23:07 21.11.2018
Նոյեմբերի 21-ին ՀՀ փոխվարչապետի պաշտոնակատար Տիգրան Ավինյանի ու Հայաստանում ՄԱԿ-ի մշտական համակարգող Շոմբի Շարփի ղեկավարությամբ տեղի ունեցավ 2016-2020թթ. ՀՀ կառավարության և ՄԱԿ-ի Զարգացման ծրագրի (ՄԱԶԾ) միջև համագործակցության ծրագրի միջնաժամկետ վերանայմանը նվիրված նիստ:
Ողջունելով նիստի մասնակիցներին՝ փոխվարչապետի պաշտոնակատար Տիգրան Ավինյանն ասաց, որ կառավարությունը մեծ նշանակություն է տալիս ՄԱԿ-ի և դրա մասնագիտացված կառույցների հետ համագործակցությանը: Նա նշեց, որ միասնական ջանքերի շնորհիվ Հայաստանը մեծ առաջխաղացում է գրանցել 2030 համընդհանուր օրակարգի և Կայուն զարգացման նպատակների իրականացման գործում: Տիգրան Ավինյանը վերհիշեց նաև, որ վերջերս Շոմբի Շարփի հետ մասին անցկացրել էին Կայուն զարգացման նպատակների ազգային նորարարական կենտրոնի կառավարման խորհրդի անդրանիկ նիստը:
Փոխվարչապետի պաշտոնակատարը ընդգծեց, որ 2018թ. ապրիլ-մայիսին տեղի ունեցած Թավշյա հեղափոխությունից հետո նոր հեռանկարներ են բացվել ՄԱԿ-ի հետ համագործակցության առավել ընդլայնման ու ամրապնդման համար։ Նա հավելեց, որ կառավարության առաջնահերթություններն են ժողովրդավարական ինստիտուտների հետագա զարգացումը, օրենքի գերակայությունը ու մարդու իրավունքների պաշտպանությունը, արդյունավետ կառավարաման համակարգի ստեղծումը, ներառական տնտեսական աճի ապահովվումը, և, այս առումով, երկրի զարգացման տեսլականը լիովին համահունչ է Կայուն զարգացման նպատակների հետ։
Տիգրան Ավինյանի խոսքով՝ բարեփոխումներն էլ ավելի մեծ թափ կստանան գալիք արտահերթ խորհրդարանական ընտրություններից հետո, որոնք միանաշանակ լինելու են Հայաստանի անկախ պատմության ընթացքում ամենաազատն ու թափանցիկը, ինչի ապահովման գործում ՀՀ կառավարությունը կրկին սերտորեն համագործակցում է ՄԱԿ-ի՝ մասնավորապես ՄԱԶԾ-ի հետ:
Շոմբի Շարփն իր խոսքում նշեց, որ ՄԱԶԾ-ն արդեն 25 տարի գործունեություն է ծավալում Հայաստանում և ռազմավարական գործընկեր է հանդիսանում կառավարության համար՝ հատկապես կայուն զարգացման առավել բարդ մարտահրավերները հաղթահարելու գործում: ՄԱԿ-ի մշտական համակարգողը բարձր գնահատական տվեց ՀՀ կառավարության և միջազգային դոնորների հետ հաստատված համագործակցությանը՝ միտված Հայաստանում ՄԱԶԾ նպատակների իրականացմանը, մասնավորապես կայուն զարգացման տեսլականին համաձայն աջակցությունը համայնքներին աղքատությունը հաղթահարելու, եկամուտի կայուն աղբյուրներ ստեղծելու, կարողությունները զարգացնելու, իրավունքները կյանքի կոչելու առումով: Շոմբի Շարփն ասաց, որ այժմ երկրում հնարավորությունների յուրահատուկ պատուհան է բացվել և ՄԱԿ-ի ներկայացուցչությունը պատրաստ է առավելագույնս նպաստել հավակնոտ բարեփոխումների իրականացմանը:
Նիստի ընթացքում կողմերը նշեցին, որ 2016-2020թթ. ՀՀ կառավարության և ՄԱԶԾ-ի միջև համագործակցության ծրագրի միջնաժամկետ վերանայումը հնարավորություն է տալիս վերագնահատել անցած տարիների ընթացքում կատարած աշխատանքը, անհրաժեշտ շտկումներ մտցնել և շարժվել առաջ:
00:00 01.05.2025
Պատվաստանյութերը տարեկան փրկում են միլիոնավոր կյանքեր և օգնում են նվազեցնել հիվանդացությունըԱռողջապահության նախարարությունից հայտնել են, որ իմունականխարգելմանն ու իմունաբանությանը նվիրված իրազեկման միջոցառումներն առիթ են կրկին հիշեցնելու պատվաստման կարևորության մասին, որ մեզանից յուրաքանչյուրի առողջությունը մեր ընդհանուր պատասխանատվությունն է։ Իմունաբանությունն ուսումնասիրում է օրգանիզմի պաշտպանական մեխանիզմները վարակիչ հիվանդությունների, չարորակ նորագոյացությունների և այլ խանգարումների դեմ։ Իմունիզացիայի շնորհիվ` մարդկությունը կարողացել է հաղթահարել մահացու հիվանդություններից ջրծաղիկը, զգալիորեն նվազեցնել կարմրուկից, պոլիոմիելիտից և այլ […] ...
23:59 30.04.2025
Ստեփանծմինդա-Լարս ավտոճանապարհը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...
23:58 30.04.2025
Երևանում «Opel»-ի վարորդի ինքնազգացողությունը վատացել է, մեքենան դուրս է եկել հանդիպակաց գոտի և բախվել «Arcfox»-ինԱպրիլի 30-ին, արտակարգ դեպք է տեղի ունեցել Երևանում։ Ժամը 16:10-ի սահմաններում «Opel» մակնիշի ավտոմեքենան Երվանդ Քոչարի փողոցում դուրս են եկել հանդիպակաց երթևեկելի գոտի և բախվել «Arcfox» մակնիշի ավտոմեքենային։ Ինչպես հայտնում է shamshyan.com-ը, վթարի հետևանքով «Opel»-ի վարորդը «սրտամկանի սուր ինֆարկտ» ախտորոշմամբ տեղափոխվել է Հերացու անվան թիվ 1 համալսարանական հիվանդանոց։ Նրան առաջինն օգնության են հասել քաղաքացիները, «Arcfox»-ի […] ...
23:57 30.04.2025
ՀՀ տարածքում ավտոճանապարհները հիմնականում անցանելի ենՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ ...
23:56 30.04.2025
Հնդկաստանը փակել է օդային տարածքը պակիստանյան ինքնաթիռների համարՀնդկաստանը փակել է իր օդային տարածքը պակիստանյան բոլոր ինքնաթիռների համար։ Այս մասին նշվում է հարավասիական հանրապետության կողմից տրված NOTAM ավիացիոն ծանուցման մեջ: Պակիստանի ինքնաթիռների համար օդային տարածքը փակելու որոշումը կգործի ապրիլի 30-ից մինչև մայիսի 23-ը։ Նշվում է, որ ծանուցումը վերաբերում է Pakistan Airlines-ի կողմից «գրանցված, շահագործվող, սեփականության տակ գտնվող և վարձակալված բոլոր ինքնաթիռներին»: Այն տարածվում […] ...
23:51 30.04.2025
43-ամյա կնոջ մարմինը հայտնաբերվել է Ստեփանավան քաղաքի Ձորագետի կիրճումԱպրիլի 30-ին, ողբերգական դեպք է տեղի ունեցել Լոռու մարզում։ Ժամը 12:30-ին ՀՀ ՆԳՆ Ոստիկանության Ստեփանավանի բաժին է դիմել Լոռու մարզի բնակիչ մի տղամարդ և հայտնել, որ ապրիլի 29-ին՝ ժամը 22:20-ի սահմաններում իր կինը դուրս է եկել տանից և չի վերադարձել։ Ինչպես հայտնում է shamshyan.com-ը, ոստիկանության Ստեփանավանի բաժնի ծառայողները, կնոջ ամուսինն ու հարազատները մի քանի ժամ […] ...
