18:08 26.11.2019
ՀՀ գլխավոր դատախազն աշխատանքային այցով գտնվում է Արցախի Հանրապետությունում: Այս մասին հայտնում են ՀՀ գլխավոր դատախազությունից: Այցի շրջանակներում ՀՀ գլխավոր դատախազի գլխավորած պատվիրակությանն ընդունել է Արցախի Հանրապետության նախագահ Բակո Սահակյանը: Հանդիպման ընթացքում քննարկվել են իրավական ոլորտում Հայաստանի և Արցախի Հանրապետությունների դատախազական համակարգերի միջև համագործակցության զարգացմանը, այդ շրջանակներում ԱՀ դատախազության կարողությունների զարգացմանը, հանցավորության դեմ պայքարում իրավապահ մարմինների փոխգործակցության, իրավական օգնության մեխանիզմների կատարելագործման հնարավորություններն ու հեռանկարները:
Արթուր Դավթյանը մասնակցել է Արցախի Հանրապետության դատախազության օրվա առթիվ կազմակերպված հանդիսավոր նիստին: Արցախի դատախազներին և դատախազության աշխատակիցներին ուղղված իր շնորհավորական խոսքում ՀՀ գլխավոր դատախազը, մասնավորապես, նշել է, որ Արցախի դատախազությունը կայացել է որպես համակարգ՝ առանցքային դերակատարություն ստանձնելով ողջ դատաիրավական համակարգում և հանդիսանալով Արցախում օրինականության ապահովման, քրեաիրավական ոլորտի բնականոն գործունեության հիմնական երաշխավորն ու շարժիչը: Նաև դրա շնորհիվ Արցախն իր ներքին իրավական կայունությամբ, հանցավորության վիճակի կատարյալ վերահսկելիությամբ, իրավապահ մարմինների փոխհամագործակցության մակարդակով ու համակարգվածությամբ շահեկանորեն տարբերվում է աշխարհի կողմից ճանաչված, այդ թվում նաև տարածաշրջանի շատ երկրներից: Ըստ գլխավոր դատախազի՝ երկու երկրների դատախազությունների միջև նախորդ տասնամյակներին ձևավորվել են հարաբերությունների կայուն ավանդույթներ, որոնք էապես նպաստում են հայկական երկու հանրապետություններում ժողովրդավարական հասարակությունների բնականոն կենսագործունեության և զարգացման համար անհրաժեշտ օրինականության և ներքին իրավական անվտանգության միջավայրի ամրապնդմանը:
Այցի շրջանակներում ՀՀ գլխավոր դատախազը Ստեփանակերտում նաև խորհրդակցություն է անցկացրել զինվորական դատախազության դատախազների հետ: Քննարկվել են 2019թ. ընթացքում զինված ուժերի ստորաբաժանումներում հանցավորության վիճակին, միտումներին, արձանագրված հանցագործության դեպքերով իրականացվող քննությունների օրինականության նկատմամբ դատախազական հսկողության ակտուալ խնդիրներին, զինված ուժերում կոռուպցիայի դեմ պայքարի արդյունավետությանը վերաբերող հարցերի լայն շրջանակ:
ՀՀ գլխավոր դատախազը առաջնային է համարել կայազորների զինվորական դատախազությունների սպասարկման ներքո գտնվող զորամասերում, ԶՈՒ այլ ստորաբաժանումներում հանցագործությունների նախականխման և կանխման, զինծառայողների, սպաների և շարքային զինծառայողների միջև հարաբերություններում ոչ կանոնագրքային վարքագծի դրսևորումները բացառելու ուղղությամբ իրականացվող միջոցառումների շարունակման անհրաժեշտությունը:
Քրեական գործերի քննությունների օրինականության նկատմամբ դատախազական հսկողության շրջանակներում ՀՀ գլխավոր դատախազը շեշտել է դատավարության մասնակիցների իրավունքների պատշաճ պաշտպանության ապահովումը, ինչպես նաև հանցագործությունները ծնող պայմանների ու պատճառների վերացման ուղղությամբ դատախազական ներգործության միջոցների գործադրումը: Ելնելով խորհրդակցության արդյունքներից՝ Արթուր Դավթյանը տվել է կոնկրետ հանձնարարություններ:
23:59 12.08.2025
Ավինյան. Երևանցիների համար ստեղծելու ենք անվտանգ ու հարմարավետ բակային միջավայրԵրևանի յուրաքանչյուր բակ պետք է լինի հարմարավետ, կանաչ ու հասանելի մարդկանց համար։ Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը: «Մալաթիա-Սեբաստիա վարչական շրջանում շարունակում ենք համայնքային հողերի վերադարձման և ապօրինի ավտոտնակների ապամոնտաժման աշխատանքները, որոնց փոխարեն երևանցիների համար ստեղծելու ենք անվտանգ ու հարմարավետ բակային միջավայր՝ խաղահրապարակներով, կանաչապատ ու խնամված տարածքներով»,- գրել է նա: […] ...
23:55 12.08.2025
Մխիթարյանի «Ինտերը» երրորդն է ՈՒԵՖԱ-ի վարկանիշային աղյուսակումՈՒԵՖԱ-ն օգոստոսի 12-ին թարմացրել է եվրոպական ակումբների վարկանիշային աղյուսակը, որը շարունակում է գլխավորել Մադրիդի «Ռեալը»: Երկրորդ տեղ է բարձրացել Մյունխենի «Բավարիան», որը նախորդ մրցաշրջանում երրորդն էր: «Մանչեսթեր Սիթին» երկրորդ տեղից նահանջել է 4-րդ տեղ: Միլանի «Ինտերը», որտեղ խաղում է Հենրիխ Մխիթարյանը, 3-րդն է: Նախորդ մրցաշրջանում միլանյան ակումբը 6-րդն էր: Լավագույն տասնյակում են նաև «Լիվերպուլը», ՊՍԺ-ն, […] ...
23:50 12.08.2025
Աշտարակ-Երևան ավտոճանապարհին՝ Ադամյան դպրոցի դիմաց «Volkswagen»-ը բախվել է ծառին և գլխիվայր շրջվել․ կա վիրավորՕգոստոսի 12-ին, ավտովթար է տեղի ունեցել Կոտայքի մարզում։ Ժամը 21։00-ի սահմաններում Աշտարակ-Երևան ավտոճանապարհին՝ Ադամյան դպրոցի դիմաց Կոտայքի մարզի բնակիչ 23-ամյա Ռաֆայել Թ․-ն իր վարած «Volkswagen» մակնիշի ավտոմեքենայով դուրս է եկել ճանապարհի երթևեկելի գոտուց, բախվել ծառի և գլխիվայր շրջվել։ Ինչպես հայտնում է shamshyan.com-ը, վթարի հետևանքով վարորդը տեղափոխվել է «Արմենիա» բժշկական կենտրոն, որտեղ հետազոտվելուց հետո դուրս է […] ...
23:46 12.08.2025
Կամչատկայում 5.5 մագնիտուդով երկրաշարժ է տեղի ունեցելԿամչատկայում տեղի է ունեցել 5.5 մագնիտուդով երկրաշարժ։ Այս մասին հայտնել է Ռուսաստանի գիտությունների ակադեմիայի միասնական երկրաֆիզիկական ծառայության Կամչատկայի մասնաճյուղը։ Սեյսմոլոգների տվյալներով՝ օջախը գտնվել է 65.3 կմ խորության վրա։ Երկրաշարժը տեղի է ունեցել Պետրոպավլովսկ-Կամչատկայից 275 կմ հեռավորության վրա։ Զոհերի և վիրավորների մասին չկան տեղեկություններ: ...
23:40 12.08.2025
Արարատի մարզի Տափերական գյուղում բախվել են «Nissan Rogue»-ը, «Mitsubishi»-ն, «Ford Transit»-ը և «ՎԱԶ 2121»-ը․ կա վիրավորՕգոստոսի 12-ին, շղթայական ավտովթար է տեղի ունեցել Արարատի մարզում։ Ժամը 17։30-ի սահմաններում Տափերական գյուղում բախվել են Երևանի բնակիչ 28-ամյա Հրանտ Հ․-ի վարած «ՎԱԶ 2121» մակնիշի, Սյունիքի մարզի բնակիչ 30-ամյա Մարզպետունի Ս․-ի վարած «Mitsubishi» մակնիշի, Արարատի մարզի բնակիչներ 35-ամյա Գալուստ Ա․-ի վարած «Nissan Rogue» մակնիշի և 52-ամյա Մայիս Է․-ի վարած «Ford Transit» մակնիշի ավտոմեքենաները։ Ինչպես հայտնում […] ...
23:32 12.08.2025
Բալոտելին հայտարարել է, որ երազում է խաղալ «Ռեալում»«Ինտերի», «Միլանի» և «Մանչեսթեր Սիթիի» նախկին հարձակվող Մարիո Բալոտելին հայտարարել է, որ երազում է խաղալ Մադրիդի «Ռեալում»։ 34-ամյա իտալացին La Gazzetta dello Sport-ի հետ հարցազրույցում, պատասխանելով չիրականացված նպատակների մասին հարցին, ասել է. «Խաղալ Մադրիդի «Ռեալում»»։ Բալոտելիի վերջին ակումբը եղել է «Ջենովան», որի հետ նրա պայմանագիրը լուծարվել է 2025 թվականի հուլիսի 1-ին։ 2024/25 մրցաշրջանում նա մասնակցել […] ...
