Ո՞վ է Շիրակի նորանշանակ մարզպետը

ՀՀ կառավարության երեկվա նիստի օրակարգում Շիրակի մարզպետի նշանակման հարցն էր: Իսկ մարզպետ նշանակվեց Տիգրան Պետրոսյանը, որը Շիրակի մարզից է` Գյումրի քաղաքից: Տիգրան Պետրոսյանը ծնվել է 1979թ. մարտի 11-ին:

SHANTNEWS.am-ը ներկայացնում է Պետրոսյանի կենսագրական տվյալները, որոնք արդեն հրապարակվել են նաև Շիրակի մարզպետարանի կայքէջում:

ԿՐԹՈՒԹՅՈՒՆ ԵՎ ԴԱՍԸՆԹԱՑՆԵՐ
1996 թ.-ավարտել է Գյումրու Ղևոնդ Ալիշանի անվան թիվ 8 միջնակարգ դպրոցը: 1996-2004թթ. սովորել և ավարտել է Հայաստանի Ազգային պոլիտեխնիկական համալսարանը՝ «Կենսաբժշկական սարքեր, սարքավորումներ և համակարգեր» մասնագիտությամբ:
2005 թ.-պաշտպանել է գիտական թեզը. տեխնիկական գիտությունների թեկնածու է։
2016-2017թթ. մասնակցել է Կարիտաս Եվրոպա ակադեմիայի (Բրյուսել) «Շահերի պաշտպանությունը և լոբբինգը տեղական, ազգային և ԵՄ մակարդակներում» ուսումնական դասընթացին:

ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅՈՒՆ

1998-2000թթ. ՀԱՊՀ Գյումրու մասնաճյուղում համակարգչային կուրսերի դասընթացավար:
2003-2013թթ. «Շանթ» ՀԸ «Ո՞վ է ուզում դառնալ միլիոնատեր» հեռուստախաղի խմբագիր (2005-2008 թթ. դադարով):
2002-2017թթ. դասախոսել է Հայաստանի Ազգային պոլիտեխնիկական համալսարանի Գյումրու մասնաճյուղում:
2013-2016թթ․ «Հայկական Կարիտաս» բարեսիրական ՀԿ-ի «Էմիլի Արեգակ» հաշմանդամություն ունեցող երեխաների ցերեկային խնամքի կենտրոնի կառուցապատման ծրագրի համակարգող:
2014թ.-ից «Հայկական Կարիտաս» բարեսիրական ՀԿ-ի շահերի պաշտպանության և լոբբինգի պատասխանատու:
2018 թ.-ից դասախոսում է Շիրակի պետական համալսարանում։
2019 թվականի փետրվարի 6-ից ՀՀ Շիրակի մարզպետ:

ՀԱՍԱՐԱԿԱԿԱՆ ԵՎ ՀԱՆՐԱՅԻՆ ԳՈՐԾՈՒՆԵՈՒԹՅՈՒՆ

1998-ից «Արամազդ» ինտելեկտուալ ակումբի անդամ։
2002-2005 թթ. «ՀԱՊՀ ինտելեկտուալ ակումբ»-ի հիմնադիր նախագահ։
2005 թ. ՀԱՊՀ Ուսանողական խորհրդի պատվավոր անդամ:
2006-2013 թթ. մի շարք տեղական ՀԿ-ներում իրականացրել է տարբեր ծրագրային գործառույթներ։
2012-2014 թթ ՀՀ սպորտի և երիտասարդության նախարարության «Երիտասարդական միջոցառումների իրականացման» ՊՈԱԿ-ի առցանց դրամաշնորհների համակարգի փորձագետ։
2012-ից «Կայտբորդինգի զարգացման կենտրոն» ՀԿ-ի հիմնադիր նախագահ։
2014-2015 թթ. Գյումրիում հաշմանդամություն ունեցող անձանց հիմնախնդիրներով զբաղվող կազմակերպությունների ցանցի համակարգող։
2015-2016 թթ. «Գյումրին առանց տնակների» հիմնադրամի խորհրդի անդամ:
2016 -ից «Տարեցների պաշտպանության ցանց»-ի խորհրդի անդամ։
2016 -ից «Երեխաների պաշտպանության ցանց» ՀԿ-ի խորհրդի անդամ։
2016 -ից ՀՀ աշխատանքի և սոցիալական հարցերի նախարարին կից հասարակական խորհրդի անդամ։
2016-ից «Կոմպասս» գիտահետազոտական, կրթական և խորհրդատվական կենտրոն» ՀԿ խորհրդի անդամ։

ԿՈՒՍԱԿՑԱԿԱՆ ՊԱՏԿԱՆԵԼՈՒԹՅՈՒՆԸ
Անկուսակցական է։

ԱՅԼ ՏՎՅԱԼՆԵՐ
Զինապարտ է, չի ծառայել:

ԱՆՁՆԱԿԱՆ ՏՎՅԱԼՆԵՐ
Ամուսնացած է, ունի երկու դուստր։

Հիշեցնենք, որ երեկ՝ հենց նշանակումից հետո Շիրակի նորանշանակ մարզպետն ասել է, թե որն է լինելու իր առաջին աշխատանքը մարզում:

Մանրամասները՝ տեսանյութում: