ՀԱՊԿ գլխավոր քարտուղարը հայտարարել է, որ իրադարձությունները Ղազախստանում սպառնում են երկրի անվտանգությանը

Ղազախստանում տեղի ունեցող իրադարձությունները իրական սպառնալիք են ներկայացնում հանրապետության անվտանգությանը, նրա կայունությանը և նույնիսկ տարածքային ամբողջականությանը, «ՌԻԱ Նովոստի»-ին հայտարարել ՝ ՀԱՊԿ գլխավոր քարտուղար Ստանիսլավ Զասը:

«Ուստի ստացվել է նման դիմում, անցկացվել են պետությունների ղեկավարների արտակարգ խորհրդակցություններ և համապատասխան որոշում է կայացվել այդ սպառնալիքները տեղայնացնելու համար ՀԱՊԿ խաղաղապահ ներուժի գործարկման մասին»,- հայտարարել է նա։

Գլխավոր քարտուղարը հիշեցրել է, որ ՀԱՊԿ-ի Հավաքական անվտանգության խորհրդի որոշման հիմնական շարժառիթը այդ ծանր ժամանակաշրջանում Ղազախստանին օգնություն և աջակցություն ցուցաբերելն է, իսկ մյուս ենթադրություններն անհեթեթություն են :

ՀԱՊԿ գլխավոր քարտուղարը նշել է, որ Հավաքական խաղաղապահ ուժեր Հանրապետություն ուղարկելուն մասնակցում են կազմակերպության մյուս բոլոր մասնակիցները՝ Ռուսաստանը, Բելառուսը, Հայաստանը, Ղրղզստանը և Տաջիկստանը:

Նրա խոսքով՝ Ղազախստանում հավաքական խաղաղապահ ուժերի ներկայության ժամկետը կախված կլինի իրավիճակի զարգացումից: Գործողության ավարտից հետո զորքերը դուրս կբերվեն, հավելել է Զասը:

ՀԱՊԿ-ի խաղաղապահ ուժերը Ղազախստանում 2,5 հազար մարդ է լինելու, սակայն անհրաժեշտության դեպքում կարող են ուժեղացվել, նշել է գլխավոր քարտուղարը:

Ղազախստանի ամբողջ տարածքում արտակարգ դրության ռեժիմ է սահմանվել։

Ամեն ինչ սկսվել է երկրի արևմուտքում հեղուկ գազի գնի կրկնակի բարձրացումից հետո՝ մինչև 120 տենգե մեկ լիտրի համար։ Սկզբում Մանգիստաուի մարզում, ապա այլ շրջաններում:

Բազմաթիվ հանրահավաքներ են տեղի ունեցել Ակտաու, Ժանաոզեն և Աթիրաու քաղաքներում։ Ալմաթիում ստիպված են եղել փակել հանրապետության հրապարակը։ Ակտիվիստներն այրել են խարույկները, եղել են նաև հարձակումներ ոստիկանների վրա։ Կան ձերբակալվածներ։ Ընդ որում, կառավարական հանձնաժողովի անդամները Ակտաու քաղաքում ցուցարարների հետ հանդիպման ժամանակ պայմանավորվել են, որ հեղուկացված գազի արժեքը կնվազեցնի մինչև 50 տենգե մեկ լիտրի համար:

Ղազախստանի նախագահը օգնության խնդրանքով դիմել է ՀԱՊԿ պետությունների ղեկավարներին։

Որոշում է կայացվել սահմանափակ ժամանակահատվածով Ղազախստան ուղարկել ՀԱՊԿ հավաքական խաղաղապահ ուժեր:

Կառավարությունը թույլատրել է Հավաքական անվտանգության պայմանագրի կազմակերպության անդամ-պետությունների խաղաղապահ զորախմբերում ընդգրկված Հայաստանի Հանրապետության զինված ուժերի ստորաբաժանմանը՝ Հավաքական անվտանգության պայմանագրի կազմակերպության հավաքական խաղաղապահ ուժերի կազմում մասնակցելու Ղազախստանի Հանրապետությունում իրականացվող խաղաղապահ գործողություններին: