17:00 08.06.2022
Գիտության կոմիտեն կազմակերպում է գիտական և գիտատեխնիկական գործունեության պայմանագրային (թեմատիկ) ֆինանսավորման նպատակով գիտական թեմաների հայտերի ընտրության «Հայաստանի Հանրապետության գիտական համայնքին արտերկրի գիտնականների ինտեգրմանն աջակցության ծրագիր» մրցույթը:
Գիտական և գիտատեխնիկական գործունեության բոլոր բնագավառների մասնագիտություններով գիտական հետազոտությունների իրականացման համար տրամադրվելու են 60 ամիս տևողությամբ դրամաշնորհներ՝ 2-5 անձից բաղկացած գիտական խմբերի՝ արտերկրի ղեկավարի նախաձեռնությամբ ներկայացված և մրցութային կարգով ընտրված գիտական թեմաներին:
Խմբի ղեկավարը պետք է արտերկրից տեղափոխվի և թեմայի իրականացման ողջ ընթացքում բնակվի Հայաստանի Հանրապետությունում: Խմբի ղեկավար կարող են լինել 1972 թ. հունվարի 1-ից հետո ծնված այն անձինք, որոնք չպետք է մրցույթի հրապարակմանը նախորդող 4 տարիների ընթացքում հանրագումարային առավելագույնը 12 ամիս ուսումնառած կամ աշխատած լինեն Հայաստանում, և որոնք գիտական աստիճանը ստացել են.
Շեմ 1՝ 2015 թվականի հունվարի 1-ից հետո,
Շեմ 2՝ 2002 թվականի հունվարի 1-ից հետո։
Թեմաների ընտրությունը կատարվում է մրցութային խորհրդի կողմից՝ հիմք ընդունելով գիտական փորձագետների հաշվետվությունները։ Կարևորագույն չափորոշիչներից են թեմայի արդիականությունը, արդյունքների ազդեցությունը Հայաստանի գիտության և տնտեսության զարգացման վրա, խմբի ղեկավարի գիտական գործունեության փորձն ու արժեքավոր ձեռքբերումները:
Մրցույթում հաղթած թեմաների գիտական աշխատանքները իրականացվելու են ընդունող կազմակերպություններում, որոնք կարող են լինել ՀՀ պետական բյուջեի գիտական և գիտատեխնիկական գործունեության բազային ֆինանսավորմամբ ծրագիր իրականացնող կազմակերպություններ։
Խմբում ընդգրկված կատարողները կարող են լինել ինչպես ՀՀ-ից, այնպես էլ արտերկրից, և թեմայի իրականացման ողջ ընթացքում խմբի բոլոր անդամները պետք է բնակվեն Հայաստանում։ Մրցույթում հատուկ ուշադրություն է դարձվել երիտասարդ գիտնականների ներգրավվածությանը։ Խմբի անդամներից առնվազն երկուսը պետք է ծնված լինեն 1987 թ. հունվարի 1-ից հետո և կարող են լինել բուհի առնվազն երրորդ կուրսի ուսանողներ։ Ավելին՝ թեման իրականացնելիս՝ 12 ամիս անց, խմբի ղեկավարը կարող է ընդլայնել թիմը մինչև 35 տարեկան 2 կատարողներով:
Խումբը պետք է ունենա արտերկրի գործընկեր, իսկ երիտասարդ խմբի ղեկավարի դեպքում՝ նաև խորհրդատու: Գործընկեր կարող են լինել համապատասխան մասնագիտությամբ արտերկրում աշխատող ակտիվ գիտնականներ, որոնք կպարտավորվեն թեմայի կատարման ընթացքում այցելել Հայաստան և ընդունել խմբի անդամներին համապատասխան արտասահմանյան գիտական հաստատություններում։ Թեմայի խորհրդատու կարող է լինել ինչպես ՀՀ ընդունող կազմակերպությունից, այնպես էլ արտերկրի կազմակերպությունից:
Թեմայի կատարումից ակնկալվող կարևորագույն արդյունքներից են առնվազն 10 գիտական հրապարակում ՄԳՇ ընդգրկված պարբերականներում, որոնցից առնվազն երկուսը՝ «Q1» և առնվազն երկուսը՝ «Q2» քառորդներում ընդգրկված ամսագրերում, իսկ հայագիտության և հումանիտար գիտությունների դեպքում՝ առնվազն 6 գիտական հրապարակում ՄԳՇ ընդգրկված պարբերականներում, որոնցից առնվազն մեկը՝ «Q1» և առնվազն մեկը՝ «Q2» քառորդներում ընդգրկված ամսագրերում, կամ մեկ մենագրություն:
Հայտը լրացնում և ներկայացնում է խմբի ղեկավարը՝ irf-armenia.scs.am առցանց համակարգի միջոցով մինչև 2022 թ. օգոստոսի 5-ը ներառյալ (ուղարկման հնարավորությունն արգելափակվում է Երևանի ժամանակով ժամը 18:00-ին):
Մրցույթի վերաբերյալ լրացուցիչ տեղեկատվություն և խորհրդատվություն կարելի է ստանալ ՀՀ կրթության, գիտության, մշակույթի և սպորտի նախարարության գիտության պետական կոմիտեից՝ հեռ.` 010-21-01-40 (*115,*116,*102), իսկ տեխնիկական հարցերով՝ հեռ.՝ 010- 210-140 (*108):
11:14 18.07.2025
Գեղարքունիքի մարզի Մադինա համայնքի նախկին ղեկավարը մեղադրվում է հայտարարագիրը դիտավորությամբ չներկայացնելու մեջՀՀ հակակոռուպցիոն կոմիտեում նախաձեռնված քրեական վարույթով իրականացված նախաքննությամբ պարզվել է, որ ՀՀ Գեղարքունիքի մարզի Մադինա համայնքի նախկին ղեկավարը օրենքով սահմանված պատասխանատվության կիրառումից հետո դիտավորությամբ հայտարարագիր չի ներկայացրել: Մասնավորապես՝ նախաքննությամբ պարզվել է, որ 2024 թվականի ապրիլի 22-ին Մադինա համայնքի նախկին ղեկավարը գրավոր ծանուցվել է 2021 թվականի պաշտոնեական պարտականությունները դադարեցնելու օրվա դրությամբ առկա գույքի, եկամուտների, ծախսերի և շահերի հայտարարագիրը չներկայացնելու, ինչպես նաև դրանից հետո 30 օրվա ընթացքում համապատասխան հայտարարագիր ներկայացնելու պարտավորության, իսկ հակառակ դեպքում՝ 31-րդ օրը վարչական վարույթ իրականացնելու նպատակով հանձնաժողովին ներկայանալու վերաբերյալ: Հիշյալ անձը, սակայն, այդ ընթացքում չի ներկայացրել հայտարարագիրը և չի ներկայացել հանձնաժողովին: Դրանից հետո համայնքի նախկին ղեկավարի նկատմամբ կազմվել է վարչական իրավախախտման վերաբերյալ արձանագրություն, և 2024 թվականի օգոստոսի 5-ին տեղի ունեցած՝ վարչական իրավախախտման վերաբերյալ գործի քննության արդյունքում որոշում է կայացվել նրա նկատմամբ 200․000 ՀՀ դրամի չափով տուգանք նշանակելու մասին: Պատշաճ ծանուցվելով վարչական տուգանք կիրառված լինելու վերաբերյալ՝ համայնքի նախկին ղեկավարը 30-օրյա ժամկետում դարձյալ հայտարարագիր չի ներկայացրել իրավասու մարմնին՝ ՀՀ կոռուպցիայի կանխարգելման հանձնաժողովին, որի համար նրան մեղադրանք է ներկայացվել ՀՀ քրեական օրենսգրքի 444-րդ հոդվածի 1-ին մասով: Քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են ՀՀ հակակոռուպցիոն դատարան: ...
11:00 18.07.2025
Հնդկաստանը փորձարկել է երկու բալիստիկ հրթիռՀնդկաստանը հաջողությամբ փորձարկել է երկու կարճ հեռահարության բալիստիկ հրթիռ՝ Prithvi-II -ը և Agni-I-ը։ Այս մասին հայտնել է երկրի պաշտպանության նախարարությունը մամուլի հաղորդագրության մեջ։ Փորձարկումները տեղի են ունեցել Չանդիպուրի (արևելյան Օդիշա նահանգ) փորձարկման հրապարակում։ Հրթիռները արձակվել են Ռազմավարական ուժերի հրամանատարության վերահսկողության ներքո։ «Բոլոր տեխնիկական և գործառնական պարամետրերը հաստատվել են», – ընդգծել է Հնդկաստանի ռազմական գերատեսչությունը։ Prithvi-II […] ...
10:50 18.07.2025
Ապարանի համայնքային ոստիկանները քանդված շինության հետնամասում հայտնաբերել են զենք-զինամթերքԲնակչության շրջանում տարվող բացատրական աշխատանքի արդյունքում քաղաքացիները պարբերաբար ապօրինի պահվող զենք-զինամթերք են կամավոր հանձնում ոստիկանություն: Հուլիսի 15-ին 911 է զանգահարել մի քաղաքացի և հայտնել, որ Ջրամբար գյուղի քանդված շինության հետնամասում զենք-զինամթերք է թողել։ Համայնքային ոստիկանության Ապարանի բաժնից մեկնած օպերատիվ խումբը նշված վայրում հայտնաբերել է պարկ, որի մեջ կար որսորդական ողորկափող հրացան, նռնակ, տարբեր տրամաչափի փամփուշտներ, […] ...
10:41 18.07.2025
Հիմնանորոգվում է Վարդաղբյուր-Տաշիր ավտոճանապարհի մի հատվածըՀՀ պետական բյուջեի միջոցներով հիմնանորոգվում է Հ-31, /Մ-1/-Վարդաղբյուր-Տաշիր – /Մ-3/ հանրապետական նշանակության ավտոճանապարհի կմ 0+000-կմ 5+000 հատվածը։ 5կմ երկարությամբ հիմնանորոգվող ճանապարհահատվածը անցնում է Շիրակի մարզի Վարդաղբյուր բնակավայրի մոտով, Մուսայելյան գյուղով։ Նշված հանրապետական նշանակության ճանապարհը միմյանց է կապում Մ-1 և Մ-3 միջպետական ճանապարհները։ Ակնկալվում է, որ այս հատվածի հիմնանորոգումից հետո մեծապես կավելանա ճանապարհի երթևեկության ինտենսիվությունը։ «Ճանապարհային […] ...
10:30 18.07.2025
Սևանա լճի ջրի միջին ջերմաստիճանն առափնյա հատվածում՝ հուլիսի 18-ի 08։00 դրությամբՍևանա լճի ջրի միջին ջերմաստիճանն առափնյա հատվածում հուլիսի 18-ի 08։00 դրությամբ կազմել է 19.3°C: Այս մասին հայտնում է «Հիդրոօդերևութաբանության և մոնիթորինգի կենտրոն» ՊՈԱԿ-ը։ ...
10:17 18.07.2025
«Ռեալը» պատրաստվում է վաճառել թիմի ամենաբարձր վարձատրվող խաղացողներից մեկինՄադրիդի «Ռեալը» մտադիր է այս ամառ բաժանվել թիմի ավստրիացի պաշտպան Դավիդ Ալաբայից՝ աշխատավարձերի ֆոնդը թեթևացնելու և ֆինանսական ռեսուրսներ ազատելու նպատակով: Այս մասին հայտնում է AS-ը: Աղբյուրի համաձայն՝ Ալաբան պատրաստ չէ լքել ակումբը և ցանկանում է կատարել իր պայմանագրով նախատեսված պարտավորությունները մինչև 2026 թվականի հունիսի 30-ը՝ լավ մարզավիճակում մնալու համար: Ալաբայի ապագայի հարցը կախված է նրա […] ...
