16:17 17.06.2022
ԱՀ կառավարության կողմից 2022թ. մարտի 16-ին ընդունվել է «Արցախի Հանրապետության չգազաֆիկացված բնակավայրերում բնակվող բնակիչ-բաժանորդների համար արևային ջրատաքացուցիչների ձեռքբերման և տրամադրման աջակցության ծրագիրը հաստատելու մասին» N 266-Ա որոշումը:
Ծրագրի նպատակն է էներգաարդյունավետ տեխնոլոգիաների կիրառմամբ կրճատել բնակչության էներգետիկ ծախսերը:
Ծրագրով նախատեսվում է ԱՀ չգազաֆիկացված բնակավայրերում բնակվող, բացառությամբ բազմաբնակարան շենքերում, բնակիչ-բաժանորդներին, 5 տարի երաշխիքով տրամադրել արևային ջրատաքացուցիչներ, այն պայմանով, որ արևային ջրատաքացուցիչի ձեռքբերման և տեղադրման ծախսերի կեսը մարում է բնակիչ-բաժանորդը, իսկ մյուս կեսը՝ կսուբսիդավորվի պետության կողմից: Ընդ որում ծրագրի շահառու ճանաչված բնակիչ-բաժանորդներին հնարավորություն է ընձեռնվում համակարգի արժեքի 50%-ը մարել ինչպես կանխիկ, այնպես էլ վարկային միջոցների ներգրավմամբ՝ «Ֆիդես» ֆինանսավարկային ընկերության միջոցով:
Ծրագրով սահմանված է, որ ջրատաքացուցիչի աշխատանքային ծավալը պետք է համապատասխանի ընտանիքների անդամների քանակին, հետևյալ հաշվարկով.
ա) մինչև 5 հոգի՝ առավելագույնը 250 լիտր,
բ) 6 և ավելի հոգի՝ առավելագույնը 360 լիտր:
Արևային ջրատաքացուցիչներ ձեռքբերելու ցանկություն ունեցող բնակիչ բաժանորդները տեղական ինքնակառավարման մարմիններին ներկայացնում են հայտ՝ համաձայն ծրագրով սահմանված ձևի, ընդ որում «այլ տեղեկություններ» պարբերությունում նշելով վճարման եղանակը (կանխիկ կամ ապառիկ)՝ կցելով ընտանիքի անդամների կազմի մասին տեղեկանքը, բնակելի տան սեփականության իրավունքի վկայականի, անձը հաստատող փաստաթղթի և հանրային ծառայության համարանիշի պատճենները, իսկ Ստեփանակերտ քաղաքում չգազաֆիկացված հատվածներում (Արեշ և Աջափնյակ թաղամասեր, Բ. Ուլուբաբյան փակուղիներ, Վ. Բարեպաշտ փող.) բնակվող բնակիչ-բաժանորդները հայտերը և պահանջվող փաստաթղթերը ներկայացնում են ՏԿԵ նախարարի հրամանով ստեղծված հանձնաժողովին: Տեղական ինքնակառավարման մարմինները ներկայացված հայտերը ամփոփում և ներկայացնում են հանձնաժողովին:
Հանձնաժողովը և ֆինանսավարկային ընկերությունը համապատասխան փաստաթղթերի ուսումնասիրության հիման վրա տալիս են եզրակացություն՝ հայտատուներին ծրագրի շահառու ճանաչելու կամ մերժելու վերաբերյալ:
Նախարարության, մատակարարի և շահառուի միջև կնքվում է եռակողմ մատակարարման պայմանագիր, որի հիման վրա իրականացվում են արևային ջրատաքացուցիչների ձեռքբերման և տեղադրման աշխատանքները:
Հայտերի ներկայացման կամ մանրամասն տեղեկությունների համար դիմել ԱՀ տարածքային կառավարման և ենթակառուցվածքների նախարարության աշխատակազմի էներգետիկայի բաժին՝ ԱՀ, ք. Ստեփանակերտ, Փետրվարի 20-ի փողոց, շենք 1, 111 սենյակ, հեռ. 047 97 52 88:
12:58 16.07.2025
Ավտոմեքենայի տաքացած սրահում որոշ իրեր կարող են պայթել կամ դառնալ հրդեհի պատճառԱմռան ամիսներին ավտոմեքենայի սրահում ջերմաստիճանը կարող է հասնել +60°C և ավելի։ Այս մասին հայտնում է ՆԳՆ փրկարար ծառայությունը։ Այդպիսի պայմաններում որոշ իրեր տաքանալով կարող են պայթել կամ դառնալ հրդեհի պատճառ։ Հիշեք՝ ավտոմեքենայի տաքացած սրահում չի կարելի թողնել․ էլեկտրոնային սարքեր (հեռախոս, համակարգիչ, Power Bank, պլանշետ) – շոգը վնասում է մարտկոցը, ինչը կարող է դառնալ պայթյունի կամ […] ...
12:49 16.07.2025
Ամենևին չենք ասել, որ պետականացման կամ գնման այդ գործընթացից հետո կամ այդ ընթացքում հենց պետությունն է միշտ լինելու ՀԷՑ-ի կառավարողը․ ՓաշինյանՄեր խնդիրն է, որ պետությունը վերցնի ՀԷՑ-ի կառավարումը և նախ իրականացնի ուսումնասիրություն, թե ինչ է տեղի ունեցել այնտեղ: Այս մասին ասուլիսի ժամանակ հայտարարել է վարչապետ Նիկոլ Փաշինյանը: «Մեր նպատակադրումը հետևյալն է, որ մենք այս փուլում պետք է վերցնենք ՀԷՑ-ի կառավարումը, բայց ամենևին չենք ասել, որ պետականացման կամ գնման այդ գործընթացից հետո կամ այդ ընթացքում հենց […] ...
12:40 16.07.2025
Ուսման հնարավորություն Բրազիլի բուհերումՄեկնարկել է Բրազիլի Դաշնային Հանրապետության բարձրագույն ուսումնական հաստատություններում ուսանողների փոխանակման (PEC-G) և պորտուգալերենը որպես օտար լեզու ուսանելու (PEC-PLE) ծրագրերի 2026 թ․ ընդունելությունը։ PEC-G և PEC-PLE ծրագրերը Բրազիլի համալսարաններում օտարերկրյա ուսանողների փոխանակման ծրագրեր են, որի շրջանակում ուսանողներն անվճար հիմունքներով ակադեմիական կրթություն են ստանում (կեցության ծախսերը ներառված չեն): Դիմումներն անհրաժեշտ է ներկայացնել մինչև 2025 թ․ հուլիսի 25-ը ՀՀ-ում Բրազիլի դեսպանություն […] ...
12:35 16.07.2025
ՀՀ-ն շահագրգռված է տարածաշրջանային հաղորդակցությունների բացմամբ՝ ինքնիշխանության սկզբունքների հարգման շրջանակում․ վարչապետՀայաստանի վարչապետ Նիկոլ Փաշինյանը վերահաստատել է, որ Երևանը շահագրգռված է Հարավային Կովկասի տրանսպորտային ուղիների, հաղորդակցությունների ապաշրջափակմամբ՝ հերթական անգամ ընդգծելով, որ այդ համատեքստում Ադրբեջանի հետ բոլոր քննարկումները եղել են և շարունակելու են լինել ՀՀ տարածքային ամբողջականության, ինքնիշխանության և իրավազորության շրջանակներում։ «Արմենպրես»-ի հաղորդմամբ՝ այս մասին Հայաստանի վարչապետ Նիկոլ Փաշինյանը նշեց մամուլի ասուլիսի ընթացքում՝ անդրադառնալով Հարավային Կովկասում տարածաշրջանային […] ...
12:29 16.07.2025
Զելենսկին հայտարարել է, որ պատրաստ է «գործել», եթե հեռահար զենք ստանաԿիևը «պատրաստ է գործել», եթե ստանա հեռահար զենք։ Այս մասին հայտարարել է Վլադիմիր Զելենսկին Newsmax հեռուստաալիքին տված հարցազրույցում։ «Մենք պատրաստ ենք գործել, ուժ ցուցադրել», – ասել է նա՝ պատասխանելով հաղորդավարի հարցին, թե արդյոք Կիևը պլանավորում է հարվածներ հասցնել Ռուսաստանի տարածքի խորքը, եթե ստանա հեռահար զենքեր։ Միաժամանակ նա նշել է՝ «պարտադիր» չէ, որ Կիևն օգտագործի նման […] ...
12:20 16.07.2025
Սամվել Կարապետյանին նոր մեղադրանք է ներկայացվել փողերի լվացման հատկանիշներով«Տաշիր» ընկերությունների խմբի հիմնադիր Սամվել Կարապետյանին ներկայացվել է նոր մեղադրանք՝ մի շարք ընկերությունների գործունեության հետևանքով փողերի լվացման հատկանիշներով։ Այս մասին հայտարարություն է տարածել գործարարի պաշտպանական խորհուրդը։ Պաշտպանական կողմը մեղադրանքը որակում է «ակնհայտ անհիմն»։ Սամվել Կարապետյանի նկատմամբ քրեական վարույթ է հարուցվել նաև ՀՀ Քրեական օրենսգրքի 472-րդ հոդվածի 3-րդ մասի 1-ին կետով՝ իշխանությունը զավթելու հրապարակային կոչեր հնչեցնելու […] ...
