Մեծ Բրիտանիայում փորձարկվում են գեների վրա ներազդման միջոցով ապագա երեխայի մոտ մի շարք հիվանդությունների բացառման հնարավորությունները: Այս մասին տեղեկացնում է The Independent պարբերականը:
Գեների վրա ներազդման մեթոդիկան, սակայն, ըստ գիտնականների, կարելի է օգտագործել նաև ապագա երեխայի աչքերի և մազերի գույնը, նույնիսկ օպտիմալ հասակը որոշելու համար: Գուցե, ոչ հեռու ապագայում այս ամենն իրականություն դառնա, սակայն խնդիրն ավելի շատ բարոյական է:
Ընդամենը տարիներ առաջ Մեծ Բրիտանիայում ԴՆԹ-ի ներարգանդային փոփոխությունները հասարակական լայն շերտերում խիստ քննադատությունների էին արժանանում: Դա անգամ անբարոյական քայլ էր համարվում: Հիմա, սակայն, իրավիճակը և հայացքները փոխվել են, և նման գործողությունները, եթե անգամ չխրախուսվեն, ապա քննադատությունների էլ չեն արժանանում:
Այնուամենայնիվ, գիտական աշխարհը ու այս մեթոդիկայի հեղինակների խումբն առայժմ դեմ է, որ երեխայի՝ գեների վրա ներազդման միջոցով այսպես ասած «խմբագրումը» տարածում ստանա:
Նուֆիլդի գիտական խորհրդի պրոֆեսոր Քերեն Յունգի կարծիքով՝ մարդու ԴՆԹ-ի մոլեկուլում փոփոխությունները թույլատրելի կլինեն երկու պայմանի դեպքում՝ առաջինը, որ այդ ամենը չհանգեցնի խտրականության աճի և երկրորդ՝ չնպաստի հասարակության շերտավորմանը:
