Մադրիդի «Ռեալի» հարձակվող Կիլիան Մբապեն վերսկսել է մարզումները, հաղորդում է ակումբի մամուլի ծառայությունը: Ֆրանսիայի հավաքականի ավագն ատամի հեռացման պատճառով բաց էր թողել «Ռեալ Սոսյեդադի» դեմ Իսպանիայի գավաթի խաղարկության կիսաեզրափակչի առաջին հանդիպումը: Իսպանիայի չեմպիոնը սկսել է պատրաստվել «Բետիսի» դեմ կայանալիք արտագնա խաղին: Ընթացիկ մրցաշրջանում 26-ամյա Մբապեն «Ռեալի» կազմում բոլոր մրցաշարերում մասնակցել է 38 հանդիպման, խփել 27 […]

ՈՒԵՖԱ-ի Ազգերի լիգայի անցումային փլեյ-օֆֆի Վրաստան – Հայաստան մրցավեճի պատասխան խաղի տոմսերն առցանց վաճառքով մի քանի ժամում սպառվել են, հաղորդում է Վրաստանի հավաքականի մամուլի ծառայությունը: Խաղը կկայանա Թբիլիսիի «Դինամո Արենայում», որը կարող է ընդունել 54 500 երկրպագուի: Հանդիպումը կանցկացվի մարտի 23-ին: Առաջին խաղը տեղի կունենա մարտի 20-ին Երևանում: Հաղթողը կբարձրանա Ազգերի լիգայի B դիվիզիոն:

Միլանի «Ինտերը» կփորձի այս մրցաշրջանից հետո ձեռք բերել անգլիական «Լիվերպուլի» եգիպտացի հարձակվող Մոհամեդ Սալահի տրանսֆերային իրավունքը, հաղորդում է El Nacional-ը: 32-ամյա ֆուտբոլիստը բանակցում է եվրոպական մի քանի հեղինակավոր ակումբների, այդ թվում` Իտալիայի չեմպիոն «Ինտերի» հետ: Մեծ հավանականությամբ, հարձակվողը «Լիվերպուլի» հետ նոր պայմանագիր չի կնքի և ամռանն ազատ գործակալ կդառնա: Ընթացիկ մրցաշրջանում Սալահը Պրեմիեր լիգայի առաջատարի […]

«Բարսելոնայի» նախկին պաշտպան Ժերար Պիկեն դեմ է ֆուտբոլում ոչ-ոքի՝ հատկապես 0-0 արդյունքին: «Այդպես չպետք է լինի. գալիս ես ստադիոն, ծախսում ես 100, 200, 300 եվրո, իսկ հանդիպումն ավարտվում է գոլազուրկ ոչ-ոքիով: Ինչ-որ բան պետք է փոխել: Առաջարկում եմ նորարարություն կիրառել. եթե խաղն ավարտվում է 0-0, ապա թիմերը միավոր չեն վաստակում: Այդ դեպքում խաղերն ավելի դինամիկ […]

Հայաստանը ներկայացնող Էլինա Ավանեսյանը Մերիդայի WTA-500 շարքի մրցաշարի 1/8 եզրափակչում 6-1, 6-4 հաշվով հաղթել է Ջեսիկա Բուզաս Մանեյրոյին (Իսպանիա, 66-րդ ռակետ): Հիշեցնենք, որ մեկնարկային խաղում աշխարհի 45-րդ ռակետը 4-6, 6-3, 6-3 հաշվով հաղթել էր Մագդալենա Ֆրեշին (Լեհաստան, 31-րդ ռակետ)։ 1/4 եզրափակչում Էլինան կմրցի ավստրալուհի Մայա Ջոինտի հետ (84-րդ ռակետ):

Անգլիական «Մանչեսթեր Սիթիի» գլխավոր մարզիչ Պեպ Գվարդիոլան Լոնդոնի «Տոտենհեմի» դեմ խաղում նվազագույն հաշվով տարած հաղթանակից հետո խոսել է թիմի կազմը թարմացնելու և մյուս խնդիրների մասին: «Չեմպիոնների լիգայում խաղալը մեզ համար աներևակայելի հաջողություն էր: Նախկին «Մանչեսթեր Սիթին» այլևս չի լինի, այդ թիմը չափից ավելի լավն էր, բայց մենք կվերադառնանք: Այժմ երիտասարդ թիմ ունենք, իսկ հարձակման գծի […]

Մյունխենի «Բավարիայի» հարձակվող Թոմաս Մյուլերը պատրաստ է աշխատավարձի կրճատմանը, որպեսզի մնա ակումբում, հայտնում է Get Football News Germany-ն: 35-ամյա ֆուտբոլիստը համաձայն է երկարաձգել պայմանագիրը, որն ավարտվելու է ամռանը: Եթե մյունխենցիները նոր պայմանագիր առաջարկեն, ապա Մյուլերը պատրաստ է ավելի ցածր աշխատավարձ ստանալ և համակերպվել պահեստային խաղացողի կարգավիճակի հետ: Ավելի վաղ հայտնի էր դարձել, որ Մյուլերի ծառայություններով […]

Մադրիդի «Ռեալի» հարձակվող Վինիսիուս Ժունիորը «Ռեալ Սոսյեդադի» դեմ Իսպանիայի գավաթի խաղարկության հանդիպումից հետո գրառում էր կատարել սոցցանցերում և անդրադարձել ավագի թևկապով թիմին դաշտ դուրս բերելուն: Բրազիլացին ավագի թևկապով լուսանկար էր տեղադրել, որին կից գրել էր. «Անմոռանալի պահեր եմ ապրում»: Թիմակցին շնորհավորել էին Ռոդրիգոն, Մոդրիչը և Դիասը: Անմասն չէր մնացել նաև Վինիսիուսի նախկին խաղընկեր Տոնի Կրոսը. […]

Անգլիական «Մանչեսթեր Սիթին» պաշտոնապես ներկայացրել է նորեկ Կլաուդիո Էչեվերիային: Այս մասին հայտնում է ակումբի մամուլի ծառայությունը: 19-ամյա ֆուտբոլիստը նոր թիմ է տեղափոխվել արգենտինական «Ռիվեր Փլեյթից»: Կողմերը գործարքը կնքել էին դեռևս մեկ տարի առաջ, բայց պայմանավորվել էին, որ Էչեվերիան ևս մեկ տարի մնա ակումբում: Երիտասարդ կիսապաշտպանը նոր ակումբի հետ պայմանագիր է ստորագրել մինչև 2028 թվականը և […]

«Հեռանկարն» այսօր հյուրընկալել է «Քրիստոնեա-ժողովրդավարական կուսակցության» նախագահ, քաղաքագիտության դոկտոր Լևոն Շիրինյանին: Անդրադարձ է եղել վերջին օրերի քաղաքական իրադարձություններին՝ մասնավորապես վարչապետի երեկվա հարցազրույցին, խաղաղության պայմանագրի շուրջ ընթացող զարգացումներին: «Ալիևը չի գնա խաղաղության պայմանագրի կնքման, եթե մեծ ճնշումներ չլինեն: Ռուսաստանից մեծ ճնշումներ չեն լինի, Ֆրանսիայից կարող են լինել, որի հետ Ադրբեջանի հարաբերությունները այն չեն, ԱՄՆ-ն էլ կարծես […]

ՖԻՖԱ-ի նախկին նախագահ Յոզեֆ Բլատերը գտնում է, որ իր նկատմամբ «վհուկների որս» է սկսվել: Երկուշաբթի կայանալու է բողոքարկման դատավարությունը, որը կապված է Բլատերի և ՈւԵՖԱ-ի նախկին նախագահ Միշել Պլատինիի՝ ենթադրյալ կոռուպցիոն գործարքի հետ: «Դատարանը 2022-ին արձանագրել էր, որ իմ և Պլատինիի միջև պայմանագիրը համապատասխանում է օրենքին: Հուսով եմ, որ նոր դատավարությունը կհաստատի այդ որոշումը: Ես […]

«Բարսելոնայի» ֆուտբոլիստ Պեդրին FourFourTwo-ի վարկածով ճանաչվել է աշխարհի լավագույն կիսապաշտպան: 22-ամյա իսպանացին վարկանիշային աղյուսակում առաջ է անցել «Ռեալի» կիսապաշտպան Ֆեդերիկո Վալվերդեից ու Միլանի «Ինտերը» ներկայացնող Նիկոլո Բարելայից: Լավագույն հնգյակում են նաև Բրունո Գիմարաեշն («Նյուքասլ») ու Պեդրիի թիմակից Գավին:

Երևանի «Ալաշկերտի» նոր գլխավոր մարզիչ է նշանակվել Էդգար Թորոսյանը, հայտնում է ակումբի մամուլի ծառայությունը: 41-ամյա մասնագետը նախկինում գլխավորել է Գյումրիի «Շիրակն» ու «Արարատը»: Թորոսյանը 2024 թվականից «Ալաշկերտի» մարզչական շտաբում է և զբաղեցրել է գլխավոր մարզչի օգնականի պաշտոնը:

Անգլիական «Լիվերպուլի» ֆուտբոլիստ Տրենտ Ալեքսանդր-Առնոլդը FourFourTwo-ի վարկածով ճանաչվել է աշխարհի լավագույն աջ պաշտպան: 26-ամյա անգլիացին վարկանիշային աղյուսակում առաջ է անցել Լևերկուզենի «Բայերի» և ֆրանսիական ՊՍԺ-ի պաշտպաններ Ժերեմի Ֆրիմպոնգից ու Աշրաֆ Հակիմիից: Լավագույն հնգյակում են նաև Լոնդոնի «Արսենալի» և կատալոնական «Բարսելոնայի» պաշտպաններ Յուրիեն Տիմբերն ու Ժյուլ Կունդեն:

Ամերիկյան «Ինտեր Մայամիի» հարձակվող Լիոնել Մեսսին մտադիր չէ վերադառնալ «Բարսելոնա»,- հայտնում է հանրահայտ լրագրող Գիլյեմ Բալագեն: Ըստ նրա 37-ամյա ֆուտբոլիստը ցանկություն ունի խաղալու վերակառուցված «Սփոթիֆայ Կամպ Նոու» ստադիոնում, սակայն չի վերադառնա «Բարսելոնա», քանի դեռ ակումբը ղեկավարում է Ժոան Լապորտան: Մեսսին «Ինտեր Մայամի» էր տեղափոխվել 2023-ի ամռանը: Նրա գործող պայմանագիրն ուժի մեջ է մինչև 2025 թվականի […]

Ռուսաստանցի հանրահայտ մարզիչ Վալերի Գազաևը վստահ է, որ Հայաստանի հավաքականի և «Կրասնոդարի» կիսապաշտպան Էդուարդ Սպերցյանն ի զորու է խաղալ իսպանական Լա լիգայում: «Նա շատ է հասունացել: Էդուարդն իր թիմի առաջատարն է և՛ խաղով, և՛ բնավորությամբ: Նման ֆուտբոլիստներն արտասահման են տեղափոխվում, որովհետև ցանկանում են բարձրակարգ ակումբներում խաղալով ավելացնել վարպետությունը: Էդուարդն ի զորու է խաղալ իսպանական առաջնությունում: […]

UFC-ի թեթև քաշային կարգի առաջին համար Արման Ծառուկյանն արձագանքել է ամերիկացի Ջասթին Գեյթջիի հետ մենամարտից հրաժարվելու մասին լուրին: «Ես չեմ հրաժարվել: Ես ընդունել եմ առաջարկը, բայց խնդրել եմ մենամարտն անցկացնել միջանկյալ քաշում, քանի որ կշռման արարողությունը տեղի է ունենալու 11 օրից: Փրոմոուշենի ներկայացուցիչներն ասացին, որ չեն ընդունում իմ առաջարկած տարբերակը»,- սոցցանցերում գրել է 28-ամյա հայ […]

«Յուվենտուսը» դուրս մնաց Իտալիայի գավաթի խաղարկությունից՝ քառորդ եզրափակչում հետխաղյա 11-մետրանոցներով պարտվելով «Էմպոլիին»։ Հանդիպման հիմնական ժամանակն ավարտվել էր 1-1 հաշվով։ Հարվածաշարում վճռորոշ են դարձել «Յուվենտուսի» հարձակվողներ Դուշան Վլահովիչի ու Կենան Յիլդիզի վրիպումները։ «Էմպոլին» պատմության մեջ առաջին անգամ գավաթի խաղարկության կիսաեզրափակչում է և կմրցի «Բոլոնիայի» դեմ։ Մյուս զույգը կազմել են «Ինտերն» ու «Միլանը»։

Ռուսաստանը ներկայացնող հայազգի թենիսիստ Կարեն Խաչանովը (24-րդ ռակետ) ավարտել է մրցելույթը Դուբայի ATP-500 շարքի մրցաշարում։ 28-ամյա թենիսիստը 1/8 եզրափակչում համառ պայքարում 6-7, 6-2, 4-6 հաշվով պարտվել է Ստեֆանոս Ցիցիպասին (Հունաստան, 11-րդ ռակետ)։ Մրցախաղը տևել է մոտ 2 ժամ ու կես։ Ցիցիպասը քառորդ եզրափակչում կմրցի Մատեո Բերետինիի (Իտալիա, 30-րդ ռակետ) հետ։

Եվրոպայի չեմպիոն, աշխարհի առաջնության բրոնզե մեդալակիր, աշխարհի գավաթի խաղարկության հաղթող, Տոկիոյի և Փարիզի Օլիմպիական խաղերի մասնակից, ազատոճային ըմբիշ Վազգեն Թևանյանն Ալբանիայում ընթացող Մուհամեդ Մալոյի անվան միջազգային վարկանիշային մրցաշարում դարձել է արծաթե մեդալակիր։ 70 կգ քաշային կարգի եզրափակչում մեր ըմբիշը 1-4 հաշվով պարտվել է ճապոնացի Յոշինոսուկե Աոյագիին։ Թևանյանը մրցաշարում պայքարը սկսել էր 1/8 եզրափակչից և հաղթել […]

Հայաստանի ազգային հավաքականում հանդես եկած եզրային հարձակվող Արշակ Կորյանը տեղափոխվել է Ռուսաստանի երկրորդ լիգան ներկայացնող «Ռոդինա», հայտնում է մոսկովյան ակումբի մամուլի ծառայությունը։ Կողմերը պայմանագիր են կնքել, որի ժամկետը կգործի մինչև 2025թ. հունիսի 30-ը։ 29-ամյա ֆուտբոլիստն ընթացիկ մրցաշրջանի առաջին հատվածն անցկացրել է Մոսկվայի «Տորպեդոյում», 21 խաղում խփել 3 գոլ, կատարել 1 գոլային փոխանցում։ Նա նախկինում հանդես […]

Բրազիլիայի հավաքականի նախկին հարձակվող Ռոնալդոն կազմել է բոլոր ժամանակների լավագույն ֆուտբոլիստների ցանկը, գրում է espn.com.br-ն: «Պատմության մեջ լավագույնն անկասկած Պելեն է: 2-րդ տեղը կիսում են Մեսսին ու Մարադոնան: Նրանց հաջորդում են Զիկոն, Ռոմարիոն, Վան Բաստենը, Զիդանը, Ֆիգուն, Ռիվալդոն, Ռոնալդինյոն և այլ ֆուտբոլիստներ: Երբ ինձ խնդրում են լավագույն տասնյակ կազմել, ամեն անգամ տարբեր անուններ եմ նշում: […]

Թուրքական «Ֆեներբահչեի» գլխավոր մարզիչ Ժոզե Մոուրինյուն կարող է դատի տալ «Գալաթասարային», հայտնում է BBC-ն։ «Գալաթասարայի» դեմ Թուրքիայի Սուպերլիգայի 25-րդ տուրի խաղից հետո պորտուգալացի մասրզիչը քննադատել էր մրցակցի ֆուտբոլիստներին և մարզչական շտաբին՝ ասելով. «Նրանք թռչկոտում էին կապիկների պես»։ «Գալաթասարայը» Մոուրինյուի խոսքերը որակել էր ռասիզմ և անհարգալից վերաբերմուք թուրք ժողովրդի հանդեպ։ Ակումբը խոստացել էր բողոք նոերկայացնել ՖԻՖԱ-ին […]

ՈՒԵՖԱ-ի մինչև 16 տարեկանների Զարգացման մրցաշարի շրջանակներում Հայաստանի հավաքականը երկրորդ հանդիպումն է անցկացրել: Այս անգամ մեր ընտրանին մրցել է Ֆարերյան կղզիների թիմի հետ և հաղթել 1:0 հաշվով: Այս մասին հաղորդում է Հայաստանի ֆուտբոլի ֆեդերացիան: Մալթայում կայացած մրցավեճի 54-րդ րոպեին աչքի է ընկել Հայաստանի թիմի ավագ Տիգրան Օհանյանը: Ալեքսանդր Պետրոսյանի թիմն առաջին տուրում 0:1 հաշվով պարտվել […]

Իսպանիայի գավաթի խաղարկության կիսաեզրափակչի առաջին խաղում Մադրիդի «Ռեալը» հյուրընկալվելիս 1-0 հաշվով հաղթել է «Ռեալ Սոսյեդադին»։ «Ռեալին» հաղթանակ է պարգևել 18-ամյա բրազիլացի հարձակվող Էնդրիկը։ Բասկյան թիմից հանդիպումը վնասվածքի պատճառով բաց է թողել Ռուսաստանի ազգային հավաքականում հանդես եկող հայազգի կիսապաշտպան Արսեն Զախարյանը։ Դիմակայության պատասխան հանդիպումը կկայանա ապրիլի 1-ին Մադրիդում։  

«Ռեալի» նախկին ֆուտբոլիստ ու գլխավոր մարզիչ Խորխե Վալդանոն կարծիք է հայտնել իսպանական թիմի երկրպագուների մասին, հաղորդում է Marca-ն: «Մարդիկ տարբեր կերպ են ընկալում ֆուտբոլը: Ոմանք հենց խաղն են սիրում, մյուսները՝ թիմին: Նրանք, որոնք կոնկրետ թիմի երկրպագու են, կարող են ատել այլ ակումբներին: Դա նրանց խանգարում է վայելել կատարյալ ֆուտբոլը, եթե այն ուրիշ թիմի կատարմամբ է: […]

«Ինտեր Մայամիի» և Արգենտինայի հավաքականի հարձակվող Լիոնել Մեսսին կմնա ամերիկյան թիմում և կարիերան կավարտի MLS-ում։ Այս մասին հայտնել է լրագրող և ինսայդեր Կլաուդիոն: Աղբյուրի համաձայն՝ չնայած Մեսսիի՝ «Բարսելոնա» վերադառնալու մասին լուրերին, արգենտինացին մտադիր չէ հեռանալ «Ինտեր Մայամիից»: Նշվում է, որ մոտ ապագայում դիտարկվում է «Ինտեր Մայամիի» և «Բարսելոնայի» միջև ընկերական հանդիպում անցկացնելու հնարավորությունը։ Մեսսին «Ինտեր […]

Ինդիան Ուելսում կայանալիք WTA-ի 1000 կարգի մրցաշարի կազմակերպիչները 5 թիկնապահ են հատկացնելու Էմմա Ռադուկանուին, հայտնում է The Times-ը: Աշխարհի 55-րդ ռակետին թիկնապահները կուղեկցեն հյուրանոցի համարից մինչև թենիսի կորտեր: Մրցաշարի կազմակերպիչները այս քայլին են գնացել, երբ պարզվել է, որ Դուբայի մրցաշարում անհայտ տղամարդ է մոտեցել թենիսիստուհուն, ինչ-որ գրություն փոխանցել, լուսանկարել նրան և անհանգստացրել: Ինդիան Ուելսի մրցաշարը […]

Մադրիդի «Աթլետիկոյի» գլխավոր մարզիչ Դիեգո Սիմեոնեն կարծիք է հայտնել Իսպանիայի գավաթի կիսաեզրափակչում «Բարսելոնայի» դեմ արտագնա խաղի (4:4) մասին, գրում է Marca-ն: Հանդիպման 6-րդ րոպեից մադրիդցիները հաշվի մեջ առաջ են եղել 2:0 հաշվով, իսկ 84-րդ րոպեի դրությամբ զիջում էին՝ 2:4 հաշվով։ «Չես կարող այսպիսի «Բարսելոնայի» դեմ դրական արդյունք սպասել, եթե շատ գոլեր չես խփում: Հեշտ չէր […]

«Ռոստովը» հայտարարել է, որ թիմի գլխավոր մարզիչ Վալերի Կարպինը հեռացել է ակումբից: Պայմանագիրը խզվել է երկկողմ համաձայնությամբ: Ռուսական ակումբի նախագահ Արտաշես Հարությունյանցը հայտարարել է, որ Կարպինը որոշումը կայացրել է Ռուսաստանի հավաքականի գլխավոր մարզչի աշխատանքի վրա կենտրոնանալու համար: «Ռոստովի» նոր գլխավոր մարզիչ է նշանակվել իսպանացի Ջոնաթան Ալբան, որը նախկինում Կարպինի մարզչական շտաբում աշխատում էր որպես վերլուծաբան: