Ռազմարշավ և մարտական պատրաստվածության գործնական պարապմունքներ դաշտային պայմաններում․ գյումրեցի դպրոցականները մասնակցել են ուսումնավարժանքի

«Տիգրան Աբգարյան» մարտական ակումբը հերթական ռազմարշավն է անցկացրել դաշտային պայմաններում։ 44 օրյա պատերազմով անցած զինվորականները գործնականում դպրոցահասակ պատանիներին և աղջիկներին են ցուցադրել  մարտական պայմաններում ինքնապաշտպանվելու, վիրավորներին առաջին  օգնություն ցույց տալու  հմտությունները,լեռնային պայմաններում  կողմնորոշվելու  կանոնները։

Ռազմարշավի մասնակիցները Գյումրիից ոտքով հասել էին Մարմաշեն վանական համալիրի  հարակից տարածք, որը բաժանվել էր մի քանի հատվածների ու դարձել պայմանական մարտական գոտի: Մի կողմում նախավարժանք էին անցկացնում, ռազմարվեստի ու ինքնապաշտպանության դասեր առնում, մյուս կողմում «Տիգրան Աբգարյան» մարտական ակումբի փորձառու մարտիկները ցույց էին տալիս, թե ինչպես է հնարավոր  թշնամու նշանառության տակ գտնվող զինակից ընկերոջը  օգնության հասնել։

Ռազմական բժիշկներից ու բուժակներից բացի, յուրաքանչյուր զինվոր պետք է տիրապետի  առաջին բուժօգնության, լարան տեղադրելու և ճնշող վիրակապում կատարելու պարզ կանոններին, ինչը հնարավորություն կտա փրկել շատերի կյանքը:

Ռազմարշավի ընթացքում 44 օրյա պատերազմի  մասնակից, այժմ՝ պահեստազորում գտնվող ավագ լեյտենանտ Լևոն Հարեյանը ներկայացրել է  դաշտային ու լեռնային պայմաններում կապի միջոցներից օգտվելու անվտանգության կանոնները: Կապի ստորաբաժանումները  ռամական գործողություններում ունեն առանցքային դերակատարություն, հենց նրանց անխափան աշխատանքի շնորհիվ է հնարավոր դառնում հրամանատարական շտաբի ու առաջնագծում գտնվող  զինվորների միջև ինֆորմացիայի փոխանցումը:

Ռազմարշավի ընթացքում  44 օրյա պատերազմի  մասնակից ու այժմ պահեստազորում գտնվող  ավագ լեյտենանտ Լևոն Հարեյանն էլ ներկայացրել է  դաշտային ու լեռնային պայմաններում կապի միջոցներից օգտվելու անվտանգության կանոնները:Կապի ստորաբաժանումները  ռամական գործողություններում ունեն առանցքային դերակատարություն, հենց նրանց անխափան աշխատանքի շնորհիվ էլ հնարավոր է դառնում  հրամանատարական շտաբի ու առաջնագծում գտնվող  զինվորների միջև ինֆորմացիայի փոխանցումը:

Ռազմագիտության դասաժամերի ընթացքում գիտելիքներ աշակերտներին փոխանցվում է  հիմնականում տեսականորեն, իսկ բանակ զորակոչվելիս կամ պատերազմական իրավիճակներում  շատերը ինքնապաշտպանվելու կամ օգնություն ցուցաբերելու  կանոններին չեն տիրապետում:

Առաջիկայում  դպրոցներում կփոխվեն ռազմագիտություն առարկայի դասավանդման մեթոդները, հատկապես ավարտական դասարանների աշակերտների համար  առարկան կդառնա ավելի գործնական ու կանցկացվեն դաշտային պայմաններում:

«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև  Shant Digital Tv հավելվածով՝ ամբողջ աշխարհում։