16:45 15.11.2021
Նոյեմբերի 15-ին Սեյրան Հայրապետյանի նախագահությամբ հրավիրվել է Արցախի ԱԺ պաշտպանության, անվտանգության և օրինապահպանության մշտական հանձնաժողովի նիստը, տեղեկացնում են ԱՀ ԱԺ-ից:
Նիստին ներկա է եղել ԱԺ նախագահի տեղակալ Գագիկ Բաղունցը։
Օրակարգում ««Զենքի մասին» օրենքում փոփոխություններ և լրացումներ կատարելու մասին» և ««Քրեական օրենսգրքում» լրացում կատարելու մասին» օրենքների նախագծերի փաթեթի քննարկման հարցն է եղել։
Օրենքների նախագծերի փաթեթը ներկայացրել է ՆԳՆ ոստիկանության պետ, գնդապետ Արտեմ Հարությունյանը։
Օրենսդրական փոփոխությամբ հիմնականում առաջարկվում է՝ որսորդների հասարակական կազմակերպության անդամ քաղաքացու փոխարեն սպորտային և որսորդական ողորկ-երկարափող հրազեն ու որսորդական օդաճնշիչ զենք ձեռք բերելու իրավունք վերապահել որսորդությամբ զբաղվելու իրավունք ունեցող քաղաքացուն։ Մեկ այլ փոփոխությամբ էլ որսորդական ակոսափող հրազեն ձեռք բերելու իրավունք կվերապահվի ոչ միայն պետական ռազմականացված կազմակերպությունում ծառայող, այլ նաև նշված կազմակերպություններում երբևէ ծառայած քաղաքացուն։
Առաջարկվող փոփոխությամբ՝ որսորդական ակոսափող հրազեն ձեռք բերելու իրավունք վերապահող՝ սեփականության իրավունքով ողորկ-երկարափող որսորդական հրազեն ունենալու ժամկետը կկրճատվի 2 տարով՝ 5 տարին դարձնելով 3 տարի։
Օրինափաթեթի ընդունմամբ կսահմանափակվի զենքի գործադրմամբ կատարված ծանր կամ առանձնապես ծանր հանցագործության համար դատվածությունը մարված (հանված) կամ որսորդության, զենքի արտադրության, առևտրի, վաճառքի, ձեռք բերելու, փոխանցելու, հավաքածուներ կազմելու կամ դրանք ցուցադրելու, հաշվառելու, պահպանելու, կրելու, փոխադրելու, տեղափոխելու և օգտագործելու կանոնների հետ կապված վարչական իրավախախտումներ կատարած քաղաքացու զենք ձեռք բերելու իրավունքը, կհստակեցվի Արցախի Հանրապետության նախագահի կողմից Արցախի Հանրապետությունում զենքով պարգևատրելու դեպքերը։
Քրեական օրենսգրքի «Դատվածություն» վերնագրով հոդվածում առաջարկվում է սահմանափակում նախատեսել քաղաքացիական զենք ձեռք բերելու համար:
Ոստիկանապետը նախագծերում նոր փոփոխություն է առաջարկել, որով զենքի լիցենզավորման և թույլտվության ժամկետը կսահմանվի 10 տարին՝ 5 տարվա ժամկետի փոխարեն։
Օրենքների նախագծերի փաթեթի ընդունման արդյունքում օրինապահ քաղաքացիների համար կապահովվի զենք ձեռք բերելու մատչելիություն, իսկ կարգազանց քաղաքացիների համար կնախատեսվեն լրացուցիչ սահմանափակումներ:
Զեկուցողը պարզաբանումներ է տվել պատգամավորների հնչեցրած հարցերին։
Հանձնաժողովը միաձայն կողմ է քվեարկել օրենքների նախագծերի փաթեթին, և այն կներկայացվի արտահերթ նիստի քննարկմանը։
21:37 30.04.2025
Շվանիձոր-Նռնաձոր-ՀՀ սահման ճանապարհին կատարվելու են պայթեցման աշխատանքներՃանապարհային դեպարտամենտ հիմնադրամից հայտնել են, որ Շվանիձոր-Նռնաձոր-ՀՀ սահման ավտոճանապարհի շինարարական աշխատանքներով պայմանավորված՝ մայիսի 1-ին՝ ժամը 12.00-ից 16.00-ի սահմաններում, կատարվելու են պայթեցման աշխատանքներ։ Հարակից բնակավայրերի բնակիչներին հորդորում ենք չանհանգստանալ։ ...
21:25 30.04.2025
Կայացել է Երևանում անցկացվելիք վոլեյբոլի Եվրոպայի Մ16 առաջնության վիճակահանությունըԵրևանում հուլիսի 23-ից օգոստոսի 3-ը կանցկացվի վոլեյբոլի Եվրոպայի մինչև 16 տարեկան տղաների առաջնությունը, որին Հայաստանի ու ևս 15 երկրի ներկայացուցիչներ կմասնակցեն: Արդեն տեղեկացրել ենք, որ Հայաստան կժամանեն Ֆրանսիայի, Լեհաստանի, Իտալիայի, Հունգարիայի, Լատվիայի, Չեխիայի, Թուրքիայի, Բուլղարիայի, Իսպանիայի, Ուկրաինայի, Ավստրիայի, Հունաստանի, Սերբիայի, Սլովենիայի և Ռումինիայի պատվիրակները: Կայացել է առաջնության վիճակահանությունը, որի արդյունքներով Հայաստանի հավաքականի ենթախմբում ընդգրկվել են […] ...
21:09 30.04.2025
Պեսկովը հաստատել է Սի Ծինփինի մասնակցությունը Մոսկվայում մայիսի 9-ի տոնակատարություններինՉինաստանի Ժողովրդական Հանրապետության նախագահ Սի Ծինփինը մայիսի 9-ին Մոսկվայում կմասնակցի Հաղթանակի 80-ամյակի տոնակատարությանը։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։ «Մենք սպասում ենք Չինաստանի առաջնորդին։ Նախագահ Սի Ծինփինը առանձին այց կունենա։ Մենք մեծ նշանակություն ենք տալիս այցին և պատրաստվում ենք դրան», – ասել է Կրեմլի ներկայացուցիչը։ Ավելի վաղ Ռուսաստանի նախագահ Վլադիմիր Պուտինը […] ...
20:54 30.04.2025
ՀՀ ՏԿԵ նախարարն ընդունել է Միջազգային տրանսպորտային ֆորումի (ITF) գլխավոր քարտուղարին և ITF ավտոմոբիլային տրանսպորտի խմբի ղեկավարինՀՀ ՏԿԵ նախարար Դավիթ Խուդաթյանը Ֆեյսբուքի իր էջում հայտնել է, որ այսօր ընդունել է Միջազգային տրանսպորտային ֆորումի (ITF) գլխավոր քարտուղար Յոնգ Թե Կիմին և ITF ավտոմոբիլային տրանսպորտի խմբի ղեկավար Յուստաս Ռասոմավիչյուսին։ «Ողջունել եմ հյուրերին և շնորհակալություն եմ հայտնել տրանսպորտի ոլորտում և հատկապես Որակի Խարտիայով նախատեսված պահանջներին համապատասխան օրենսդրական բարեփոխումներին աջակցելու համար։ Պատրաստակամություն եմ հայտնել հաջորդիվ […] ...
20:36 30.04.2025
Վարչապետն աշխատանքային հանդիպում է ունեցել աշխատանքի և սոցիալական հարցերի նախարարի հետՀՀ վարչապետ Նիկոլ Փաշինյանն աշխատանքային հանդիպում է ունեցել աշխատանքի և սոցիալական հարցերի նախարար Նարեկ Մկրտչյանի հետ: Այս մասին հայտնել է վարչապետը Ֆեյսբուքի իր էջում: Մանրամասները՝ տեսանյութում: ...
20:17 30.04.2025
Աշխարհի լավագույն ռմբարկուների տասնյակըՊորտուգալիայի հավաքականի և սաուդյան «Ալ Նասրի» 40-ամյա հարձակվող Կրիշտիանու Ռոնալդուն 934 գոլով աշխարհի լավագույն ռմբարկուն է գործող ֆուտբոլիստների շարքում։ Լավագույն ռմբարկուների տասնյակը հետևյալն է․ 1․Կրիշտիանու Ռոնալդու («Ալ Նասր»)՝ 934 գոլ 2․Լիոնել Մեսսի («Ինտեր Մայամի»)՝ 858 3․Ռոբերտ Լեւանդովսկի («Բարսելոնա»)՝ 710 4․Լուիս Սուարես («Ինտեր Մայամի»)՝ 587 5․Քարիմ Բենզեմա («Ալ Իթիհադ»)՝ 494 6․Էդինսոն Կավանի («Բոկա Խունիորս»)՝ 462 7․Հարի […] ...
