26 04 2024

$

388.60
4.22
€

416.73

+24.09 ^oC

Կոռուպցիոն բացահայտում. ՍԴ աշխատակազմի ղեկավարն է կարում դատավորների հագուստները

ՀԱՅԱՍՏԱՆ

13:00 24.02.2018

Մեկ անգամ չէ, որ տարբեր ամբիոններից խոսվել է պետական գնումների ոլորտում առկա ռիսկերի և արձանագրվող խախտումների մասին: Ավելին՝ հստակորեն բարձրաձայնվել է դրա կոռումպացված լինելու փաստի մասին:

Ինչի՞ մասին է խոսքը:

Շատ հաճախ գերատեսչություններն իրենց գնումները կատարում են մեկ անձից: Եթե ավելի հստակ, ապա դա կոչվում է առանց բաց մրցույթի իրականացվող գնումներ: Իսկ այդ ընկերությունները, որոնցից կատարվում է համապատասխան առևտուրը, հիմնականում իրականացվում է մեզանում լայն տարածում ունեցող «խնամի-ծանոթ-բարեկամ» սկզբունքով: Այս ոլորտը կանոնակարգելու համար դեռ անցած տարի կառավարությունը առաջիկա հինգ տարիների ծրագրով նախատեսեց պետական գնումների ոլորտում էլեկտրոնային համակարգերի ներդրում:

Գործադիրը վստահ էր, որ այս դեպքում կոռուպցիոն ռիսկերը կնվազեն, և ամեն ինչ իր տեղը կընկնի: Դրան արձագանքող շատ բանախոսներ տարբեր հարթակներից հայտարարեցին, որ դա բավարար չէ կոռուպցիան ու շահերի բախման դեպքերը կանխելու համար: Ժամանակն ու փորձը ցույց տվեցին, որ վերջիններս բնավ էլ հերթական պոպուլիստական ցեխը չէ, որ շպրտում են գործադիրի ուղղությամբ:

Մամուլը դրանից հետո էլ բազմաթիվ անգամներ խնամքով թաքցված մի անկյունից վեր հանեց տարբեր գերատեսչությունների «ցոփ ու շվայտ» գնումները, որոնք մեկ անգամ ևս փաստեցին, որ ընդամենը օրենքներ փոփոխելով ոլորտը չես սրբագրի, դրա համար ընդունածը կիրառել է պետք:

Այս թեմային անդրադառնալու հերթական պատճառը SHANTNEWS.am-ի կողմից արձանագրված ԽԾԲ սկզբունքով կատարված ևս մեկ առևտուրն է: Ավելի կոնկրետ՝ SHANTNEWS-ը պաշտոնական փաստաթղթերից տեղեկացավ, որ Սահմանադրական դատարանը դատավորի երկու համազգեստ է պատվիրել «Շշուկ» ՍՊԸ-ից: Ընդհանուր արժեքը 200.000 դրամ է, այսինքն՝ յուրաքանչյուրն արժե 100.000 դրամ:

Որոշեցինք հասկանալ, թե ով է այս ընկերության սեփականատերը: Պետական ռեգիստրի տրամադրած տվյալներից պարզվեց, որ դրա հիմնադիրը «Տերյան մշակութային կենտրոն» ՀԿ-ն է:

Առաջին հայացքից որևէ տարօրինակ երևույթ չկա այս տվյալներում: Ամեն ինչ ջրի երես դուրս եկավ, երբ տեղեկացանք, թե ով է «Տերյան մշակութային կենտրոն» ՀԿ-ի ղեկավարը: Նա ոչ ավել, ոչ պակաս Առուշան Հակոբյանն է, նույն ինքը՝ Սահմանադրական դատարանի աշխատակազմի ղեկավարը:

Վերոշարադրյալը հաշվի առնելով՝ այստեղ կդնենք կախման կետեր և մեկնաբանությունները կթողնենք ընթերցողին:

Միայն նկատենք՝ չի բացառվում, որ այս համազգեստներից մեկը նախատեսված է ԱԺ պատգամավոր Հրայր Թովմասյանի համար, ով արդեն պաշտոնապես առաջադրվել է ՍԴ անդամի պաշտոնում:

կոռուպցիա

սահմանադրական դատարան

Բաժանորդագրվեք SHANTNEWS.am-ին Telegram-ում

Բոլոր լուրերը

12:35 26.04.2024
Գողության մեղադրանքով հետախուզվում էր ՌԴ իրավապահների կողմից

Կապակցված լուրեր

10:39 26.04.2024

Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը

Հայաստանի արտաքին գործերի նախարարությունը ղազախական կողմի առաջարկով Հայաստանի ու Ադրբեջանի արտաքին գործերի նախարարների հնարավոր հանդիպման ամսաթվի մասին կտեղեկացնի դրա շուրջ պայմանավորվածություն ձեռք բերվելուն պես։ «Արմենպրես»-ի հարցին ի պատասխան՝ այս մասին ասել է Հայաստանի ԱԳՆ մամուլի խոսնակ Անի Բադալյանը։ «Ինչպես նշել ենք նախկինում, ՀՀ-ն դիտարկում է և կողմ է այն միջնորդական ջանքերին կամ բանակցությունների անցկացման հարթակներին, […] ...

23:19 25.04.2024

Նիկոլ Փաշինյանը հանդես է եկել Հայաստանի և Ադրբեջանի միջև սահմանազատման գործընթացի մեկնարկի մասին զեկույցով

Ապրիլի 25-ին տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ։ Վարչության նախագահ, ՀՀ վարչապետ Նիկոլ Փաշինյանը հանդես է եկել Հայաստանի և Ադրբեջանի միջև սահմանազատման գործընթացի մեկնարկի մասին զեկույցով և պատասխանել նիստի մասնակիցների հարցերին։ ...

23:05 25.04.2024

Հայոց ցեղասպանության 109-րդ տարելիցի կապակցությամբ Ֆրանսիայի Անտոնի քաղաքում տեղի է ունեցել ոգեկոչման հանդիսավոր արարողություն

Հայոց ցեղասպանության 109-րդ տարելիցի կապակցությամբ, հայազգի քանդակործ Թորոս Ռաստ-Կլանի հեղինակած և Ֆրանսիայի Անտոնի քաղաքում տեղադրված «Հայաստանի Արծիվ» հուշակոթողի մոտ ապրիլի 24-ին տեղի ունեցավ ոգեկոչման հանդիսավոր արարողություն, որին ներկա էին Օ-դը-Սեն դեպարտամենտի ղեկավարությունը, քաղաքապետեր, քաղաքային խորհուրդների անդամներ, հայ համայնքի ներկայացուցիչներ։ Իր խոսքում Ֆրանսիայում ՀՀ դեսպանության երրորդ քարտուղար Շիրազ Հովակիմյանն ընդգծեց 20-րդ դարում տեղի ունեցած Հայոց ցեղասպանության […] ...

22:57 25.04.2024

Ադրբեջանի պահանջով Մոսկվայում ձերբակալել են հայամետ քաղաքագետ Միխայիլ Ալեքսանդրովին

Մոսկվայում երեկ ձերբակալել էին հայամետ հայտնի քաղաքագետ ու հասարակական գործիչ Միխայիլ Ալեքսանդրովին: Պատճառը Ադրբեջանի դիմումն էր: Ովքե՞ր են ձերբակալել: Թեմային՝ «Հորիզոնի» տաղավարում անդրադարձել է Արտյոմ Երկանյանը։ «Հիշեցնեմ՝ Միխայիլ Ալեքսանդրովը Մոսկվայի միջազգային հարաբերությունների պետական համալսարանին կից ռազմաքաղաքական վերլուծությունների կենտրոնի ավագ գիտաշխատող է, գիտությունների դոկտոր, քաղաքագետ և ԱՊՀ երկրների իսնստիտուտի փոխտնօրեն: Նա հայտնի է բազմաթիվ մեկնաբանություններով՝ ի […] ...

22:54 25.04.2024

Հռոմի «Հայոց ցեղասպանություն» այգում տեղի է ունեցել Հայոց ցեղասպանության 109-րդ տարելիցի զոհերի հիշատակի ոգեկոչման արարողությունը

2024թ. ապրիլի 24-ին Իտալիայում և Սուրբ Աթոռում Հայաստանի դեսպանությունների և Հռոմի հայ համայնքի նախաձեռնությամբ Հռոմի «Հայոց ցեղասպանություն» այգում տեղի ունեցավ Հայոց ցեղասպանության 109-րդ տարելիցի զոհերի հիշատակի ոգեկոչման արարողությունը: Միջոցառմանը ներկա էին Իտալիայի բարձրաստիճան պաշտոնյաներ, տարբեր քաղաքական ուժեր ներկայացնող խորհրդարանականներ, հայ առաքելական և կաթոլիկ եկեղեցիների ներկայացուցիչներ, Իտալիայում և ՊԳԿ-ում հավատարմագրված դիվանագիտական ներկայացուցչությունների ղեկավարներ, դիվանագետներ, լրագրողներ, հայ, […] ...

22:40 25.04.2024

Քննարկվել են ԱՄՆ կողմից Հայաստանին տրամադրվող աջակցությանը վերաբերող հարցեր

Ապրիլի 25-ին ԱԳ նախարարի տեղակալ Պարույր Հովհաննիսյանն ընդունել է ԱՄՆ Սենատի հատկացումների հանձնաժողովի պետքարտուղարության և արտաքին ծրագրերի ենթահանձնաժողովի մեծամասնական կուսակցության (դեմոկրատական) գործավար Ալեքս Քարնսին, աշխատակազմի փորձագետ Էնդրյու Պլատին և պետքարտուղարության օրենսդրական հարցերի բյուրոյի հատկացումների գծով ավագ խորհրդատու Փոլ Ռադեմախերին: Նախարարի տեղակալը, բարձր գնահատելով երկու երկրների միջև առկա քաղաքական երկխոսության մակարդակը, անդրադարձ է կատարել Հայաստան-ԱՄՆ երկկողմ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.