17:26 21.04.2025
ՀՀ ԱԺ առողջապահության հարցերի մշտական հանձնաժողովի նախաձեռնությամբ ապրիլի 21-ին տեղի է ունեցել աշխատանքային քննարկում Հայաստանում բժշկական արտադրատեսակների, այդ թվում` սարքերի եւ գործիքների, ներմուծման եւ մաքսազերծման գործընթացում առկա խնդիրների վերաբերյալ: Մասնակցել են ներկայացուցիչներ գործադիր, օրենսդիր մարմիններից, ինչպես նաեւ` շահագրգիռ կազմակերպություններից:
Բժշկական արտադրանք ներմուծող տնտեսավարող մի շարք սուբյեկտների ներկայացուցիչներ ներկայացրել են իրենց դիտարկումները, մասնավորապես` նշելով, որ Կառավարության 429-Մ որոշման ընդունումից հետո ի հայտ են եկել խնդիրներ, որոնք խոչընդոտում են ներմուծվող բժշկական արտադրատեսակների պատշաճ պահպանմանը, արագ մաքսազերծմանն ու դրանց իրացմանը: Նրանք խոսել են բժշկական արտադրատեսակների փորձաքննության ժամկետների, դրանց` մինչեւ ներմուծումը հայտ ներկայացնելու հնարավորության, մաքսային պահեստներում պահպանման պայմանների խնդիրների մասին, ներկայացրել իրենց դիտարկումները հավաստագրերի ժամկետների, տարբեր երկրների համար սահմանված ներմուծման կարգավորումների վերաբերյալ:
Առաջարկվել է քննարկել եւ ներդնել նաեւ վճարովի ծառայությունների համակարգ, որը թույլ կտա սահմանված աշխատանքային օրերը կրճատել եւ ներմուծման հավաստագիր տրամադրել առավել կարճ ժամկետներում: Տեղեկացվել է, որ նշված ընթացակարգերն արդեն իսկ գործում են մի շարք պետական կառույցներում:
ՀՀ առողջապահության նախարար Անահիտ Ավանեսյանը, պատասխանելով տնտեսավարողների հարցերին, նշել է, որ բարձրացրած որոշ հարցեր ունեն իրավական կարգավորումներ, պարզապես ուղեցույցային տեղեկացման անհրաժեշտություն կա: Նա անդրադարձել է վերաարտահանման ռեժիմով այլ երկրներ արտահանելուն, հավաքական բեռից ներմուծվող արտադրատեսակն առանձնացնելուն, հավաստագրերի ստացման կարգավորումներին, արտադրատեսակների ներմուծման դասակարգմանը, ցամաքային սահմանին մաքսազերծման ժամանակ պարտադիր հավաստագրի պահանջին, օնլայն առեւտրին վերաբերող հարցերին:
Տնտեսավարողների հարցերին պատասխանել են նաեւ ՊԵԿ-ի եւ ԱՆ դեղերի եւ բժշկական արտադրատեսակների փորձագիտական կենտրոնի ներկայացուցիչները` անդրադառնալով ներմուծվող արտադրատեսակների սերիական համարներին, հավաստագրերի նախապես ստանալուն, ազատ վաճառքի սերտիֆիկատ ստանալուն վերաբերող հարցերին:
Առողջապահության հարցերի մշտական հանձնաժողովի նախագահ Արսեն Թորոսյանը շնորհակալություն է հայտնել մասնակիցներին արդյունավետ քննարկման համար, առաջարկել է հանդես գալ կոնկրետ առաջարկներով: Նա պատրաստակամություն է հայտնել լիազորությունների շրջանակում նպաստել համակարգի գործընթացներն ավելի դյուրին եւ արդյունավետ դարձնելուն:
22:09 20.07.2025
Գեղարքունիքի մարզում 26-ամյա վարորդը «Toyota Alphard»-ով դուրս է եկել երթևեկելի գոտուց և կողաշրջվել․ կա 6 տուժածԱյսօր՝ հուլիսի 20-ին, ավտովթար է տեղի ունեցել Գեղարքունիքի մարզում։ Ժամը 18։15-ի սահմաններում Սևան-Մարտունի-Գետափ ավտոճանապարհին Արարատի մարզի բնակիչ 26-ամյա Արթուր Թ․-ն իր վարած «Toyota Alphard» մակնիշի ավտոմեքենայով դուրս է եկել երթևեկելի գոտուց, բախվել քարերին և կողաշրջվել։ Ինչպես հայտնում է shamshyan.com-ը, վթարի հետևանքով 6 հոգի տարբեր աստիճանի մարմնական վնասվածքներով տեղափոխվել է «Գավառ» բժշկական կենտրոն։ Վթարի փաստով քննչական […] ...
21:40 20.07.2025
Իրանում հուլիսի 23-ը հանգստյան օր է հայտարարվել՝ ջուրն ու էլեկտրաէներգիան խնայելու համարԻրանի կառավարությունը հուլիսի 23-ը Թեհրանի նահանգում հանգստյան օր է հայտարարել՝ ջուրն ու էլեկտրաէներգիան խնայելու նպատակով, հայտարարել է կաբինետի խոսնակը: «Կառավարության կաբինետի որոշմամբ, շարունակվող ծայրահեղ շոգի և ջուրն ու էլեկտրաէներգիան խնայելու անհրաժեշտության նպատակով չորեքշաբթի՝ հուլիսի 23-ը, Թեհրանի նահանգում հայտարարվել է հանգստյան օր», – գրել է նա սոցիալական ցանցերի իր էջում։ Կիրակի օրը ավելի վաղ Իրանի իշխանությունները […] ...
21:16 20.07.2025
Այրվել է մոտ 400 հակ անասնակերՀուլիսի 20-ին` ժամը 11։46-ին, Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լեռնամերձ գյուղի վերջնամասում այրվում է խոտի դեզ։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։ Հրդեհը մեկուսացվել է ժամը 12:59-ին, մարվել՝ 14:07-ին: Այրվել է մոտ 400 հակ անասնակեր։ Հրշեջ-փրկարարները կանխել են հրդեհի տարածումը դեպի […] ...
20:49 20.07.2025
Տավուշի մարզի մի շարք բնակավայրերում փորձարկվելու են էլեկտրական շչակներՀուլիսի 21-ին՝ ժամը 11:30-ից մինչև 16:30-ն ընկած ժամանակահատվածում, Տավուշի մարզի Բերդ համայնքի Վերին Կարմիրաղբյուր, Նորաշեն, Մովսես, Չորաթան, Արծվաբերդ, Այգեձոր, Չինարի բնակավայրերում փորձարկվելու են էլեկտրական շչակներ։ Փրկարար ծառայությունից խնդրում են չանհանգստանալ։ ...
20:18 20.07.2025
Փրկարարներն ավտոմեքենան դուրս են բերել գետիցՀուլիսի 20-ին` ժամը 13։25-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արևածագի ձորում ավտոմեքենան ընկել է գետը. ներսում կան քաղաքացիներ: Ավտոմեքենան դուրս բերելու համար անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ գետանցում իրականացնելու ժամանակ «JEEP» մակնիշի ավտոմեքենան […] ...
19:38 20.07.2025
Սպերցյանի գոլն ու գոլային փոխանցումն օգնել է «Կրասնոդարին» հաղթել մեկնարկային տուրում. ՌՊԼՌուսաստանի Պրեմիեր լիգայի 2025/2026 մրցաշրջանի մեկնարկային տուրում «Կրասնոդարը» արտագնա խաղում 3:0 հաշվով հաղթանակ է տարել «Պարի Նիժնի Նովգորոդի» նկատմամբ: Կազանի «Ակ Բարս Արենայում» կայացած խաղում գոլեր են խփել Դիեգո Կոստան և Հայաստանի ազգային հավաքականի կիսապաշտպան Էդուարդ Սպերցյանը, ով նաև գոլային փոխանցում է կատարել: Սպերցյանը խաղը սկսել է մեկնարկային կազմում և փոխարինվել 77-րդ րոպեին: «Պարի Նիժնի […] ...
