17:20 16.10.2018
Տավուշի մարզի Ազատամուտ գյուղում բնակիչները օրեր շարունակ բողոքի ակցիաներ են իրականացնում՝ մի քանի անգամ փակել են միջպետական ճանապարհը և պահանջում են գյուղապետ Ժորա Մարտիրոսյանի հրաժարականը:
Ժորա Մարտիրոսյանը արդեն 10 տարի է ինչ ղեկավարում է գյուղը և երկու տարի առաջ տեղի ունեցած ՏԻՄ ընտրություններում վերջինս կրկին ընտրվել է:
Սեպտեմբերի 27-ից դարձյալ բողոքի ակցիաներ են անցկացվում, ստորագրահավաք են սկսել և գյուղի 1400 ընտրողից մոտ 930-ն արդեն ստորագրել և պահանջում է Ժորա Մարտիրոսյանի հրաժարականը:
https://www.facebook.com/flora.khachatryan.1/videos/2468702273373494/
SHANTNEWS.am-ի հետ զրույցում Տավուշի մարզի լրագրողներից Ֆլորա Խաչատրյանը տեղեկացրեց, որ գյուղապետից դժգոհ են եղել, իսկ գյուղում լարված իրավիճակը սկսվել է սեպտեմբերի 24-ին դպրոցում Ժորա Մարտիրոսյանի թոռան և մեկ այլ աշակերտի միջև ծագած միջադեպից:
«Բողոքի ակցիաները սկսվելուց ի վեր դպրոցը չի աշխատում: Ծնողներն ու աշակերտները որոշել են, որ դպրոցը չի աշխատելու այնքան ժամանակ, մինչև գյուղապետը հրաժարական չներկայացնի: Ասում են՝ գյուղում և դպրոցում վախի մթնոլորտ է: Գյուղապետը մտել է դպրոց, ուսուցիչներին, տնօրենին ու աշակերտներին հայհոյել ու սպառնացել է մորթել»,- ասաց մեր զրուցակիցը և հավելեց, որ մարզպետ Վահե Ղալումյանը նույնպես եկել է ազատամուտցիների հետ բանակցելու:
https://www.facebook.com/flora.khachatryan.1/videos/2468658780044510/
Օրերս դատախազի որոշմամբ գյուղապետի լիազորությունները կասեցվել է առերևույթ ինքնիրավչություն կատարելու համար, և դեպքի առթիվ հարուցվել է քրեական գործ:
Հիշեցնենք, որ 2018թ. հուլիսի 31-ին ՀՀ ոստիկանության Տավուշի մարզային վարչության Իջևանի բաժնում ՀՀ Քրեական օրենսգրքի 322-րդ հոդվածի 1-ին մասով հարուցվել է քրեական գործ` Ժ. Մարտիրոսյանի կողմից նույն համայնքի բնակչուհու առանձնատանը սահմանված կարգի խախտմամբ տիրանալու դեպքի առթիվ: Համայնքի ղեկավարը, չունենալով ՀՀ Քաղաքացիական օրենսգրքի 170-րդ հոդվածով նախատեսված իրավունքներից որևէ մեկը, խախտելով ՀՀ Քաղաքացիական օրենսգրքի 172-րդ հոդվածով սահմանված սեփականության ձեռքբերման կարգը, 2000թ. փետրվարից տիրացել է նույն համայնքի բնակչուհուն պատկանող առանձնատանը:
Լիազորությունները կասեցված լինելով հանդերձ՝ այժմ Ժորա Մարտիրոսյանը շարունակում է գնալ գյուղապետարան՝ աշխատանքի և իր այդ քայլերը գյուղացիների զայրույթն է առաջացրել:
Վերջին տվյալներով՝ միջպետական ճանապարհը շարունակում է փակ մնալ, գյուղացիները պահանջում են Դավիթ Սանասարյանի և վարչապետ Նիկոլ Փաշինյանի հետ հանդիպում:
https://www.facebook.com/flora.khachatryan.1/videos/2468472020063186/
https://www.facebook.com/flora.khachatryan.1/videos/2468517966725258/
Տեսանյութերը՝ Ֆլորա Խաչատրյանի ֆեյսբուքյան էջից:
14:30 10.05.2025
Առաջիկա օրերի եղանակային կանխատեսումը
13:44 10.05.2025
Եվրոպան Ռուսաստանի հետ պետք է նշեր մայիսի 9-ը. Բրազիլիայի նախագահ
14:30 10.05.2025
Առաջիկա օրերի եղանակային կանխատեսումըՀանրապետության տարածքում մայիսի 10-ի ցերեկը, 12-13-ի գիշերն առանձին շրջաններում, 11-13-ի ցերեկը, 14-15-ին շրջանների զգալի մասում սպասվում է կարճատև անձրև և ամպրոպ, 12-15-ին առանձին հատվածներում հորդառատ։ Առանձին վայրերում սպասվում է նաև կարկուտ։ Մայիսի 11-ի գիշերը սպասվում է առանց տեղումների եղանակ։ Քամին՝ հարավարևմտյան՝ 2-5 մ/վ, ամպրոպի ժամանակ՝ քամու ուժգնացում՝ 18-22 մ/վ արագությամբ։ Օդի ջերմաստիճանը մայիսի 10-ի ցերեկը […] ...
14:14 10.05.2025
Մամուլի ազատության սահմանները. ի՞նչ փոխվեց ՀՀ-ում. Հեռանկար բանավեճՄիջազգային վարկանիշները արձանագրում են՝ Հայաստանը տարածաշրջանում առաջատարն է մամուլի ազատության ցուցանիշներով: Արդյո՞ք իշխանությունների շնորհիվ, թե՞ ի հեճուկս: Ո՞ւմ են սպասարկում և ո՞ւմ իրականում պետք է սպասարկեն հայ ժուռնալիստները: Կդիմանա՞ն արդյոք ավանդական լրատվամիջոցները ցանցային մեդիայի հետ մրցակցությանը: Այս հարցերը քննարկվել են Մամուլի ազատության պաշտպանության կոմիտեի նախագահ Աշոտ Մելիքյանի և Ազգային ժողովի պատգամավոր, «Երկիր մեդիա» հեռուստաընկերության համահիմնադիր […] ...
13:58 10.05.2025
Ժամանակաշրջանի ավարտը․ Կլասիկոյից հետո Անչելոտին կհեռանա «Ռեալ»-իցՄադրիդի «Ռեալի» գլխավոր մարզիչ Կառլո Անչելոտին Իսպանիայի առաջնության 35-րդ տուրի՝ «Բարսելոնայի» հետ խաղից հետո կհեռանա մադրիդյան ակումբում իր զբաղեցրած պաշտոնից։ Այս մասին հայտնում է ինսայդեր Ֆաբրիցիո Ռոմանոն, փոխանցում է armsport.am-ը: Ռոմանոյի հաղորդմամբ՝ Էլ Կլասիկոյից հետո «արքայական» ակումբը պաշտոնական հայտարարություն կանի Անչելոտիի հրաժարականի մասին։ Ավելի վաղ հայտնի դարձավ, որ Անչելոտին, ամենայն հավանականությամբ, կգլխավորի Բրազիլիայի ազգային հավաքականը։ […] ...
13:44 10.05.2025
Եվրոպան Ռուսաստանի հետ պետք է նշեր մայիսի 9-ը. Բրազիլիայի նախագահԱմբողջ Եվրոպան պետք է նշեր մայիսի 9-ը, անհասկանալի է, թե ինչպես կարելի է քննադատել Ռուսաստանին այս տոնակատարությունների անցկացման համար, որը, ինչպես Բրազիլիան, նշում է նացիզմի դեմ հաղթանակը, ասել է Բրազիլիայի նախագահ Լուիս Ինասիո Լուլա դա Սիլվան։ «Եվրոպան պետք է երեկ՝ մայիսի 9-ին տոներ, Ֆրանսիան պետք է տոներ, Գերմանիան պետք է տոներ, քանի որ շնորհիվ այն […] ...
13:32 10.05.2025
Դատավորների եվրոպական միության անդամներն այցելել են Հայոց ցեղասպանության հուշահամալիրԴատավորների եվրոպական միության (European Assossiation of Judges-EAJ) անդամները մայիսի 10-ին այցելել են Հայոց ցեղասպանության հուշահամալիր՝ Հայաստանի դատավորների միության նախագահ Ալեքսանդր Ազարյանի ուղեկցությամբ: Շուրջ 40 պետությունից ավելի քան 70 պատվիրակի դիմավորել է Հայոց ցեղասպանության թանգարան-ինստիտուտի տնօրեն Էդիտա Գզոյանը և ուղեկցել դեպի Հայոց ցեղասպանության հուշահամալիր՝ ներկայացնելով հուշահամալիրի ստեղծման պատմությունը: ՀՑԹԻ տնօրենն անդրադարձ է կատարել նաև Ծիծեռնակաբերդի տարածքում […] ...
13:22 10.05.2025
Ռուսաստանն արդեն վարժվել է պատժամիջոցներին. ՊեսկովՌուսաստանին նոր պատժամիջոցներով վախեցնելը ժամանակի վատնում է, հայտարարել է ՌԴ նախագահի մամուլի քարտուղար Դմիտրի Պեսկովը։ Կրեմլի խոսնակը նշել է, որ Ռուսաստանը ընտելացել է պատժամիջոցներին և արդեն հասկանում է, թե ինչպես է նվազագույնի հասցնելու նորերի հետևանքները։ «Այս պատժամիջոցներով մեզ վախեցնելը ժամանակի վատնում է»,- ասել է Պեսկովը «Ռոսիա 1»-ի լրագրող Պավել Զարուբինին։ ...
