15:20 27.07.2018
Արթիկի մոր և մանկան առողջության պահպանման կենտրոնի աշխատակիցները պահանջում են իր պաշտոնում վերականգնել կենտրոնի նախկին տնօրեն Սիմոն Մանուկյանին: Նրա աշխատանքային պայմանագրի ժամկետը լրացել է և այն երկարացնելու խնդրով այսօր բուժաշխատողները եկել են Շիրակի մարզպետի հետ հանդիպման:
Մարզպետ Կարեն Սարուխանյանը պատասխանել է, որ Արթիկի մոր և մանկան առողջության պահպանման կենտրոնի նախկին տնօրենը այլևս չի կարող աշխատել այդ պաշտոնում, քանի որ մարզպետարանն ու իրավապահները կենտրոնում լուրջ խախտումներ են հայտնաբերել: Դրանք դատախազությունն է ուսումնասիրում, քրեական գործ է հարուցվել, իսկ հիմքում այն է, որ ըստ մարզպետի, նախկին տնօրենը չարաշահումներ է թույլ տվել: Մասնավորապես 4 բուժքույր աշխատանքից ազատվել է առանց նոր հաստիքացուցակը հաստատելու, նաև կենտրոնում գրանցված աշխատակից է եղել, որն աշխատանքի չի ներկայացել:
«Տնօրենի պայմանագիրը չեմ երկարացրել ու դրա համար կան բազմաթիվ հիմնավորումներ: Տնօրենը բավական խախտումներով է աշխատել: Դրանք կախված են հաստիքացուցակի հետ: Գրանցված աշխատող կա, որը չի աշխատել իրականում ու երկար ժամանակ: 4 հոգու կրճատել է՝ դեռ նոր հաստիքացուցակները չհաստատված: Չարաշահումներ գոյություն ունեն, որոնք արվել են, և համապատասխան մարմինները ժամանակի ընթացքում ընթացք կտան: Ես՝ որպես մարզպետ, չեմ ցանկանում, որ այդ մարդը շարունակի աշխատել որպես տնօրեն»,- ասել է Շիրակի մարզպետ Կարեն Սարուխանյանը
Արթիկի մոր և մանկան առողջության պահպանման կենտրոնի աշխատակիցները մեղադրանքներն անհիմն են համարում: Ըստ նրանց՝ սա աշխատանքից ազատված բուժքույրերի հաշվեհարդարն է նախկին տնօրենի նկատմամբ: Արթիկի մոր և մանկան առողջության պահպանման կենտրոնում մոտ օրերս տնօրենի ժամանակավոր պաշտոնակատար կնշանակվի, իսկ նոր տնօրենի մրցույթը տեղի կունենա 2 ամսից:
23:18 14.05.2025
Երևանի թիվ 175 դպրոցի մարզադահլիճը կհիմնանորոգվիԵրևանի Նուբարաշեն վարչական շրջանի թիվ 175 դպրոցի մարզադահլիճը, որը կառուցումից ի վեր չէր վերանորոգվել, Երևանի քաղաքապետարանի ծրագրով ընթացիկ տարում հիմնովին կվերանորոգվի։ Այս մասին հայտնել են Երևանի քաղաքապետարանից: Ֆիզկուլտուրայի դասերն այսօր անցկացվում են անմխիթար պայմաններում։ Ծրագիրը հնարավորություն կտա աշակերտների համար ապահովել ժամանակակից պայմաններ՝ ստեղծելով նոր ու հարմարավետ կրթական միջավայր: ...
23:09 14.05.2025
Ամերիկյան կողմի հետ տարբեր թեմաներ են քննարկվում. ԱԳՆ խոսնակը՝ Թրամփի բանագնացի հայտարարության մասինԱԳՆ մամուլի քարտուղար Անի Բադալյանն արձագանքել է ԱՄՆ նախագահ Դոնալդ Թրամփի հատուկ բանագնաց Սթիվ Ուիթքոֆի հայտարարությանը: «Ամերիկյան կողմի հետ երկխոսության շրջանակներում քննարկվում են տարբեր թեմաներ. ինչպես ձևավորված ռազմավարական գործընկերությունը, այնպես էլ տարածաշրջանում խաղաղության հաստատմանը նպաստող նախաձեռնությունները, իհարկե, կարող են նոր հնարավորություններ տալ»,- «Ազատությանը» հայտնել է ԱԳՆ խոսնակը: «Ազատությունը» ԱԳՆ խոսնակից մասնավորապես հետաքրքրվել էր՝ արդյոք Հայաստանին […] ...
22:57 14.05.2025
Թրամփի հատուկ ներկայացուցիչը կանխատեսում է, որ ՀՀ-ն ու Ադրբեջանը կմիանան Աբրահամի համաձայնագրերինԱՄՆ նախագահ Դոնալդ Թրամփի հատուկ ներկայացուցիչ Սթիվեն Ուիթքոֆն անդրադարձել է հայ-ադրբեջանական հարաբերությունների կարգավորմանը: Նա ասել է, որ Հայաստանն ու Ադրբեջանը շուտով կարող են միանալ այսպես կոչված «Աբրահամյան համաձայնագրերին». ի՞նչ առիթով է Ուիթքոֆը խոսել մեր խնդրի մասին: Թեմային՝ «Հորիզոնի» տաղավարում անդրադարձել է Արտյոմ Երկանյանը: «Ուիթքոֆը հարցազրույց է տվել ամերիկյան «Breit Bart» պարբերականին և ահա այդ հարցազրույցի […] ...
22:45 14.05.2025
Վարչապետը բարձր տեխնոլոգիաների ոլորտում համաշխարհային ներդրման համար 2024 թվականի ՀՀ պետական մրցանակը հանձնել է Յոշիակի Դեյմոն ՀագիվարայինԱյսօր տեղի է ունեցել Բարձր տեխնոլոգիաների ոլորտում համաշխարհային ներդրման համար Հայաստանի Հանրապետության պետական մրցանակի հանձնման 15-րդ արարողությունը: Միջոցառմանը ներկա են եղել վարչապետ Նիկոլ Փաշինյանը, նախագահ Վահագն Խաչատուրյանը, օրենսդիր և գործադիր իշխանությունների ներկայացուցիչներ, հյուրեր: Վարչապետ Նիկոլ Փաշինյանը Բարձր տեխնոլոգիաների ոլորտում համաշխարհային ներդրման համար ՀՀ պետական մրցանակը հանձնել է ճապոնացի գիտնական, AIPLAB կոնսորցիումի հիմնադիր, Արհեստական բանականության գործընկեր […] ...
22:33 14.05.2025
ԲՏԱ նախարարության հրավերով Հայաստան են ժամանել արհեստական բանականության (AI) բնագավառում միջազգային ճանաչում ունեցող ֆրանսիական ընկերության ներկայացուցիչներըՀՀ ԲՏԱ նախարարության հրավերով Հայաստան են ժամանել արհեստական բանականության (AI) բնագավառում միջազգային ճանաչում ունեցող ֆրանսիական Mistral AI ընկերության ներկայացուցիչները։ Այս մասին Ֆեյսբուքի իր էջում հայտնել է ՀՀ ԲՏԱ նախարար Մխիթար Հայրապետյանը։ «Այսօր ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանի նախաձեռնությամբ նախաճաշ-հանդիպում է տեղի ունեցել Mistral AI-ի ներկայացուցիչների և հայաստանյան տեխնոլոգիական ընկերությունների ղեկավարների մասնակցությամբ, […] ...
22:18 14.05.2025
Արարատ Միրզոյանը՝ Բաքու, Ջեյհուն Բայրամովը՝ Երևան. ի՞նչ կփոխեն հնարավոր փոխայցելություններըԱյս ամսվա սկզբին հայտնի դարձավ, որ Ադրբեջանի արտաքին գործերի նախարարն այցելելու է Երևան, իսկ Հայաստանի ԱԳ նախարարը՝ Բաքու: Այդ մասին հայտարարեց Հայաստանում Ռուսաստանի դեսպանը: Այդ փոխայցելությունները լինելու են 3+3 տարածաշրջանային խորհրդատվական հարթակի շրջանակում: Այդ հարթակը, որում ընդգրկված են Հայաստանը, Ադրբեջանը, Թուրքիան, Իրանը, Ռուսաստանը և Վրաստանը, թեև վերջինս չի մասնակցում այդ ձևաչափով հանդիպումներին, հիշեցնենք, ստեղծված է […] ...
