Արդյոք ընդունելի՞ է Վրաստանի համար առանց Աբխազիայի և Հարավային Օսիայի ՆԱՏՕ-ին անդամակցելը. Անդերս Ֆոգ Ռասմուսեն – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
17 07 2025
  • $
    384.12
  • RUBLE
    4.88
  • 445.00
WEATHER
+27.09 oC

Արդյոք ընդունելի՞ է Վրաստանի համար առանց Աբխազիայի և Հարավային Օսիայի ՆԱՏՕ-ին անդամակցելը. Անդերս Ֆոգ Ռասմուսեն

16:10 10.09.2019

«Կարծում եմ, որ դուք պետք է սկսեք քննարկումներ այն մասին, թե արդյոք առանց Աբխազիայի և Հարավային Օսիայի ՆԱՏՕ-ին անդամակցելը ընդունելի՞ է Վրաստանի համար: Խնդիրն այն է, թե որն է առավել ռիսկային` ներկայիս  իրավիճա՞կը, թե՞ նոր խոսակցություններ սկսելը ՆԱՏՕ-ի հնարավոր անդամակցության վերաբերյալ»,- «ԻնտերպրեսՆյուս»-ին տված հարցազրույցում ասել է ՆԱՏՕ-ի նախկին գլխավոր քարտուղար Անդերս Ֆոգ Ռասմուսենը:

«Եթե Վրաստանը ցանկանում է դառնալ ՆԱՏՕ-ի անդամ, պետք է շարունակեք բարեփոխումները, որը ներառում է պայքարը կոռուպցիայի դեմ, խոսքի ազատության երաշխավորում, փոքրամասնությունների իրավունքների պաշտպանություն, սակայն հիմնական խնդիրը գրավյալ տարածքներն են: Վրաստանը կատարում է ՆԱՏՕ-ի  անդամակցության համար անհրաժեշտ չափանիշները` առանց հաշվի առնելու Ռուսաստանի կողմից գրաված տարածքները, այնպես որ, կարծում եմ, որ դուք պետք է սկսեք քննարկումներ այն հարցի վերաբերյալ, թե արդյո՞ք Վրաստանին ընդունելի է ՆԱՏՕ-ին անդամակցությունն առանց Աբխազիայի և Հարավային Օսիայի: Վրաստանը պետք է որոշի դա, այնուհետ այդ մասին տեղեկացնի ՆԱՏՕ-ին»,- ասել է Ռասմուսենը:

Նրա խոսքով` խնդիրը լուրջ է, նաև ռիսկային, այդուամենայնիվ, կարծում է, որ պետք է խուսափել Պուտինի դե ֆակտո վետոյից:

«Նա գիտի, որ ՆԱՏՕ-ն և ԵՄ-ն ամենաքիչն են ցանկանում այդ խնդիրը տեղափոխել մեր կազմակերպություններ, այդ իսկ պատճառով շարունակում է Աբխազիայի և Հարավային Օսիայի բռնազավթումը: Այնուամենայնիվ, եթե Վրաստանն ասում է ՝ լավ, մենք պատրաստ ենք ՆԱՏՕ-ին անդամակցել առանց Աբխազիայի և Հարավային Օսիայի, մենք պատրաստ ենք նրան, որ 5-րդ հոդվածը տարածվի միայն Վրաստանի կենտրոնական իշխանությունների կողմից ամբողջովին վերահսկվող տարածքների վրա, վստահաբար կարող ենք ասել, որ Պուտինը չի կկարողանա վետո դնել Վրաստանի անդամակցությանը ՆԱՏՕ-ին: Դա կլինի Վրաստանի ու Ռուսաստանի որոշումը: Ճիշտ է, ՆԱՏՕ-ի  անդամակցությունը կախված չէ մեկ քայլից, բայց դա հիմք կհանդիսանա, որ վրացական կառավարությունը վերսկսի  բանակցությունները ՆԱՏՕ-ին անդամակցության շուրջ»,- ասել է Ռասմուսենը:

Բոլոր լուրերը

Կապակցված լուրեր

Մեկական վորքաութ մարզահրապարակի բացման միջոցառումներ՝ Կապան, Ջերմուկ, Ճամբարակ և Բերդ համայնքներում

23:59 17.07.2025

Մեկական վորքաութ մարզահրապարակի բացման միջոցառումներ՝ Կապան, Ջերմուկ, Ճամբարակ և Բերդ համայնքներում

Գործադիրն ընդունել է որոշում, որը կնպաստի հանրության շրջանում վորքաութ մարզահրապարակների քանակի ավելացմանը: Այն հնարավորություն կտա վորքաութով զբաղվելու մշակույթը ինտեգրել համայնքների սոցիալական միջավայրին, որպեսզի մարզումները և սպորտով զբաղվելն ընկալվի որպես առօրյա կյանքի բաղկացուցիչ մաս: Ըստ այդմ՝ նախատեսվում է կազմակերպել մեկական մարզահրապարակի բացման միջոցառումներ Կապան, Ջերմուկ, Ճամբարակ և Բերդ համայնքներում։ Ծրագրի մեկնարկին զուգահեռ կիրականացվի իրազեկող տեսանյութերի նկարահանում […] ...

Սոֆիայում անցկացվել է Հայաստան-Բուլղարիա միջկառավարական հանձնաժողովի 9-րդ նիստը

23:56 17.07.2025

Սոֆիայում անցկացվել է Հայաստան-Բուլղարիա միջկառավարական հանձնաժողովի 9-րդ նիստը

ՀՀ ԲՏԱ նախարար Մխիթար Հայրապետյանը Ֆեյսբուքի իր էջում գրել է, որ այսօր Սոֆիայում` որպես նիստի համանախագահ, մասնակցել է Հայաստանի Հանրապետության և Բուլղարիայի Հանրապետության միջև տնտեսական և գիտատեխնիկական համագործակցության հարցերով միջկառավարական հանձնաժողովի իններորդ նիստին։ «Նիստի բացման իմ խոսքում կարևորել եմ երկու երկրների միջև համագործակցության ուղիների ամրապնդումը` ընդգծելով ՀՀ բարձր տեխնոլոգիական արդյունաբերության նախարարության պատրաստակամությունը` նախաձեռնություններն իրական ծրագրերի […] ...

Շառլ Ազնավուրի արձանի բացման արարողության շրջանակում փակ փողոցներ կլինեն

23:50 17.07.2025

Շառլ Ազնավուրի արձանի բացման արարողության շրջանակում փակ փողոցներ կլինեն

Երևանի քաղաքապետարանից տեղեկացնում են, որ հուլիսի 18-ին Շառլ Ազնավուրի հրապարակում՝ Մոսկվա կինոթատրոնի դիմաց, մեծանուն արվեստագետ, շանսոնյե, Հայաստանի ազգային հերոս Շառլ Ազնավուրի արձանի պաշտոնական բացման արարողության շրջանակում ժամը 10։00-ից մինչև 12:00-ն ընկած ժամանակահատվածում Աբովյան-Թումանյան փողոցների խաչմերուկից մինչև Աբովյան-Պուշկինի փողոցների խաչմերուկի երթևեկությունը փակ կլինի։ ...

Պարոնյան փողոցում ծառի հսկայական ճյուղը կոտրվել և ընկել է կայանված «Hyundai Elantra»-ի վրա

23:47 17.07.2025

Պարոնյան փողոցում ծառի հսկայական ճյուղը կոտրվել և ընկել է կայանված «Hyundai Elantra»-ի վրա

Հուլիսի 17-ին, արտակարգ դեպք է տեղի ունեցել Երևանում։ Ժամը 22:00-ի սահմաններում Պարոնյան փողոցի թիվ 22 շենքի մոտ ծառի հսկայական ճյուղը կոտրվել ու ընկել է բակում կայանված «Hyundai Elantra» մակնիշի ավտոմեքենայի վրա։ Ինչպես հայտնում է shamshyan.com-ը, ըստ նախնական տեղեկությունների բարեբախտաբար տուժածներ չկան։ Փրկարարները քաղաքացիների օգնությամբ ծառը հեռացրել են ավտոմեքենայի վրայից։ Դեպքի վայր են ժամանել նաև ՀՀ […] ...

Անհետ կորած 13-ամյա աղջիկը հայտնաբերվել է

23:42 17.07.2025

Անհետ կորած 13-ամյա աղջիկը հայտնաբերվել է

Հուլիսի 17-ին ՆԳՆ ոստիկանության օպերատիվ կառավարման կենտրոն քաղաքացուց հաղորդում է ստացվել, որ նույն օրը իր 13-ամյա աղջիկը դուրս է եկել տնից և չի վերադարձել։ Համայնքային ոստիկանության Տարոնի բաժնի ծառայողների ձեռնարկած միջոցառումների արդյունքում մի քանի ժամ անց երեխան հայտնաբերվել է և փոխանցվել է ծնողներին։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ […] ...

Սալոմե Զուրաբիշվիլին մեղադրում է իր երկրի իշխանություններին հայ բեռնափոխադրողների նկատմամբ խտրականնության ու Հայաստանը մեկուսացնելու փորձի մեջ

23:33 17.07.2025

Սալոմե Զուրաբիշվիլին մեղադրում է իր երկրի իշխանություններին հայ բեռնափոխադրողների նկատմամբ խտրականնության ու Հայաստանը մեկուսացնելու փորձի մեջ

Հայ-վրացական սահմանային անցակետում հայ բեռնափոխադրողների նկատմամբ խտրական վերաբերմունքը Վրաստանի ներքաղաքական դիսկուրսի թեմա է դարձել: Ընդիմությունը մեղադրում է իշխանությանը Հայաստանի հետ հարաբերությունները վնասելու մեջ: Կոնկրետ ովքե՞ր են այս գնահատականը հնչեցնողները և կա՞ արդյոք ինչ-որ դրական դինամիկա Վրաստանում հայ բեռնափոխադրողների խնդիրների լուծման հարցում: Այս հարցերին «Հորիզոնում» անդրադարձել է Արտյոմ Երկանյանը։ Մանրամասները՝ ամբողջական հարցազրույցում: ...

BACK_TO_TOP