Ինչ կլինի, եթե 60 օր պառկեք անկողնում․ ուսումնասիրություն

Երկու ամիս անցկացբել վերմակի տակ՝ ձմռանը նման առաջարկը կարող է հատկապես գայթակղիչ թվալ։ Բայց ինչ կլինի մեր օրգանիզմի հետ, եթե 60 օրով զրկենք նրան ֆիզիկական ակտիվությունից։

Այս հարցի պատասխանը գտնելու համար մշակվել է նոր ուսումնասիրություն:

20 երիտասարդ և առողջ տղամարդիկ երկու ամիս անցկացրել են անկողնում, մինչ գիտնականների միջազգային խումբը հետևել է նրանց վիճակին: Մասնակիցների ոտքերը բարձրացվել են գլխից վեր։ Ընդ որում ՝ տղամարդիկ անկողնուց վեր չեն կացել անգամ ուտելիս, լվացվելիս ու զուգարան գնալիս։

Բաթի Համալսարանի թիմն ուսումնասիրել է մասնակիցների նյութափոխանակությունը՝ որքան լավ է նրանց մարմինը վերահսկում արյան մեջ շաքարի մակարդակը:

Պարզվել է, որ նստակյաց ապրելակերպը բացասաբար է ազդել այդ ցուցանիշի վրա։

Բոլոր մասնակիցների արյան մեջ շաքարի միջին մակարդակն ավելի բարձր է դարձել, քան մինչ ուսումնասիրությունը: Նման փոփոխությունները մեծացնում են սրտանոթային հիվանդությունների և 2-րդ տիպի շաքարախտի զարգացման ռիսկը:

Նման էքստրեմալ փորձարկումն իրականացվել է Եվրոպական տիեզերական գործակալության նախաձեռնությամբ։

Գիտնականները ձգտում էին ավելի լավ հասկանալ, թե ինչպես տիեզերանավում երկար նստակյաց մնալը կազդի ապագա խորը տիեզերական առաքելությունների մասնակիցների առողջության վրա:

Բայց այս աշխատանքի արդյունքները կարևոր են նաև այստեղ՝ երկրի վրա: Միլիոնավոր մարդիկ կարող են երկար ժամանակ գամված լինել անկողնուն, օրինակ՝ քրոնիկ հիվանդությունների կամ վնասվածքների պատճառով ։

Նոր տվյալներով՝ բժիշկները կկարողանան այնպիսի հիվանդների համար թերապիա մշակել, որը կնվազեցնի նստակյաց կենսակերպից վնասը։

Մասնակիցների արյան մեջ շաքարի միջին մակարդակը ցերեկը աճել է մոտ 6%-ով, իսկ գիշերը՝ 10%ճով: Արյան մեջ շաքարը քայքայելու, այսինքն ՝ դրանից ազատվելու մարմնի կարողությունը նույնպես նվազել է գրեթե մեկ քառորդով (24%):

Այս ամենին չեն խանգարել նույնիսկ ցածր կալորիականությամբ սննդակարգը, որը ստեղծվել է հատուկ կամավորների համար, և D3 վիտամինի ամենօրյա պահպանման չափաբաժինը:

Հետազոտողները հավելում են, որ մասնակիցների արյան մեջ շաքարի մակարդակը կարող էր է՛լ ավելի բարձրանալ, եթե նրանք չնվազեցնեին կալորիաների ընդունումը պառկելու ընթացքում:

Այս արդյունքները ցույց են տալիս, որ պարզ դիետան բավարար չէ նստակյաց ապրելակերպի բացասական հետևանքները կանխելու համար:

2018-ին գիտնականների նույն խումբը ցույց տվեց, որ նույնիսկ կարճատև ֆիզիկական վարժություններն օգնում են արագ իջեցնել արյան մեջ շաքարի մակարդակը:

Հետազոտողները արդեն մշակում են հակաքայլեր, որոնք կարող են օգնել անկողնուն գամված մարդկանց և ապագա տիեզերական նվաճողներին: Դրանք կարող են ներառել մկանների էլեկտրական խթանում, որը ընդօրինակում է ֆիզիկական գործունեությունը:

Նոր աշխատանքը հրապարակվել է Clinical Nutrition-ում: