18:41 01.09.2020
Այսօր Հայորդաց տան բացօթյա դահլիճում կայացել է Գյումրիի Վարդան Աճեմյանի անվան դրամատիկական թատրոնի շոու ներկայացումը,որը նախատեսված էր պատանի հանդիսատեսի համար։
Որ «Կորժիկը, կոմպոտը և կարամելկան» ներկայացման պրեմիերան կլիներ բացօթյա ու արտակարգ պայմաններում, տարեսկզբին թատրոնի տնօրինությունն անգամ ենթադրել չէր կարող, բայց համավարակը նոր իրավիճակ թելադրեց։
«Ներկայացման ռեժիսորն է Ռաֆայել Ասատրյանը, պրեմիերան պետք է կայանար մեր թատրոնի դահլիճում մարտի 14-ին, բայց, արտակարգ դրությամբ պայմանավորված, հետաձգվեց։ Այսօր այն շատ լավ անցավ, դահլիճում ներկա 100 փոքրիկների համար կարողացանք ստեղծել հեքիաթային մթնոլորտ»,- Shantnews-ի հետ զրույցում նշեց թատրոնի տնօրեն Լյուդվիգ Հարությունյանը։
Բացօթյա ներկայացմանը ներկա գտնվել ցանկացողները շատ են եղել, բայց սահմանափակումների պատճառով տոմսեր չեն վաճառել։ Հանդիսատեսի 80 տոկոսն էլ եղել է դեռ մարտ ամսվանից վաճառված տոմսերը ձեռք բերած փոքրիկները։
Մինչ ներկայացման մեկնարկը, բացօթյա տարածքում թատրոնի անձնակազմը ապահովել է անվտանգության բոլոր կանոնները։
«Բոլոր երեխաները ջերմաչափվել են, ախտահանիչ միջոցներ են տեղադրված եղել, կարելի է ասել՝ մեր թատրոնի ամբողջ անձնակազմը մեկ օրով տեղափոխվել էր Հայորդաց տան տարածք՝ հսկիչներով, տեխնիկական անձնակազմով ու դերասաններով»,- նշեց Լյուդվիգ Հարությունյանը։
Մանկական բացօթյա ներկայացումներ առաջիկայում թատրոնը նորից է նախատեսում խաղալ, հիմա սպասում են պարետատան ցուցումներին՝ հնարավորության դեպքում մեկ այլ տարածքում էլ ներկայացում կխաղան մեծ հանդիսատեսի համար։
«Բացօթյա տարածքում միայն հնարավոր է փոքր շոու ներկայացումներ խաղալ, երեկոյան բեմադրությունները դեկորացիայի պատճառով դրսում խաղալ հնարավոր չէ։ Նախատեսում ենք սեպտեմբերի կեսերին մեր հանդիսատեսին ներկայացնել «Երկնագույն շան աչքեր»-ի բացօթյա տարբերակը»,- ասաց թատրոնի տնօրենը։
Երբ արտակարգ դրությունը ավարտվի, դրամատիկական թատրոնը նոր եթերաշրջանի բացմանը պատրաստ է ներկայանալ երկու նոր ներկայացումներով, որոնց նախապատրաստական, բեմադրման աշխատանքները իրականացվել են արտակարգ դրության պայմաններում։ Աշնանը դրամատիկականում ծրագրում են նոր թատերական նախագիծ իրականացնել նաև հրավիրյալ դերասանի հետ։
«Վարդան Պետրոսյանի հետ ենք մի նոր նախագիծ իրականացնելու, որի գլխավոր դերակատարը կլինի նա։ Հենց թռիչքները թույլատրվեն, Վարդանը կգա Գյումրի ու միասին կբեմադրենք այդ ներկայացումը, որը կլինի իր տեսակի մեջ տարբերվող»,- նշեց Լյուդվիգ Հարությունյանը։
13:09 11.08.2025
Պարզ վթարների դեպքում այլևս կարիք չի լինի երկար գործողություններ իրականացնել ճանապարհի բանուկ հատվածումՍեպտեմբերի 1-ից ճանապարհատրանսպորտային պատահարի դեպքում համաձայնեցված հայտարարագիր լրացնելիս այլևս կարիք չի լինի երկար ժամանակ մնալ ճանապարհին՝ բջջային հավելվածում տարբեր տվյալներ լրացնելու համար։ Այս մասին հայտնում են Հայաստանի ավտոապահովագրողների բյուրոյից: Այժմ Դուք կարող եք՝ ASWA բջջային հավելվածով դեպքի վայրում միայն լուսանկարել ավտոմեքենաների վնասվածքները և դրանց փոխադարձ դիրքերը՝ առանց ինտերնետ կապի, արագ ազատել ճանապարհը և 3 ժամվա […] ...
13:00 11.08.2025
Քննչական կոմիտեի նախագահ Արթուր Պողոսյանը ներկայացրել է գլխավոր վարչության նորանշանակ պետինԱրթուր Պողոսյանի նախագահությամբ այսօր տեղի է ունեցել Կոլեգիայի նիստ, որի ընթացքում Քննչական կոմիտեի նախագահը ներկայացրել է Տարածքային քննչական վարչությունների գործունեության վերահսկողության գլխավոր վարչության պետ Վահե Միրզոյանին: Նիստին մասնակցել են Կոլեգիայի անդամները և կառուցվածքային ստորաբաժանումների ղեկավարները: Քննչական կոմիտեի նախագահ Արթուր Պողոսյանը շնորհավորել է գլխավոր վարչության պետին նշանակման կապակցությամբ՝ կարևորելով համակարգում վերջինիս երկար տարիների ծառայությունը, մասնագիտական և […] ...
12:49 11.08.2025
ՆԳՆ ՓԾ ճգնաժամային կառավարման ազգային կենտրոնում գրանցվել է 1001 դեպք, որից 531-ը՝ արտակարգՕգոստոսի 4-ից 10-ը ՆԳՆ ՓԾ ճգնաժամային կառավարման ազգային կենտրոնում գրանցվել է 1001 դեպք, որից 531-ը՝ արտակարգ: Մասնավորապես՝ հրդեհի՝ 430, պայթյունի, քարաթափման, երկրաշարժի, ջրահեղձման, զինամթերքի հայտնաբերման` 1-ական, փլուզման, ուժեղ քամու, բնական հրդեհի՝ 2-ական, ջրային տրանսպորտի մասնակցությամբ պատահարի, վայրի կենդանիների հարձակման, որոնողափրկարարական՝ 3-ական, կեղծ ահազանգի, ինքնասպանության փորձի՝ 10-ական, թունավորման` 11, օձի նկատման՝ 53, ճանապարհատրանսպորտային պատահարի՝ 73, ինչպես […] ...
12:40 11.08.2025
Էկոնոմիկայի նախարարը տվյալներ է հայտնել Հայաստան եկած զբոսաշրջիկների թվի մասին2025 թ. հուլիսին Հայաստան է եկել 263.592 զբոսաշրջիկ, որը 10,9%-ով կամ 25.989-ով ավելի է նախորդ տարվա հուլիսի ցուցանիշից։ Այս մասին Ֆեյսբուքի իր էջում գրել է ՀՀ էկոնոմիկայի նախարար Գևորգ Պապոյանը: «Առհասարակ 2025-ի մայիս, հունիս և հուլիս ամիսներին Հայաստան է եկել այս ամիսների պատմական ամենամեծ թվով զբոսաշրջիկները. մայիսին՝ 181.436, հունիսին՝ 215.253, հուլիսին՝ 263.592: Նախորդ լավագույն ցուցանիշները […] ...
12:27 11.08.2025
Նիկոլ Փաշինյանը հեռախոսազրույց է ունեցել Մասուդ Փեզեշքիանի հետՏեղի է ունեցել վարչապետ Նիկոլ Փաշինյանի հեռախոսազրույցն Իրանի Իսլամական Հանրապետության նախագահ Մասուդ Փեզեշքիանի հետ։ Վարչապետն ԻԻՀ նախագահին ներկայացրել է ս/թ օգոստոսի 8-ին ԱՄՆ մայրաքաղաք Վաշիգնտոնում տեղի ունեցած բանակցությունների արդյունքները, շեշտադրելով այն հնարավորությունները, որ Հայաստանի և Ադրբեջանի միջև հաստատված խաղաղությունը բացում է տարածաշրջանի համար։ Վարչապետ Փաշինյանն ընդգծել է, որ տարածաշրջանային հաղորդուղիները գործելու են երկրների տարածքային ամբողջականության, […] ...
12:22 11.08.2025
Ալիևը մեղադրում է Ռուսաստանին Ուկրաինայում գտնվող ադրբեջանական էներգետիկ օբյեկտների վրա հարձակման համարԲաքուն և Կիևը պնդում են, որ Ռուսաստանը հարվածել է Ուկրաինայում գտնվող ադրբեջանական SOCAR ընկերության նավթամբարին։ Ալիևի կայքէջի համաձայն՝ Ադրբեջանի և Ուկրաինայի նախագահներ Իլհամ Ալիևը և Վլադիմիր Զելենսկին հեռախոսազրույցի ընթացքում դատապարտել են Ուկրաինայում Ադրբեջանին պատկանող էներգետիկ օբյեկտների վրա «ռուսական հարձակումները» ։ Ադրբեջանը հայտարարել է, որ կողմերը դատապարտել են Ռուսաստանի կողմից Ուկրաինայում Ադրբեջանի SOCAR-ին պատկանող նավթի պահեստարանի, […] ...
