16:20 15.06.2022
ԿԳՄՍ նախարարությունը 2021 թ. իրականացրել է 21 բյուջետային ծրագիր՝ 196 միջոցառումով: Ընդհանուր առմամբ ծախսվել է 174,8 մլրդ դրամ՝ ապահովելով ծրագրված ցուցանիշի 97,7 տոկոսը՝ 2020 թ. 95 տոկոսի դիմաց: Այս մասին տեղեկացրել է ԿԳՄՍ նախարար Վահրամ Դումանյանը հունիսի 15-ի ԱԺ հերթական նիստում:
Ինչպես տեղեկացնում է ԱԺ կայքը՝ իր ելույթում նախարարը մանրամասն ներկայացրել է ոլորտներում իրականացված աշխատանքները:
Չնայած համավարակի և պատերազմի հարուցած դժվարություններին՝ նախարարությունը շարունակել է աշխատանքն իր համակարգման ներքո գտնվող բոլոր ոլորտներում: Կրթության ոլորտում շարունակվել են հիմնական բարեփոխումները, որոնց նպատակը կրթության որակի բարձրացումն է:
Իրավական դաշտի բարելավմանն ուղղված աշխատանքներ են իրականացվել մասնավորապես հանրակրթության ոլորտում:
Աշխատանքներ են տարվել գիտության ոլորտը երիտասարդ կադրերով համալրելու նպատակով: Սկսած ընթացիկ տարվա հունվարի 1-ից՝ Գիտական և գիտատեխնիկական գործունեության բազային ֆինանսավորման ծրագրում ընդգրկված գիտական կադրերի աշխատավարձն աստիճանաբար բարձրանում է և կհասնի հանրապետության մասշտաբով պետական համակարգում համադրելի և համեմատելի արժեքների:
Արտերկրում հայագիտությունը զարգացնելու նպատակով 9 պետությունների 11 համալսարաններում կազմակերպվել է հայերենի և հայագիտական առարկաների դասավանդում: 2020թ. նման աշխատանքներ իրականացվել են 4 պետությունների 6 համալսարաններում:
Հաշվետու տարում շարունակվել են մշակութային արժեքների պահպանմանն ու հանրահռչակմանը, մշակութային ժառանգության վերականգնմանն ուղղված աշխատանքները:
Պետական թանգարանների ֆոնդը համալրվել է 10 հազարից ավելի միավոր թանգարանային առարկաներով:
Իրականացվել են շուրջ 701,4 մլն դրամի կապիտալ ներդրումներ՝ ուղղված մշակութային հաստատությունների ու պատմամշակութային ժառանգության բնագավառի 26 օբյեկտի պահպանմանը, նյութատեխնիկական և գույքային բազայի արդիականացմանը:
Ֆիզիկական կուլտուրայի և սպորտի ոլորտում ևս նախատեսված ծրագրերը իրականացվել են:
Պատգամավոր Հակոբ Ասլանյանը հետաքրքրվել է դպրոցների տնօրենների աշխատավարձերի բարձրացմամբ: Ի պատասխան՝ Վահրամ Դումանյանը նշել է. «Անկեղծ՝ չգիտեմ, թե տնօրեններն ինչու են հենց տնօրենների մասով նման հարց բարձրացնում: Կարծում եմ՝ նախ պետք է ուսուցչի աշխատավարձից խոսենք և նաև տնօրենին դիտարկենք որպես ուսուցիչ»: «Ուսուցիչների աշխատավարձերի հետ կապված՝ գիտեք, թե ինչպիսի կտրուկ փոփոխություններ են արվել: Տնօրենը, եթե առաջին հերթին իրեն դիտարկի որպես ուսուցիչ, ապա կստանա հարաբերական առումով ավելի բարձր և արժանավայել աշխատավարձ, քան այսօր ստանում է որպես տնօրեն: Դրա համար կա մեկ պայման. պետք է լինել բարձր որակի ուսուցիչ»,- մասնավորապես ասել է նախարարը՝ տնօրեններին առաջարկելով ամբողջությամբ ընդգրկվել կրթական և ուսումնական գործընթացներում:
23:59 16.07.2025
Համայնքային հողերն ազատվել են ինքնակամ կառուցված շինություններիցՀամայնքային զավթված հողերը քաղաքին վերադարձնելու գործընթացը Երևանում շարունակվում է: Այս մասին հայտնել են Երևանի քաղաքապետարանից: Կենտրոն վարչական շրջանում ապամոնտաժվել է Սբ. Գրիգոր Լուսավորիչ 12 հասցեին կից ինքնակամ շինությունը, Նոր Նորք վարչական շրջանում՝ Նորքի 9-րդ զանգվածի 43 շենքին կից ինքնակամ շինությունը, Աջափնյակ վարչական շրջանում՝ Նազարբեկյան 11/2 հասցեին կից ինքնակամ շինությունը, Շենգավիթ վարչական շրջանում՝ Արշակունյաց պողոտա 127 […] ...
23:58 16.07.2025
Թակարդ տեսախցիկն արձանագրել է արջի բնական վարքագիծը՝ խաղալու և շրջելու պահերըՀայաստանի վայրի բնությունը կրկին խոսում է իր լեզվով։ Թակարդ տեսախցիկն արձանագրել է արջի բնական վարքագիծը՝ խաղալու և շրջելու պահերը։ Այս մասին հայտնել են ՀՀ ՇՄՆ էկոպարեկային ծառայությունից: Այս յուրօրինակ կադրերը ոչ միայն ուրախ պահ են բնական միջավայրից, այլև կարևոր տեղեկատվություն՝ վայրի կենդանիների սովորությունների, տարածքների և կենսակերպի վերաբերյալ։ Էկոպարեկային ծառայությունը մշտապես հետևում է վայրի բնության կյանքի […] ...
23:57 16.07.2025
Հայտնի է՝ Թիկնիզյանի «Ցրվենա Զվեզդայի» մրցակիցը ՉԼ որակավորման երկրորդ փուլումՍերբիայի չեմպիոն «Ցրվենա Զվեզդան» Չեմպիոնների լիգայի որակավորման երկրորդ փուլում կմրցի Ջիբրալթարը ներկայացնող «Լինքոլն Ռեդ Իմպսի» հետ։ «Լինքոլն Ռեդ Իմպսը» որակավորման առաջին փուլում պայքարից դուրս է թողել Ֆարերյան կղզիների չեմպիոն «Վիկինգուրին»` հաղթելով ընդհանուր 4-2 հաշվով։ Հիշեցնենք, որ «Ցրվենա Զվեզդայի» կազմում է հանդես գալիս Հայաստանի ազգային հավաքականի պաշտպան Նաիր Թիկնիզյանը, ով հուլիսին էր Մոսկվայի «Լոկոմոտիվից» տեղափոխվել սերբական […] ...
23:55 16.07.2025
ՀՀ քաղաքների մթնոլորտային օդում փոշու պարունակությունը հուլիսի 6-12-ըՀիդրոօդերևութաբանության և մոնիթորինգի կենտրոնը ներկայացրել է ՀՀ քաղաքների մթնոլորտային օդում փոշու պարունակությունը հուլիսի 6-12-ը (2025թ․): Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան. Վանաձոր քաղաքում՝ Ծատուրյան փողոցի հարակից տարածք՝ հուլիսի 12-ին, Վարդանանց փողոցի հարակից տարածք՝ չի գերազանցել, Հերացի փողոցի հարակից տարածք՝ չի գերազանցել։ Հրազդան քաղաքում՝ հուլիսի 7-ին, 11-ին և 12-ին, Գյումրի քաղաքում՝ հուլիսի 11-ին: ...
23:52 16.07.2025
Սյունիքի մարզում մոտ 25 տոննա մազութով բեռնված բեռնատարը մասամբ կախվել է Ողջի գետի վրա. մազութն ամբողջությամբ թափվում է գետըՀուլիսի 16-ին, խոշոր ավտովթար ու արտակարգ ու վտանգավոր իրավիճակ է ստեղծվել Սյունիքի մարզում։ Ժամը 22:00-ի սահմաններում իրանական համարանիշերով «Scania» մակնիշի՝ մոտ 25 տոննա մազութով բեռնված բեռնատարը Կապան-Քաջարան ավտոճանապարհին դեռևս անհայտ հանգամանքներում դուրս է եկել երթևեկելի գոտուց, բախվել բետոնե պաշտպանիչ պատնեշներին ու մասամբ կախվել Ողջի գետի վրա։ Ինչպես հայտնում է shamshyan.com-ը, ըստ նախնական տեղեկությունների կա տուժած, […] ...
23:50 16.07.2025
Վերահաստատել ենք շարունակել Բուլղարիայի հետ քաղաքական համագործակցությունը․ ԲՏԱ նախարարՀՀ ԲՏԱ նախարար Մխիթար Հայրապետյանը Ֆեյսբուքի իր էջում գրել է, որ Սոֆիա աշխատանքային այցի շրջանակներում երկկողմ հանդիպում է ունեցել Բուլղարիայի արտաքին գործերի նախարար Գեորգ Գեորգիևի հետ։ «Հանդիպման ընթացքում ընդգծվել են երկու երկրների ժողովուրդների միջև գոյություն ունեցող պատմական և մշակութային դարավոր կապերը, փոխադարձ հարգանքի և ընդհանուր արժեքների հիմքի վրա ձևավորված բարեկամական հարաբերությունները։ Վերահաստատել ենք քաղաքական, տնտեսական, […] ...
