18:10 31.10.2023
2024 թվականին կառույցին նախատեսվում է հատկացնել 1 մլրդ 117 մլն դրամ, որից 82 տոկոսը հատկացվելու է աշխատավարձերի վճարմանը, իսկ մնացած 18 տոկոսը` կառույցի բնականոն գործունեության ապահովման համար անհրաժեշտ ծառայությունների և ապրանքների ձեռքբերմանը, ընդ որում՝ 7 տոկոսն ուղղվելու է ՀԷՑ-ի և «Գազպրոմ Արմենիա» ընկերությունների կողմից իրականացվող ներդրումների տեխնիկական աուդիտի ձեռքբերմանը: Այս մասին հայտնել է Հանրային ծառայությունները կարգավորող հանձնաժողովի նախագահ Գարեգին Բաղրամյանը: Այդ մասին հայտնում են ԱԺ-ից:
ԱԺ տնտեսական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում հոկտեմբերի 31-ին շարունակվել է «ՀՀ 2024 թվականի պետական բյուջեի մասին» օրենքի նախագծի քննարկումը:
Գարեգին Բաղրամյանը տեղեկացրել է, որ հանձնաժողովը 2024 թվականին առաջնորդվելու է իր գործունեության ծրագրով, որն արդեն ներկայացվել է ԱԺ-ին: Տարեվերջին կհաստատվի նաև աշխատանքային ծրագիրը: Գալիք տարում կշարունակվեն իրականացվել լիցենզիաների տրամադրման, դրանց փոփոխությունների իրականացման, դիմում-հայտերի ուսումնասիրման, և ըստ անհրաժեշտության` սակագների վերանայման և այլ աշխատանքներ:
Հանձնաժողովի նախագահը ներկայացրել է իրականացվելիք ծրագրերը, պատասխանել պատգամավորների հարցերին:
Պատգամավորները Հանրային ծառայությունները կարգավորող հանձնաժողովի նախագահի ուշադրությունը հրավիրել են «Վեոլիա ջուր» ընկերության կողմից խմելու ջրի մատակարարման թերացումների, մասնավորապես, բազմաթիվ գյուղական բնակավայրերի` խմելու ջրից զրկված լինելու, ջրի կորստի, առկա այլ խնդիրների վրա: Նշվել է, որ քաղաքացիների բողոքներն այս կապակցությամբ բազմաթիվ են: Պատգամավորներն անթույլատրելի են համարել ընկերության նման աշխատելաոճը: Ֆինանսավարկային և բյուջետային հարցերի մշտական հանձնաժողովի նախագահ Գևորգ Պապոյանը նշել է, որ ընկերությունն ընդամենը պետք է համայնքներում ներդրումներ անի, տեղադրի ջրաչափեր և վերացնի անարդարությունը` հասանելի դարձնելով խմելու ջուրը բոլորին հավասարապես:
Գարեգին Բաղրամյանը պարզաբանել է, որ «Վեոլիա ջուր» ընկերությունը վարձակալել է ջրամատակարարման համակարգը և ունի պարտադիր կատարման ենթակա ներդրումներ` տարեկան մոտ 3,7 մլրդ դրամի չափով: Ընկերությունը տարեկան ներդրումների չափը հասցնում է 4-5 մլրդ-ի: Նրա խոսքով սա կաթիլ է ծովում, ներդրումներն էլ հիմնականում պետք է ուղղվեն հրատապ լուծում պահանջող հարցերի լուծմանը, վթարների վերացմանը: «Իսկ ներդրումների պահանջը հիմնականում դրված է Ջրային կոմիտեի և պետության վրա»,- ասել է բանախոսը՝ տալով պարզաբանումներ:
Պատգամավորներ Գևորգ Պապոյանը և Արուսյակ Մանավազյանը ներկայացրել են խնդիրներ, որոնք առնչվում էին բազմաբնակարան շենքերի ջրամատակարարմանը, ինչպես նաև Փարաքար համայնքի Արարատյան փողոցի ջրահեռացման հարցի կարգավորմանը, «Վեոլիա ջուր» ընկերության անհասանելիությանը:
19:27 22.05.2025
Լեհաստանի ԱԳ նախարարի տեղակալ Մարեկ Պրավդայի գլխավորած պատվիրակությունն այցելել է Հայոց ցեղասպանության հուշահամալիրԼեհաստանի ԱԳ նախարարի տեղակալ Մարեկ Պրավդայի գլխավորած պատվիրակությունը մայիսի 22-ին այցելել է Հայոց ցեղասպանության հուշահամալիր: Հյուրերին դիմավորել է Հայոց ցեղասպանության թանգարան-ինստիտուտի տնօրեն Էդիտա Գզոյանը և ուղեկցել դեպի Հայոց ցեղասպանության հուշահամալիր՝ ներկայացնելով հուշահամալիրի ստեղծման պատմությունը: ՀՑԹԻ տնօրենն անդրադարձ է կատարել նաև Ծիծեռնակաբերդի տարածքում անցյալ դարավերջին Ադրբեջանի Սումգայիթ, Կիրովաբադ (Գանձակ), Բաքու քաղաքներում ադրբեջանական կառավարության կազմակերպած կոտորածներին զոհ […] ...
19:21 22.05.2025
«Օպել»-ում 168 շիշ կեղծ օղի կար. Արարատի մարզի պարեկների բացահայտումըԱրարատի մարզի պարեկները ապրիլի 23-ի գիշերը Սայաթ-Նովա գյուղից Համայնքային ոստիկանության Մասիսի բաժին են տեղափոխել «Օպել» մակնիշի մի ավտոմեքենա, որի սրահում և բեռնախցիկում կար մեծ քանակությամբ օղի: Պարզվել է, որ «Օպելի» բեռնախցիկում և սրահում առկա 168 շիշ կեղծ օղին շշալցրել է 41-ամյա վարորդը, և գիշերը 39-ամյա եղբոր հետ դրանք տեղափոխում էր ազգականի տուն` վաճառելու նպատակով: Ապօրինի […] ...
19:10 22.05.2025
Մատենադարանում հիմնվել է ձեռագրերի վերականգնման թղթի արտադրություն՝ տեղական հումքովՄատենադարան Մեսրոպ Մաշտոցի անվան հին ձեռագրերի գիտահետազոտական ինստիտուտում բացվել է ձեռագրերի վերականգնման թղթի արտադրամաս։ Հայկական վերականգնողական թղթի արտադրամասի բացման արարողությանը ներկա են եղել ՀՀ կրթության, գիտության, մշակույթի և սպորտի նախարար Ժաննա Անդրեասյանը, ՀՀ-ում ԵՄ դեսպան Վասիլիս Մարագոսը, Մատենադարանի տնօրեն Արա Խզմալյանը, գործընկեր կառույցների ներկայացուցիչներ: ԿԳՄՍ նախարար Ժաննա Անդրեասյանը ողջունել է ներկաներին և ընդգծել՝ Մատենադարանը դարձել […] ...
18:58 22.05.2025
Քննարկվել են պաշտպանության ոլորտում Հայաստան-Կիպրոս համագործակցությանն առնչվող հարցերԿիպրոսի Հանրապետություն կատարած պաշտոնական այցի շրջանակում ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանին ընդունել է Կիպրոսի պաշտպանության նախարար Վասիլիս Պալմասը: Հանդիպման ընթացքում քննարկվել են պաշտպանության ոլորտում Հայաստան-Կիպրոս համագործակցությանն առնչվող հարցեր: Կողմերն անդրադարձել են պաշտպանության բնագավառում Հայաստան-Հունաստան-Կիպրոս եռակողմ ձևաչափով համագործակցությանը, ինչպես նաև տարածաշրջանային ու միջազգային անվտանգությանը վերաբերող մի շարք հարցերի: ...
18:50 22.05.2025
«Բարսելոնան» ու Ֆլիկը նոր պայմանագիր են կնքել«Բարսելոնան» և գլխավոր մարզիչ Հանսի Ֆլիկը նոր պայմանագիր են կնքել։ Այս մասին հայտնում է ակումբի պաշտոնական կայքը։ Կողմերի համաձայնագիրը կգործի մինչև 2027թ. հունիսի 30-ը ներառյալ։ Գերմանացի մասնագետը «Բարսելոնան» մարզում է 2024թ. հուլիսից։ Կատալոնական ակումբը նրա գլխավորությամբ 59 խաղում 43 հաղթանակ է տարել, գրանցել՝ 7 ոչ-ոքի, կրել՝ 9 պարտություն, դարձել՝ Իսպանիայի չեմպիոն, երկրի գավաթակիր ու սուպերգավաթակիր։ ...
18:42 22.05.2025
Քննարկվել են «Հայաստանի 2026 թ. երիտասարդական մայրաքաղաք» մրցույթի մանրամասներըԿԳՄՍ նախարարի տեղակալ Արթուր Մարտիրոսյանի գլխավորությամբ տեղի է ունեցել «Հայաստանի Հանրապետության 2026 թ. երիտասարդական մայրաքաղաք» մրցույթի կազմկոմիտեի անդրանիկ նիստը: Կազմկոմիտեի անդամները քննարկել են մրցույթի անցկացման ժամկետները: Նախարարի տեղակալ Արթուր Մարտիրոսյանը կարևորել է մրցույթի չափանիշների պատշաճ սահմանումն ու ՀՀ համայնքների շրջանում իրազեկվածության ապահովումը: Կազմկոմիտեն անդրադարձել է նաև մրցույթի փորձագիտական գնահատման խմբի անդամների ընտրության չափանիշներին և ներկայացվող […] ...
