16:25 03.11.2023
2024 թվականի ծրագրով ԵՄ-ից ակնկալում ենք ստանալ 17,9 միլիոն եվրոյի դրամաշնորհային միջոցներ: Այս մասին նոյեմբերի 3-ին կայացած ԱԺ եվրոպական ինտեգրման ու ֆինանսավարկային եւ բյուջետային հարցերի մշտական հանձնաժողովների համատեղ նիստում ասել է Ֆինանսների նախարար Վահե Հովհաննիսյանը` խորհրդարանականների դատին ներկայացնելով «2024 թվականի պետական բյուջեի մասին» նախագիծը:
Ըստ նախարարի՝ դրամաշնորհը տրամադրվում է երեք հիմնական ուղղություններով ծախսեր իրականացնելու նպատակով:
«Եթե խոսենք վարկային միջոցների ու ծրագրերի մասին, ապա 2024 թվականի վարկերը կազմում են 21 միլիարդ դրամ, որից 153 միլիոնն ընթացիկ ծախսերի համար են նախատեսված, 26 միլիոնը՝ կապիտալ ծախսերի: Հիմնական մասն իրականացվում է ՏԿԵՆ միջոցով, սրանք ոռոգման համակարգի առողջացմանը, կոշտ թափոնների կառավարմանը, ճանապարհային ցանցի բարելավվմանն ու այլ ուղղությունների միտված ծրագրեր են: ՊԵԿ կողմից իրականացվող ծրագիր եւս ունենք, այն վերաբերում է ՎԶԵԲ աջակցությամբ իրականացվող «Մեղրիի սահմանային անցակետի ծրագիր վարկային ծրագրին», վարկն ընդհանուր առմամբ կազմում է 2 միլիարդ 290 միլիոն դրամ: Բոլոր վարկային ծրագրերն ունեն նախապատրաստական փուլ, որոնք իրականացվում են որոշակի գրանտային ծրագրերով եւ ունեն որոշակի գրանտային համաֆինանսավորման էլեմենտներ: Ընդհանուր դրամաշնորհային գումարը կազմում է 9 միլիարդ 780 միլիոն դրամ»,- հայտնել է Ֆինանսների նախարարը:
Եվրոպական ինտեգրման հարցերի մշտական հանձնաժողովի փոխնախագահ Մերի Գալստյանը նախարարից հետաքրքրվել է՝ ո՞ր փուլում է գտնվում Երեւան քաղաքի կոշտ թափոնների մասին ծրագրի կատարումը:
«Այդ համաձայնագիրը վաղուց է կնքվել, ինչո՞ւ են իրագործման հետ կապված խնդիրներ առաջանում»,- հարցրել է խորհրդարանականը:
Հարցին ի պատասխան՝ Վահե Հովհաննիսյանը հայտնել է, որ համաձայնագիրը կնքվել է 2015 թվականին ու իրագործման հետ կապված ի սկզբանե խնդիրներ են եղել:
«Սա շատ ցավոտ ծրագիր է: Համաձայնագիրը կնքվել է վաղուց, բայց ունի 0 կատարողական: Այժմ տեղի է ունեցել ծրագրի բաղադրիչների թարմացում: Պատասխանատուներից երաշխիքներ ենք ստացել, որ այն կիրականացվի 2024 թվականին: Առաջիկա օրերին այդ հարցով նամակով կդիմենք ՎԶԵԲ-ին»,- նշել է նախարարը:
Եվրոպական ինտեգրման հարցերի մշտական հանձնաժողովի անդամ Սոնա Ղազարյանն էլ հետաքրքրվել է՝ պետական բյուջեով ի՞նչ միջոցներ են հատկացված «Խաղաղության խաչմերուկ» նախագծի իրականացման համար:
«Կան հարցեր, որոնք բյուջեում արտացոլելն այդքան էլ ճիշտ չէ, եթե պատշաճ պատրաստվածության մակարդակի չենք հասել: Երբ «Խաղաղության խաչմերուկի» մասով կոնկրետ համաձայնություններ լինեն, այն կարտացոլվի մեր բյուջեում»,- հարցին ի պատասխան ասել է նախարարը:
23:59 11.05.2025
Խեցեգործ Վարդանն ու նրա նկարչուհի կինը՝ Լիլիթը Սարյանի կտավները ներկայացնում են կերամիկայի միջոցովԽեցեգործ Վարդանն ու նրա նկարչուհի կինը՝ Լիլիթը, միասին հիմնել են «Մայոլիկա կերամիքս» ապրանքանիշը։ Այս մասին հայտնել են ՀՀ կառավարությունից: Համագործակցելով Մարտիրոս Սարյանի ժառանգների հետ` նկարչի կտավները ներկայացնում են կերամիկայի միջոցով՝ մայոլիկայի և մանրանկարչական ոճով։ Մանրամասները՝ տեսանյութում: ...
23:48 11.05.2025
ՃՏՊ Թալին-Արտենի ավտոճանապարհին․ կան տուժածներՄայիսի 11-ին, ժամը 18:13-ին Ճգնաժամային կառավարման ազգային կենտրոն ահազանգ է ստացվել, որ Արագած-Արտենի ավտոճանապարհին տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Թալին-Արտենի ավտոճանապարհի 23-րդ կմ-ին «Mercedes-Benz» մակնիշի ավտոմեքենան բախվել է ճամփեզրի բետոնե արգելապատնեշին, գլորվել (մոտ 30 մ) և հայտնվել դաշտամիջյան հատվածում։ […] ...
23:38 11.05.2025
Երևանում գործող հայտնի սրճարաններից մեկում հայտնաբերվել է տղամարդու մարմինՄայիսի 11-ին, ողբերգական դեպք է տեղի ունեցել Երևանում։ Ժամը 20:30-ի սահմաններում ՀՀ Ներքին գործերի նախարարության Ոստիկանության համայնքային ոստիկանության գլխավոր վարչության կենտրոնականի բաժնում օպերատիվ տեղեկություններ են ստացվել որ Աբովյան փողոցի 23 հասցեում գործող «De France» սրճարանում դի կա։ Ինչպես հայտնում է shamsyan.com-ը, դեպքի վայր են ժամանել ոստիկանության Կենտրոնական բաժնի օպերատիվ խումբը: Տեղում պարզվել է, որ ստացված […] ...
23:17 11.05.2025
Աֆղանստանում արգելվել է շախմատըԱֆղանստանի առաքինությունների խթանման և արատների կանխարգելման նախարարությունը պաշտոնապես արգելել է շախմատը երկրում։ Այս մասին հայտնել է Khaama Press պորտալը։ Նշվում է, որ նախարարությունն արդեն լուծարել է Աֆղանստանի շախմատի ֆեդերացիան։ ...
22:56 11.05.2025
Al Arabiya. Իսրայելը հարվածներ է հասցնում Եմենի նավահանգիստներն Ալ-ՀոդեյդայումԻսրայելական ինքնաթիռները սկսել են հարվածել Եմենի Հոդեյդա, Ռաս Իսա և Աս-Սալիֆ նավահանգիստներին, որոնք գտնվում են Կարմիր ծովի ափին և գտնվում են հութիների վերահսկողության տակ: Այս մասին հաղորդում է Սաուդյան Արաբիայի Al Arabiya հեռուստաալիքը՝ հղում անելով իր աղբյուրներին։ Հութիների գլխավորած կառավարության Ներքին գործերի նախարարությունը նույնպես հայտարարել է, որ նահանգը ենթարկվել է իսրայելական հարձակման: Ավելի վաղ Իսրայելի […] ...
22:39 11.05.2025
Reuters. ԱՄՆ-ն և Չինաստանը համաձայնության են եկել առևտրային դեֆիցիտը կրճատելու հարցումԱՄՆ-ի և Չինաստանի պաշտոնյաները հայտարարել են, որ Ժնևում երկօրյա բանակցություններից հետո համաձայնության են եկել առևտրային դեֆիցիտը կրճատելու վերաբերյալ, որի մանրամասները կհայտարարվեն մայիսի 12-ին: Այս մասին հայտնել է Reuters-ը՝ հղում անելով բանակցություններին մասնակցող ամերիկյան պատվիրակության ներկայացուցիչներին: «ԱՄՆ առևտրային ներկայացուցիչ Ջեյմիսոն Գրիրը, որը մասնակցել է բանակցություններին (ԱՄՆ ֆինանսների նախարար Սքոթ) Բեսենտի, փոխվարչապետ Հե Լիֆենգի և երկու չինացի […] ...
