դեպք է տեղի ունեցել Երևանում: Ժամը 13:50-ի սահմաններում «Volkswagen ID.4» մակնիշի ավտոմեքենան, ըստ նախնական տեղեկությունների, տեխնիկական անսարքության պատճառով Պարույր Սևակի փողոցում բախվել է ճանապարհի թույլատրելի հատվածում կայանված «BMW» մակնիշի ավտոմեքենային, ապա անցել երթևեկելի 2 գոտիով, բախվել մեկ այլ կայանված ավտոմեքենայի, անցել բազալտե եզրաքարի վրայով, հայտնվել հետիոտնի համար նախատեսված մայթին և բախվել քարե […] ...
23:09 03.05.2025
Finnair-ը Հելսինկիում գործադուլի պատճառով չեղարկել է գրեթե 100 չվերթFinnair -ը հայտարարել է մոտ 100 չվերթի չեղարկման մասին՝ Ֆինլանդիայի ավիացիոն միության կողմից մայիսի 5-ին նախատեսված գործադուլի պատճառով։ Այս մասին հաղորդում է kommersant.ru-ն։ Ընկերության ներկայացուցիչների խոսքով՝ սպասվում են թռիչքների ժամանակացույցի զգալի փոփոխություններ։ Հելսինկիում գործադուլը կտևի չորս ժամ և կընթանա հերթափոխով։ Finnair-ը հայտարարել է, որ 7500 ուղևորի տեղեկացրել է այլընտրանքային երթուղիների մասին։ Բացի այդ, գործադուլը կարող […] ...
