22:09 26.01.2021
Առաջին անգամ հիբրիդային ձևաչափով անցկացվող ԵԽԽՎ ձմեռային նստաշրջանը շարունակվում է: Այսօր ելույթ է ունեցել հայկական պատվիրակության անդամ, ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը:
Նա խոսել է Ադրբեջանում պահվող հայ գերիների մասին և շեշտել, որ այդ երկիրը գերիներին չի հանձնում նրանց ազգային պատկանելության պատճառով:
«20 տարի առաջ երբ մենք միացանք այս կազմակերպությանը, մենք հավատում էինք Մարդու իրավունքների եվրոպական դատարանին: Ես ավելի քան վստահ եմ, որ ապագայում ևս մենք վստահելու ենք եվրոպական արժեքներին և Մարդու իրավունքների եվրոպական դատարանին: Այս միջազգային դատարանի՝ արդարադատություն իրականացնելու գործիքը միայն դատավճիռ կայացնելը չէ, այլև հենց այս դատարանի կողմից ընդունված իրավունքները հարգելը:
Հայտարարված հրադադարց հետո ՄԻԵԴ-ը մի շարք միջանկյալ միջոցներ է կիրառել՝ պարտադրելու ադրբեջանցի պաշտոնյաներին տեղեկատվություն տրամադրել ազգությամբ հայ գերիների վերաբերյալ: Մինչ այժմ ՄԻԵԴ-ը չի ստացել ոչ մի տեղեկություն,մինչ այժմ Ադրբեջանը չի տալիս անգամ նվազագույն տեղեկություն գերիների վիճակի մասին: Այդ մարդիկ պահվում են Ադրբեջանում ոչ այն պատճառով, որ կատարել են հանցագործություն, այլ պարզապես, քանի որ նրանք հայ են»,- ասել է Վարդանյանը:
Նա նշել է, որ դժվար է պատկերացնել 21-րդ դարում Եվրոպայի խորհրդի անդամ երկիր, որը խտրականություն կդրսևորի մեկ այլ ազգի, տվյալ դեպքում հայերի նկատմամբ:
«Հայ լինելը ֆիզիկական անվտանգության սպառնալիք է Ադրբեջանում: Հարգելի գործընկերեր, ես հավատում եմ, որ եվրոպական արժեքները վճռորոշ դեր կունենան մեր երկրներում ժողովրդավարություն կառուցելու գործում: Ես վստահ եմ, որ ՄԻԵԴ որոշումներն իրագործելը չափազանց կարևոր է, ես համոզված եմ, որ մենք կկարողանաք համատեղել մեր ջանքերը և նպաստել Ադրբեջանում պահվող հայ գերիների ազատ արձակմանը, քանի որ անհնար է հանդուրժել Եվրոպայի խորհրդում ազգային խտրականություն: Կարծում եմ՝ եվրոպական բոլոր երկրները պետք է հարգեն եվրոպական արժեքները»,- նշել է հայկական պատվիրակության անդամ Վլադիմիր Վարդանյանը:
17:54 26.06.2025
Ախուրյանի ոստիկանները կիսաքանդ շինությունում հայտնաբերել են «Կալաշնիկովի» ինքնաձիգ և զինամթերքՆԳՆ ոստիկանության տարբեր ստորաբաժանումների ծառայողները շարունակում են բնակչության հետ ամենօրյա բացատրական աշխատանքը՝ ապօրինի զենք-զինամթերքը կամավոր հանձնելու ուղղությամբ: Համայնքային ոստիկանության Ախուրյանի բաժին զանգած քաղաքացին հայտնել էր, որ Արցախյան պատերազմի մասնակից է և զենք-զինամթերք է թողել Երազգավորս գյուղի երկաթգծի հարակից կիսակառույց շինությունում: Համայնքային ոստիկանները նշված վայրում հայտնաբերել են սպիտակ պոլիէթիլենային պարկ, որի մեջ «Կալաշնիկովի» ինքնաձիգ, ինքնաձիգի պահեստատուփ […] ...
17:44 26.06.2025
Վլադիմիր Վարդանյանը ելույթ է ունեցել ԵԽԽՎ հերթական նստաշրջանումԵվրոպայի խորհրդի խորհրդարանական վեհաժողովի հերթական նստաշրջանում ելույթ է ունեցել ԵԽԽՎ-ում ՀՀ ԱԺ պատվիրակության անդամ Վլադիմիր Վարդանյանը: «Շնորհակալություն, պարո՛ն նախագահող: Նախեւառաջ կցանկանայի շնորհավորել պարոն Տիտուս Կոռլատեանին այս հիանալի եզրակացությունը պատրաստելու համար: Ուզում եմ նշել սակայն, որ փոքր ինչ ցավալի է, որ կանոնադրական կարծիքների քննարկման ժամանակ, այն է՝ Եվրոպայի խորհրդի կողմից ընդունվելիք կոնվենցիաների քննարկման ժամանակ, ավելի քիչ […] ...
17:37 26.06.2025
«Բարսելոնան» 3-րդ անգամ է խախտում Կրույֆի «օրենքը»․ Marca«Բարսելոնան» մոտ է «Աթլետիկի» եզրային հարձակվող Նիկո Վիլյամսի տրանսֆերը գնելուն, հայտնում է Marca-ն: Իսպանական պարբերականը ֆուտբոլասերների ուշադրությունն է հրավիրել մի շատ հետաքրքիր հանգամանքի և հիշել է Կրույֆի «օրենքը»։ «Նա, ով նույնիսկ մեկ վայրկյան կասկածում է «Բարսելոնայում» խաղալու ցանկության հարցում, մեզ պետք չէ», – ասում էր կատալոնական ակումբի լեգենդը, որը, ըստ էության, չգրված օրենք դարձավ ակումբի […] ...
17:30 26.06.2025
Սահմանվել են 2025 թ. ընթացքում Սևանա լճում ձկան և խեցգետնի արդյունագործական որսի չափաքանակները և ժամկետներըԿառավարությունը սահմանել է 2025 թ. ընթացքում Սևանա լճում ձկան և խեցգետնի արդյունագործական որսի չափաքանակները և ժամկետները, արդյունագործական որսի կազմակերպման պայմաններն ու պահանջները: Կենդանաբանության և հիդրոէկոլոգիայի գիտական կենտրոնի իրականացրած հետազոտությունների համաձայն՝ Սևանա լճում 2024 թ. նոյեմբերին սիգի ընդհանուր պաշարը գնահատվել է 1293,7 տոննա, իսկ արդյունագործական պաշարը՝ 944,4 տոննա։ Հաշվի առնելով, որ սիգի արդյունագործական պաշարը 2023 թ. […] ...
17:22 26.06.2025
ՏԿԵ նախարարն ընդունել է Հայաստանում ԵՄ պատվիրակության ղեկավար, դեսպան Վասիլիս ՄարագոսինՀՀ ՏԿԵ նախարար Դավիթ Խուդաթյանն այսօր ընդունել է Հայաստանում ԵՄ պատվիրակության ղեկավար, դեսպան Վասիլիս Մարագոսին։ Հանդիպման ժամանակ անդրադարձ է կատարվել Տարածքային կառավարման և ենթակառուցվածքների նախարարության հետ համագործակցությամբ և Եվրամիության ֆինանսավորմամբ իրականացվող ծրագրերի կատարման ընթացքին։ Քննարկվել են Էներգետիկ, տրանսպորտային, ջրային ոլորտին վերաբերող մի շարք հարցեր։ Առանձին անդրադարձ է կատարվել ավիացիոն ոլորտին, այս պահին այդ ուղղությամբ ընթացող […] ...
