Ե՞րբ է ՀԴՄ-ներ տրամադրող ՊՈԱԿ-ը դադարեցնելու ձեռնարկատիրական գործունեությունը – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
18 05 2025
  • $
    386.33
  • RUBLE
    4.78
  • 432.69
WEATHER
+25.24 oC

Ե՞րբ է ՀԴՄ-ներ տրամադրող ՊՈԱԿ-ը դադարեցնելու ձեռնարկատիրական գործունեությունը

15:28 29.03.2019

Այսօր ՀՀ կառավարության նիստում ՀԴՄ-ների ներդրման գործընթացն իրականացնող ՊՈԱԿ-ի հետ կապված որոշում է ընդունվել: Որոշվել է, որ ՊՈԱԿ-ը ձեռնարկատիրական գործունեությամբ չի զբաղվելու, և ներմուծում ու տեղադրում չի իրականացվելու: Ի՞նչ ֆունկցիաներ ունի ՊՈԱԿ-ը, և որոշումը երբվանի՞ց է ուժի մեջ մտնելու, լրագրողները հարցրել են ՊԵԿ նախագահին:

«Կառավարության 3 որոշումների փաթեթը, որն այսօր կառավարության հավանությանն արժանացավ, ուժի մեջ է մտնելու հրապարակմանը հաջորդող 10-րդ օրվանից, բացառությամբ ՊՈԱԿ-ի ձեռնարկատիրական գործունեություն իրականացնելու սահմանափակմանը, որն ուժի մեջ է մտնելու պաշտոնական հրապարակման ամսվան հաջորդող 7-րդ ամսվա մեկից, և դրա նպատակն այն է, որ մենք դեռևս ունենք չբավարարված հայտեր, և այդ հայտերը բավարարելու համար ՀԴՄ մեքենաների նոր խմբաքանակ ձեռք բերելու և այդ հայտերն ամբողջությամբ բավարարելու համար որոշակի ժամանակահատված էր անհրաժեշտ: Մեր գնահատմամբ` դա 6 ամսվա ժամանակահատվածն է»,- ասել է Դավիթ Անանյանը:

Ըստ ՊԵԿ նախագահի՝ ՊՈԱԿ-ն ամբողջությամբ դադարեցնելու է իր ձեռնարկատիրական գործունեությունը, երբ որ անցնի անցումային ժամանակաշրջանը: Այդուհետ կունենա երեք գործառույթ:

«Առաջինը՝ սահմանամերձ բնակավայրերում և համայնքներում գործունեություն իրականացնող հարկ վճարողներին տրամադրելու է անվճար հսկիչ դրամարկղային մեքենաներ և ՀԴՄ-ների անվճար տեխնիկական սպասարկում է իրականացնելու: Մեկ գործառույթ էլ կա, այն տնտեսվարողները, որոնք ցանկություն կունենան ոլորտում գործունեություն իրականացնել և ներմուծել ՀԴՄ-ներ և վաճառել, տեխնիկական սպասարկում իրականացնել, այդ հսկիչ դրամարկղային մեքենաների տեխնիկական պարամետրերի հնարավորությունների համապատասխան վերլուծություն պետք է իրականացնի ՊՈԱԿ-ը, և համապատասխան եզրակացությունը պետք է հրապարակի ՊԵԿ-ի պաշտոնական կայքում, որպեսզի անձինք, ովքեր ձեռք են բերում այս կամ այն տնտեսավարողից հսկիչ դրամարկղային մեքենա, իմանան, որ այ էդ մոդելի տվյալ ՀԴՄ-ի տեխնիկական պայմանների համապատասխան եզրակացություն կա»,- ասել է Անանյանը:

Ինչ վերաբերում է գների ուսումնասիրմանը.

«Չենք ուսումնասիրել, որովհետև դա արդեն մեզ չի հետաքրքրում: Ոլորտի ազատականացման իմաստն այն է, որ ՀԴՄ-ների թե՛ գները, թե՛ դրանց տեխնիկական սպասարկման գներն ամբողջությամբ որևէ ձևով պետության կամ ներկայացնող մեկ այլ կառույցի միջոցով չի վերահսկվելու»,- հավելել է ՊԵԿ նախագահը՝ նշելով, որ չի կարող ասել՝ արդյունքում ավելի թա՞նկ կլինեն ՀԴՄ-ները, թե՞ ավելի մատչելի, բայց խնդիրը շուկայի ազատականացումն է: Դաշտում որքան շատ լինեն խաղացողները, ժամանակի ընթացքում, բնականաբար, բոլոր գները կնվազեն:

Ըստ Դավիթ Անանյանի՝ այսօր կան շուրջ 10 կազմակերպություններ, որոնք եկել և չբացահայտման համաձայնագիր են կնքել ՊՈԱԿ-ի հետ.

«Դա ի՞նչ է նշանակում. որպեսզի ՀԴՄ-ների տեխնիկական պարամետրերն ուսումնասիրվեն, այդ կազմակերպությունները պետք է ուսումնասիրեն մեր ծրագրային ապահովումները, որպեսզի ՀԴՄ-ները մեր ծրագրային ապահովմանը, մեր ցանցին կարողանան կպնել, հասանելիություն ապահովեն, հետևաբար մեր ցանցի ուսումնասիրության, մեր ծրագրային ապահովումների ուսումնասիրության համար այդ կազմակերպությունները մեզ հետ կնքել են չբացահայտման համաձայնագիր: Ենթադրվում է, որ մոտ ապագայում այդպիսի կազմակերպությունների թիվը կշատանա»,- ասել է ՊԵԿ նախագահը՝ վստահություն հայտնելով, որ երբ ՊՈԱԿ-ը դադարի այսօր իրականացնող որոշ գործառույթներ չիրականացնել, դաշտում կլինեն ընկերություններ, որոնք կփակեն բացը, և խնդիրներ չեն առաջանա: ՊԵԿ-ը տեղեկատվություն ունի, որ կան ընկերություններ, որոնք ներմուծել են ՀԴՄ-ներ և աշխատում են ՊԵԿ-ի հետ: Աշխատանքի դանդաղման հարցում նշանակություն է ունեցել նաև կառավարության կողմից որոշումների ընդունման ձգձգումը:

Նոր սերնդի ՀԴՄ-ներից օգտվելու շուրջ 24 հազար հայտ է ներկայացվել, որից բավարարվել է կեսը՝ 11 հազար 980-ը: Շուրջ 6000 ՀԴՄ արդեն տրամադրվել է, մոտ 3000-ը կա, որ անձինք չեն գալիս, չեն տանում: ՊԵԿ նախարարը հորդորել է գալ, տանել ՀԴՄ-ները, հակառակ դեպքում ՊԵԿ-ը կարող է վարչարարություն փոխել:

 

Բոլոր լուրերը

Կապակցված լուրեր

Եվրատեսիլ մրցույթի հաղթող է ճանաչվել Ավստրիան ներկայացնող երգիչ Ջեյ Ջեյ

12:00 18.05.2025

Եվրատեսիլ մրցույթի հաղթող է ճանաչվել Ավստրիան ներկայացնող երգիչ Ջեյ Ջեյ

Եվրատեսիլ մրցույթի հաղթող է ճանաչվել Ավստրիան ներկայացնող երգիչ Ջեյ Ջեյը՝ «Wasted Love» երգով։ Մրցույթի եզրափակիչը տեղի է ունեցել շաբաթ օրը շվեյցարական Բազել քաղաքում։ Ժյուրիի և հանդիսատեսի քվեարկության արդյունքում, մրցույթի եզրափակչում Ավստրիայի ներկայացուցիչը վաստակել է 436 միավոր։ Երկրորդ տեղը գրավել է Իսրայելի ներկայացուցիչ Յուվալ Ռաֆայելը (357): Հայաստանի պատվիրակ Պարգը քվեարկության արդյունքում զբաղեցրել է 20-րդ հորիզոնականը։ ...

Ռուբիոն զգուշացրել է, որ Կոնգրեսը կարող է խստացնել պատժամիջոցները Մոսկվայի դեմ

11:23 18.05.2025

Ռուբիոն զգուշացրել է, որ Կոնգրեսը կարող է խստացնել պատժամիջոցները Մոսկվայի դեմ

ԱՄՆ Կոնգրեսը կարող է շուտով խստացնել հակառուսական պատժամիջոցները, եթե առաջընթաց չգրանցվի Ուկրաինայի հակամարտության խաղաղ կարգավորման շուրջ բանակցություններում, այս մասին Ռուսաստանին զգուշացրել է ԱՄՆ վարչակազմը։ CBS News-ին տված հարցազրույցում հայտարարել է պետքարտուղար Մարկո Ռուբիոն։ Նրան խնդրեցին մեկնաբանել Ռուսաստանի Դաշնության դեմ սահմանափակումները խստացնելու մասին օրինագծի հաստատման հնարավորությունը։ «Մենք խնդրեցինք Կոնգրեսին մեզ որոշ ժամանակ տալ՝ տեսնելու, թե արդյոք […] ...

Տարադրամի փոխարժեքները մայիսի 18-ին

11:00 18.05.2025

Տարադրամի փոխարժեքները մայիսի 18-ին

Shantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 385 դրամ, վաճառքի նվազագույն արժեքը՝ 387․5 դրամ: Եվրոյի առքի առավելագույն արժեքն է 431 դրամ, վաճառքի նվազագույն արժեքը՝ 435 դրամ: Ռուսական ռուբլու առքի առավելագույն արժեքն է 4․75 դրամ, վաճառքի նվազագույն արժեքը՝ 4․83 դրամ: ...

Գազայում հայտնել են 24 ժամվա ընթացքում 153 զոհի մասին

10:33 18.05.2025

Գազայում հայտնել են 24 ժամվա ընթացքում 153 զոհի մասին

Վերջին 24 ժամվա ընթացքում Գազայի հատվածին Իսրայելի կողմից հասցված հարվածների հետևանքով զոհվել է ավելի քան 150 մարդ, մոտ 460-ը վիրավորվել են։ Այս մասին հայտնել է պաղեստինյան անկլավի առողջապահության նախարարությունը։ Գերատեսչության փոխանցմամբ՝ վերջին 24 ժամվա ընթացքում 459 վիրավոր է գրանցվել, 153 զոհվածի մարմին տեղափոխվել է տարածաշրջանի հիվանդանոցներ։ Բացի այդ, գերատեսչությունը նշել է, որ իսրայելական հարձակումների անհայտ […] ...

Ավտոմեքենան դուրս է եկել ճանապարհի երթևեկելի հատվածից և շրջվել ջրատարը

10:00 18.05.2025

Ավտոմեքենան դուրս է եկել ճանապարհի երթևեկելի հատվածից և շրջվել ջրատարը

Մայիսի 17-ին, ժամը 21:13-ին Արարատի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Խարբերդ գյուղի գերեզմանատան մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Խարբերդ գյուղի գերեզմանատան մոտակայքում «Tesla» մակնիշի ավտոմեքենան դուրս է […] ...

ABC. Կալիֆոռնիայում պայթյուն է տեղի ունեցել

23:59 17.05.2025

ABC. Կալիֆոռնիայում պայթյուն է տեղի ունեցել

Կալիֆոռնիայի Պալմ Սփրինգս քաղաքում պայթյուն է տեղի ունեցել։ Այս մասին հայտնել է ABC հեռուստաընկերությունը: Դեպքի պատճառները դեռևս պարզված չեն։ Տեղում աշխատում են արտակարգ իրավիճակների ծառայություններ։ Զոհերի մասին դեռևս տեղեկություններ չկան։ NBC-ի տվյալներով՝ բժշկական կենտրոնի մոտակայքում, հնարավոր է, մեքենա է պայթել։ ...

BACK_TO_TOP