16:35 10.10.2018
ՀՀ վարչապետ Նիկոլ Փաշինյանը խորհրդարանում լրագրողների հետ զրույցում անդրադարձել է արտահերթ ընտրությունների անցկացման սցենարին: Վարչապետը նշել է, որ սցենարը հրապարակված է, չի փոխվել. ինքը հրաժարական է տալիս, խորհրդարանը երկու անգամ վարչապետ չի ընտրում, որից հետո խորհրդարանը լուծարվում է, տեղի են ունենում նոր ընտրություններ:
«Ըստ էության, այս պահին գոյություն ունեցող սցենարը դա է»,- ասել է նա:
Վարչապետը դժվարացել է կոնկրետ ժամկետ նշել` երբ է հրաժարական ներկայացնելու:
«Մի քիչ հաշվարկի հարց է»,- ասել է նա:
Անդրադառնալով հնչող մտահոգություններին, թե արտահերթ ընտրությունների արդյունքում ձևավորվելու է մոնոլիտ խորհրդարան` հաշվի առնելով հանրային այն մեծ աջակցությունը, որ վայելում է իշխող քաղաքական ուժը, Փաշինյանը պատասխանել է.
«Մենք ավելի մոնոլիտ խորհրդարան չենք ունենալու, քան ունենք այսօր, և որևէ կասկած չկա, որ Հայաստանում ժողովրդավարությանը, ժողովրդավարական արժեքներին որևէ բան չի սպառնում, որովհետև դա մեր արժեքային համակարգն է, հավատամքը, մոտեցումը: Դուք` լրագրողներդ, կարող եք փաստել, որ այսօր ՀՀ-ում մամուլն ազատ է այնքան, ինչքան չի եղել Հայաստանի երրորդ Հանրապետության պատմության ողջ ընթացքում, և ամեն օրվա ու տարվա հետ մամուլը լինելու է ավելի ու ավելի ազատ, Հայաստանում օրենքի իշխանությունն ավելի ու ավելի ուժեղանալու է, լինելու է իրապես անկախ դատական համակարգ, ընտրությունների արդյունքները չեն կեղծվելու»:
Վարչապետը չի բացառել, որ արտահերթ ընտրությունները կանցկացվեն հին Ընտրական օրենսգրքով: Նա ասաց, որ թեպետ, ըստ էության, նոր Ընտրական օրենսգրքի փոփոխությունները վեց ամիս է` քննարկվում են, հանրային քննարկումներ կան, և դրանցով ընտրությունների անցկացումն իրատեսական է, սակայն եթե գործող խորհրդարանը չընդունի այդ նոր օրենսգիրքը, հնով կգնան ընտրության:
«ԱԺ կանոնակարգ օրենքում փոփոխություններ և լրացումներ կատարելու մասին» օրենքի նախագծի վերաբերյալ ՀՀ նախագահի դիրքորոշմանն անդրադառնալով` Փաշինյանը նշել է, որ նախագահի հայտարարության մեջ, ըստ էության, այդ դիրքորոշումն արտահայտված է:
«Այդ մասին ինքն է նաև հայտարարել, չեմ կարծում, թե նա ժողովրդի դեմ ինչ-որ բան կանի»,- ասել է նա:
Հարցին`«Հայ հեղափոխական դաշնակցության» հետ կա՞ արդյոք ձեռք բերված պայմանավորվածություն, ինչին նա պատասխանել է, որ հանդիպում լինելու է, իրենք Փարիզում են պայմանավորվել:
ՀՀԿ խմբակցություն իր այցի նպատակներին անդրադառնալով` Փաշինյանն ասել է, որ այդ այցի նպատակը քաղաքական այս իրավիճակը կատարյալ կայունության ու հանդարտության պայմաններում հանգուցալուծելն է:
11:50 27.06.2025
Կասեցվել է «Սեմոյի մոտ» ռեստորանի կողմից ապօրինի ջրօգագործումը. ԲԸՏՄԲնապահպանության և ընդերքի տեսչական մարմնի աշխատակիցները ստուգում են իրականացրել Գեղարքունիքի մարզի Ծովագյուղ բնակավայրում գործունեություն իրականացնող «ԳԵՎՈՐԳՅԱՆԻ ՔՈԼԵԹ» ՍՊԸ-ում։ Այս մասին հաղորդագրություն է տարածել Բնապահպանության և ընդերքի տեսչական մարմինը։ Պարզվել է, որ Սևանա լճի ափամերձ հատվածում գործող, ընկերությանը պատկանող «Սեմոյի մոտ» ռեստորանը, տարածքում առկա խորքային հորից, խմելու և կենցաղային նպատակով իրականացնում է ապօրինի ջրառ՝ առանց ջրօգտագործման […] ...
11:40 27.06.2025
Պուտինը կարծում է, որ Իսրայելի և Իրանի միջև հակամարտությունն անցյալում էՄերձավոր Արևելքում իրավիճակը հանդարտվում է, հայտարարել է Ռուսաստանի նախագահ Վլադիմիր Պուտինը։ «Աստծո կամքով, Մերձավոր Արևելքում իրավիճակը հիմա հանդարտվում է, Իսրայելի և Իրանի միջև հակամարտությունը նույնպես», – ասել է Պուտինը՝ հինգշաբթի օրը ելույթ ունենալով Մինսկում Եվրասիական տնտեսական ֆորումի լիագումար նիստում։ Սա նշանակում է, նշել է նա, որ հնարավոր կլինի տնտեսական հարաբերություններ զարգացնել տարածաշրջանի բոլոր երկրների, այդ […] ...
11:31 27.06.2025
Ալոնսոյի պատասխանը ԼապորտայինՄադրիդի «Ռեալի» նորանշանակ գլխավոր մարզիչ Խաբի Ալոնսոն արձագանքել է «Բարսելոնայի» նախագահ Ժոան Լապորտայի հայտարարությանը: «Ես կարող եմ պատկերացնել այն համատեքստը, որի շրջանակներում արվել է այդ հայտարարությունը: Չեմ ցանկանում խորանալ դրա մեջ: Ենթադրում եմ, որ նրանք նույնպես որոշակի իշխանություն ունեն, այդ պատճառով էլ տվյալ հայտարարությունն աշխատում է երկու կողմի համար: Ամեն դեպքում, մենք ազատության և ժողովրդավարության […] ...
11:20 27.06.2025
Պոլիկլինիկայի բուժքույրերը կաշառք են վերցրել՝ մի շարք անձանց չպատվաստելու, սակայն պատվաստված լինելու հանգամանքը հավաստող կեղծ վկայականներ տրամադրելու նպատակովՔրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ պոլիկլինիկայի բուժքույրը 2022 թվականի փետրվարից մինչև ապրիլն ընկած ժամանակահատվածում միասնական դիտավորությամբ մի խումբ անձանց օժանդակությամբ տարբեր անձանցից վերցրել է 500 հզր ՀՀ դրամ կաշառք: Բուժքույրը կաշառքի մի մասը պահել է իրեն, մյուս մասը փոխանցել պոլիկլինիկայի 2 բուժքույրերին՝ կաշառք տվող անձանց չպատվաստելու, սակայն […] ...
11:17 27.06.2025
Իրավապահներն ավարտել են քննչական գործողությունները Շիրակի թեմի առաջնորդարանումՀայ Առաքելական եկեղեցու Շիրակի թեմի առաջնորդարանում իրավապահներն ավարտել են քննչական գործողությունները։ Այս մասին հաղորդում է Գյումրիում «Արմենպրես»-ի թղթակիցը։ Քիչ առաջ իրավապահները հեռացել են առաջնորդարանից, ինչից հետո տեղում հավաքվածները կարողացել են մտնել առաջնորդարան։ «Արմենպրես»-ի թղթակիցը նշում է, որ իրավապահներն առաջնորդարանից իրենց հետ ոչինչ չեն տարել։ Հայ Առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի փաստաբան Թամարա […] ...
11:11 27.06.2025
Քննարկվել են ՀՀ և ՇՀԿ միջև փոխգործակցության հարցերՀունիսի 27-ին Պեկին պաշտոնական այցի շրջանակներում ՀՀ ԱԳ նախարար Արարատ Միրզոյանը հանդիպում է ունեցել ՇՀԿ Գլխավոր քարտուղար Նուրլան Երմեկբաևի հետ։ Զրուցակիցները քննարկել են ՀՀ և ՇՀԿ միջև փոխգործակցության հարցեր՝ երկուստեք գոհունակություն հայտնելով ձևավորված ակտիվ երկխոսության և գործընկեր երկրի կարգավիճակում արդեն իսկ արձանագրված արդյունքների կապակցությամբ։ Նախարար Միրզոյանն ընդգծել է կազմակերպության շրջանակներում ՀՀ ներգրավածության ընդլայնման հարցում ՀՀ […] ...
