1. Ուժեղ  բնավորությամբ մարդիկ գրում են վստահ: Նրանց ձեռագիրը վառ է ու թղթին սեղմած տառերով: Այն մարդիկ, ովքեր տվյալ պահին  տագնապած են կամ վախեցած՝ գրում են  անհամաչափ, անկյուններով, մի տեսակ չմտածելով, թե ինչ տպավորություն կթողնի այդ գրածը այլոց վրա:
2.  Ցածր ինքնագնահատականը ձեռագրի վրա արտահայտվում է բարակ ու համարյա աննկատ գծերով:
3.  Ինքնավստահ մարդիկ փորձում են որքան հնարավոր է շատ տեղ գրավել թղթի վրա: Այդպիսի մարդիկ սովորաբար լուսանցքներ չեն պահպանում և տեքստը «փռում են» ամբողջ թղթի վրա: Անվստահ մարդկանց տեքստը՝  հակառակը, քիչ տեղ է զբաղեցնում թղթի վրա, ձեռագիրը մանր է: Այդպիսի մարդիկ կարծես  թղթի  վրա ևս «կծկվում են»:
4.  Նարցիսները ձեռագրից էլ են երևում: Այն մարդիկ, ովքեր սիրում են գովեստներ, գրում են համաչափ` կարծես փորձելով լավ տպավորություն թողնել նաև ձեռագրի միջոցով:
5. Անհամաչափ «վերուվար տեքստը խոսում է զգացմունքային ու զգայուն բնավորության մասին: Այդպիսի մարդիկ ժամանակ չունեն մտածելու արտաքին գեղեցկության մասին, զբաղված են ներքին բովանդակությամբ:
6. Անփույթ ձեռագրի տեր մարդկանց մի շտապեք վատ որակումներ տալ: Հրեք թուղթը քիչ հեռու,  ու եթե պարզվի, որ տողերը, այդուհանդերձ, համաչափ են, ուրեմն խոսքը  բարձր ինտելեկտով մարդու մասին է:
7.   Այն մասնագիտություների տեր մարդիկ, ովքեր շատ են գրում, օրինակ լրագրողներն ու բժիշկները, ժամանակի ընթացքում ձեռք են բերում, այսպես ասած, «փչացած» ձեռագիր , որովհետև դաստակի մկանները ժամանակի ընթացքում թուլանում են:
8.  Ձեռագիրը կարող է «պատմել» նաև  զանազան հիվանդությունների մասին: Օրինակ՝ «դողացող» զիգզագաձև անկյուններով ձեռագիրը հատուկ է ալկոհոլիզմով տառապող մարդկանց:
9.  Ավելորդ մասնիկները և զարդարանքները «խոսում են» թուլակամ հոգեբանության, անկարողության, կամազրկության մասին:
10. . Ծուռումուռ տառերը, որոնց վերջավորությունները չկան և տառերի միջակայքերը չափից շատ են,  մեծ միջանկյալ կետերով՝ «խոսում են» էպիլեպտիկ նոպաների մասին:
11.  Տարբեր կողմեր թեքված տառերն ու բառերը, որոնց միջև կետեր են դրված, հարցական ու բացականչական նշանների առատությունը «խոսում է» շիզոֆրենիայի մասին:
12.  Մինչդեռ գեղագրությունը երկարացնում է կյանքը: Դա գիտականորեն ապացուցված է: Բանն այն է, որ գեղեցիկ ու համաչափ ձեռագրով գրելու ժամանակ միտքն ու ֆիզիկական ուժերը կենտրոնանում են,  ուղեղը ձերբազատվում է հոգսերից ու խնդիրներից, ինչն էլ բարերար  ազդեցություն է ունենում առողջության վրա: