16:34 13.03.2024
Աշխատանքի և սոցիալական հարցերի նախարար Նարեկ Մկրտչյանը ՄԱԿ Կանանց կարգավիճակի հարցերով հանձնաժողովի 68-րդ նստաշրջանին հանդես է եկել որպես ՀՀ կողմից հիմնական զեկուցող՝ ներկայացնելով կանանց շրջանում աղքատության հաղթահարման, նրանց տնտեսական հզորացման ու գենդերային հավասարության ապահովմանն ուղղված պետության քաղաքականությունը։
Իր ելույթում նախարար Մկրտչյանը մանրամասնել է կանանց հիմնահարցերի ոլորտում ՀՀ կողմից սահմանված առաջնահերթություններն ու այս ուղղությամբ տարվող աշխատանքները՝ նշելով, որ իրականացվող բարեփոխումները համահունչ են ՄԱԿ-ի 2030 թ. Կայուն զարգացման նպատակների օրակարգին։ Նարեկ Մկրտչյանը շեշտել է, որ Հայաստանը հաստատակամ է իր հանձնառության մեջ՝ կանանց իրավունքների պաշտպանությանը զուգահեռ՝ ապահովելու վերջիններիս լիարժեք մասնակցությունը երկրի հասարակական կյանքում։
Անդրադառնալով 2024-2028 թթ․ ՀՀ գենդերային ռազմավարությամբ ամրագրված գերակայություններին՝ նախարարը խոսել է կանանց առաջխաղացման գործընթացում ազգային մեխանիզմի կատարելագործման, գենդերազգայուն մոտեցումների խրախուսման, գենդերային խտրականության հաղթահարման, ինչպես նաև կանանց և տղամարդկանց համար հավասար հնարավորությունների ապահովման մասին։ Այս համատեքստում բանախոսն ընդգծել է նաև գենդերային բռնության և խտրականության հաղթահարման ուղղություններով պետություն-մասնավոր հատվածի ջանքերի համախմբման կարևորությունը։
Ներկայացնելով կանանց զորեղացման, նրանց ներուժի արդյունավետ օգտագործմանն ուղղված ծրագրերը՝ Նարեկ Մկրտչյանն այս գործընթացում շեշտել է նաև ԼՂ-ից բռնի տեղահանված անձանց, մասնավորապես՝ կանանց և աղջիկների հզորացմանն ուղղված աշխատանքների կարևորությունը․
«ՀՀ կառավարության ուշադրության կենտրոնում շարունակում են լինել 2023 թ․ ԼՂ-ից բռնի տեղահանված անձանց, այդ թվում՝ կանանց և աղջիկների հիմնախնդիրները։ Անհրաժեշտ սոցիալական աջակցությունից և զբաղվածության ապահովմանն ուղղված ծրագրերից զատ՝ պետությունը նրանց համար իրականացրել և այժմ էլ առաջնային է համարում նաև հոգեբանական, սոցիալական, իրավական, ինչպես նաև տնտեսական հզորացման ծառայությունների մատուցումը»,- իր ելույթում նշել է նախարարը։
Խոսելով կանանց տնտեսական հզորացման ու նրանց ինքնիրացմանն անհրաժեշտ պայմանների ստեղծման կարևորության մասին՝ նախարարն ընդգծել է նաև կանանց կողմից ղեկավարվող ձեռնարկությունների աճի խրախուսման ու աջակցության տրամադրման անհրաժեշտությունը՝ կրթության, մենթորության, ցանցերի և այլ նախաձեռնությունների միջոցով:
Հիշեցնենք, որ ՄԱԿ Կանանց կարգավիճակի հարցերով հանձնաժողովի 68-րդ նստաշրջանի գերակա թեման և նախարարական հատվածը նվիրված է կանանց շրջանում աղքատության հաղթահարմանը՝ խրախուսելով նրանց առաջնորդությունն ու գենդերային անհավասարության դեմ ուղղված քաղաքականությունը։
21:14 14.06.2025
ՏԿԵ նախարարը Նաումբուրգ քաղաքում մասնակցել է ՀՀ կառավարության նվիրած խաչքարի բացման արարողությանըՀՀ ՏԿԵ նախարար Դավիթ Խուդաթյանը Ֆեյսբուքի իր էջում գրել է. «Գերմանիայի Դաշնային Հանրապետություն կատարած աշխատանքային այցի ընթացքում Նաումբուրգ քաղաքում մասնակցեցի Հայաստանի Հանրապետության կառավարության նվիրած խաչքարի բացման արարողությանը»: Մանրամասները՝ տեսանյութում: ...
21:00 14.06.2025
Վարչապետի գլխավորությամբ տեղի է ունեցել Հակակոռուպցիոն քաղաքականության խորհրդի արտագնա նիստՎարչապետ Նիկոլ Փաշինյանի գլխավորությամբ տեղի է ունեցել Հակակոռուպցիոն քաղաքականության խորհրդի արտագնա նիստ: Օրակարգային առաջին հարցով քննարկվել են ՏԻՄ ընտրախախտումների վերաբերյալ «Անկախ դիտորդ» դաշինքի և «Ականատես» դիտորդական առաքելության կողմից վեր հանված խնդիրները, ընտրական հանցագործությունների քննության ընթացքը: Անդրադարձ է կատարվել օրինականության նկատմամբ վերահսկողության մակարդակի բարձրացմանը, ընտրակաշառքի դեպքերի բացահայտմանը, ընտրախախտումների կանխարգելմանն ուղղված քայլերին, կուսակցությունների ֆինանսավորման մեխանիզմներին, ընտրական ծախսերի […] ...
20:30 14.06.2025
Հայ թենիսիստները անհաջող են մասնակցում Դևիսի գավաթի խաղարկությանըԹենիսի Հայաստանի հավաքականը Դևիսի գավաթի խաղարկության երրորդ ենթախմբում ևս երկու պարտություն է կրել։ Երրորդ ու չորրորդ տուրերում միևնույն` 0-3 հաշվով մեր թենիսիստները պարտվել են համապատասխանաբար Չեռնոգորիայի ու Հյուսիսային Մակեդոնիայի թիմերին։ Հայ թենիսիստները առաջին երկու խաղերում էլ նույն հաշվով պարտվել էին Մոլդովային ու Լատվիային։ Հայաստանի հավաքականը մրցաշարի վերջին` 5-րդ տուրում կմրցի Մալթայի թիմի դեմ։ Հայաստանից մրցաշարին […] ...
20:13 14.06.2025
Միլիարդատերը մահացել է արտասովոր պատճառովՀայտնի հնդիկ միլիարդատեր և արքայազն Ուիլյամի ընկեր Սանջայ Կապուրը մահացել է Մեծ Բրիտանիայում կայացած պոլոյի խաղի ժամանակ՝ մեղու կուլ տալուց հետո, հայտնում է Mirror-ը։ «Արքայազն Ուիլյամի ընկերը մահացել է՝ պոլոյի խաղի ժամանակ մեղու կուլ տալուց հետո, ինչը մահացու սրտի կաթվածի պատճառ է դարձել», – ասվում է հայտարարության մեջ։ Հրատարակությունը նշում է, որ 53-ամյա Կապուր մեղվի […] ...
19:05 14.06.2025
Չինաստանը անընդունելի է համարում Իսրայելի կողմից Իրանի վրա հարձակումներըԻսրայելի կողմից Իրանի վրա հարվածները հատկապես անընդունելի են այն ժամանակ, երբ աշխարհը փնտրում է իրանական միջուկային խնդրի քաղաքական լուծում, շաբաթ օրը իր իսրայելցի գործընկեր Գիդեոն Սաարի հետ հեռախոսազրույցում հայտարարել է Չինաստանի արտգործնախարար Վան Ին։ Վան Ին շաբաթ օրը նախ հեռախոսազրույց է ունեցել իր իրանցի գործընկեր Աբբաս Արաղչիի հետ , որից հետո հեռախոսազրույց է ունեցել Սաարի […] ...
17:00 14.06.2025
Հենրիխ Մխիթարյանը հայտացուցակում է․ ակումբային ԱԱ«Ինտերի» նորանշանակ գլխավոր մարզիչ Քրիստիան Կիվուն ներկայացրել է միլանյան ակումբի հայտացուցակն ԱՄՆ-ում կայանալիք աշխարհի ակումբային առաջնության համար: Հենրիխ Մխիթարյանն Իտալիայի փոխչեմպիոնի հայտացուցակում է: Նորեկներ Պետար Սուչիչն ու Լուիս Էնրիկեն ևս հայտացուցակում են: «Ինտերի» հայտացուցակը՝ Դարպասապահներ. Յան Զոմեր, Խոսեպ Մարտինես, Ռաֆայելե Դի Ջենարո, Ալեսանդրո Կալիգարիս։ Պաշտպաններ. Դենզել Դյումֆրիս, Ստեֆան դե Վրեյ, Ֆրանչեսկո Աչերբի, Բենժամեն Պավար, Կառլոս […] ...
