17:27 14.09.2018
ՀՀ արդարադատության նախարար Արտակ Զեյնալյանը, «Ազատության» ֆեյսբուքյան ասուլիսում անդրադարձավ դիտարկմանը, թե Հայաստանում լայնորեն տարածում է գտել խափանման միջոց կալանքը երկրից չհեռանալու մասին ստորագրությամբ փոխարինելու պրակտիկան, նշելով.
«Մարդիկ պետք է հասկանան, որ կալանքը պատժատեսակ չէ, հայցի, վճռի ապահովման միջոց չէ: Հայաստանում կալանքների վիճակը չափազանց վատ էր, ինչը քննադատում էի և՛ որպես իրավապաշտպան, և՛ որպես պատգամավոր: Հայաստանն այս պատճառով նաև բազմիցս պարտություն է կրել ՄԻԵԴ-ում: Կալանքը նշանակվում է որպես խափանման միջոց, որ անձը չխոչընդոտի նախաքննությանը: Եթե չկան խոչընդոտելու վերաբերյալ հիմքեր, ապա անձը պետք է չգտնվի անազատության մեջ»:
Նախարարն ընդգծեց` գործում է ազատության կանխավարկածը, մարդն ի բնե ազատ է, և եթե չկա հիմնավորում, որ նա պետք է գտնվի անազատության մեջ, նա պետք է չգտնվի: Զեյնալյանի խոսքերով` անպատժելիության մթնոլորտը սրա հետ առնչություն չունի. եթե դատարանը գտել է, որ սպառված է այդ անձի կողմից նախաքննությանը միջամտության հնարավորությունը, ապա նա պետք է գտնվի ազատության մեջ:
Զեյնալյանին, ով «Ելք» դաշինքի մաս կազմող «Հանրապետություն» կուսակցության անդամ է, հարց ուղղվեց` Թավշյա հեղափոխության օրերին երրորդ ուղին նախընտրելու մասին խոսելիս ի՞նչ նկատի ունեին և արդյո՞ք իրենց համարում են հեղափոխության մասնակից, կատարողներ: Զեյնալյանը պատասխանեց, որ «երրորդ ուղի» ասելիս նկատի ունեին, որ պետք է մարդկային զոհեր չլինեն:
«Մենք մեզ համարում ենք հեղափոխության կատարողներ, աջակիցներ: Մեզ համար շատ թանկ է այս հեղափոխությունը: Մենք չենք ուզում վերադառնալ նախկինին, մեզ համարում ենք այս հեղափոխության պահապաններ, դրա համար պետք է անցկացվեն օրինական ընտրություններ, որ ժողովուրդը որոշի, թե ովքեր են լինելու իր ավագանու անդամները, իր քաղաքապետը և պատգամավորները»,- ասաց նա:
14:30 05.07.2025
Թուրքիայում ձերբակալվել է ընդդիմադիր երեք քաղաքապետ
14:14 05.07.2025
Ժաննա Անդրեասյանն այցելել է Հայաստանի գեղարվեստի պետական ակադեմիաՀՀ կրթության, գիտության, մշակույթի և սպորտի նախարար Ժաննա Անդրեասյանն այցելել է Հայաստանի գեղարվեստի պետական ակադեմիա։ Նախարարը ռեկտոր Վարդան Ազատյանի ուղեկցությամբ շրջայց է կատարել բուհում, ծանոթացել պայմաններին, գույքային հագեցվածությանը, իրականացված աշխատանքներին ու առկա խնդիրներին։ ԿԳՄՍ նախարարին ներկայացվել են արվեստանոցների, թեմատիկ լսարանների և մյուս ենթակառուցվածքների ներկա պայմանները։ Տեղում քննարկվել են խնդիրների լուծման հնարավորությունները։ Ժաննա Անդրեասյանը հետաքրքրվել է […] ...
14:00 05.07.2025
Սահմանադրությունն իրավական ու ժողովրդավարական պետության և հասարակության հիմնաքարն է. Անահիտ ՄանասյանՄարդու իրավունքների պաշտպան Անահիտ Մանասյանը շնորհավորական ուղերձ է հղել ՀՀ Սահմանադրության օրվա առթիվ: «Հարգելի՛ հայրենակիցներ, Շնորհավորում եմ բոլորիս՝ Հայաստանի Հանրապետության Սահմանադրության օրվա կապակցությամբ։ Սահմանադրությունն իրավական ու ժողովրդավարական պետության և հասարակության հիմնաքարն է։ Այն ոչ միայն սահմանում է պետության իրավական հիմքերը, այլև ճանաչում է մարդուն որպես բարձրագույն արժեք՝ ամրագրելով նրա անօտարելի իրավունքներն ու ազատությունները։ Իրավական պետության […] ...
13:48 05.07.2025
40-ամյա կինը հետախուզվում էր խարդախության մեղադրանքով․ խափանման միջոցը՝ կալանքՀամայնքային ոստիկանության Բազումի բաժնի ծառայողների ձեռնարկած օպերատիվ-հետախուզական միջոցառումների արդյունքում հուլիսի 3-ին Վանաձորի Տիգրան Մեծի փողոցում հայտնաբերվել և բաժին է ներկայացվել 40-ամյա մի կին, որը Քրեական ոստիկանության Շիրակի մարզային վարչության կողմից հետախուզվում էր խարդախության մեղադրանքով. խափանման միջոցը՝ կալանք: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական […] ...
13:34 05.07.2025
Առաջիկա օրերի եղանակային կանխատեսումըՀանրապետության տարածքում հուլիսի 5-ի ցերեկը, 6-ին գիշերը և կեսօրից հետո, 7-10-ին կեսօրից հետո, առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Հուլիսի 5-ին առանձին հատվածներում անձրևները կլինեն հորդառատ։ Քամին՝ հյուսիսարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 19-23 մ/վ արագությամբ։ Օդի ջերմաստիճանը հուլիսի 5-ի ցերեկը կնվազի 1-3 աստիճանով, հուլիսի 6-10-ին՝աստիճանաբար […] ...
13:20 05.07.2025
Իրավունքի գերակայությունը մեր պետական կյանքի կազմակերպման առանցքն է. նախագահի շնորհավորական ուղերձը Սահմանադրության օրվա առթիվՀանրապետության նախագահ Վահագն Խաչատուրյանը մասնակցել է ՀՀ Սահմանադրության 30-ամյակին և պետական խորհրդանիշերի օրվան առթիվ կազմակերպված հանդիսավոր միջոցառմանը: Միջոցառման մեկնարկին Հանրապետության նախագահը հանդես է եկել շնորհավորական ուղերձով. «Սրտանց շնորհավորում եմ բոլորիս մեր պետության հիմնարար իրավական փաստաթղթի՝ Հայաստանի Հանրապետության Սահմանադրության 30-ամյակի կապակցությամբ: 1995 թվականին կայացած հանրաքվեով մեր ժողովուրդը հաստատեց այն Սահմանադրությունը, որը պետք է դառնար պետականության զարգացման, […] ...
13:11 05.07.2025
Սահմանադրությամբ մեր երկիրն ընտրեց անկախության, ժողովրդավարության և իրավական պետության ուղին. Տիգրան ԱվինյանԵրևանի քաղաքապետ Տիգրան Ավինյանը շնորհավորական ուղերձ է հղել Սահմանադրության օրվա առթիվ: «Այսօր նշում ենք Հայաստանի Հանրապետության Սահմանադրության 30-ամյակը՝ պետության հիմնարար օրենքի, որը սահմանում է մեր երկրի կառավարման համակարգը, քաղաքացիների իրավունքներն ու ազատությունները, և հաստատում է իրավունքի գերակայությունը։ 1995 թվականին ընդունված Սահմանադրությամբ մեր երկիրն ընտրեց անկախության, ժողովրդավարության և իրավական պետության ուղին։ Երևանի քաղաքապետարանն իր գործունեության բոլոր […] ...
