15:25 30.11.2018
«Իմ քայլը» դաշինքի ընտրացուցակը գլխավորող Նիկոլ Փաշինյանը Եղվարդում ընտրողների հետ հանդիպմանը նշեց, որ ամենակարևոր անելիքն ու օրակարգը երկրի բովանդակային փոփոխությունն է: Նա մեկ-երկու կետ ներկայացրեց նախընտրական ծրագրից: Խոսելով օրինականության հաստատման կարևորության մասին՝ նա հռետորական հարցով դիմեց հավաքվածներին.
«Արդյո՞ք մենք մեր իմացած ապօրինությունների ամեն դեպքի արձագանքում ենք, թե՞ ասում ենք` մեր ի՞նչ գործն ա, Նիկոլին դրել ենք վարչապետ, թող ինքը զբաղվի»:
Փաշինյանը կարևորեց մարդկանց վերափոխումը ներքուստ, խոստովանեց` իր կյանքը սկսել է որպես մի քաղաքացի, ով մինչև 2004 թ. ծխել է, 2004-ին թողել է ծխելը, իր կյանքը սկսել է որպես քաղաքացի, որը ծխախոտի մնացորդը գցում էր գետնին, սակայն վերափոխվել է, երբ ուրիշի նետածը գցել է աղբը: Նա ասաց` պետք է իրականությանը հարմարվողից դառնալ իրականությունը փոխող մարդ:
«Մեզնից յուրաքանչյուրը փոխվել է: Երկար տարիներ վախեցրել են, որ մեզ կդատեն, կբռնեն, կխփեն, հեղափոխությունն այն ժամանակ եղավ, երբ հասկացան, որ մենք ոչ դատվելուց ենք վախենում, ոչ բռնվելուց, ոչ խփվելուց: Տեմպը պիտի պահեն, քաղաքական հեղափոխությունը փոխարինենք տնտեսական հեղափոխությամբ: Ասում են` ի՞նչ է փոխվել Հայաստանում: Հայաստանում էն է փոխվել, որ դուք ծակերն եք մտել ու չեք կարողանում դուրս գալ, ու դուրս չեք գալու, մինչև չդառնաք օրինապաշտ քաղաքացի` Հայաստանի քավարանի միջով անցնելով, մեղքերը քավելով»,- ասաց նա:
Փաշինյանն ընդգծեց`այսօր Հայաստանը ժպտացող երկիր է`ժպտացող քաղաքացիով: Նրա խոսքերով`այդ ժպիտն ամենակարևոր արժեքն է, որ ձեռք է բերվել, և այդ ժպիտը պետք է չկորցնել: Նա նաև արձագանքեց իր դեմ ուղղված հակաքարոզչության փորձերին:
«Ասում են հակափիառ. ինչ են անում, վերցնում են իմ ելույթների էն մասերը, որ ես ջղայնացած խոսում եմ, ասում են` տեսեք, ինքն է ուզում լինել վարչապետ: Որովհետև իրենց համար ստանդարտ կա, որ ոչ տխրում են, ոչ ջղայնանում, ոչ ոգևորվում: Այդպիսի վարչապետ Հայաստանում էլ չի լինելու, եթե եղավ, ժողովուրդը քշելու է: Էդ դդում դեմքերը պահեք ձեր ղափամաների համար»,- նշեց Փաշինյանը:
Վարչապետի թեկնածուն խոսեց նաև տնտեսական ոլորտում իրենց առաջարկած փոփոխություններից: Նա ասաց, որ այժմ վերացրել են մենաշնորհը, իսկ իրենց նախընտրական ծրագրի կարևորագույն դրույթներից է թղթարարությունները նվազեցնելը, վարկերի տոկոսները հնարավորինս իջեցնելը, որ ո՛չ ոստիկանությունը, ո՛չ հարկայինը, ո՛չ ԱԱԾ-ն ու դատախազությունը, որևէ մեկը մարդու գործունեությունը խոչընդոտելու հնարավորություն չունենա, ապա վստահեցրեց` այսօր արդեն այդպես է: Փաշինյանը նախազգուշացրեց կաշառք վերցնելու փորձի դիմողներին:
«Այն պաշտոնյան, որ այսօր կաշառք է վերցնում, առնվազն ծալը պակաս է, որովհետև հաջորդ քայլով բանտում է հայտնվելու, այսօր չբռնենք, վաղն ենք բռնելու»,- ասաց նա:
Փաշինյանը նշեց, որ իրենց խնդիրը հնարավորություն ստեղծելն է, իսկ ամենակարևոր հարստությունը մարդիկ են: «Իմ քայլը» կարևորում է, որ կանայք նաև տնտեսական գործունեության մեջ հավասարապես ներգրավված լինեն: Հեղափոխությունը, ըստ Փաշինյանի, բացառիկ է նրանով նաև, որ կանայք և տղամարդիկ հավասար մասնակցություն են ցուցաբերել: Նրա խոսքերով` պետք չէ սպասել, երազել, որ որևէ մեկը կգա, մեր երկիրը կդարձնի երազանքի երկիր:
«2018 թ. շրջադարձային է դրանով, որ եկել է մեր երազանքները կյանքի կոչելու ժամանակը, ով ինչի մասին երազել է, հիմա ժամանակն է, որ վեր կենա և գնա իր երազանքների հետևից: Երբեք թույլ չենք տվել, որ որևէ մեկը մեր փոխարեն բան որոշի և թույլ չենք տալու, հայ ժողովուրդը հետևորդ ժողովուրդ չէ, առաջնորդ ժողովուրդ է»,- ասաց Փաշինյանը:
18:30 01.05.2025
Եվրոպական ժողովրդական կուսակցության կոնգրեսը Հայաստանի վերաբերյալ հրատապ բանաձև է ընդունելՎալենսիայում ընթացող Եվրոպական ժողովրդական կուսակցության կոնգրեսը Հայաստանի վերաբերյալ հրատապ բանաձև է ընդունել: Եվրոպական խորհրդարանի պատգամավոր, Հայաստանի հարցով զեկուցող Միրիամ Լեքսմանը իր ելույթում նշել է, որ ԵԺԿ-ն ցանկանում է հաստատակամորեն աջակցել Հայաստանին ու կանգնել Հայաստանի կողքին՝ իր աշխարհաքաղաքական պայմանների և ուղղվածության պատմական շրջադարձի ժամանակ։ «Մենք ցանկանում ենք աջակցել հայ ժողովրդի ցանկությանը՝ ամրապնդելու օրենքի գերակայությունը և ժողովրդավարությունը […] ...
18:20 01.05.2025
Այն, ինչ անում է Յամալը, նորմալ չէ․ Թիերի ԱնրիՖրանսիայի հավաքականի և Լոնդոնի «Արսենալի» լեգենդար ֆուտբոլիստ Թիերի Անրին տպավորված է «Բարսելոնայի» հարձակվող Լամին Յամալի խաղով: «Այն, ինչ տեսա Յամալի կատարմամբ, նորմալ չէ: Նորմալ չէ, երբ այդպիսի բաներ ես անում 17 տարեկանում: Նրա հանգստությունը, խաղադաշտը տեսնելը և պրեսինգն ապշեցնում են: Ֆուտբոլը միշտ զարմացնում է. երբ մտածում ես, թե ոչ մեկը չի կարող Մեսսիից ու Ռոնալդուից […] ...
18:11 01.05.2025
Մայիսի 1-ը Հայաստանում. տո՞ն, արձակո՞ւրդ, թե՞ հիշեցում իրավունքների մասինԱշխատանքի և աշխատավորների միջազգային օրվա կապակցությամբ Հայաստանի արհմիությունների կոնֆեդերացիան կազմակերպել էր «Արժանապատիվ աշխատանք» խորագրով երթ: Երթը մեկնարկել է մայրաքաղաքի Աբովյան պուրակից և հասել մինչև Հանրապետության հրապարակ: Մանրամասները՝ ռեպորտաժում: ...
17:54 01.05.2025
Ռուսաստան-ԱՄՆ բանակցությունները շարունակվում են. Մայք ՈւոլցՈւկրաինական կարգավորման շուրջ ԱՄՆ-Ռուսաստան բանակցային գործընթացն առաջընթաց է ապրում, Վաշինգտոնը կարծում է, որ համաձայնությունը դեռ հնարավոր է։ Այս մասին Fox News հեռուստաալիքի եթերում հայտարարել է ԱՄՆ ազգային անվտանգության հարցերով խորհրդական Մայք Ուոլցը։ «Գործընթացը առաջ է գնում: Երբեմն այն արտահայտվում է վերելքներով և վայրէջքներով»,- ասել է նա՝ պատասխանելով այն հարցին, թե արդյոք ԱՄՆ վարչակազմը վերանայում է […] ...
17:44 01.05.2025
Մայիսի 3-ին նախատեսված ԱՄՆ-Իրան բանակցությունների չորրորդ փուլը կարող է չկայանալ. AxiosՄայիսի 3-ին Հռոմում նախատեսված Իսլամական Հանրապետության միջուկային ծրագրի շուրջ ամերիկա-իրանական խորհրդակցությունների հերթական փուլը կարող է հետաձգվել։ Այս մասին հայտնում է Axios-ի թղթակից Բարաք Ռավիդը։ «ԱՄՆ-Իրան բանակցությունների չորրորդ փուլը, որը պետք է կայանար այս շաբաթ օրը՝ Հռոմում, հավանաբար կհետաձգվի մինչև հաջորդ շաբաթ», – գրել է Ռավիդը X-ում, փոխանցում է ՏԱՍՍ-ը: ...