20:27 08.05.2022
Մայիսի 8-ին «Զորաց ակումբ» հասարակական կազմակերպության նախաձեռնությամբ և ԱՀ ԿԳՄՍ նախարարության աջակցությամբ Արցախում առաջին անգամ կազմակերպվել են «QUEST» խաղեր՝ նվիրված Արցախի Հանրապետության պաշտպանության բանակի կազմավորման 30-ամյակին։ Խաղերի մասնակիցներն Արցախի 20 ուսումնական հաստատությունների թիմերն էին՝ յուրաքանչյուր թիմում 5 աշակերտի ընդգրկմամբ, զինղեկի առաջնորդությամբ։ Խաղերի մեկնարկը տրվեց «Մենք ենք, մեր սարերը» հուշարձանի հարակից տարածքից՝ հանդիսավոր բացման արարողությամբ։
«Այսօր մեր երկիրը կանգնած է բարդ աշխարհաքաղաքական իրողությունների առաջ։ Մենք պիտի համախմբվենք, պիտի կարողանանք վերականգնել մեր պետականությունը։ Մեր ինքնության պահպանման համար անչափ կարևոր է դաստիարակել այնպիսի սերունդ, որն ունակ կլինի կերտելու փայլուն ապագա ու լուսավոր ճանապարհ»,- ողջույնի խոսքում նշեց ԱՀ ԿԳՄՍ նախարար Անահիտ Հակոբյանը։
ԱՀ ԿԳՄՍ նախարարության աշխատակազմի նախազորակոչային պատրաստության բաժնի վարիչ Դավիթ Օհանջանյանը ներկայացրեց խաղ-մրցույթի նպատակը․
«Թիմային ինտելեկտուալ այս խաղը կազմակերպվել է աշակերտների մեջ սերմանելու հայրենասիրություն, հայրենաճանաչություն, խնդիրներ լուծելու հմտություններ։ Ակնկալում ենք, որ մեր աշակերտները կսկսեն ավելի լավ տիրապետել Արցախի պատմությանը, նրա հերոսական անցյալին, կոգեշնչվեն ու կառաջնորդվեն Արցախի քաջարի որդիների սխրանքներով։» Խաղի կանոններն էլ մասնակիցներին ներկայացրեց ՀՀ-ից հրավիրված մասնագետ Միքայել Հովհաննիսյանը. «Խաղը կազմակերպվում է Ստեփանակերտ-Ասկերան բնագծով, ընդգրկում է 12 առաջադրանք՝ հանելուկների տեսքով։ Նկարագրված են պատմամշակութային արժեքներ, հուշարձաններ։ Մրցակից թիմերը պետք է գուշակեն՝ ինչի մասին է խոսքը, գտնեն այն, լուսանկարվեն և անցնեն հաջորդ առաջադրանքին: Հաղթող է ճանաչվում այն թիմը, որը կատարել է ավելի շատ առաջադրանքներ: 3 ժամ անց բոլոր թիմերը պետք է վերադառնան ելման կետ, որտեղ էլ կամփոփվեն արդյունքները։»
«QUEST» ինտելեկտուալ-շարժական խաղերն ավարտվեցին հետևյալ արդյունքներով՝ առաջին մրցանակային տեղը զբաղեցրել է Ստեփանակերտի համար 11 ավագ դպրոցի թիմը, երկրորդ տեղում Ասկերանի շրջանի Այգեստանի միջնակարգ դպրոցն է, իսկ երրորդը՝ Ստեփանակերտի համար 12 դպրոցի թիմը: Հաղթող թիմերը պարգևատրվեցին արժեքավոր նվերներով։
15:30 26.07.2025
Անդրեա Պիռլոն՝ «Դուբայ Յունայթեդի» գլխավոր մարզիչ46-ամյա իտալացի Անդրեա Պիռլոն նշանակվել է «Դուբայ Յունայթեդի» գլխավոր մարզիչ։ Այս մասին հայտնում է ակումբի մամուլի ծառայությունը: ««Դուբայ Յունայթեդի» ֆուտբոլային ակումբն ուրախ է պաշտոնապես հայտարարել Անդրեա Պիռլոյի նշանակման մասին՝ որպես առաջին թիմի նոր գլխավոր մարզիչ։ Աշխարհի 2006թ. առաջնության հաղթող և իր սերնդի ամենահայտնի կիսապաշտպաններից Պիռլոն իր հետ բերում է յուրահատուկ և արժեքավոր մարզչական փորձ, որը […] ...
15:14 26.07.2025
Հուլիսի 26-ից վերսկսվել է Հայաստան բնական գազի մատակարարումը«Գազպրոմ Արմենիա» ընկերությունից տեղեկացնում են, որ հուլիսի 26-ին՝ ժամը 13։40-ից, վերսկսվել է Հայաստան բնական գազի մատակարարումը, որը ժամանակավորապես դադարեցվել էր Վրաստանի տարածքում՝ «Հյուսիսային Կովկաս-Անդրկովկաս» տարանցիկ մայրուղային գազատարի «Ղազախ-Սագուրամո» (DN 1000) հատվածում վթարավերականգնողական աշխատանքներ իրականացնելու անհրաժեշտությամբ պայմանավորված։ ...
14:53 26.07.2025
Առաջիկա օրերի եղանակային կանխատեսումըՀանրապետության տարածքում հուլիսի 26-ին և 28-29-ի կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Հուլիսի 27-ին և 30-31-ը սպասվում է առանց տեղումների եղանակ։ Քամին՝ արևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 17-20 մ/վ արագությամբ։ Հուլիսի 26-31-ի երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ […] ...
14:42 26.07.2025
Հունիսին արձանագրվել է ՀՀ-ում գրանցված աշխատատեղերի նոր պատմական ռեկորդ. վարչապետՀունիսին արձանագրվել է ՀՀ-ում գրանցված աշխատատեղերի նոր պատմական ռեկորդ՝ 714 հազար 586 աշխատատեղ, իսկ տնտեսական ակտիվության ցուցանիշը կազմել է 8.6 տոկոս։ Այս մասին ֆեյսբուքյան իր էջում գրել է վարչապետ Նիկոլ Փաշինյանը: «Սիրում եմ քեզ՝ Հայաստանի Հանրապետության աշխատող, արդյունք ստեղծող, պետությունդ շենացնող ժողովուրդ»,-գրել է վարչապետը: ...
14:30 26.07.2025
Փոխվո՞ւմ է արդյոք կրթության որակը. ի՞նչ խնդիր են լուծում բարեփոխումները. Հեռանկար բանավեճԿրթական նոր մոտեցումներ նոր ուսումնական տարում: Վերջին երեք տարիները կրթական գրեթե բոլոր օղակներում աչքի ընկան ակտիվ փոփոխություններով: Հանրակրթության ոլորտում սկսեցին կիրառվել նոր չափորոշիչներ: Այժմ էլ ընթացքի մեջ է կամավոր ատեստավորման հայտերի ընդունումը: Փոփոխություններ են տեղի ունենում միջին մասնագիտական ու բարձրագույն կրթության ոլորտներում: Գրեթե բոլոր դեպքերում դրանք ակտիվ քննարկումների ու տարաձայնությունների տեղիք տվեցին: Ուստի որքանով են […] ...
