20:08 29.12.2019
Վարչապետի տիկին Աննա Հակոբյանը «Հեռանկար» հաղորդաշարի ընթացքում հաղորդման վարող Արամ Աբրահամյանի հետ ամփոփել է անցնող 2019 թվականը:
Մասնավորապես խոսել է այն մասին, թե ինչ վերաբերմունք ունի այն երևույթի նկատմամբ, երբ իրեն կամ ընտանիքի հասցեին վատ խոսքեր են ասվում:
«Բացարձակապես չեմ նեղվում, երբ վատ բան են ասում: Վատ բան ասվածը շատ լայն հասկացողություն է: Երբ վատ բան է ասվում, և ուզում եմ արձագանքել, արձագանքում եմ: Ես նեղվում եմ ոչ այնքան իշխանության ներկայացուցչի կամ վարչապետի տիկնոջ դիրքերից, որքան, որպես լրագրող, մասնագիտական ինքնասիրությունս է վիրավորվում, երբ որ սուտ են գրում»,-նշել է նա և վստահեցրել, որ եթե իրենց մասին գրված նյութերի հետ կապված երկրորդ, երրորդ ճշտումներ կատարվեին՝ 90 տոկոսն ուղղակի չէր հրապարակվի:
Անդրադառնալով Ադրբեջանի առաջին տիկին Մեհրիբան Ալիևային Արցախ հրավիրելու վերաբերյալ հնչած քննադատություններին՝ Աննա Հակոբյանն ասել է, որ խոսքը խաղաղության հաստատման մասին է:
«Ադրբեջանի առաջին տիկնոջն ուղղված հրավերը կարող ենք դիտարկել բացառապես այդ արշավի շրջանակներում: Այդ արշավի շրջանակներում ես Ադրբեջանի կանանց, մայրերին կոչ եմ արել միանալ ինձ և իրենց խոսքն ասել հանուն խաղաղության. ինչը տրամաբանական եմ համարում: Ես, որպես Հայաստանի ղեկավարի տիկին, ինչո՞ւ չպետք է ասեմ, որ խաղաղությունն է գերագույն արժեքը, և զոհեր պետք չեն երկուստեք,-ասել է Հակոբյանը և ավելացրել,-Մեր ամեն մի քայլը կարող է քննադատություն առաջացնել, բայց կարևոր է թե դու որքանով ես համերաշխ այն ամեն ինչի հետ, ինչ որ անում ես, ինչքանով ես կարևորում. և եթե կարևոր է, կարելի է նաև ռիսկի գնալ: Այսինքն ես այնքան եմ կարևորում «կանայք հանուն խաղաղության» արշավը և այն ուղերձը, որ դրա շրջանակներում հնչում է, որ հնարավոր հետևանքները՝ սպեկուլիացիաները, զիջում են՝ այսինքն պատճառ չեն հանդիսանում որպեսզի ես այդ ուղերձը չհղեմ»:
Իսկ ի՞նչ սպասումներ ունի Աննա Հակոբյանը 2020 թվականից: Նա ցանկանում է, որ 2020 թվականը Հայաստանի Հանրապետության և Արցախի համար լինի այնպիսին, ինչպիսին 2019 թվականն էր:
«Լինի նույնը կամ ավելին, որովհետև կարծում եմ՝ 2019 թվականի համար շշմելու արդյունքներ են հրապարակվում»:
Նշենք, որ «Շանթ» հեռուստաընկերության «Հորիզոն» լրատվական թողարկման շրջանակում երեկ երեկոյան հեռարձակվել է ՀՀ վարչապետի տիկին Աննա Հակոբյանի հետ հարցազրույցից մի հատված: Ամբողջական հարցազրույցը կլինի հունվարի 1-ին՝ SHANTNEWS-ով:
13:11 09.06.2025
Վերականգնվել է պետությանը պատճառված 459 մլն դրամի վնասը. ՔԿՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում նախաձեռնված քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ էլեկտրոնիկայի և կահույքի ներմուծմամբ ու վաճառքով զբաղվող խանութի ցանցերի միջոցով գործունեություն իրականացնող ընկերության կողմից առանձնապես խոշոր չափերով հարկեր չեն վճարվել: Այս մասին հայտնել են քննչական կոմիտեից: Նախաքննության ընթացքում ձեռնարկված քննչական և […] ...
13:00 09.06.2025
Իրանը պատրաստ է առաջիկա օրերին պատասխանել ԱՄՆ-ի միջուկային համաձայնագրի առաջարկինԻրանը առաջիկա օրերին կպատասխանի Թեհրանի միջուկային ծրագրի շուրջ ստեղծված իրավիճակը կարգավորելու ԱՄՆ առաջարկին, հայտարարել է Իսլամական Հանրապետության Ատոմային էներգիայի կազմակերպության մամուլի խոսնակ Բեհրուզ Կամալվանդին։ «Իրանի պատասխանը ԱՄՆ-ի գրավոր առաջարկին գրեթե պատրաստ է և կփոխանցվի առաջիկա օրերին», – նրա խոսքերն է մեջբերում իրանական «Թասնիմ» լրատվական գործակալությունը։ Իրանի և Միացյալ Նահանգների ներկայացուցիչները մայիսի 23-ին Հռոմում անցկացրեցին բանակցությունների […] ...
12:55 09.06.2025
Օրբանը կարծում է, որ Ուկրաինան ի վիճակի չէ անդամակցել ՆԱՏՕ-ին և ԵՄ-ինՈւկրաինան ի վիճակի չէ դառնալ ՆԱՏՕ-ի և ԵՄ-ի անդամ, քանի որ այդ երկրի տնտեսական վիճակը անբավարար է։ Այս մասին հայտարարել է Հունգարիայի վարչապետ Վիկտոր Օրբանը LCI հեռուստաալիքին տված հարցազրույցում։ «Ուկրաինան ի վիճակի չէ դառնալ ՆԱՏՕ-ի կամ ԵՄ-ի անդամ։ Ուկրաինան սնանկացած էր նույնիսկ հակամարտությունից առաջ։ 1990-ականներին ուկրաինացիները չկարողացան կառուցել նորմալ գործող տնտեսություն ունեցող պետություն», – ասել […] ...
12:50 09.06.2025
Թեհրանը կարող է վերանայել Ատոմային էներգիայի միջազգային գործակալության հետ հարաբերությունները Իրանի դեմ բանաձևի ընդունման դեպքումԻրանը կարող է վերանայել իր հարաբերությունները Ատոմային էներգիայի միջազգային գործակալության (ԱԷՄԳ) հետ, եթե կազմակերպության կառավարիչների խորհուրդը բացասական որոշում կայացնի Իրանի միջուկային ծրագրի վերաբերյալ։ Այս մասին կիրակի օրը հայտարարել է Իրանի Ատոմային էներգիայի կազմակերպության ներկայացուցիչ Բեհրուզ Կամալվանդին, հաղորդում է Tasnim գործակալությունը։ «Անցյալ անգամ մենք զգուշացրինք, բայց նրանք մեզ չլսեցին, և մենք յոթ անգամ մեծացրինք մինչև 60% […] ...
12:40 09.06.2025
Վենսը Բայդենի կողմից Ուկրաինային տրամադրված ռազմական օգնությունը անվանել է խելագարությունԱՄՆ փոխնախագահ Ջեյ Դի Վենսը քննադատել է ԱՄՆ նախկին նախագահ Ջո Բայդենի վարչակազմին՝ Կիևին ռազմական օգնություն տրամադրելու և Ուկրաինայում հակամարտության դիվանագիտական կարգավորում փնտրելու ցանկության բացակայության համար։ «Բայդենի վարչակազմի օրոք դա խելագարություն էր։ Նրանք այնքան շատ գումար ծախսեցին ամբողջ աշխարհում, բայց ընդհանրապես դիվանագիտությամբ չզբաղվեցին։ Նրանք 300 միլիարդ դոլար ուղարկեցին Ուկրաինային, բայց ԱՄՆ նախագահ Ջո Բայդենը երբեք […] ...
12:35 09.06.2025
Հայաստանի բասկետբոլի ազգային հավաքականն ԱՄՆ-ում ուսումնամարզական հավաք է անցկացնումՀայաստանի բասկետբոլի ազգային հավաքականն ԱՄՆ-ում ուսումնամարզական հավաք է անցկացնում, որի շրջանակում երկու ընկերական խաղ է անցկացրել Կոստա Ռիկայի հավաքականի հետ: Այս մասին հայտնում են ԿԳՄՍՆ-ից։ «Թիմերի միջև առաջին հանդիպումը կայացել է Ֆրեզնոյում և ավարտվել է 86:62 հաշվով՝ հօգուտ Հայաստանի թիմի։ Երկրորդ հանդիպումը կայացել է Գլենդելում և ավարտվել է Հայաստանի հավաքականի՝ 103:90 հաշվով հաղթանակով: Երկու խաղերում […] ...
