Արգենտինահայ երգահան Ալին Դեմիրճյանը բնակություն է հաստատել Գյումրիում – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
29 07 2025
  • $
    383.77
  • RUBLE
    4.80
  • 447.36
WEATHER
+29.09 oC

Արգենտինահայ երգահան Ալին Դեմիրճյանը բնակություն է հաստատել Գյումրիում

18:45 14.01.2020

Արգենտինահայ երգչուհի Ալին Դեմիրճյանը Հայաստանում իրականացրել է «Մեկ մարզ, մեկ երգ» երաժշտական նախագիծը։ Ստեղծագործական թիմի հետ Ալինը շրջել է Հայաստանի մարզերով, Արցախով և երաժիշտների հետ ձայնագրել մեկ համատեղ երգ ու նկարահանել տեսահոլովակ, որը պատմում է տվյալ մարզի կենցաղի ու միջավայրի մասին:

Նախագիծը Հայաստանի, Արցախի և Սփյուռքի միջև մշակութային կամուրջ կարող է դառնալ: Ալին Դեմիրճյանի նախաձեռնություններն այլ ձևաչափով շարունակություն են ունենալու: Մի քանի ամիս է, ինչ Ալինը տեղափոխվել ու բնակվում է Գյումրիում:

Գյումրիի ամենահին ու ամենահայտնի վարսավիրանոցն է. այստեղ ամեն ինչ նույնն է, ինչ 80 տարի առաջ: Քաղաքի հին վարսավիրանոցում աշխատում են միայն տղամարդիկ, բայց երկու ամիս է` արդեն վարպետների գործին հետևող աղջիկ կա: Ալին Դեմիրճյանը Արգենտինայի մայրաքաղաքից եկել է Գյումրի ու վարսավիրություն է սովորում:

Բայց երաժշտությունն էր, որ Ալին Դեմիրճյանին երկու տարի առաջ կապեց հայրենիքի հետ: Հենց այստեղ էլ սկիզբ դրեց իր նախագծին, շրջեց հանրապետության ու Արցախի բնակավայրերում, բայց նախընտրեց ապրել Գյումրիում:

«Ես ծնվել ու մեծացել եմ Սփյուռքում, ու այնտեղ ճանաչում ես Գյումրին որպես երկրաշարժի քաղաք: Իմ կարծիքով` դա սխալ է, չի կարելի Գյումրին ճանաչել միայն երկրաշարժով, որովհետև այնքան հետաքրքիր է ու գեղեցիկ, որ չես կարող միայն այդպես ճանաչել»,- ասում է Ալինը:


Ալինի համար երաժշտությունը հայրենիք-Սփյուռք կապերն ամրապնդելու հրաշալի միջոց դարձավ:

«Մեկ մարզ, մեկ երգ» մշակութային նախագծի միտքը ծնվեց հենց Արցախ այցելության ժամանակ, հետո ծավալվեց ու հասավ մյուս մարզերին: Նկարահանվել է 19 տեսահոլովակ: Երաժիշտ կատարողների ու խմբերի հետ Ալինը երգել է հայտնի հայկական երգերը, ներկայացրել տվյալ մարզին բնորոշ միջավայրն ու պատմությունը:

«Շիրակի մարզի վիդեոն նկարահանեցինք «Բամբիռ» խմբի հետ, նրանց երգը Ջագի երգն էր ու միասին երգեցին: Ես ճանաչում էի «Բամբիռին», սիրում էի ու որոշեցինք հենց նրանց հետ ձայնագրել նախագծի երգերից մեկը»,- իր նախագծի մասին է պատմում Ալին Դեմիրճյանը:

Ալինը նաև հեղինակային երգերի կատարող է, կիթառն էլ՝ իր երգն ու երաժշտությունը փոխանցելու անբաժան գործիքը: Յոթ տարի աշխատել է Արգենտինայի հայկական դպրոցում, դասավանդել է հայոց լեզու և  երաժշտություն:

Իր ծննդավայր Բուենոս Այրեսում ապրող հայկական համայնքը երգն ու ազգային արժեքները պահպանելու լավագույն ջատագովներից է: Եկեղեցիներին կից հայկական դպրոցներում ազգային երգն ու երաժշտություն են սովորում: Ալինի և հազարավոր հայերի համար «Բարով եկար, սիրուն կռունկ» երգը հայրենիքի կարոտի շունչն է:

«Գալիս ես Հայաստան, որովհետև հայ ես, բայց հետո, եթե դու նորից ես վերադառնում կամ եթե երկար ես մնում կամ որոշում ես այստեղ տեղափոխվել, նշանակում է`  այստեղ լավ է, հանգիստ է, քեզ զգում ես ինչպես տանը»,- իր զգացողությունների մասին է պատմում Ալինը:


Նախագծի ընթացքում ձայնագրված երգերը Ալինը ներկայացրել է Աթենքում ու Արգենտինայի մի քանի քաղաքներում: Որպես նախագծի շարունակություն` արգենտինահայ երգչուհին նախաձեռնելու է այցելություններ աշխարհի այն երկրներ, որտեղ կան հայկական մեծ ու փոքր համայնքներ:

Նպատակ ունի ներկայացնել նրանց բնորոշ բարբառներով ազգային երգերը:

Բոլոր լուրերը

Կապակցված լուրեր

Չինաստանում տեղատարափ անձրևների հետևանքով 30 մարդ է մահացել

10:13 29.07.2025

Չինաստանում տեղատարափ անձրևների հետևանքով 30 մարդ է մահացել

Հոնկոնգի ՀՕՊ օդերևութաբանական դիտարանը երեքշաբթի օրը հայտարարել է ուժեղ անձրևի ամենաբարձր՝ «սև» նախազգուշացման մասին։ Հաղորդագրությունում նշվում է, որ ուժեղ ջրհեղեղի և եղանակային պայմանների պատճառով մարդիկ պետք է մնան անվտանգ վայրերում։ Չինաստանի կենտրոնական հեռուստատեսությունը ավելի վաղ հայտնել էր, որ Պեկինում երկարատև անձրևների պատճառով մահացել է 30 մարդ։ ...

Հարավային Կորեան աջակցում է ԱՄՆ-ԿԺԴՀ գագաթնաժողովի գաղափարին

10:00 29.07.2025

Հարավային Կորեան աջակցում է ԱՄՆ-ԿԺԴՀ գագաթնաժողովի գաղափարին

Կորեայի Հանրապետության կառավարությունը շարունակում է պաշտպանել ԿԺԴՀ-ի և ԱՄՆ-ի միջև գագաթնաժողովի անցկացումը՝ Կորեական թերակղզու տարածաշրջանում կայունություն և խաղաղություն ապահովելու նպատակով, հաղորդում է «Յոնհապ» լրատվական գործակալությունը՝ հղում անելով Կորեայի Հանրապետության միավորման նախարարության ներկայացուցչին։ «Մենք ակտիվորեն աջակցում ենք Հյուսիսի և ԱՄՆ-ի միջև գագաթնաժողովների վերսկսմանը՝ Կորեական թերակղզում խաղաղության և Հյուսիսարևելյան Ասիայի կայունության շահերից ելնելով», – ասել է հարավկորեացի […] ...

Շիրակի պարեկներն այցելել են Ամերիկյան համալսարանի Գյումրու մասնաճյուղ՝ աշակերտներին աջակցելու մասնագիտական կողմնորոշման առումով

09:55 29.07.2025

Շիրակի պարեկներն այցելել են Ամերիկյան համալսարանի Գյումրու մասնաճյուղ՝ աշակերտներին աջակցելու մասնագիտական կողմնորոշման առումով

Հուլիսի 25-ին մասնագիտական կողմնորոշման աջակցության նպատակով ՆԳՆ ոստիկանության պարեկային ծառայության Շիրակի մարզի գումարտակի ծառայողները հանդիպել են Հայաստանի Ամերիկյան համալսարանի Գյումրու մասնաճյուղի ամառային դպրոցի աշակերտներին։ Պարեկներն աշակերտներին ներկայացրել են ծառայության գործունեության հիմնական ուղղությունները, մանարամսնել՝ հասարակական կարգի պահպանման և ճանապարհային անվտանգ երթևեկություն ապահովելուն ուղղված միջոցառումները։ Բացի այդ, խոսվել է ծառայության անցնելու հնարավորությունների, ընդունելության կարգի ու պայմանների, ինչպես […] ...

Թրամփը հայտարարել է, որ Չինաստան այցելելու հրավեր է ստացել

09:50 29.07.2025

Թրամփը հայտարարել է, որ Չինաստան այցելելու հրավեր է ստացել

ԱՄՆ նախագահ Դոնալդ Թրամփը հայտարարել է, որ չի ձգտում անհապաղ հանդիպման Չինաստանի նախագահ Սի Ծինփինի հետ, բայց արդեն ստացել է Չինաստան այցելելու հրավեր։ «Կեղծ լրատվամիջոցները հաղորդում են, որ ես ձգտում եմ գագաթնաժողովի Չինաստանի նախագահ Ծինփինի հետ հանդիպելու համար։ Սա ճիշտ չէ, ես ոչինչ չեմ փնտրում», – գրել է նա Truth Social-ում։   ...

Kyodo․ Ուկրաինայի վարչապետը ցանկանում է չեղարկել օգոստոսին նախատեսված այցը Ճապոնիա

09:40 29.07.2025

Kyodo․ Ուկրաինայի վարչապետը ցանկանում է չեղարկել օգոստոսին նախատեսված այցը Ճապոնիա

Ուկրաինայի նոր վարչապետ Յուլիա Սվիրիդենկոն մտադիր է չեղարկել օգոստոսին նախատեսված իր այցը Ճապոնիա, հաղորդում է Kyodo լրատվական գործակալությունը։ Նշվում է, որ այս հարցը մշակվում է։ Ըստ Kyodo-ի՝ Սվիրիդենկոյի փոխարեն Ճապոնիա կարող են մեկնել փոխվարչապետ Տարաս Կաչկան և էկոնոմիկայի, շրջակա միջավայրի և գյուղատնտեսության նախարար Ալեքսեյ Սոբոլևը։ Այս որոշման պատճառները չեն բացահայտվել, սակայն Kyodo-ն ենթադրում է, որ […] ...

Թաիլանդը մեղադրել է Կամբոջային հրադադարի խախտման մեջ

09:30 29.07.2025

Թաիլանդը մեղադրել է Կամբոջային հրադադարի խախտման մեջ

Թաիլանդի բանակը մեղադրել է Կամբոջային հրադադարի ռեժիմը խախտելու մեջ, հաղորդում է Agence France-Presse-ը՝ հղում անելով Թաիլանդի բանակի խոսնակին։ «Զինադադարի մասին հայտարարությունից հետո հաղորդագրություններ ստացվեցին Ֆու Մակուա տարածքում կամբոջական կողմի կողմից հրահրված անկարգությունների մասին, որոնք հանգեցրին երկու կողմերի միջև փոխհրաձգության, որը շարունակվեց մինչև այսօր առավոտ», – AFP-ն մեջբերում է բանակի խոսնակ Ռիչ Սուկսուվանոնի խոսքերը։ Ավելի վաղ […] ...

BACK_TO_TOP