23:39 10.10.2018
Այսօր կայացել է մարզխորհրդի հերթական նիստը: Քննարկվել են սեփական եկամուտների հավաքագրմանը, բերքահավաքին և իրացմանը վերաբերող հարցեր: Շիրակի մարզում սեփական եկամուտները կատարվել են 80.3 տոկոսով: Թերակատարվել է 356 մլն դրամ: Ու սա համարվում է գյուղապետերի թերացումը , որի հետևանքով համայնքը կարող է զրկվել սուբվենցիոն ծրագրերից: Շատ գյուղերում ցուցանիշը ցածր է: Բայց գյուղապետերն էլ իրենց բացատրությունն ունեն՝ օրինակ Ազատանում գյուղացիները պատրաստվում են հարկ վճարել կարկտահարության դիմաց կառավարության խոստացած փոխհատուցման գումարներով: Շիրակի մարզին խոստացված փախհատուցումն ուշանում է: Այս հարցում պարզաբանումներ է ներկայացրել Շիրակի մարզպետարանի գյուղատնտեսության և բնապահպանության վարչության պետ Մովսես Մանուկյանը:
«Փոխհատուցում տրվել է սահմանամերձ համայնքներին: Այսինքն կա առաջնահերթություն: Առաջին հերթին գումարներն ուղղվել են Իջևանի, Նոյեմբերյանի տարածաշրջաններին և Սյունիքի մարզին, որոնք բնակավայրեր ունեն հայ-ադրբեջանական սահմանին: Իսկ Շիրակի մարզի 3 մլրդ դրամի փոխհատուցման խնդիրն ընթացքի մեջ է, կառավարության ուշադրության կենտրոնում է »,- ասել է Շիրակի մարզպետարանի գյուղատնտեսության և բնապահպանության վարչության պետ Մովսես Մանուկյանը:
3 մլրդ դրամը Շիրակի մարզում կարկտահարության վնասի չափն է: Փոխհատուցման հարցը դեռ կառավարությունում քննարկվում է: Քննարկումների փուլում է նաև Շիրակի մարզում հաջորդ տարի զենիթային հակակարկտային կայանների տեղադրման հարցը: Սա մարզում կարկտահարության վնասները նվազագույնի հասցնելու երաշխիքն է: Այս տարի Շիրակում 5100 հեկտար ցանք է տուժել կարկտահարությունից:
Մարզխորհրդի նիստի ընթացքում նաև ներքին աուդիտի արդյունքներն են ներկայացվել: Շիրակի մարզպետարանի աուդիտի բաժինը ուսումնասիրություններ է կատարել մի շարք հաստատություններում, իսկ արդյունքը պաշտոնանկություններն են ու չարաշահումների մասին բացահայտումները:
«Հայտնաբերվել է 43 թերություն և խախտում, որի արդյունքում արձանագրվել է 33 մլն 2356 հազար 200 դրամ վերականգնման ենթակա գումար: Աուդիտորական 3 հաշվետվություն ուղարկվել է իրավապահ մարմիններին: Աշխատանքից ազատվել է 1 առողջապահական հաստատության տնօրեն և 1 ՊՈԱԿ-ի տնօրեն »,- ասել է Շիրակի մարզպետարանի ներքին աուդիտի բաժնի պետ Մուշեղ Մուրադյանը:
12:05 15.05.2025
Քննարկվել են ԿԳՄՍ ոլորտներում Եթովպիայի հետ համագործակցության հնարավորություններըՄեկնարկել է ԿԳՄՍ նախարարի տեղակալ Արթուր Մարտիրոսյանի գլխավորած պատվիրակության այցը Եթովպիայի Դաշնային Ժողովրդավարական Հանրապետություն։ Այցի շրջանակում պատվիրակությունը նախ հանդիպել է Եթովպիայի կրթության նախարար, պրոֆեսոր Բերհանու Նեգայի հետ։ Արթուր Մարտիրոսյանը Եթովպիայի կրթության նախարարին է փոխանցել ԿԳՄՍ նախարար Ժաննա Անդրեասյանի ողջույնները և հրավերը՝ այցելելու Հայաստան։ Հանդիպման ընթացքում Բերհանու Նեգան նշել է, որ Հայաստանի և Եթովպիայի միջև հարաբերությունները […] ...
11:45 15.05.2025
Օպերատիվ իրավիճակը հանրապետությունում մայիսի 14-15-ըԲացահայտվել է 131 հանցագործություն, որոնցից 5-ը՝ նախկինում կատարված: Մասնավորապես՝ 32 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու, 17 դեպք՝ թմրանյութի հայտնաբերման, 11 դեպք՝ խարդախության,10 դեպք՝ ֆիզիկական ներգործության, 8 դեպք՝ անձնական ունեցվածքի գողության, 6 դեպք՝ մարմնական վնասվածք պատճառելու, 3-ական դեպք՝ հոգեկան ներգործության, վստահված գույքի […] ...
11:37 15.05.2025
«Բայերի» կիսապաշտպան Ֆլորիան Վիրցը կարող է կարիերան շարունակել «Մանչեսթեր Սիթիում»«Բայերի» կիսապաշտպան Ֆլորիան Վիրցը կարող է կարիերան շարունակել «Մանչեսթեր Սիթիում», հաղորդում է Kicker-ը։ Լևերկուզենյան թիմը նախընտրում է ֆուտբոլիստի տրանսֆերային իրավունքը վաճառել «Մանչեսթեր Սիթիին», ոչ թե «Բավարիային»։ «Բայերը» վստահ է, որ անգլիական ակումբը Վիրցի տեղափոխության համար շատ ավելի հեշտ կվճարի պահանջվող 150 միլիոն եվրոն, քան «Բավարիան», որը նույնպես հետաքրքրված է 22-ամյա կիսապաշտպանի ծառայություններով և հուսով է […] ...
11:25 15.05.2025
Կատարվել են Մայր Աթոռ Սուրբ Էջմիածնի միաբանների նոր նշանակումներՆ.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ կատարվել են Մայր Աթոռ Սուրբ Էջմիածնի միաբանների նոր նշանակումներ։ Հոգեշնորհ Տ. Ռուբեն վարդապետ Զարգարյանը սույն թվականի մայիսի 15-ից նշանակվել է Մայր Աթոռ Սուրբ Էջմիածնի Եկեղեցական հայեցակարգային բաժնի տնօրեն՝ ազատվելով Քրեակատարողական հիմնարկների հոգևոր տեսչի պարտականություններից: Հոգեշնորհ Տ․ Իսահակ վարդապետ Պողոսյանը սույն թվականի մայիսի 15-ից նշանակվել […] ...
11:14 15.05.2025
Դպրաբակ բնակավայրում գործարկվելու է էլեկտրական շչակՄայիսի 16-ին՝ ժամը 12:00-ին, Գեղարքունիքի մարզի Ճամբարակ համայնքի Դպրաբակ բնակավայրում անցկացվելու է «Ազդարարում, տարհանում և պատսպարում» թեմայով գործնական վարժանք, որի ընթացքում՝ ժամը 13:30-ից մինչև 14:30-ն ընկած ժամանակահատվածում, գործարկվելու է էլեկտրական շչակ։ ...
