19:17 22.01.2025
Հայաստանի վարչապետ Նիկոլ Փաշինյանն անդրադարձել է Երևանում տրանսպորտի սակագնի փոփոխությանն ու հանրության շրջանում առաջացած դժգոհություններին: «Արմենպրես»-ի հաղորդմամբ՝ Փաշինյանը թեմայի մասին խոսել է ԱԺ-կառավարություն հարցուպատասխանին:
«Երևանում այլևս չկա այն, ինչ մենք դեռևս 2017 թվականից անվանել ենք «հուսահատության գազելներ»: Եվ ասել ենք, որ դրանք չեն լինելու: Հիմա չկան «հուսահատության գազելները»: Եվ արձանագրենք, որ կառավարությունը, քաղաքական մեծամասնությունն այդ խոստումը կատարել է»,–ասել է Փաշինյանը:
Նա հավելել է՝ քննարկում են Երևանում տրանսպորտային նոր համակարգ ստեղծելու հարց: Վարչապետը հարցրել է՝ Երևանում տրանսպորտային համակարգ չի եղե՞լ: Նա հիշեցրել է՝ Երևանում եղել է Իկարուս, տրոլեյբուսներ, տրամվայներ, եղել է ինչ-որ մի տրանսպորտային համակարգ:
«Այդ տրանսպորտային համակարգն ինչո՞ւ չկա, ինչո՞ւ է վերացել, որովհետև ամեն ինչ արվել է, որ այդ տրանսպորտային համակարգը լինի ձրի, որ սոցիալական որևէ շորշոփ չառաջացնի, հետո գնացել, կորել է: Երևանի քաղաքապետարանը կարո՞ղ է ոչ մի բան չփոխել. այն տրամաբանությամբ, որով օգտվում էինք գազելներից, շարունակենք օգտվել նաև նոր ավտոբուսներից: Կարող է: Սակայն դրա արդյունքում մի որոշ ժամանակ հետո կունենանք MAN ավտոբուսներ, որոնց պատուհանի տեղը «սկոտչով ցելոֆան» է կպցրած, օդորակիչը չի աշխատում, նստարանը կոտրված է, դուռը չի բացվում: Ուզում եմ նաև արձանագրել՝ երբ մենք այսօր տրանսպորտ ենք նստում, ունենք երկու ընտրություն՝ ուզում ենք վճարել միայն մեր այսօր գործի գնալո՞ւ համար, թե՞ ուզում ենք այնպես անել, որ 10 տարի հետո էլ նորմալ տրանսպորտով Երևանում հնարավոր լինի գործի գնալ: Երբ տրանսպորտից օգտվում ենք, մեր մտայնությունը չպետք է լինի այն, որ օգտվում ենք Ա կետից Բ կետը գնալու համար: Մեր մտայնությունն այն է, որ բոլորով հանրային տրանսպորտը պետք է պահենք այնպես, որ հաջորդ սերունդն էլ այդ նույն տրանսպորտով գնալու հնարավորություն ունենա: Եթե մենք այդպես չանենք, Իկարուսի նման MAN ավտոբուսները դառնալու են գազելներ, դրանք նորից զրոյանալու են, և ամեն ինչ սկսելու ենք զրոյական կետից»,–ասել է Փաշինյանը:
Վարչապետը նշել է, որ պատրաստվում են մետրոպոլիտենի նոր կայարան կառուցել:
«Իմիջիայլոց, մետրոպոլիտենը մեր աչքի առաջ մաշվում է: Դա հարստություն է, որ կարող ենք կորցնել: Զոռով, մի կերպ պահում ենք»,–ասել է Փաշինյանը:
Նա անդրադարձել է վնաև համակարգում առկա տեխնիկական խնդիրներին:
«Հարցը հայեցակարգային մակարդակում հետևյալն է՝ մենք ուզո՞ւմ ենք այս տրանսպորտային համակարգը շարունակի գոյություն ունենալ և զարգանալ, թե՞ չենք ուզում, թե՞ ուզում ենք, որ էլի գա Իկարուս, Երազ, իշաոտնուկներով Երազներ, գազելներ, հետո հուսահատության գազելներ»,–ասել է վարչապետը:
15:41 20.05.2025
Հանձնաժողովը դրական եզրակացություն է տվել մարզադպրոցների անվանակոչման վերաբերյալ օրենսդրական նախաձեռնությանըԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովը մայիսի 20-ի հերթական նիստում երկրորդ ընթերցմամբ քննարկել է Կառավարության հեղինակած ««Ֆիզիկական կուլտուրայի եւ սպորտի մասին» օրենքում լրացում կատարելու մասին», ««Տեղական ինքնակառավարման մասին» օրենքում լրացում կատարելու մասին», ««Երեւան քաղաքում տեղական ինքնակառավարման մասին» օրենքում լրացում կատարելու մասին» օրենքների նախագծերի փաթեթը: ՀՀ կրթության, գիտության, մշակույթի եւ սպորտի […] ...
15:36 20.05.2025
Ավելի քան 112 մլն ՀՀ դրամի հափշտակության մեջ մեղադրվող գլխավոր հաշվապահի վերաբերյալ քրեական վարույթը դատարանում էՀՀ հակակոռուպցիոն կոմիտեում քննված քրեական վարույթով իրականացված նախաքննությամբ պարզվել է, որ Երևանում գործող ՍՊ ընկերություններից մեկում 2019 թվականից մայիսի 13-ից գլխավոր հաշվապահի պաշտոնը զբաղեցրած անձը, օգտագործելով ծառայողական լիազորությունները, կատարել է իրեն վստահված գույքի առանձնապես խոշոր չափերով հափշտակություն: Մասնավորապես՝ պարզվել է, որ գլխավոր հաշվապահը, 2019 թվականի մայիսի 2023 թվականի դեկտեմբերն ընկած ժամանակահատվածում օգտագործելով իրեն վստահված գույքը […] ...
15:30 20.05.2025
ՆԱՏՕ-ի գլխավոր քարտուղարը դրական է գնահատել Պուտին-Թրամփ զրույցըՆԱՏՕ-ի գլխավոր քարտուղար Մարկ Ռյուտեն Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև հեռախոսազրույցը համարում է դրական քայլ ուկրաինական կարգավորման համար։ «Կարծում եմ՝ լավ նշան է, որ այս հեռախոսազրույցը տեղի է ունեցել։ Մինչև հունվար Ռուսաստանի հետ բանակցություններ չեն եղել։ Կարծում եմ՝ դրական է, որ Թրամփը բացեց հաղորդակցության ուղի Ռուսաստանի նախագահի հետ», – ասել […] ...
15:22 20.05.2025
Արձանագրության վավերացմամբ հետախուզումների վերաբերյալ փաստաթղթղերը մյուս կողմին կփոխանցվեն նաեւ էլեկտրոնային եղանակովՆախագծով առաջարկվող փոփոխությունները հնարավորություն են տալիս ԱՊՀ մասնակից պետությունների իրավասու մարմիններին տեղեկատվական համագործակցության շրջանակում կիրառել փաստաթղթերի էլեկտրոնային պատճենները: Այս մասին ասել է ՀՀ ներքին գործերի նախարարի տեղակալ Արմեն Ղազարյանը: Նա Պաշտպանության եւ անվտանգության հարցերի մշտական հանձնաժողովի՝ մայիսի 20-ի նիստում ներկայացրել է ««Անկախ Պետությունների Համագործակցության մասնակից պետությունների՝ անձանց միջպետական հետախուզման մասին» 2010 թվականի դեկտեմբերի 10-ի պայմանագրում […] ...
15:07 20.05.2025
Առցանց քննարկում թվային դրոշմավորման գործընթացի վերաբերյալՊետական եկամուտների կոմիտեն E-Mark ընկերության հետ համատեղ տնտեսվարողների հետ կազմակերպել է առցանց քննարկում՝ նույնականացման միջոցներով ապրանքների պարտադիր դրոշմավորման գործընթացի վերաբերյալ։ Օրենսդրական կարգավորումներից մինչև գործնական կիրառում և վարչարարություն. քննարկման առցանց օրակարգը բավականին ընդգրկուն է։ Ինտերակտիվ հարցուպատասխանի ընթացքում, բիզնեսը կարճ ժամանակում հնարավորություն է ստացել պարզաբանումներ ստանալ անմիջապես պատասխանատուներից։ Ներկայացվել են նաև նույնականացման միջոցներով ապրանքների դրոշմավորումը համակարգում գրանցելու, […] ...
