17:16 23.02.2024
Առողջապահության նախարարի տեղակալ Արտակ Ջումայանն ու Աշխատանքի և սոցիալական հարցերի նախարարի մամուլի քարտուղար Զարուհի Մանուչարյանը Կառավարության «Հումանիտար կենտրոնից» մանրամասներ են ներկայացրել Լեռնային Ղարաբաղից բռնի տեղահանված հայրենակիցների համար առողջապահության ոլորտում իրականացվող աջակցության ծրագրերի, ինչպես նաև սահմանամերձ գյուղական բնակավայրերում բնակարանային ապահովության պետական աջակցության ծրագրի վերաբերյալ:
Արտակ Ջումայանի ներկայացմամբ՝ առողջության առաջնային պահպանման կենտրոններում արդեն հաշվառվել է 70 495 մարդ: Այս պահին առողջության առաջնային պահպանման օղակում առաջարկվող բոլոր բուժծառայությունները տրամադրվում են Լեռնային Ղարաբաղից բռնի տեղահանված հայրենակիցներին: Մասնավորապես՝ խոսքը վերաբերում է երեխաների պատվաստմանը, հղիների հաշվառմանը, քրոնիկ հիվանդների հաշվառմանը, դեղերի հետագա ապահովմանը, ինչպես նաև հատուկ դժվարամատչելի հետազոտությունների և հիվանդանոցային բուժման պարագայում ամբողջը պլանային ձևով կազմակերպմանը: Այս պահին հաշվառված է 639 հղի, եղել է 374 ծնունդ:
Առողջապահության նախարարի տեղակալն ընդգծել է, որ 2023 թվականին Լեռնային Ղարաբաղից բռնի տեղահանված հայրենակիցներից 209 ավագ և 516 միջին բուժաշխատողի պետական պատվերի շրջանակում տրամադրվել է շարունակական մասնագիտական զարգացման կրեդիտավորված միջոցառումներ: Արդեն իսկ 216 բուժաշխատող անցել է աշխատանքի հանրապետությունում, որից 34-ն աշխատում են մարզերում: Այս 34 աշխատողը՝ որպես մարզերում աշխատող, օգտվում է նաև լրավճարի ծրագրից:
Արտակ Ջումայանը նշել է, որ 2024 թվականի մարտից որոշ խմբերի դեղեր տրամադրվելու են էլեկտրոնային դեղատոմսով, հետևաբար՝ տեղամասային պոլիկլինիկաներում և գյուղական ամբուլատորիաներում հաշվառված հայրենակիցները, համապատասխանաբար, էլեկտրոնային դեղատոմսով և անձը հաստատող փաստաթղթով պետք է մոտենան այն դեղատներին, որոնց հետ պայմանագիր ունեն պոլիկլինիկաներն ու գյուղական ամբուլատորիաները, և ստանան դեղերը:
Առողջապահության նախարարի տեղակալի խոսքով՝ 77 000 հիվանդանոցային դեպք է սպասարկվել այս ամբողջ ժամանակահատվածում, որից 2192-ը՝ 2024 թվականի ընթացքում: Նշվել է, որ խոսքը պլանային և անհետաձգելի բուժօգնության մասին է:
Զարուհի Մանուչարյանը մանրամասներ է ներկայացրել սոցիալական աջակցության ոլորտում իրականացվող աշխատանքների վերաբերյալ: Խոսքը սահմանամերձ գյուղական բնակավայրերում բնակարանային ապահովության պետական աջակցության ծրագրի մասին է, որից կարող են օգտվել նաև Լեռնային Ղարաբաղից բռնի տեղահանված հայրենակիցները, եթե բռնի տեղահանված ամուսնական զույգերից մեկն ունի Հայաստանի Հանրապետության քաղաքացիություն, առկա է ամուսնական վկայական, ինչպես նաև ունեն սեփականության իրավունքով իրենց պատկանող հողատարածք կամ ունեն կիսակառույց շինություն, շինարարական աշխատանքներ իրականացնելու թույլտվություն, նախագիծ և նախահաշիվ:
Պետության աջակցությունն այս ծրագրի շրջանակում կազմում է մինչև 16 մլն դրամ, այսինքն՝ նախահաշիվը, եթե չգերազանցի 16 մլն դրամը, ապա ամբողջ հիփոթեքային վարկի մարումը կիրականացվի պետության կողմից: Ծրագրից կարելի է օգտվել մինչև 2025 թվականի դեկտեմբերի 30-ը: Ծրագրի մյուս կետով օտարերկրյա պետությունում գրանցված ամուսնական վկայականը նույնպես ուժ ունի, եթե այն հյուպատոսական վավերացում ունի և նոտարական կարգով հաստատված հայերեն թարգմանություն կա: Ծրագրին դիմելու առաջին քայլը ծրագրի գործընկեր բանկերից մեկին դիմելն է: Գործընկեր բանկերն են՝ Կոնվերս բանկը, Էվոկա բանկը, Ամերիա բանկը և Ակբա բանկը:
23:59 28.07.2025
Սևանա լճի հիդրոլոգիական ռեժիմը հուլիսի 21-27-ըՍևանա լճի մակարդակը 2025 թվականի հուլիսի 21-27-ն ընկած ժամանակահատվածում իջել է 1 սմ-ով և կազմել՝ 1900.63 մ (27.07.25թ․), որն անցյալ տարվա նույն օրվա մակարդակից ցածր է 3 սմ-ով, իսկ 2025 թվականի հունվարի 1-ի մակարդակից բարձր է 24 սմ-ով։ Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից: Արփա-Սևան ջրատարով 2025 թվականիհուլիսի 21-27-ն ընկած ժամանակահատվածում Սևանա […] ...
23:55 28.07.2025
Հայ շախմատիստների արդյունքները «18th Paleochora Open Cbess Tournament» միջազգային մրցաշարումԳրոսմայստեր Լևոն Բաբուջյանը կիսեց 1-3-րդ հորիզոնականները «18th Paleochora Open Cbess Tournament» շախմատի միջազգային մրցաշարում: Այս մասին հայտնել են Հայաստանի շախմատի ֆեդերացիայից: Լևոնը 9 հնարավորից վաստակեց 7.5 միավոր և լրացուցիչ ցուցանիշներով զբաղեցրեց 3-րդ հորիզոնականը: Հայ շախմատիստներից մրցանակակիրների շարքում է նաև միջազգային վարպետ Վահե Դանիելյանը՝ 7 միավորով: ...
23:50 28.07.2025
Կոտայքի մարզում «Mercedes»-ը Ջրվեժի կամրջի մոտ բախվել է քարերին և հողաթմբերին ու մի քանի պտույտ շրջվել․ կա վիրավորՀուլիսի 28-ին խոշոր ավտովթար է տեղի ունեցել Կոտայքի մարզում։ Ժամը 16։00-ի սահմաններում «Mercedes» մակնիշի ավտոմեքենան Ջրվեժ բնակավայրի վարչական տարածքում՝ Ձորաղբյուրից դեպի Ջրվեժ տանող ճանապարհին գտնվող Ջրվեժի կամրջի մոտ, դուրս է եկել երթևեկելի ուղուց և մոտ 40 մետր առաջ ընթանալով՝ բախվել է պատին, ապա հողաթմբերին ու քարերին և հայտնվել կամրջի մոտ գտնվող ճանապարհին՝ երթևեկելի գոտուց դուրս։ […] ...
23:44 28.07.2025
Սննդի որակի վերահսկողություն՝ Երևանի մանկապարտեզներումԴեռևս նախորդ տարվանից՝ մայրաքաղաքի համայնքային մանկապարտեզներում, Երևանի քաղաքապետարանի կողմից անցկացվում են սննդի որակի ամենօրյա մշտադիտարկումներ: Այս մասին հայտնել են Երևանի քաղաքապետարանից: Այժմ երևանյան նախակրթարաններում գործում է «միասնական ճաշացանկ» ծրագիրը: Ուշադրության կենտրոնում են սանիտարահիգիենիկ պայմանները: Վերահսկիչ այցեր են կազմակերպվում նաև մատակարար ընկերություններ՝ ստուգելով արտադրանքի որակը: Դրանք էականորեն նպաստում են մանկապարտեզներում սննդի որակի և երեխաների առողջապահական մակարդակի […] ...
23:40 28.07.2025
Բայանդուրում բախվել են «Volkswagen Golf»-ը և «Toyota Alphard»-ը․ վերջինը հայտնվել է դաշտում․ կա 3 վիրավորՀուլիսի 28-ին, խոշոր ավտովթար է տեղի ունեցել Շիրակի մարզում։ Ժամը 12։45-ի սահմաններում Բայանդուր գյուղում բախվել են Շիրակի մարզի բնակիչներ 41-ամյա Խաչատուր Ա․-ի վարած «Toyota Alphard» 65-ամյա Հովհաննես Հ․-ի վարած «Volkswagen Golf» մակնիշի ավտոմեքենաները, ինչի հետևանքով «Toyota Alphard»-ը դուրս է եկել երթևեկելի գոտուց և հայտնվել է դաշտամիջյան հատվածում։ Ինչպես հայտնում է shamshyan.com-ը, վթարի հետևանքով 3 հոգի […] ...
23:37 28.07.2025
Արարատի պարեկները հայտնաբերել են «Նիվա»-ի օրինազանց վարորդինՀամացանցում տեսանյութ է տարածվել, որ «Նիվա»-ի վարորդը Երևան-Երասխ մայրուղում մեքենան վարում է անկանոն՝ վտանգելով երթևեկության այլ մասնակիցների կյանքն ու առողջությունը։ Արարատի մարզի պարեկները պարզել են վարորդի ինքնությունը։ Նա հայտնաբերվել ու տուգանվել է։ Մեքենան տեղափոխվել է Համայնքային ոստիկանության Արտաշատի բաժնի պահպանվող հատուկ տարածք: Կրկին հորդորում ենք խստորեն պահպանել երթևեկության բոլոր կանոնները՝ չդրսևորելով ավելորդ ինքնավստահություն։ Ծանուցում. Ենթադրյալ […] ...
