26 04 2024

$

388.08
4.22
€

416.29

+24.09 ^oC

Գյումրիի երաժշտական դպրոցների ուսուցիչների աշխատավարձի պարտքերը կվճարվեն․ տեղական բյուջեից հատկացվել է 3 միլիոն 750 հազար դրամ

ՀԱՅԱՍՏԱՆ

18:51 14.09.2021

Գյումրիի ավագանին վերադարձել է արձակուրդից և այսօր անցկացրել է հերթական նիստը՝ բավական հագեցած օրակարգով։ Քննարկվող հարցերը 54-ն էին։ Առաջին հարցը, որ քննարկել է ավագանին, վերաբերել է բյուջեում պահուստային ֆոնդ ձևավորելուն։ Ավագանու անդամներն, առանց դեմ ձայների, որոշեցին վարչական բյուջեից 412 միլիոն դրամ տեղափոխել ֆոնդային մաս։

Հատկացումների մասով հարցերից մեկն էլ վերաբերում էր Գյումրիի երաժշտական դպրոցների ուսուցիչների աշխատավարձերի պարտքերի վճարմանը։ Բանն այն է, որ ժողնվագարանների դասավանդման համար 2021 թվականի մայիսից կառավարությունը դոտացիա չի հատկացնում, իսկ պարապած դասաժամերի դիմաց աշխատավարձերը կուտակվել են որպես պարտք, որն էլ աշխատողները պահանջում են համայնքից։

«Հիմա էլ կանգնեցինք էն փաստի առաջ, որ արձակուրդ են գնացել, հետո եկել են, մինչև սեպտեմբերի 1-ն իրենք պարապել են ու փողը պետք է ստանան։ Մի խոսքով՝ ներկայացնում եմ ձեզ, որ էդ փողերը տանք ու վերջնականապես մեր հաշիվները փակենք ժողնվագարաններ դասավանդող ուսուցիչների հետ»,- ավագանու նիստում հայտարարել է Գյումրիի քաղաքապետարանի ֆինանսատնտեսագիտական բաժնի պետ Լենա Ջիլավյանը։

Երաժշտական դպրոցների դասատուների չվճարած աշխատավարձերը քաղաքապետարանի պարտք համարելն անհիմն է։ Սա իր խոսքում շեշտել է «Գալա» խմբակցության ավագանու անդամ Լևոն Բարսեղյանը՝ հավելելով, որ իրականում ստեղծված իրավիճակի պատասխանատուները պետք է լինեն երաժշտականների տնօրենները։

«Շատ հաճախ տնօրենները ձեռքերը լվանում-հեռանում են, ասում են՝ գնացեք ուղիղ իրենց հետ խոսեք, սա վատ է, շատ վատ է, տնօրենները պետք է ինչ-որ մի կերպ կարգի հրավիրվեն»,- ասել է Լևոն Բարսեղյանը։

Այնուամենայնիվ, քաղաքային բյուջեից երաժշտական դպրոցների ուսուցիչների աշխատավարձի պարտքը վճարելու համար համայնքային բյուջեից 3 միլիոն 750 հազար դրամ հատկացնելու նախագծին ավագանին կողմ քվեարկեց։

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

20:24 26.04.2024
Վարչապետի գլխավորությամբ քննարկվել է ԼՂ-ից բռնի տեղահանված անձանց բնակարանային ապահովման ծրագրի նախագիծը

Կապակցված լուրեր

19:54 26.04.2024

Ադրբեջանը հակընդդեմ հայց է ներկայացրել զուտ դեմքը փրկելու համար. զրույց՝ իրավագետ Արտաշես Խալաթյանի հետ

«Հեռանկարն» այսօր հյուրընկալել է իրավագետ Արտաշես Խալաթյանին: Անդրադարձ է եղել Տավուշի շուրջ ստեղծված իրավիճակին: Արդյոք սա բանակցություններում առաջընթացի հնարավորություն է, և արդյոք Ադրբեջանը կստանձնի պարտավորություն` սահմանագծման և սահմանազատման գործընթացում առաջնորդվել Ալմա-Աթայի հռչակագրով: Եթե սա առաջընթաց է, ինչո՞ւ են Հայաստանում փողոցներ փակում, ինչո՞ւ մարդիկ ուրախանալու փոխարեն ավելի մտահոգ են դարձել: Հյուրը անդրադարձել է նաև արդարադատության միջազգային […] ...

19:30 26.04.2024

Հոբելյանական երեկո՝ նվիրված Վալենտին Պոդպոմոգովի 100-ամյակին

2024 թվականի ապրիլի 29-ին լրանում է հայ անվանի գեղանկարիչ, Երևան քաղաքի առաջին գլխավոր նկարիչ, գրաֆիկ, քանդակագործ, կիրառական արվեստի մի շարք նմուշների, ազդագրերի, գրքերի ձևավորման, բեմանկարչական էսքիզների հեղինակ, շուրջ 20 սիրված գեղարվեստական ֆիլմերի նկարիչ, հայկական մուլտիպլիկացիայի վերածնության առանցքային դեմքերից մեկի, ՀԽՍՀ վաստակավոր նկարիչ Վալենտին Պոդպոմոգովի 100-ամյա հոբելյանը: Ինչպես տեղեկացնում են ԿԳՄՍ նախարարությունից, Վալենտին Պոդպոմոգովի 100-ամյակի կապակցությամբ […] ...

19:24 26.04.2024

Հրդեհ Արարատի Վանաշեն գյուղում

Ապրիլի 26-ին՝ ժամը 16:12-ին, Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաշեն գյուղի Սիանոսյան փողոցում այրվում է տան տանիք: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։ Հրդեհը մեկուսացվել է ժամը 16։37-ին, մարվել՝ 17։06-ին: Այրվել են տան բաց պատշգամբի փայտե կառուցատարրերը (մոտ 12 քմ)։ ...

19:18 26.04.2024

Գյումրիում տեղի է ունեցել Անասնաբույժի միջազգային օրվան նվիրված մարզային ֆորում

Արդեն հինգերորդ տարին է Հայաստանի Հանրապետությունում պետական մակարդակով նշվում է Անասնաբույժի միջազգային օրը։ ՀՀ սննդամթերքի անվտանգության տեսչական մարմնի նախաձեռնությամբ և «Ռազմավարական զարգացման գործակալություն» ՀԿ-ի կողմից իրականացվող «Հայաստանում գյուղատնտեսության ոլորտում մասնագիտական կրության և գիտության արդիականացում՝ ՄԱՎԵՏԱ», ծրագրի աջակցությամբ՝ այսօր Գյումրիում անցկացվել է «Անասնաբույժի աշխատանքը մարդու առողջության երաշխիքն է» կարգախոսով մարզային ֆորումը։ Տոնը լավ առիթ էր ստեղծել […] ...

19:12 26.04.2024

Հարկադիր քարաթափում Գեղարքունիքի և Կոտայքի մարզերում

ՀՀ ՆԳՆ ՓԾ ենթակա ստորաբաժանումները հանրապետության ավտոճանապարհներին քարաթափման հնարավոր վտանգները նվազեցնելու նպատակով իրականացրել են հարկադիր քարաթափման աշխատանքներ։ Մասնավորապես՝ Ապրիլի 26-ին, ժամը 09:30-ից 11։45-ը ՆԳՆ ՓԾ Գեղարքունիքի մարզային փրկարարական վարչության հրշեջ-փրկարարական ջոկատի օպերատիվ խումբը Ճամբարակ-Այգուտ ավտոճանապարհի 14-րդ կմ-ին իրականացրել է մոտ 200 մետր երկարության և 15 մետր բարձրության հատվածի հարկադիր քարաթափման (մոտ 5 խմ զանգված) աշխատանք։ […] ...

19:06 26.04.2024

ԱԳ նախարարի տեղակալը հանդիպել է Կատարի արտաքին գործերի նախարարության պետնախարարի հետ

Ապրիլի 26-ին Դոհայում ՀՀ ԱԳ նախարարի տեղակալ Վահան Կոստանյանը հանդիպում է ունեցել Կատարի արտաքին գործերի նախարարության պետնախարար Մուհամմադ բին Աբդուլազիզ Ալ-Խուլեյֆիի հետ: Հանդիպման ընթացքում երկուստեք ընդգծվել է Հայաստանի և Կատարի միջև քաղաքական և տնտեսական համագործակցության ընդլայնման պատրաստակամությունը: Կողմերն անդրադարձել են տարածաշրջանային և միջազգային անվտանգության հարցերին: ՀՀ ԱԳ նախարարի տեղակալն իր գործընկերոջն է ներկայացրել հարևանների հետ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.