04 05 2024

$

387.32
4.23
€

416.10

+18.09 ^oC

ԱՄՆ Պետդեպարտամենտը հայտարարություն է տարածել ՀՀ-ում մարդու իրավունքների վերաբերյալ

ԱՇԽԱՐՀ

15:03 21.04.2018

«Իշխանության համակարգային կոռուպցիա, կամայական ձերբակալություններ ու կալանավորումներ, անկախ դատարանների բացակայություն, լրագրողների դեմ բռնություններ ու քննադատներին պատժելու համար պետական իրավական լիազորությունների օգտագործում. սրանք են Հայաստանում մարդու իրավունքների ոլորտի հիմնական խնդիրները, հայտարարել է Միացյալ Նահանգների Պետդեպարտամենտը երեկ հրապարակած ամենամյա զեկույցում, հայտնում է «Ազատությունը» ռադիոկայանը:

Ամերիկայի արտաքին քաղաքական գերատեսչությունը նշում է, որ թեև վերջին խորհրդարանական ընտրությունների կազմակերպումը բարելավվել էր, սակայն, քվեարկությունը ուղեկցվել է լայնատարած ընտրակաշառքի, ընտրողների նկատմամբ ճնշումների ու վարչական ռեսուրսի չարաշահման մասին հաղորդումներով»:

Ըստ ռադիոկայանի՝ հիշատակելով Իրազեկ քաղաքացիների միավորման աղմկահարույց հեռախոսազրույցները 114 դպրոցների տնօրենների հետ, որոնցում վերջիններս խոստովանել էին, որ ցուցակներ են պատրաստում իշխող Հանրապետականի համար՝ Պետդեպարտամենտը նշում է․ – «Քննչական մարմինները վստահելի հետաքննություն չանցկացրին վարչական ռեսուրսի չարաշահման մասին այս մեղադրանքների կապակցությամբ»:

«Որպես օրինակ է բերվում նաև այսպես կոչված՝ «ՍԱՍ-ի Արտակի ձայնագրությունը», որտեղ Հանրապետական պատգամավորի եղբայրը կշտամբում, սպառնում է սուպերմարկետի աշխատակիցներին` պահանջելով ձայներ ապահովել իրենց թեկնածուի համար:

«Ընտրություններից հետո Հատուկ քննչական ծառայությունը քրեական գործ հարուցեց, որը, սակայն, սեպտեմբերին փակեց առանց որևէ մեկին մեղադրանք առաջադրելու», – փաստում է Միացյալ Նահանգների արտաքին քաղաքական գերատեսչությունը:

Անդրադառնալով քաղաքական ուժերին՝ զեկույցի հեղինակները նշում են, որ օրենքը տեսանելի ձևով չի սահմանափակում քաղաքական կուսակցությունների գրանցումը կամ գործունեությունը, սակայն «իշխանությունները ճնշում են քաղաքական բազմակարծությունը այլ ձևերով»:

ԵԱՀԿ/ԺՀՄԻԳ գրասենյակի դիտորդական առաքելությունը, մասնավորապես, վերջին խորհրդարանական ընտրություններից հետո նշել է․ ընդդիմադիր կուսակցությունները պնդում են, թե իշխանությունները, հաճախ տեղական ինքնակառավարման մարմինների միջոցով, ճնշումներ են բանեցնում, որպեսզի ընդդիմախոսները չմասնակցեն հանրահավաքների: Բացի այդ, չեն դադարել բողոքները առ այն, որ իշխանությունը, վարչական և իրավական լծակներն օգտագործելով, այդ թվում ընդդիմադիրների ֆինանսավորողների դեմ ընտրողաբար հարկային հետաքննություն սկսելով, վանում է նրանց ընդդիմությանը գումար տրամադրելուց: Սրան զուգահեռ, հասարակական կազմակերպությունները պնդում են, որ գործող վարչակազմը չարաշահում է վարչական ռեսուրսը ընտրարշավի ընթացքում, այդ թվում՝ սպառնում է զրկել ընտանիքներին սոցիալական նպաստներից, ուսանողներին` կրթաթոշակներից՝ եթե հրաժարվեն աջակցել իշխող Հանրապետականին, կամ, ըստրակաշառքից բացի, առաջարկում են կոմունալ վճարների փոխհատուցում և այլ ծառայություններ»:

Բաժանորդագրվեք SHANTNEWS.am-ին Telegram-ում

Բոլոր լուրերը

12:00 04.05.2024
SHANTNEWS

Կապակցված լուրեր

11:42 04.05.2024

Կամիկաձե անօդաչու թռչող սարքի միջոցով հարձակում է գրանցվել Բելգորոդի շրջանի գյուղերից մեկի վրա

Ուկրաինայի Զինված ուժերը կամիկաձե անօդաչու թռչող սարքի միջոցով հարձակվել են Բելգորոդի շրջանում գտնվող Վերգիլևկայի վրա, զոհեր և վիրավորներ չկան։ Այդ մասին իր Telegram ալիքում հայտնել է նահանգապետ Վյաչեսլավ Գլադկովը։ «Բելգորոդի շրջանի Վերգիլևկա գյուղը հարձակման է ենթարկվել ուկրաինական զինված ուժերի կողմից կամիկաձեի անօդաչու թռչող սարքի կիրառմամբ, զոհեր չկան»,- գրել է նա։ Գլադկովը հավելել է, որ հարձակման […] ...

11:09 04.05.2024

ՀԱՄԱՍ-ը հայտարարել է, որ կմեկնի Կահիրե՝ Գազայի հարցով «համաձայնության հասնելու»

Պաղեստինյան ՀԱՄԱՍ շարժման պատվիրակությունը շաբաթ օրը՝ մայիսի 4-ին, մեկնում է Եգիպտոսի մայրաքաղաք՝ Գազայի հատվածում ռազմական գործողությունների դադարեցման շուրջ իսրայելական կողմի հետ բանակցություններն ավարտելու մտադրությամբ։ Այս մասին ասվում է ՀԱՄԱՍ-ի հայտարարության մեջ, որը հրապարակվել է շարժման Telegram ալիքում։ «ՀԱՄԱՍ»-ը ուսումնասիրել է ստացված հրադադարի առաջարկը, դրական է արձագանքել դրան և մեկնում է Կահիրե՝ համաձայնության հասնելու համար», – […] ...

10:56 04.05.2024

Ինդոնեզիայում ջրհեղեղների և սողանքների հետևանքով 14 մարդ է զոհվել

Ինդոնեզիայի Հարավային Սուլավես նահանգում ջրհեղեղների և սողանքների հետևանքով առնվազն 14 մարդ է զոհվել։ Այս մասին հայտնում է Detik պորտալը։ «Հարավային Սուլավես նահանգի Լուվու շրջանում ջրհեղեղի և սողանքների հետևանքով 14 բնակիչ է զոհվել», – մեջբերում է պորտալը աղետների կառավարման գործակալության խոսնակ Աբդուլ Մուխարիին: Ըստ Detik-ի՝ ավելի քան 100 տուն լուրջ վնաս է կրել, 42-ը քանդվել են, […] ...

10:48 04.05.2024

Չեխիայի վարչապետը հայտարարել է Ուկրաինայի հետ հնարավոր խորհրդակցությունների մասին 2024 թվականին

Չեխիայի և Ուկրաինայի կառավարությունների միջև հաջորդ խորհրդակցությունները, որոնք տեղի կունենան համատեղ հանդիպման ձևաչափով, կարող են ընթանալ 2024թ.։ Այս մասին TK լրատվական գործակալությանը տված հարցազրույցում հայտարարել է Չեխիայի վարչապետ Պետր Ֆիալան։ «Կարծում եմ, որ նման բանակցություններ տեղի կունենան ընթացիկ տարում»,- ասել է նա։ Պրահան և Կիևը, ըստ վարչապետի, զարգացնում են շփումները բազմաթիվ մակարդակներով։ «Այժմ Ուկրաինային առաջին […] ...

10:26 04.05.2024

Մարկ Քեմերոնն ընդգծել է, որ ԱՄՆ-ը Հայաստանի կողքին է` իր ինքնիշխանության պաշտպանության և ժողովրդավարության ամրապնդման ճանապարհին

ՀՀ ԱԺ Հայաստան-ԱՄՆ բարեկամական խմբի անդամները մայիսի 3-ին Վաշինգտոնում հանդիպել են ԱՄՆ Պետքարտուղարության Կովկասի և տարածաշրջանային հակամարտությունների հարցերով գրասենյակի տնօրեն Մարկ Քեմերոնին: Մարկ Քեմերոնը ողջունել է Հայաստանի և Ադրբեջանի միջև սահմանազատման գործընթացը` հիմնված Ալմա-Աթայի հռչակագրի վրա: Կողմերը կարևորել են ապրիլի 5-ին Բրյուսելում տեղի ունեցած եռակողմ հանդիպումը և Հայաստանի տնտեսական դիմակայունության ամրապնդումը: Քեմերոնն ընդգծել է, որ […] ...

10:01 04.05.2024

Ուկրաինայի հակամարտությանը ևս մեկ երկրի մասնակցությունը կհանգեցնի համաշխարհային պատերազմի․ Սիյարտո

Առնվազն մեկ եվրոպական երկրի մասնակցությունն Ուկրաինայի հակամարտությանը անխուսափելիորեն կհանգեցնի Ռուսաստանի հետ ուղիղ բախման և երրորդ համաշխարհային պատերազմի բռնկման։ Այս մասին հայտարարել է Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն։ «Եթե այս պատերազմին ներքաշվի ևս մեկ եվրոպական երկիր, դա կստեղծի համաշխարհային պատերազմի վտանգ, քանի որ տվյալ երկիրը, անշուշտ, կլինի ՆԱՏՕ-ի անդամ, և եթե […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.